जम्मू-काश्मीर : जम्मू-काश्मीरमधील पहलगाम येथे झालेल्या दहशतवादी हल्ल्यात २६ निरपराध नागरिकांचा मृत्यू झाला आहे. यामध्ये महाराष्ट्रातील ६ पर्यटकांचा समावेश आहे. या हल्ल्यात मृत्युमुखी पडलेल्यांच्या कुटुंबावर दु:खाचा डोंगर कोसळला आहे. या पार्श्वभूमीवर सदर कुटुंबांना आर्थिक मदत करण्याचा निर्णय राज्य सरकारने घेतला असून पीडित कुटुंबांना प्रत्येकी ५० लाख रुपयांची मदत करण्यात येणार आहे. याबाबतचा निर्णय आज झालेल्या राज्य मंत्रिमंडळाच्या बैठकीत घेण्यात आला आहे.

या दहशतवादी हल्ल्याने देशभरात संताप व्यक्त केला आहे. आतंकवाद्यांनी धर्म विचारून निष्पाप नागरिकांवर गोळीबार करत त्यांचे प्राण घेतले. महाराष्ट्राचे मुख्यमंत्री देवेंद्र फडणवीस यांनी मृतांच्या कुटुंबीयांची भेट घेत त्यांना सांत्वन दिले. त्यांनी कुटुंबांना आर्थिक मदतीसह सरकारी नोकऱ्याबाबत आश्वासन दिले होते. मुख्यमंत्र्यांच्या आश्वासनानुसार राज्य मंत्रिमंडळाने आज आणखी एक महत्त्वाचा निर्णय घेतला आहे. मृत संतोष जगदाळे यांच्या मुलीला सरकारी नोकरी देण्याचा निर्णय घेण्यात आला आहे. पहलगाममधील या हल्ल्याने संपूर्ण देशाला धक्का दिला आहे आणि मृतांच्या कुटुंबीयांना या कठीण काळात दिलासा देण्यासाठी सरकार विविध उपाययोजना करत आहे.

The post पहलगाम दहशतवादी हल्ल्यातील मृतांच्या कुटुंबीयांना ५० लाख रुपयांची मदत, मंत्रिमंडळ बैठकीत निर्णय appeared first on थोडक्यात घडामोडी.

जम्मू आणि काश्मीर : जम्मू आणि काश्मीरमधील पहलगाम येथील बैसरन पर्वताच्या शिखरावर पर्यटकांच्या एका गटावर दहशतवादी हल्ला झाल्याची धक्कादायक घटना घडली आहे. प्रारंभिक माहितीनुसार, ट्रेकिंग ट्रिपसाठी गेलेल्या पर्यटकांवर अज्ञात बंदूकधाऱ्यांनी गोळीबार केला. या हल्ल्यात काही पर्यटक जखमी झाल्याची माहिती मिळाली आहे. जखमींमध्ये काही स्थानिक लोक आहेत आणि तीन पर्यटक आहेत.

हा हल्ला आज सकाळी सुमारे ८:३० वाजता बैसरन पर्वताच्या उंचावर स्थित ट्रेकिंग मार्गावर घडला. पर्यटक गट स्थानिक ट्रेकिंग मार्गावर चालत होते, त्याचवेळी अचानक अज्ञात दहशतवाद्यांनी गोळीबार सुरू केला. घटनेची माहिती मिळताच पोलिसांचे पथक आणि सुरक्षा दल घटनास्थळी दाखल झाले. जवानांनी जखमींना तातडीने सुरक्षित ठिकाणी हलवले आणि पुढील तपास सुरू केला. सुरक्षा दलांनी घटनास्थळावर सर्च ऑपरेशनही सुरू केले आहे.

या हल्ल्यात जखमी झालेल्या पर्यटकांना तातडीने जवळच्या रुग्णालयात दाखल करण्यात आले आहे. काही जणांची स्थिती गंभीर असल्याची माहिती आहे. रुग्णालयात उपचार सुरू आहेत आणि त्यांना अधिक मदत मिळवण्यासाठी स्थानिक प्रशासनाने योग्य ती पावले उचलली आहेत. अधिकाऱ्यांच्या मते, या भागात फक्त पायी किंवा घोड्यावरून जाता येते.

सध्या हल्ल्याचे कारण अस्पष्ट असून, सुरक्षादलांकडून याबाबत अधिक माहिती गोळा केली जात आहे. तथापि, काही सूत्रांनुसार, हा हल्ला दहशतवादी कारवाई असू शकतो.

