मुंबई : दिशा सालियन मृत्यू प्रकरणात तिच्या वडिलांचे वकील ओझा यांनी आज पोलीस आयुक्तांची भेट घेतली. दिशाच्या मृत्यूचा पुन्हा तपास करण्याची मागणी करत तिच्या वडिलांनी मुंबई उच्च न्यायालयात याचिका दाखल केली आहे. दिशाची आत्महत्या नसून हत्या करण्यात आल्याचा आरोप दिशा सालियनच्या वडिलांनी केला आहे. वकील ओझा यांनी माध्यमांशी संवाद साधत याबाबत अनेक गंभीर आरोप आणि दावे केले आहेत.

ओझा म्हणाले कि, दिशा सालियन प्रकरणात उद्धव ठाकरे पण आरोपी आहेत. आदित्य ठाकरेंकडून घडलेल्या गुन्ह्यावर पांघरुन घालण्यासाठी उद्धव ठाकरेंनी त्यांच्या मुख्यमंत्रिपदाचा गैरवापर केला. नार्कोटिक्स कंट्रोल ब्युरोच्या तपासानुसार आदित्य ठाकरेंचा ड्रग्जच्या व्यवसायात सहभाग आहे. याचा तपशील आमच्याकडे आहे, असा गंभीर आरोप ओझांनी केला. ‘आदित्य ठाकरे, दिनो मोरिया यांचं फोनवरील संभाषण यासाठीचा पुरावा आहेत. समीर खान नावाच्या व्यक्तीची डीए ५० नावाची कंपनी आहे. त्याला ड्रग्ज सिंडिकेट प्रकरणात एनसीबीने आरोपी केलं होतं. या कंपनीशी दिनो मोरिया, सूरज पांचोली, आदित्य ठाकरे नियमित संपर्कात असतात. आदित्य ठाकरेंचा ड्रग्ज प्रकरणातील सहभाग समोर आल्यावर एनसीबी आणि समीर वानखेडेंना अटकेची कारवाई करण्यापासून कोणी रोखलं होतं? त्यासाठी किती कोटींची डील झाली होती?, असे सवाल ओझांनी विचारले.

‘दिशा सालियनचा स्टिव्ह पिंटो नावाचा एक मित्र होता. त्यानं काही ट्विट्स केले होते. ७ जून २०२० रोजी एकता कपूरच्या घरी पार्टी झाली होती. त्या पार्टीला परमवीर सिंह, सुशांत, दिशा, आदित्य ठाकरे हजर होते. तिची हत्या कशी झाली याच्या काही हिंट त्यानं दिल्या होत्या. तो स्टिव्ह पिंटो त्या दिवसापासून गायब आहे. त्यामुळे या पोस्ट कोणी लिहिल्या, स्टिव्ह पिंटो कुठे आहे. याचाही तपास व्हावा,’ अशी मागणी ओझांनी केली.

या प्रकरणात दिशाच्या कुटुंबियांना ५ वर्षांनी जाग आली का, असा सवाल करणाऱ्यांनाही ओझा यांनी प्रत्युत्तर दिलं. ‘११ डिसेंबर २०२३ रोजी सतीश सालियन यांचा जबाब एसआयटीने नोंदवला. त्यात त्यांनी केस रिओपन करण्याची आणि आरोपींवर कारवाई करण्याची मागणी केली होती. त्यामुळे आता जाग आली म्हणणाऱ्यांवरही कारवाई करण्याची मागणी आम्ही केलेली आहे,’ असं ओझा म्हणाले.

तसेच आमची तक्रार खोटी निघाली, तर आम्हाला कठोर शिक्षा द्यावी. आम्हाला फाशी दिली जावी, असंही आम्ही लिहून दिलंय. पण एफआयआर दाखल करुन तपास तर करा. त्यापासून पळ का काढताय. यात काय राजकारण सुरु आहे? छत्रपतींच्या भूमीत अत्याचार पीडित तरुणीच्या वडिलांना न्यायासाठी ५ वर्षे फिरावं लागतंय ही शरमेची बाब आहे, असं ओझा म्हणाले.

