मुंबई : नगरपरिषदा आणि नगरपंचायतीच्या सार्वत्रिक निवडणुकांसाठी 2 डिसेंबर 2025 रोजी मतदान होत आहे. यापूर्वी मतदानाच्या दिवशीची जाहीर केलेली सुट्टी काही मतदारसंघात न्यायालयीन अपील दाखल झाल्यामुळे केवळ त्या मतदारसंघापुरती रद्द करण्यात आली आहे.

स्थानिक स्वराज्य संस्थेच्या निवडणुकीसाठी 2 डिसेंबर 2025 रोजी 16 जिल्ह्यांतील नगरपरिषद/नगरपंचायतीमध्ये सार्वजनिक सुट्टी रद्द करण्यात आली आहे. यात ठाणे जिल्ह्यातील अंबरनाथ, अहिल्यानगर (कोपरगाव, देवळाली प्रवरा, पाथर्डी, नेवासा), पुणे (बारामती, फुरसुंगी-उरुळी देवाची), सोलापूर (अनगर, मंगळवेढा), सातारा (महाबळेश्वर, फलटण), छत्रपती संभाजीनगर (फुलंब्री), नांदेड (मुखेड, धर्माबाद), लातूर (निलंगा, रेणापूर), हिंगोली (वसमत), अमरावती (अंजनगावसूर्जी), अकोला (बाळापूर), यवतमाळ (यवतमाळ), वाशिम (वाशिम), बुलढाणा (देऊळगावराजा), वर्धा (देवळी) आणि चंद्रपूर जिल्ह्यातील घुग्गुस यांचा समावेश आहे, असे सामान्य प्रशासन विभागाने कळविले आहे.

The post नगरपरिषद, नगरपंचायत निवडणुकीच्या काही मतदारसंघातील सार्वजनिक सुट्टी रद्द appeared first on थोडक्यात घडामोडी.

मुंबई : ठाणे ते नवी मुंबई आंतरराष्ट्रीय विमानतळ उन्नत मार्ग सिडको महामंडळामार्फत करण्यास आणि त्यासाठीच्या ६ हजार ३६३ कोटी रुपयांच्या खर्चाच्या अंमलबजावणी आज झालेल्या मंत्रिमंडळ बैठकीत मान्यता देण्यात आली. बैठकीच्या अध्यक्षस्थानी मुख्यमंत्री देवेंद्र फडणवीस होते.

ठाणे ते नवी मुंबई आंतरराष्ट्रीय विमानतळ उन्नत मार्ग या प्रकल्पाच्या अंदाजित ६ हजार ३६३ कोटी रुपयांच्या खर्चास आज मान्यता देण्यात आली. हा प्रकल्प पब्लिक प्रायव्हेट पार्टनरशिप तत्त्वावर सिडको महामंडळामार्फत करण्यात येणार आहे. सदर प्रकल्पास महत्वाकांक्षी नागरी प्रकल्प म्हणूनही घोषित करण्यास मान्यता देण्यात आली. या मार्गालगतची अतिरिक्त जमीन व्यावसायिक वापरासाठी संपादित करण्यास तसेच मार्गिकेखालील शासकीय मालकीची जमीन नाममात्र दराने सिडको महामंडळास देण्यासही मान्यता देण्यात आली.

The post ठाणे ते नवी मुंबई विमानतळ उन्नत मार्ग appeared first on थोडक्यात घडामोडी.

ठाणे : ठाणे जिल्ह्यात एका १३ वर्षीय कर्करोग पीडित मुलीवर बलात्कार करून तिला गर्भवती केल्याच्या आरोपाखाली एकाला अटक करण्यात आली आहे. पोलिसांनी शनिवारी याबाबत माहिती दिली. याप्रकरणी, पोलिसांनी २९ वर्षीय आरोपीला गुरुवारी बिहारमधून अटक केली.

पोलिसांनी दिलेल्या माहितीनुसार, पीडित मुलीचे कुटुंब आणि आरोपी बिहारमधील एकाच गावातील आहेत. ही मुलगी बिहार राज्यातून महाराष्ट्रात कॅन्सरवर उपचार घेण्यासाठी आली होती. आरोपीने दोन महिन्यांपूर्वी बदलापूरमध्ये त्यांच्यासाठी भाड्याने राहण्याची व्यवस्था केली होती. आरोपीने तिच्या उपचारात मदत केली होती. मात्र, यादरम्यान, मुलगी घरी एकटी असताना आरोपीने तिचा गैरफायदा घेतला आणि अनेक वेळा तिच्यावर लैंगिक अत्याचार केले.