The post जम्मू-काश्मीरमधील पहलगाममध्ये पर्यटकांवर गोळीबार, ६ जण जखमी appeared first on थोडक्यात घडामोडी.

श्रीनगर : जम्मू-काश्मीरमधील श्रीनगरमध्ये सोमवारी संध्याकाळी दहशतवाद्यांनी पोलीस दलावर हल्ला केला. श्रीनगरच्या जेवान भागात गोळीबाराचे आवाज ऐकू आले. सूत्रांनी दिलेल्या माहितीनुसार, दहशतवाद्यांनी पोलिसांच्या बसवर गोळीबार केला. सध्या 14 जवान जखमी झाल्याची माहिती आहे, त्यापैकी 3 जणांची प्रकृती चिंताजनक आहे.

मिळालेल्या माहितीनुसार, भारतीय राखीव पोलिसांच्या (IRP) 9व्या बटालियनची गाडी श्रीनगरमधील जेवानमधील पंथा चौक-खोनमोह रस्त्यावरून जात होती. दहशतवाद्यांनी या गाडीवर अंदाधुंद गोळीबार सुरू केला.

#Terrorists fired upon a police vehicle near Zewan in Pantha Chowk area of #Srinagar. 14 personnel #injured in the attack. All the injured personnel evacuated to hospital. Area cordoned off. Further details shall follow. @JmuKmrPolice

— Kashmir Zone Police (@KashmirPolice) December 13, 2021

The post श्रीनगरमध्ये पोलिस बसवर दहशतवाद्यांचा अंदाधुंद गोळीबार, 14 जखमी, 3 गंभीर appeared first on थोडक्यात घडामोडी.

जम्मू काश्मीर : जम्मू काश्मीरच्या पुलवामा जिल्ह्यात हरिपरीगाम येथे दहशतवाद्यांनी घरात घुसून एका माजी विशेष पोलीस अधिकारी (SPO) आणि त्यांच्या पत्नीची हत्या केली. फय्याज अहमद यांच्यासहीत त्यांच्या पत्नीची दहशतवाद्यांनी गोळ्या घालून हत्या केली. या हल्ल्यात त्यांची अल्पवयीन मुलगी देखील गंभीर जखमी झाली होती. तिचादेखील उपचार सुरू असताना मृत्यू झाला. रविवारी रात्री ही खळबळजनक घटना घडली आहे. या घटनेनंतर दहशतवाद्यांना पकडण्यासाठी सर्च ऑपरेशन सुरू करण्यात आलं आहे. सुरक्षा दलानं संपूर्ण परिसराला घेराव घातला आहे.

पोलिसांनी दिलेल्या माहितीनुसार, माजी विशेष पोलीस अधिकारी फय्याज अहमद यांच्या घरावर दहशतवाद्यांनी रात्रीच्या वेळी हल्ला केला. दहशतवाद्यांनी थेट घरात घुसून अंदाधुंद गोळीबार करत त्यांची हत्या केली. रात्री ११.०० वाजल्याच्या सुमारास पुलवामाच्या अवंतीपोरा भागातील इरिपरिगाम भागात ही घटना घडली. या घटनेत फय्याज अहमद यांचा जागीच मृत्यू झाला. तर गंभीर झालेल्या त्यांच्या पत्नीचा उपचार सुरू असताना मृत्यू झाला. त्यांची गंभीर जखमी झालेली मुलगी राफिया हिनेदेखील काही तासांतच अखेरचा श्वास घेतला.

याआधी रविवारी पहाटे जम्मूतील हवाई दलाच्या तळावर दहशतवाद्यांकडून बॉम्ब हल्ला करण्यात आला होता. जम्मूत हवाई दलाच्या तळावर ड्रोनने हल्ला करण्यात आला असून हे ड्रोन पाकिस्तानातून आल्याचं गुप्तचर संस्थांनी सांगितलं आहे. देशात भारतीय सैन्यावर ड्रोनद्वारे हल्ला होण्याची ही पहिलीच घटना आहे.

The post दहशतवाद्यांचा माजी पोलीस अधिकाऱ्याच्या घरात घुसून केला अंदाधुंद गोळीबार… तीन जणांचा मृत्यू appeared first on थोडक्यात घडामोडी.