The post आदित्य ठाकरेंचा ड्रग्जच्या व्यापारात सहभाग, उद्धव ठाकरे पण आरोपी, वकील निलेश ओझांचे सनसनाटी आरोप appeared first on थोडक्यात घडामोडी.

मुंबई : शिवसेना नेत्या नीलम गोऱ्हे यांनी दिल्लीतील साहित्य संमेलनात उद्धव ठाकरे यांच्या शिवसेनेविषयी वादग्रस्त विधान केले. गोऱ्हे यांनी म्हटले की, ठाकरे यांच्या शिवसेनेत पद मिळवण्यासाठी दोन मर्सिडीज गाड्या द्याव्या लागतात. त्यांच्या या विधानामुळे राज्यातील राजकारणात मोठा गदारोळ उडाला आहे.

यावर शिवसेना ठाकरे गटाच्या उपनेत्या किशोरी पेडणेकर यांनी गोऱ्हे यांच्यावर तीव्र प्रतिक्रिया दिली. पेडणेकर म्हणाल्या, “नीलम गोऱ्हे या आरपीआय आठवले गटाच्या होत्या आणि नंतर शिवसेनेत आल्या. त्यांनी पदासाठी दोन मर्सिडीझ द्याव्या लागतात, असे आरोप केले आहेत. हे आरोप त्यांनी पुराव्यानिशी सिद्ध करून दाखवावे. अन्यथा, आम्ही ठाकरेंच्या महिला संघटनेच्या वतीने त्यांना सोडणार नाही आणि कोर्टात जाऊ,” असे त्यांनी स्पष्ट केले.

पेडणेकर यांनी नीलम गोऱ्हे यांना प्रश्न केला, “उद्धव ठाकरे यांनी तुम्हाला ४ वेळा विधानपरिषदेचे पद दिले, त्यानंतर तुम्हाला काय कमी पडले? तुम्ही तिथे गेला आहात, तर त्या ठिकाणी सुखात राहा.”

नीलम गोऱ्हे यांचे कडवट शब्द
नीलम गोऱ्हे यांनी आपल्या वादग्रस्त विधानावर प्रतिक्रियेदाखल, पेडणेकर यांना “चुगलीखोर” आणि “उधळलेली” अशी उपमा दिली. त्यांनी त्यांच्या वक्तव्याद्वारे पेडणेकरवर टीका केली, आणि त्यांना आरोप केला की, त्या उद्धव ठाकरे यांची चुगली करत होत्या आणि पक्षात काड्या घालण्याचे काम करत होत्या. गोऱ्हे यांनी याबाबत आशा मामेडी यांना जाऊन विचारण्याचा सल्ला दिला.

माणिकराव कोकाटे यांच्यावर टीका
माणिकराव कोकाटे यांना शिक्षा झाल्यानंतर राजीनामा न देण्यावर बोलताना किशोरी पेडणेकर यांनी म्हटले, “आता नैतिकतेचे काही उरलेले नाही. मविआ सरकारच्या काळात आम्ही संजय राठोड यांचा राजीनामा घेतला होता. गीता आणि संविधानावर हात ठेवून शपथ घेतो, त्याचे काही महत्व उरणार नाही. अजित पवार यांनी नैतिकतेच्या मुद्द्यावरून राजीनामा दिला होता, तर आता त्यांच्या पक्षाचे धनंजय मुंडे यांचा राजीनामा का घेतला जात नाही?” असा सवाल पेडणेकर यांनी उपस्थित केला.

The post नीलम गोऱ्हे यांच्या वादग्रस्त विधानावर उद्धव ठाकरे गटाचे तीव्र प्रत्युत्तर; ठाकरे गटाने कोर्टात जाण्याची तयारी दर्शवली appeared first on थोडक्यात घडामोडी.

