गाझा : इस्त्रायल आणि पॅलेस्टाईन दरम्यान असलेला तणाव चिघळत चालला आहे. हमासकडून रॉकेट हल्ले सुरु असून इस्रायलकडून हवाई हल्ले करण्यात येत आहेत. दरम्यान इस्रायलच्या हवाई हल्ल्यात गाझा शहरातील एकमेव कोरोना चाचणी प्रयोगशाळा उद्धवस्त झाली आहे. या हल्ल्यात आरोग्य अधिकारी आणि कर्मचारी जखमी झाले आहेत. त्यातील काहींची प्रकृती गंभीर आहे.

इस्रायलच्या हल्ल्यात कोरोना चाचणी प्रयोग शाळा उद्धवस्त झाली आहे. गाझामधील अल-रिमल क्लिनिकच्या इमारतीचा एक भाग इस्रायलच्या हवाई हल्ल्यात कोसळला. त्याशिवाय आरोग्य मंत्रालय आणि कतारच्या रेड क्रेसेंटच्या कार्यालयाचेही नुकसान झाले आहे. आरोग्य मंत्रालयाचे प्रवक्ते अशरफ किदरा यांनी सांगितले की, इस्रायली हल्ल्यामुळे पॅलेस्टाइनच्या आरोग्य मंत्रालयाचे कामकाज प्रभावित झाले आहे. कोरोनाची महासाथ सुरू असताना कोरोना चाचणी लॅबचे नुकसान होणे हा मोठा धक्का असल्याचे त्यांनी सांगितले. या लॅबमध्ये दररोज १६०० जणांची कोरोना चाचणी करण्यात येत होती.

गाझाच्या आरोग्य मंत्रालयाने दिलेल्या माहितीनुसार, इस्रायलकडून सुरू असलेल्या हल्ल्याचा फटका सामान्य नागरिकांना मोठ्या प्रमाणावर बसत आहे. मागील आठवडाभरापासून सुरू असलेल्या इस्रायलच्या हल्ल्यात २१३ पॅलेस्टिनी नागरिक ठार झाले आहेत. यामध्ये ६१ लहान मुलांचा समावेश आहे. तर, १४०० हून अधिक जखमी झाले आहेत.

दरम्यान, अमेरिकेचे अध्यक्ष जो बायडेन यांनी इस्रायलचे पंतप्रधान बेंजामिन नेतान्याहू यांच्यासोबत दूरध्वनीवरून संवाद साधताना आपला इस्रायलला पाठिंबा असल्याचे स्पष्ट केले. हमासकडून होत असलेल्या रॉकेटच्या बेछूट माऱ्यापासून स्वत:चे संरक्षण करण्याचा इस्रायलला हक्क आहे, अशी भूमिका अमेरिकेने घेतली. तसेच, निष्पाप नागरिकांच्या संरक्षणासाठी सर्वतोपरी प्रयत्न करण्यास इस्रायलला प्रोत्साहन दिले, अशी माहिती व्हाइट हाऊसकडून देण्यात आली.

व्हाइट हाऊसच्या वतीने प्रसिद्ध केलेल्या निवेदनात स्पष्ट करण्यात आले की, जातीयवादी हिंसाचार थांबवण्यासाठी आणि जेरुसलेम येथे शांतता प्रस्थापित करण्यासाठी सुरू असलेल्या प्रयत्नांना बायडेन यांनी पाठिंबा दिला.

The President also spoke with Palestinian Authority President Abbas and conveyed a commitment to strengthening the U.S.-Palestinian partnership. They discussed a shared desire for Jerusalem to be a place of peaceful coexistence for all faiths and backgrounds.

— The White House (@WhiteHouse) May 15, 2021

The post इस्रायलच्या हवाई हल्ल्यात गाझातील एकमेव कोरोना चाचणी लॅब उद्धवस्त appeared first on थोडक्यात घडामोडी.