मुलगी कर्करोगपीडित असल्याने मुंबईतील एका रुग्णालयात केमोथेरपी घेत होती. दरम्यान, नियमित तपासणीत ती गर्भवती असल्याचे आढळून आले. त्यानंतर पीडित मुलीच्या कुटुंबियांनी बदलापूर पूर्व पोलीस स्टेशनमध्ये तक्रार दाखल केली. त्यानंतर, लैंगिक गुन्ह्यांपासून मुलांचे संरक्षण (POCSO) कायदा आणि भारतीय न्याय संहिताच्या तरतुदींनुसार गुन्हा दाखल करण्यात आला आणि पोलिसांनी आरोपीला बेड्या ठोकल्या. आरोपीला न्यायालयीन कोठडीत पाठवण्यात आले असून पुढील तपास सुरू आहे.

The post ठाणे हादरलं! १३ वर्षीय कर्करोग पीडित मुलीवर बलात्कार करून केले गर्भवती, आरोपीला अटक appeared first on थोडक्यात घडामोडी.

ठाणे : ठाणे जिल्ह्यात लोकल ट्रेनच्या महिला डब्यात एका अज्ञात महिला प्रवाशाच्या मोबाईलचा स्फोट झाल्याची घटना घडली आहे. एका नागरी अधिकाऱ्याने याबाबतची माहिती दिली आहे. सुदैवाने या घटनेत कुठल्याही प्रकारची जीवितहानी झालेली नाही. मात्र, यामुळे लोकलमधील प्रवाशांमध्ये गोंधळ उडाला होता.

सोमवारी (१० फेब्रुवारी) रात्री ८ वाजून १२ मिनिटांनी कळवा स्थानकावर सीएसएमटी-कल्याण उपनगरीय ट्रेनमध्ये झालेल्या या घटनेत कोणीही जखमी झालेलं नाही, असे ठाणे महापालिकेच्या आपत्ती व्यवस्थापन कक्षाचे प्रमुख यासिन तडवी यांनी पीटीआयला सांगितले. छत्रपती शिवाजी महाराज टर्मिनस (CSMT) रेल्वे नियंत्रण कक्षाकडून मिळालेल्या वृत्तानुसार, या घटनेत कोणीही जखमी झाले नाही. मोबाईल फोन स्फोट झाल्यामुळे लोकलमध्ये धुराचे लोट पसरले होते आणि परिस्थिती नियंत्रणात आणण्यासाठी रेल्वे कर्मचाऱ्यांनी अग्निशामक साधनांचा वापर केला.

याबाबत प्रत्यक्षदर्शींनी सांगितले की, एक छोटासा स्फोट ऐकू आला, ज्यामुळे डब्यात धूर पसरला, त्यानंतर अनेक प्रवाशांनी दरवाजाकडे जाण्यासाठी धाव घेतली. यामुळे काही काळ लोकलच्या डब्यात गोंधळाचे वातावरण पसरले होते. रेल्वे पोलिसांनी प्रवाशांना सुखरूप बाहेर काढले. ज्या प्रवाशी महिलेच्या मोबाईलचा स्फोट झाला तिची ओळख अद्याप पटलेली नाही. या घटनेचा तपास सुरू आहे.

The post ठाणे : लोकल ट्रेनमध्ये महिलेच्या मोबाईलचा स्फोट appeared first on थोडक्यात घडामोडी.

ठाणे : शास्त्रीय गायक आणि हार्मोनियम वादक पंडित संजय राम मराठे यांचे १६ डिसेंबर २०२४ रोजी निधन झाले. ते ६८ वर्षांचे होते. सोमवारी त्यांच्या कुटुंबीयांनी याबाबत माहिती दिली. त्यांच्या कुटुंबीयांनी सांगितले की, त्यांना हृदयविकाराचा तीव्र झटका आला होता आणि त्यांना ठाण्यातील खासगी रुग्णालयात दाखल करण्यात आले होते. मात्र, रविवारी रात्री त्यांचे निधन झाले. प्रसिद्ध संगीतकार पंडित राम मराठे यांचे ते ज्येष्ठ पुत्र होते.