मुंबई: महाराष्ट्रातील सत्तासंघर्ष आणि शिवसेनेतील फूट, यावर नवीन वाद उभा राहिला आहे. मुख्यमंत्री एकनाथ शिंदे यांनी नुकतंच एक वक्तव्य केलं, ज्यात त्यांनी स्पष्ट केलं की, “जर उद्धव ठाकरे मुख्यमंत्री झाले नसते, तर शिवसेना फुटली नसती. आम्ही काँग्रेसच्या दावणीला बांधलेला धनुष्यबाण वाचवण्यासाठी उठाव केला.” त्यांच्या या आरोपावर प्रतिक्रिया देताना, शिवसेनेचे नेते संजय राऊत यांनी एक खळबळजनक दावा केला आहे. राऊत यांनी म्हटलं की, उद्धव ठाकरे शिंदे यांना मुख्यमंत्रिपद देणार होते, परंतु त्यावेळी शरद पवार यांनी त्यांना ते करण्यापासून रोखलं. पवारांच्या भूमिकेमुळे एकनाथ शिंदे मुख्यमंत्री होण्यापासून वंचित राहिले, असं राऊत म्हणाले.

राऊत यांनी खुलासा करताना सांगितले की, भाजपने ५०-५० टक्के वचन दिलं होतं, परंतु त्यांनी ते पाळलं नाही. शरद पवार यांनी एकनाथ शिंदे यांना ‘ज्युनिअर’ म्हणून नाकारलं आणि त्यांच्या हाताखाली आम्ही काम करणार नाही, असं सांगितलं, यामुळे शिंदे यांचा मुख्यमंत्री होण्याचा मार्ग बंद झाला होता, असा राऊतांचा दावा आहे.

संजय राऊत पुढे म्हणाले की, एकनाथ शिंदेंना आत्मचिंतनाची आवश्यकता आहे. त्यांना विचार करण्याची गरज आहे की, ते जे करतात, त्यात किती सत्य आहे. शिंदे यांना मुख्यमंत्री व्हायचं होतं, परंतु मविआमधील अनेक नेत्यांनी त्यांना ‘ज्युनिअर’ म्हणून नाकारलं. यामुळे त्यांना मुख्यमंत्री होण्याची संधी मिळाली नाही. त्यांनी कधीही विरोध केला नाही, त्यांच्या निर्णयांची अंमलबजावणी केल्यावरच त्यांचा विचार केला गेला. पवारांनी शिंदे यांना ज्युनिअर म्हणून नाकारलं आणि ते मुख्यमंत्रिपदाच्या लढाईत उभे राहू शकले नाहीत. राऊत यांनी हेदेखील स्पष्ट केलं की, जर भाजपने दिलेल्या ५०-५० टक्के वचनाचा आदर केला असता, तर शिंदे निश्चितपणे मुख्यमंत्री झाले असते.

The post उद्धव ठाकरे शिंदेंना मुख्यमंत्री करणार होते, पण शरद पवारांनी अडथळा घातला; संजय राऊतांचा धक्कादायक खुलासा appeared first on थोडक्यात घडामोडी.

ठाकरे गटाच्या शिवसेनेला लागलेल्या गळतीनंतर उद्धव ठाकरे यांनी मातोश्रीवर महत्त्वाच्या नेत्यांची बैठक बोलावली होती. या बैठकीला विनायक राऊत, अंबादास दानवे, संजय राऊत, अनिल परब आणि इतर काही नेते उपस्थित होते. मात्र, भास्कर जाधव या बैठकीला उपस्थित नसल्यामुळे चर्चा सुरू झाल्या. यावर संजय राऊत यांनी स्पष्टीकरण दिलं. “भास्कर जाधव हे जेष्ठ नेते आहेत. उगाच तुम्ही इथे आले नाहीत, ते आले नाहीत, ते रुसले, ते फुगले, असं काय? एकनाथ शिंदे आहेत का?”, असा खोचक सवाल करत राऊत यांनी शिंदे गटावर टीका केली.

शिवसेनेचे नेते संजय शिरसाट यांनी राऊतांच्या टीकेला प्रत्युत्तर देताना सांगितलं, “भास्कर जाधव यांनी तुमची भूमिका आवडत नाही, हे वारंवार सांगितलं आहे. भास्कर जाधव हा रांगडा माणूस आहे, आणि शिंदे साहेबांच्या स्वभावाशी जुळणारा माणूस आहे. तुम्ही कितीही त्याची आरती ओवाळायचा प्रयत्न करा, तरी भास्कर जाधव तुमच्याबरोबर राहणार नाहीत. तो फक्त वेळेची वाट पाहात आहे,” असं शिरसाट यांनी म्हटलं.