श्रीनगर : जम्मू काश्मीरमधील भाजपचे नगरसेवक राकेश पंडिता यांची दहशतवाद्यांनी गोळ्या झाडून हत्या केली. ते पुलवामा जिल्ह्यातील त्रालचे नगरसेवक होते. सुरक्षेशिवाय घरबाहेर न पडण्याचा इशारा पोलिसांनी त्यांना दिला होता. परंतु बुधवारी (2 जून) संध्याकाळी ते शेजाऱ्यांच्या घरात असतानाच दहशतवाद्यांनी त्यांना लक्ष्य केलं. या घटनेनंतर जम्मू काश्मीरचे उपराज्यपाल मनोज सिन्हा यांनी दु:ख व्यक्त करत दहशतवादी हल्ल्याचा निषेध केला आहे.

मिळालेल्या माहिती नुसार, भाजप नेते राकेश पंडिता जम्मू-काश्मीरमध्ये भाजपचा जनाधार वाढवण्याचा काम करत होते. पक्षात तरुणांना सामील करुन घेण्यात त्यांची महत्त्वाची भूमिका होती. मिळालेल्या माहितीनुसार भाजप नेते राकेश पंडिता हे मुलगा ब्रज नाथसोबत काही कामाच्या निमित्ताने शेजारी राहणाऱ्या मुश्ताक अहमद यांच्या घरी गेले होते. त्याचवेळी दहशतवाद्यांनी त्यांच्यावर हल्ला केला. दहशतवाद्यांनी राकेश पंडिता यांच्यावर घरात घुसून गोळीबार केला. या घटनेत आसिफा मुश्ताक या तरुणीलाही गोळ्या लागली. आसिफा ही मुश्ताक अहमद यांची मुलगी आहे. दोघांना गंभीर अवस्थेत उपचारांसाठी रुग्णालयात नेण्यात आलं. परंतु उपचारादरम्यान राकेश पंडिता यांचा मृत्यू झाला. हल्ल्याची माहिती मिळताच पोलिसांचं पथक सैन्यासह घटनास्थळी दाखल झालं आणि संपूर्ण परिसराला वेढा दिला. शोधमोहीम सुरु करण्यात आली परंतु हल्लेखोर दहशतवाद्यांचा कोणताही पुरावा सापडला नाही. राकेश पंडिता हे या परिसरातील भाजपचे मोठे नेते होते.

जम्मू-काश्मीरच्या माजी मुख्यमंत्री मेहबुबा मुफ्ती यांनी राकेश पंडित यांच्या मृत्यूच्या वृत्तावर प्रतिक्रिया व्यक्त केली. त्या म्हणाल्या कि, भाजप नेते राकेश पंडित यांना अतिरेक्यांनी गोळ्या घातल्याची बातमी ऐकून धक्का बसला. हिंसाचाराच्या या मूर्खपणाच्या कृत्यामुळे जम्मू-काश्मीरचे दुःखच वाढले आहे. मी त्यांच्या कुटूंबियांबद्दल संवेदना व्यक्त करते. त्यांच्या आत्म्यास शांती लाभो.

Shocked to hear that BJP leader Rakesh Pandit has been shot dead by militants. These senseless acts of violence have brought only misery to J&K. My condolences to the family & may his soul rest in peace.

— Mehbooba Mufti (@MehboobaMufti) June 2, 2021

The post भाजप नगरसेवकाची दहशतवाद्यांकडून घरात घुसून हत्या, माजी मुख्यमंत्र्यांकडून दु:ख व्यक्त appeared first on थोडक्यात घडामोडी.

भारतातील पुलवामा येथे झालेल्या दहशतवादी हल्ल्याची पाकिस्तानने कबुली दिली आहे. पाकिस्तानने यापूर्वी दहशतवादी हल्ल्यात आपला सहभगा नसल्याचं सांगितलं होतं पण आता त्यांनी कबुली दिल्यावर त्यांचा चेहरा सर्वांसमोर उघडा पडला आहे.

सरदार वल्लभभाई पटेल यांच्या १४५व्या जयंतीनिमित्त राष्ट्रीय एकता दिवस साजरा होत आहे. पंतप्रधान नरेंद्र मोदी यांनी केवडिया येथे ‘स्टॅच्यू ऑफ युनिटी’ जवळ सरदार वल्लभभाई पटेल यांच्या प्रतिमेला पुष्पांजली वाहिली. यानंतर पंतप्रधान नरेंद्र मोदी यांनी संबोधित केलं. पाकिस्तानने दिलेल्या कबुलीवर पंतप्रधान नरेंद्र मोदी यांनी भाष्य करत विरोधकांचाही समाचार घेतला आहे.