पंडित संजय मराठे यांनी भारतीय शास्त्रीय संगीत आणि रंगभूमीवर महत्वाचा ठसा उमटवला. त्यांनी हार्मोनियम वादन आणि गायनात प्राविण्य मिळवले होते. यावर्षी त्यांच्या वडिलांच्या शंभराव्या जयंतीनिमित्त आयोजित कार्यक्रमांमध्ये त्यांनी सक्रिय सहभाग घेतला होता. पंडित संजय मराठे यांनी त्यांचे धाकटे बंधू मुकुंद मराठे यांच्या मदतीने त्यांच्या वडिलांच्या शंभरव्या जयंतीनिमित्त प्रसिद्ध मराठी संगीत नाटक ‘संगीत मंदारमाला’ पुन्हा सादर केले. पारंपारिक मराठी संगीत नाटकाचे मर्म जपत नाविन्यपूर्ण प्रयोगांसाठी या निर्मितीला सर्वत्र कौतुक मिळाले. या प्रयोगाला अत्यंत सकारात्मक प्रतिसाद मिळाला होता.

पंडित संजय मराठे यांच्या पश्चात पत्नी, एक मुलगा आणि नात असा परिवार आहे.

The post गायक आणि संगीतकार पंडित संजय राम मराठे यांचे निधन, ६८ व्या वर्षी घेतला अखेरचा श्वास appeared first on थोडक्यात घडामोडी.

मुंबई : ठाणे येथील महत्वाकांक्षी नागरी पुनर्निर्माण कार्यक्रमांतर्गत क्लस्टर योजनेची अंमलबजावणी करणाऱ्या महाप्रित या कंपनीस ५ हजार कोटी इतका निधी गुंतवणूकदारांकडून इक्वीटी व कर्जरोख्याच्या स्वरुपात उभारण्यास मंत्रिमंडळ बैठकीत मान्यता देण्यात आली. बैठकीच्या अध्यक्षस्थानी मुख्यमंत्री एकनाथ शिंदे होते.

या योजनेत ६ हजार ४९ कोटी इतका खर्च अपेक्षित असून टेकडी बंगला, हजुरी व किसन नगर भागात क्लस्टर गृहनिर्माण प्रकल्प राबविण्यात येईल. त्याचप्रमाणे भिवंडीतील चाविंद्रे, पोगाव येथे प्रधानमंत्री आवास योजनेंतर्गत सदनिका, चंद्रपूर महापालिकेअंतर्गत म्हाडाच्या कोसरा येथे सदनिका, यवतमाळ व वडगाव येथील सदनिका, ठाणे, नागपूर व पुणे महापालिकेत अक्षय ऊर्जा खर्च बजेट मॉडेलवर आधारित प्रकल्प, मुंबई महानगरात ईव्ही पार्क, मेडीसिटी, मॅनग्रोव्ह पार्क, केमिकल हब, डिजिटल युनिव्हर्सिटी हे प्रकल्प देखील राबविण्यात येतील. या सर्व प्रकल्पांना मिळून १० हजार कोटी रुपये लागतील.

The post ठाणे येथील क्लस्टर योजनेसाठी महाप्रित ५ हजार कोटी उभारणार appeared first on थोडक्यात घडामोडी.

ठाणे : ठाणे शहरातील एका विहिरीत बुधवारी सकाळी एका अनोळखी व्यक्तीचा मृतदेह आढळून आला. ही आत्महत्या असल्याची शक्यता वर्तवण्यात आली असून या प्रकरणाचा अजून तपास सुरू आहे.

अहवालानुसार, ठाणे महापालिकेतील आपत्ती व्यवस्थापन कक्षाचे प्रमुख यासिन तडवी यांनी सांगितले की, कापूरबावडी परिसरातील शिवमंदिर परिसरात एका व्यक्तीचा मृतदेह दिसल्याची माहिती त्यांना पहाटे ४:५७ वाजता मिळाली.

घटनेची माहिती मिळताच स्थानिक अग्निशमन दल आणि आपत्ती व्यवस्थापन पथक घटनास्थळी दाखल झाले. त्यानंतर अंदाजे ४५ ते ५० वय असलेल्या माणसाचा मृतदेह बाहेर काढण्यात त्यांना यश मिळाले, असे अहवालात नमूद करण्यात आले आहे. मिळालेल्या माहितीनुसार मृतदेह शवविच्छेदनासाठी सरकारी रुग्णालयात पाठवण्यात आला आहे.

The post ठाणे शहरातील एका विहिरीत आढळला अनोळखी व्यक्तीचा मृतदेह appeared first on थोडक्यात घडामोडी.