तसेच, “भास्कर जाधव तुमच्याबरोबर राहणार नाहीत. तुम्ही कितीही तारीफ करा किंवा साहेब म्हणून काहीही करा, पण आता ते शिंदे गटातच राहणार हे जवळपास निश्चित झालं आहे,” असा दावा शिरसाट यांनी केला.

The post तुम्ही कितीही तारीफ करा… तो माणूस फक्त वेळेची वाट पाहातोय, आणखी एक नेता शिंदेंकडे येणार का? शिरसाटांचा दावा काय? appeared first on थोडक्यात घडामोडी.

महाराष्ट्र विधानसभा निवडणुकीत भाजपाच्या नेतृत्वाखालील महायुतीला ऐतिहासिक विजय मिळाला आहे. या विजयानंतर राज्यात स्थापन झालेल्या सरकारमध्ये देवेंद्र फडणवीस यांनी मुख्यमंत्री म्हणून, तर एकनाथ शिंदे आणि अजित पवार यांनी उपमुख्यमंत्री पदाची शपथ घेतली आहे. आज (रविवारी) नागपूरमध्ये मुख्यमंत्री देवेंद्र फडणवीस यांच्या नेतृत्वाखालील सरकारचा विस्तार होणार आहे. परंतु, किती मंत्र्यांचा शपथविधी होणार आणि घटक पक्षांना किती मंत्रीपदे मिळणार याबद्दल अद्याप स्पष्टता आलेली नाही.

दरम्यान, केंद्रीय गृहमंत्री आणि भाजपाचे दिग्गज नेते अमित शाह यांनी इंडिया टुडेला दिलेल्या मुलाखतीत विधानसभा निवडणुकीतील विजय आणि शिवसेनेचे नेते, उपमुख्यमंत्री एकनाथ शिंदे यांच्या नाराजीवर भाष्य केले आहे.

अमित शाह म्हणाले, “महाविकास आघाडीने लोकसभा निवडणुकीत १०५ जागा जिंकल्या होत्या, मात्र महाराष्ट्र विधानसभा निवडणुकीत महायुतीला विजय मिळाला आहे. तुमच्या विश्लेषणाचा आधार चुकीचा आहे. गेल्या निवडणुकीतदेखील नरेंद्र मोदी आणि देवेंद्र फडणवीस यांना बहुमत मिळालं होतं. शिवसेना ज्या जागांवर लढली त्या जागा आम्ही लढल्या नव्हत्या, त्यामुळे आम्ही जिंकू शकत नव्हतो. शिवसेना आमच्याबरोबर होती, त्यामुळे त्यांना बहुमत मिळालं होतं. आम्हाला संपूर्ण बहुमत मिळालं. मुख्यमंत्री बनण्याच्या लालसेपोटी उद्धव ठाकरे यांनी आमच्याशी विश्वासघात केला आणि महाराष्ट्राच्या जनतेशीही विश्वासघात केला.”

पुढे बोलताना अमित शाह म्हणाले, “उद्धव ठाकरे यांच्या नेतृत्वाखालील शिवसेनेने आमच्याबरोबर विश्वासघात केला, जनतेने ते लक्षात ठेवले. त्यानंतर अडीच वर्षांत सरकारने केलेल्या विकासकामांमुळे आणि मोदी सरकारच्या गेल्या १० वर्षांच्या सकारात्मक कामकाजाच्या जोरावर महायुतीला हा प्रचंड विजय मिळाला.”

राज्यात स्थापन झालेल्या महायुतीच्या सरकारमध्ये माजी मुख्यमंत्री एकनाथ शिंदे काहीसे नाराज असल्याची चर्चा सुरू आहे. याबाबत विचारले असता अमित शाह म्हणाले, “एकनाथ शिंदे नाराज असण्याचं काही कारण नाही. आमच्या जागा खूप जास्त आहेत. मागील वेळीही आमच्या जागा जास्त होत्या, पण आम्ही एकनाथ शिंदे यांना मुख्यमंत्री बनवले आणि अडीच वर्ष त्यांच्याबरोबर खंबीरपणे उभे राहिलो. यावेळी आम्ही सुरुवातीपासूनच सांगितले होते की, मुख्यमंत्री कोण असतील हे निवडणुकीनंतर निश्चित केले जाईल. त्यामुळे कोणीही नाराज होण्याची आवश्यकता नाही. कोणी नाराज नाही.”