शेतकरी आंदोलनाच्या 67 व्या दिवशी शेतकरी नेते आणि सरकार यांच्यात पुढील बैठकीची तारीख निश्चित करण्यात आली आहे. पंतप्रधान नरेंद्र मोदी यांच्या हस्तक्षेपानंतर 2 फेब्रुवारी रोजी सरकार शेतकऱ्यांशी 13 व्या फेरीची बैठक घेणार आहे. शनिवारी झालेल्या सर्वपक्षीय बैठकीत पंतप्रधान मोदी म्हणाले कि, “सरकार शेतकऱ्यांशी बोलण्यास सदैव तत्पर आहे. 22 जानेवारी रोजी शेतकर्‍यांना दिलेला प्रस्ताव अद्याप अबाधित आहे. मी आणि कृषिमंत्री शेतकऱ्यांपासून फक्त एक फोन दूर आहोत.”

दरम्यान, गाझीपूर आणि सिंघू सीमेवर शेतकर्‍यांची संख्या सातत्याने वाढत आहे. मुजफ्फरनगरमध्ये झालेल्या महापंचायतीत गाझिपूरला जाण्याचे आवाहन झाल्यानंतर यूपी आणि हरियाणाचे शेतकरी तेथे पोहोचत आहेत. सिंघू आणि गाझीपूरच्या सीमेवर खबरदारीचा उपाय म्हणून पोलिसांनी बंदोबस्त वाढविला आहे.

शेतकरी नेते आणि भारतीय किसान युनियनचे प्रमुख राकेश टिकैत म्हणाले कि, सरकारने आमच्या लोकांना सोडून द्यावं आणि संवादासाठी व्यासपीठ तयार करावं. पंतप्रधान नरेंद्र मोदी यांच्या ‘मन की बात’ वर टिकैत म्हणाले कि, “आम्हाला पंतप्रधान मोदींचा सन्मान ठेऊन यावर उपाय पाहिजे आहे. आमचा हेतू कोठूनही सरकार आणि संसदेची मानहानी करण्याचा नाही. परंतु आम्ही आमचा सन्मानदेखील सुरक्षित ठेऊ. 26 जानेवारीची घटना एक षडयंत्र होती. लवकरच आम्ही याचा खुलासा करू. आम्ही तिरंग्याचा अपमान कधीही होऊ देणार नाही.

22 जानेवारी रोजी सरकार आणि शेतकरी नेत्यांमध्ये 12 व्या फेरीची बैठक झाली. यानंतर सरकारने म्हटले होते की नवीन कायद्यांमध्ये कोणतीही कमतरता नाही. आपण (शेतकरी नेते) एखाद्या निर्णयापर्यंत पोहोचले तर सांगा. मग आपण यावर चर्चा करू. यापूर्वी 20 जानेवारी रोजी झालेल्या बैठकीत केंद्राने दीड वर्ष नवीन कृषी कायदे लागू न करण्याचा तसेच एमएसपीवर चर्चा करण्यासाठी नवी कमिटी स्थापित करण्याचा प्रस्ताव दिला होता.

The post शेतकरी आंदोलन : पुढील बैठक 2 फेब्रुवारीला, ‘मन की बात’ वर राकेश टिकैत म्हणाले.. appeared first on थोडक्यात घडामोडी.

डॉ. शीतल आमटे यांनी विषाचे इंजेक्शन घेत आत्महत्या केली. कुष्ठरोग्यांच्या आयुष्यात आनंद पेरणाऱ्या आनंदवनमध्येच ही धक्कादायक घटना घडल्याने सामाजिक वर्तुळात खळबळ निर्माण झाली आहे. डॉ. शीतल आमटे या सध्या मानसिक ताण व नैराश्याचा सामना करीत होत्या, अशी देखील चर्चा आहे. परंतु, त्यांनी आत्महत्येच्या काही तास अगोदर ‘वॉर अँड पीस’ असं लिहीत कॅनव्हासवरील एक चित्र ट्विट केलं होतं. यातून त्यांना नेमकं काय सांगायचं होतं, याबद्दल चर्चा होत आहे.