ठाणे : ठाणे जिल्ह्यातील अंबरनाथ तालुक्यातील मलंग किल्ल्याच्या पायथ्याशी सुमारे २५ वर्षे वयाच्या एका तरुणीचा मृतदेह आढळला आहे. हिल लाइन पोलिस ठाण्याच्या अधिकाऱ्याने सांगितले की, शुक्रवारी संध्याकाळी 6 वाजण्याच्या सुमारास गळा चिरलेल्या अवस्थेतील एक मृतदेह झुडपात नाल्याजवळ आढळून आला.

दरम्यान, काही वाटसरूंनी हा मृतदेह पाहिला, त्यानंतर त्यांनी तात्काळ पोलिसांना याबाबत माहिती दिली. मृत तरुणीची ओळख अद्याप पटलेली नाही. ती अंदाजे 25 ते 30 वर्षे वयोगटातील असल्याचे पोलीस अधिकाऱ्याने सांगितले. पोलिसांनी खुनाचा गुन्हा दाखल केला असून पुढील तपास सुरू आहे.

The post ठाणे : मलंग किल्ल्याच्या पायथ्याशी आढळला तरुणीचा मृतदेह appeared first on थोडक्यात घडामोडी.

ठाणे : मोटारसायकल खांबावर आदळल्याने झालेल्या अपघातात एका 30 वर्षीय व्यक्तीचा मृत्यू झाला आहे. ठाणे शहरातील घोडबंदर रोडवर आज पहाटेच्या सुमारास हा भीषण अपघात घडला. मोटारसायकलस्वाराचे वाहनावरील नियंत्रण सुटल्याने ती खांबाला आदळली आणि दुचाकीने पेट घेतला. मीरा रोड भागातील ही व्यक्ती आपल्या मोटारसायकलवरून घोडबंदर रोडवरून ठाण्याच्या दिशेने जात असताना मेट्रो मार्गाच्या एका खांबावर आदळून हा अपघात झाला.

अपघाताची माहिती मिळताच पोलिसांनी घटनास्थळी धाव घेतली. त्यानंतर त्यांनी अपघातग्रस्त व्यक्तीचा मृतदेह शवविच्छेदनासाठी पाठविण्याच्या हालचाली सुरू केल्या. मृत व्यक्तीची ओळख अद्याप पटलेली नाही. ठाणे महापालिकेच्या आपत्ती व्यवस्थापन कक्षाचे प्रमुख यासिन तडवी यांनी सांगितले की, पहाटे 5.30 च्या सुमारास अपघाताबाबत अधिकाऱ्यांना सूचना देण्यात आली. ते म्हणाले कि, “धडकेमुळे मोटारसायकलला आग लागली आणि ती पूर्णपणे जळून खाक झाली.”

दरम्यान, माहिती मिळताच स्थानिक अग्निशमन दलाचे कर्मचारी आणि आपत्ती व्यवस्थापन कक्षाच्या सदस्यांनी घटनास्थळी धाव घेत आग विझवली. मृतदेह पोस्टमॉर्टमसाठी सरकारी रुग्णालयात पाठवण्यात आला.

The post ठाणे : खांबावर आदळल्यानंतर मोटारसायकलने घेतला पेट, 30 वर्षीय तरुणाचा दुर्दैवी मृत्यू appeared first on थोडक्यात घडामोडी.

ठाणे : ठाणे शहरातील तलावात एका अनोळखी महिलेचा मृतदेह तरंगताना आढळून आला आहे. मृत महिलेचे वय अंदाजे 50 वर्षे असल्याची माहिती मिळाली आहे. या महिलेचा मृतदेह शवविच्छेदनासाठी सरकारी रुग्णालयात पाठवण्यात आला होता. याप्रकरणी अपघाती मृत्यूची नोंद करण्यात आली आहे.

आरडीएमसी प्रमुख अविनाश सावंत म्हणाले कि, सकाळी 10 च्या सुमारास प्रादेशिक आपत्ती व्यवस्थापन कक्षाला (आरडीएमसी) एक फोन आला आणि या मृतदेहाविषयी माहिती दिली. त्यानंतर नौपाडा पोलीस स्टेशन तसेच आरडीएमसीचे अग्निशमन दल आणि कर्मचारी यांचे पथक घटनास्थळी दाखल झाले आणि त्यांनी मृतदेह बाहेर काढला. मखमली तलाव येथे मृतदेह सापडला, असे त्यांनी सांगितले.

The post ठाण्यातील तलावात अज्ञात महिलेचा मृतदेह तरंगताना आढळल्याने खळबळ appeared first on थोडक्यात घडामोडी.