मंत्रिमंडळ विस्तारास होणाऱ्या उशीराबद्दल अमित शाह म्हणाले, “आम्हाला काही अडचण येत नाही. सर्वकाही नियोजित कार्यक्रमानुसार चालू आहे. महाविकास आघाडीचे सरकार असताना जे घडत होते, त्यापेक्षा आम्ही तीन-तीन दिवस पुढे आहोत.”

The post उद्धव ठाकरे यांनी मुख्यमंत्री पदाच्या लालसेपोटी आमच्यासोबतच नाही, तर महाराष्ट्राच्या जनतेशीही विश्वासघात केला – अमित शाह appeared first on थोडक्यात घडामोडी.

शिर्डी : शिवसेना शिंदे गटाचे नेते रामदास कदम यांनी उद्धव ठाकरेंवर जहरी टीका केली आहे. मी तुम्हाला पुढचं भविष्य सांगतो, एक दिवस असा येईल की उद्धव ठाकरे रात्री दोन वाजता आपल्या फॅमिलीला घेऊन देश सोडून जातील. माझे शब्द तुमच्याकडे लिहून ठेवा. ज्यांनी बाळासाहेबांशी बेईमानी केली, शिवसेना प्रमुखांच्या पाठीत खंजीर खुपसला, त्यांनी जे पाप केलं, त्या पापाचं प्रायश्चित उद्धव ठाकरेंना भोगावच लागेल. रामदास कदम यांनी गुरुवारी सहकुटुंब साई समाधीचे दर्शन घेतले, यावेळी ते पत्रकारांशी संवाद साधताना बोलत होते.

यावेळी रामदास कदम पुढे म्हणाले, मी साईंचा भक्त आणि सेवक आहे. साईबाबा मला नेहमी बोलावतात. दोन दिवसात सरकार बनेल. साईबाबांनी महायुतीला चांगलं यश दिलंय. मुख्यमंत्री एकनाथ शिंदे यांनी अडीच वर्षात घेतलेले निर्णय जनतेपर्यंत पोहोचले. अडीच वर्षात महायुतीने ज्या पद्धतीने लोकाभिमुख निर्णय घेतले त्याच पद्धतीने भविष्यात चांगले निर्णय होऊ दे असे साकडे रामदास कदम यांनी साईबाबांना घातले. एकनाथ शिंदे यांच्या रूपाने महाराष्ट्राने १८ ते २० तास जनतेचे काम करणारा मुख्यमंत्री पाहिला. प्रधानमंत्री मोदी आणि अमित शहा यांच्या माध्यमातून महाराष्ट्राचा विकास होईल, असा विश्वास असल्याचे कदम म्हणाले.

मागच्या वेळी आमचा आकडा कमी असताना आम्हाला भाजपच्या वरिष्ठांनी संधी दिली. आता भाजपचे १३३ हून अधिक स्वतःचे आमदार, त्यामुळे आम्ही किती मागावे? काय मागावे? याचे भान ठेवलं पाहिजे. आम्हा सर्वांचीच इच्छा आहे की एकनाथ शिंदे पुन्हा मुख्यमंत्री व्हावेत. त्यांना देखील त्यांचा पक्ष चालवायचा आहे. त्यामुळे भाजपचे वरिष्ठ जो निर्णय घेतील तो आम्हाला मान्य असेल. आमच्यात कुठलेही मतभेद नसतील असे कदम यांनी स्पष्ट केले.

अपयश झाकण्यासाठी ईव्हीएमला दोष :
आपलं अपयश झाकण्यासाठी ते मशीनला दोष देताय असे म्हणत रामदास कदम यांनी विरोधकांवर टीका केली. लोकसभेत त्यांना जास्त जागा मिळाल्या. जास्त खासदार निवडून आले तेव्हा त्यांनी मशीनवर खापर नाही फोडलं. आपल्या बाजूने निकाल लागला की मशीन चांगलं आणि विरोधात निकाल लागला की मशीन वाईट.

The post एक दिवस ठाकरे कुटुंबासह देश सोडतील, शिवसेना नेत्याच्या वक्तव्याने खळबळ appeared first on थोडक्यात घडामोडी.