पंतप्रधान मोदी म्हणाले कि, “पुलवामा हल्ला झाल्यावर काही लोक या दु:खात सहभागी नव्हते तर यामध्येही आपला राजकीय स्वार्थ पाहत होते. त्यावेळी कशा प्रकारची चर्चा होत होती, कसे-कसे वक्तव्य करण्यात आले हे देश विसरू शकत नाही. त्यावेळी स्वार्थ आणि अहंकाराने भरलेलं राजकारण मोठ्या प्रमाणात सुरू होतं.”

आम्ही वीर जवानांकडे पाहून विरोधकांचे सर्व आरोप शांतपणे ऐकले. पण गेल्या काही दिवसांत शेजारील देशांतून जे वृत्त आले, त्यांनी त्यांच्या संसदेत हल्ल्याची कबुली दिली आहे, त्यामुळे या सर्वांचे खरे चेहरे समोर आले आहेत. आपल्या स्वार्थासाठी आणि राजकीय स्वार्थासाठी हे लोक कुठल्या थरावर जाऊ शकतात हे पुलवामा हल्ल्यानंतर घडलेल्या प्रकारावरुन दिसून येतं, असंही पंतप्रधान मोदी म्हणाले.

मी या राजकीय पक्षांना आग्रह करतो की, देशाच्या सुरक्षेच्या हितासाठी, सुरक्षा दलाच्या मनोबलासाठी कृपया असे राजकारण करू नका, अशा गोष्टी करणं टाळा. आपल्याला नेहमीच लक्षात ठेवले पाहिजे की देशहित हे आपल्या सर्वांसाठी सर्वोच्च हित आहे, असं मत पंतप्रधानांनी व्यक्त केलं.

The post पुलवामा दहशतवादी हल्ल्याची पाकिस्तानने कबुली दिली, पंतप्रधान मोदींची प्रतिक्रिया.. appeared first on थोडक्यात घडामोडी.

जम्मू-काश्मीर :  कुलगाम येथे दहशतवाद्यांनी तीन स्थानिक भाजप कार्यकर्त्यांवर अंदाधुंद गोळ्या झाडल्या. या घटनेला कुलगाम पोलिसांनी दुजोरा देत माहिती दिली आहे की, पीडितांमध्ये फिदा हुसैन यातू, उमर रमजान हाजम आणि उमर राशिद बैग या तिघांचा समावेश आहे.

गुरुवारी रात्री आठ वाजता भाजपच्या या तीन नेत्यांवर दहशतवादी हल्ला झाल्याची माहिती कुलगाम पोलिसांना मिळाली. त्यानंतर तेथून पसार झाले. गंभीर जखमी झालेल्या या तिन्ही भाजपच्या कार्यकर्त्यांना उपचारासाठी जवळील रुग्णालयात दाखल करण्यात आले असता डॉक्टरांनी त्यांना मृत घोषित केले. या घटनेनंतर पोलिसांनी आसपासच्या परिसरात सर्च ऑपरेशन सुरू केले आहे.

पोलिस म्हटले की, प्राथमिक तपासात असे आढळून आले आहे की, दहशतवाद्यांनी भारतीय जनता पक्षाच्या तीन कार्यकर्त्यांवर गोळीबार केला. यामध्ये भारतीय जनता पक्षाचे जिल्हा युवा सरचिटणीस फिदा हुसैन यातू, भाजप कार्यकर्ता उमर राशिद बैग आणि उमर रमजान हाजम या तिघांवर दहशतवाद्यांनी गोळ्या झाडल्या. हे तिघेही वाईकेपूरा येथील निवासी होते.

दरम्यान, पंतप्रधान मोदी यांनी भाजप कार्यकर्त्यांवर झालेल्या हल्ल्याचा ट्विट करून निषेध केला आहे.

I condemn the killing of 3 of our young Karyakartas. They were bright youngsters doing excellent work in J&K. My thoughts are with their families in this time of grief. May their souls rest in peace. https://t.co/uSfsUP3n3W

— Narendra Modi (@narendramodi) October 29, 2020

The post दहशतवादी हल्ला : भाजपच्या ३ कार्यकर्त्यांची दहशतवाद्यांकडून हत्या, पंतप्रधानांकडून निषेध व्यक्त appeared first on थोडक्यात घडामोडी.