Video! रेल्वे रुळावर रील बनवण्याच्या नादात भयंकर अपघात, तरुणाला ट्रेनची जोरदार धडक

तेलंगणा : सध्या सोशल मीडियावर एक व्हिडिओ मोठ्या प्रमाणात व्हायरल होत आहे, ज्यामध्ये एक तरुण मुलाचा रील बनवण्याच्या नादात भयंकर अपघात झाला आहे. ही घटना तेलंगणातील हनुमाकोंडा जिल्ह्यातील काझीपेट रेल्वे स्थानकाजवळची आहे. या अपघातात अक्षय राज नावाचा मुलगा गंभीर जखमी झाला आहे.

सोशल मीडियावर व्हायरल झालेल्या या व्हिडिओमध्ये तुम्ही पाहू शकता की हा मुलगा समोरून चालत आहे आणि मागून ट्रेन येत आहे. त्यानंतर या मुलाला ट्रेनच्या इंजिनची इतकी जोरदार धडक बसली की मुलगा हवेत उडून जवळच ट्रॅकवर जोरात आदळतो आणि पडतो. वारंगल जिल्ह्यातील या मुलाचे नाव अक्षय राज असे असून त्याचे वय १७ वर्षे आहे. अपघातानंतर या मुलाला जवळच्या रुग्णालयात दाखल करण्यात आले, सध्या त्याच्यावर उपचार सुरू आहेत. सोशल मीडियावर हा व्हिडिओ मोठ्या प्रमाणात व्हायरल होत आहे.