मुंबई : महाराष्ट्राचे माजी मुख्यमंत्री उद्धव ठाकरे यांच्या अडचणीत वाढ होत आहे. मुंबई उच्च न्यायालयाने त्यांच्याविरुद्धच्या बेहिशोबी मालमत्तेच्या खटल्याची सुनावणी करण्यास होकार दिला आहे. या प्रकरणावर ८ डिसेंबर रोजी सुनावणी होणार आहे.

मिळालेल्या माहितीनुसार, उद्धव ठाकरे कुटुंबीयांच्या बेहिशोबी मालमत्तेची सीबीआय, ईडी चौकशी करण्याची मागणी करणारी जनहित याचिका मुंबई उच्च न्यायालय 8 डिसेंबर रोजी सुनावणी घेणार आहे. याचिकेत माजी मुख्यमंत्री उद्धव ठाकरे यांच्याशिवाय त्यांच्या पत्नी रश्मी ठाकरे आणि आदित्य ठाकरे यांचीही नावे आहेत. या तिघांविरुद्ध सीबीआय आणि ईडी चौकशीची मागणी याचिकाकर्त्याने केली आहे.

काळ्या पैशाचे पांढर्‍या पैशात रूपांतर केल्याचा आरोप :
दादर येथील रहिवासी असलेल्या गौरी भिडे (३८) यांनी दाखल याचिका दाखल केली. भिडे यांनी सांगितले की, त्यांचे कुटुंब ठाकरेंप्रमाणेच मुद्रण व्यवसायात होते आणि आणीबाणीच्या काळात दिवंगत बाळ ठाकरे यांच्या साप्ताहिकाच्या पुरवणी छापल्या होत्या. ते म्हणाले की सेनेचे मुखपत्र सामना आणि मार्मिक मासिक कधीही ऑडिट ब्युरो ऑफ सर्क्युलेशनच्या ऑडिटच्या अधीन नव्हते आणि त्यांची प्रिंट ऑर्डर कोणालाही माहित नाही. त्या पुढे म्हणाल्या की, कोरोनाव्हायरस साथीच्या काळात संपूर्ण प्रिंट मीडियाला तोटा सहन करावा लागला होता, परंतु ठाकरेंच्या प्रकाशनाने 42 कोटी रुपयांची विक्रमी उलाढाल आणि 11.5 कोटी रुपयांचा विक्रमी नफा दर्शविला. काळ्या पैशाचे पांढर्‍या पैशात रूपांतर करण्याचे हे प्रकरण असल्याचा आरोप भिडे यांनी केला.

The post उद्धव ठाकरे यांच्या बेहिशेबी मालमत्तेची चौकशी करण्याची मागणी, न्यायालयाची सुनावणीस परवानगी appeared first on थोडक्यात घडामोडी.

मुंबई : पत्राचाळ घोटाळा प्रकरणी अटकेत असलेले उद्धव ठाकरे गटाचे नेते, खासदार संजय राऊत यांना अखेर जामीन मिळाला आहे. गेल्या सुनावणीवेळी मुंबई सत्र न्यायालयातील विशेष पीएमएलए कोर्टाने संजय राऊतांच्या जामीन अर्जावरी आपला निर्णय राखून ठेवला होता. यावरच आज सुनावणी झाली असून अखेर 100 दिवसांनंतर संजय राऊत यांना जामीन मंजूर झाला आहे. राऊत यांना जामीन मिळाल्यामुळे ठाकरे गटाने एकच जल्लोष केला आहे.

दरम्यान आज संध्याकाळपर्यंत ते बाहेर येण्याची शक्यता आहे. विशेष पीएमपीएल कोर्टाकडून खासदार संजय राऊत यांना जमीन मंजूर केला आहे. राऊत यांचा जामीन रद्द करण्यात यावा या मागणीसाठी ईडी उच्च न्यायालयात जाणार असल्याचं सूत्रांनी सांगितलं.