‘War and Peace’#acrylic on canvas.
30 inches x 30 inches. pic.twitter.com/yxfFhuv89z

— Dr. Sheetal Amte-Karajgi (@AmteSheetal) November 30, 2020

The post डॉ. शीतल आमटे यांना नेमकं काय सांगायचं होतं? आत्महत्येपूर्वी त्यांनी केलेलं ट्विट चर्चेत appeared first on थोडक्यात घडामोडी.

भारत आणि अमेरिकेसोबत वाढत्या तणावाच्या पार्श्वभूमीवर चीनने आपली नवीन हायटेक शस्त्रे जगासमोर आणली आहेत. या हायटेक शस्त्रांमध्ये आर्यन मॅनसारख्या एका खास सूटने जगाचे लक्ष वेधले आहे. या सूटमुळे चिनी सैन्याला मोठा फायदा होणार आहे.

भारतीय जवानांनी पॅन्गाँग त्सो सरोवराजवळ चिनी सैन्याच्या घुसखोरीचा डाव उधळून लावला. यामुळे चीनचा घुसखोरीचा डाव जगासमोर आला. त्यातच अमेरिका आणि चीनमध्ये देखील तणाव वाढत आहे. दक्षिण चीन समु्द्रात दोन्ही देशांचे नौदल आमनेसामने उभे ठाकले आहे. अशा परिस्थितीत चीनने आपली लष्करी सज्जता दाखवण्यासाठी व्हिडिओ ट्विट केला आहे. चीनने आपल्या जवानांसाठी एक एक्सयोस्केलेटन सूट विकसित केला आहे. या सूटमुळे सैनिकांची वजन वाहून नेण्याची क्षमता ५० किलोहून ८० किलो इतकी झाली आहे. चीनचे सरकारी वृत्तपत्र पीपल्स डेलीने याबाबत एक व्हिडिओ ट्विट केला आहे.

In video: Several types of military-use high-tech equipment, including exoskeleton robots and drones and driverless car for supply delivery, were unveiled in a recent logistic support drill carried out by PLA Army Logistics University. pic.twitter.com/p1mVyjTINH

— People’s Daily, China (@PDChina) September 1, 2020

पीपल्स डेलीने म्हटले की, चीनने सप्लाय ड्रोन विकसित केला आहे. या ड्रोनच्या माध्यमातून ३० किलो वजनापर्यंतच्या वस्तू कोणत्याही भागातून कोणत्याही ठिकाणी वेळेवर नेता येऊ शकतात. तसेच चीनने ३५० किलो वजन घेऊन जाण्यास सक्षम असणाऱ्या एका ड्रायव्हर लेस कारची निर्मिती केली आहे. ही कार एका वेळेस २० किमीपर्यंतचे अंतर कापू शकते.

पेंटागॉनने आपल्या वार्षिक अहवालात म्हटले की, भारताच्या शेजारी असलेल्या तीन देशांसह जवळपास १२ देशांमध्ये आपला लष्करी तळ उभारण्याचा प्रयत्न सुरु आहे. या अहवालानुसार, पाकिस्तान, श्रीलंका आणि म्यानमार या देशांसह थायलँड, सिंगापूर, इंडोनेशिया, संयुक्त अरब अमिरात, केनिया, सेशल्स, टांझानिया, अंकोला आणि ताजिकिस्तान या देशांमध्ये चीन आपला लष्करी तळ उभारण्याचा प्रयत्न करत आहे.

दरम्यान , चीनने अणवस्त्रांचा साठा दुप्पट करण्यासाठीचे प्रयत्न सुरू केले आहेत. अमेरिकेवर हल्ला करण्यासाठी इतर देशातही चीन आपले लष्करी तळ उभारत आहे. अमेरिकेच्या संरक्षण विभागाच्या अहवालात ही बाब नमूद करण्यात आली आहे. जागतिक महासत्ता बनण्यासाठी चीनकडून ही पावले उचलली जात असल्याचे म्हटले जात आहे.

The post जागतिक महासत्ता बनण्यासाठी चीनकडून उचलली जात आहेत पावले..? appeared first on थोडक्यात घडामोडी.