गेल्या २००६ मध्ये जॉईंट व्हेंचरअंतर्गत गुरू आशिष बिल्डरने पत्राचाळ पुनर्विकास प्रकल्प हाती घेतला. २००८ मध्ये या प्रकल्पाला सुरुवात झाली. पण, दहा वर्षानंतरही पुनर्विकास झाला नसल्याचे लक्षात आले. मूळ ६७८ रहिवाशांना वाऱ्यावर सोडून म्हाडाच्या घरांना देखील बिल्डरने चुना लावल्याची माहिती होती. या बिल्डरने म्हाडाला १ हजार ३४ कोटींचा चुना लावला होता. बिल्डरने विक्रीसाठी असलेले क्षेत्र सात त्रयस्थ विकाससकांना विकल्याचा आरोप या बिल्डरवर होता. ही गुरू आशिष कंस्ट्रक्शन कंपनीचे संचालक राकेश वाधवान आहे.

राऊत अटक आणि जामीन, कधी काय?

1. संजय राऊतांना ईडीकडून 31 जुलैला अटक
2. सुरुवातीला राऊतांची ईडी कोठडीत रवानगी
3. 8 ऑगस्टला पीएमएलए कोर्टाने न्यायालयीन कोठडी सुनावली
4. संजय राऊतांची आर्थर रोड कारागृहात रवानगी
5. 7 सप्टेंबरला पीएमएलए कोर्टात जामिनासाठी अर्ज
6. राऊतांच्या जामीन अर्जावर 2 नोव्हेंबरला सुनावणी
7. 2 नोव्हेंबरला न्यायालयाने निकाल राखून ठेवला
8. ११ नोव्हेंबरला जमीन मंजूर

संजय राऊत यांना जामीन मिळावा म्हणून अनिल देशमुख प्रकरणाचा दाखला देण्यात आला. देशमुख यांना ज्या पद्धतीने जामीन देण्यात आला. त्याच धर्तीवर राऊतांना जामीन देण्याची मागणी करण्यात आली. कोर्टाने ही मागणी मंजूर करत त्यांना 2 लाखाच्या जात मुचलक्यावर सोडण्याचे निर्देश दिले.

The post मोठी बातमी! अखेर शिवसेना नेते संजय राऊत यांना जामीन मंजूर… पण ईडी उच्च न्यायालयात जाणार appeared first on थोडक्यात घडामोडी.

मुंबई: शिवसेना पक्षप्रमुख उद्धव ठाकरेंना मोठा धक्का दिला आहे. गेल्या तीन दशकांपासून शिवसेनेची अस्मिता असलेलं धनुष्यबाण हे चिन्ह केंद्रीय निवडणूक आयोगाकडून गोठवण्यात आलं आहे. निवडणूक आयोगाने हा निर्णय देऊन  केंद्रीय निवडणूक आयोगाने तात्पुरत्या स्वरुपात हे चिन्ह गोठवलं आहे. त्यामुळे आता ठाकरे गट आणि शिंदे गट या दोघांनाही हे चिन्ह वापरता येणार नाहीये. त्यांना सोमवारपर्यंत नवीन चिन्हासाठी पर्याय देण्याची मुदत देण्यात आली आहे.

गेल्या तीन दशकांपासून जे चिन्ह शिवसेनेच्या अस्मितेशी जोडलेलं होतं, ते धनुष्यबाणाचं चिन्ह आता शिवेसेनेच्या हातातून निसटलं आहे. निवडणूक आयोगाने पोटनिवडणुकीच्या तोंडावर हा तात्पुरता निर्णय देत हे चिन्ह गोठवलं आहे. त्यामुळे दोन्ही गटांना आता हे चिन्ह वापरता येणार नाही. शिंदे आणि ठाकरे या दोन्ही गटांचा या चिन्हावर दावा असणार नाहीये. तर सोमवारपर्यंत म्हणजेच १० ऑक्टोबरपर्यंत दोन्ही गटांना नव्या चिन्हासाठी तीन पर्याय दुपारी एक वाजेपर्यंत सादर करावे लागतील.

निवडणूक आयोगाने दिलेला हा निर्णय तात्पुरत्या स्वरुपाचा असून केवळ आगामी निवडणुकांपुरता मर्यादित असेल. हा निर्णय बदलला जाऊ शकतो. पण, आता उद्धव ठाकरे हे कोणतं चिन्हं निवडणार याची उत्सुकता लागून आहे.

The post शिवसेनेला मोठा धक्का! दोन दिवसांत नव्या चिन्हासाठी पर्याय सादर करा, निवडणूक आयोगाचे आदेश appeared first on थोडक्यात घडामोडी.

मुंबई: आगामी काळात मिलिंद नार्वेकर यांच्याऐवजी रवी म्हात्रे हेच उद्धव ठाकरे यांचा ‘राईट हँड’ असतील, अशी चर्चा शिवसेनेच्या अंतर्गत वर्तुळात आहे. रवी म्हात्रे हे बाळासाहेब ठाकरे यांच्या काळापासून शिवसेनेत सक्रिय असल्याने शिवसैनिकांशी त्यांचा चांगल्याप्रकारे संपर्क आहे. रवी म्हात्रे बाळासाहेब ठाकरे यांच्या अत्यंत जवळचे होते. त्या काळात बाळासाहेबांकडून येणारे निरोप हे म्हात्रेंकडूनच यायचे. बाळासाहेब ठाकरे यांना फोन केला तर तो आधी रवी म्हात्रे घेत असत. आमदार, खासदार, शाखाप्रमुख आपल्या समस्या बाळासाहेब ठाकरे यांच्यासमोर मांडण्यासाठी रवी म्हात्रे यांच्याशी संपर्क साधायचे. याशिवाय, रवी म्हात्रे हेच बाळासाहेब ठाकरेंच्या सर्व कार्यक्रमांचे नियोजन करत असत. बाळासाहेब ठाकरे यांच्या निधनानंतर रवी म्हात्रे हे उद्धव ठाकरे यांच्यासाठीही काम करत होते. मात्र, शिंदे गटाच्या बंडानंतर आता उद्धव ठाकरे यांचे सहाय्यक म्हणून म्हात्रे प्रामुख्याने दिसत आहेत.

शिवसेना पक्षप्रमुख उद्धव ठाकरे यांच्याभोवती रवी म्हात्रे यांचा वावर होता. रवी म्हात्रे हे शिवसेनाप्रमुख बाळासाहेब ठाकरे यांच्या मर्जीतील व्यक्तींपैकी म्हणून एक ओळखले जातात. मध्यंतरीच्या काळापासून रवी म्हात्रे हे संघटनेत फारसे सक्रिय नव्हते. मात्र, एकनाथ शिंदे यांच्या बंडानंतर रवी म्हात्रे यांचा शिवसेना भवनातील वावर लक्षणीयरित्या वाढला होता. शिंदे गटातील आमदारांनी उद्धव ठाकरे यांची साथ सोडताना चौकडीचा उल्लेख केला होता. मिलिंद नार्वेकर या चौकडीतील प्रमुख सदस्य होते. मिलिंद नार्वेकर आम्हाला उद्धव ठाकरे यांच्यापर्यंत पोहोचू देत नाहीत, असे आरोप आजपर्यंत अनेकांनी केले आहेत. त्यामुळेच की काय शिंदे यांच्या बंडानंतर उद्धव ठाकरे यांच्या वर्तुळात महत्त्वाचे बदल होताना दिसत आहेत. उद्धव ठाकरे यांचे स्वीय सहाय्यक असणारे मिलिंद नार्वेकर यांची जागा आता रवी म्हात्रे यांनी घेतली आहे का, अशी चर्चा रंगू लागली आहे.

गोरेगाव येथे झालेल्या शिवसेना गटप्रमुखांच्या मेळाव्यातही उद्धव ठाकरे यांच्याभोवती हातात फाईल घेतलेले रवी म्हात्रे दिसून आले. त्यांचा शिवसेना भवनातील वावर अगोदरच वाढलेला आहे. त्यामुळे आता मिलिंद नार्वेकर यांची जागा रवी म्हात्रे यांनी घेतल्याचे बोलले जात आहे. उद्धव ठाकरे यांच्यापर्यंत पोहोचण्यासाठी आता रवी म्हात्रे हे महत्त्वाचा दुवा ठरत आहे.

The post उद्धव ठाकरेंचा स्वीय सहाय्यक बदलला? रवी म्हात्रे यांना संधी तर मिलिंद नार्वेकर आऊट? appeared first on थोडक्यात घडामोडी.