67 व्या राष्ट्रीय चित्रपट पुरस्कारांची (67th National Film Awards) घोषणा आज राष्ट्रीय मीडिया सेंटरमध्ये करण्यात आली. यावर्षी सर्वोत्कृष्ट फिचर चित्रपटाचा पुरस्कार (हिंदी) सुशांतसिंग राजपूतच्या ‘छ‍िछोरे’ या चित्रपटाला मिळाला आहे. दिग्दर्शक नितेश तिवारी यांच्या या चित्रपटाला प्रेक्षकांचे खूप प्रेम मिळाले.

मणिकर्णिका आणि पंगासाठी सर्वोत्कृष्ट अभिनेत्रीचा पुरस्कार कंगना रनौतने जिंकला. तिच्या अभिनय कारकिर्दीतील हा चौथा राष्ट्रीय पुरस्कार आहे. कोरोना संसर्गामुळे या पुरस्कारांची घोषणा १ वर्ष उशिराने होत आहे. हा पुरस्कार सोहळा राष्ट्रीय मीडिया सेंटर येथे आयोजित करण्यात आला. केंद्रीय माहिती व प्रसारण मंत्री प्रकाश जावडेकर यांनी पुरस्कारांची घोषणा केली.

The post ब्रेकिंग : सुशांतचा ‘छ‍िछोरे’ सर्वोत्कृष्ट हिंदी चित्रपट, 67 व्या राष्ट्रीय चित्रपट पुरस्कारांची घोषणा appeared first on थोडक्यात घडामोडी.

अभिनेता सुशांत सिंग राजपूतच्या मृत्यूला आता ६ महिने होऊन गेले आहेत. परंतु, अजूनही चाहते सुशांतला विसरलेले नाहीत. अंकिता लोखंडेने देखील सुशांत विषयीच्या भावना व्यक्त केल्या आहेत.

‘झी रिश्ते अवॉर्ड’ मध्ये अंकिताने तसेच उषा नाडकर्णी यांनी परफॉर्मन्स दिला आणि सुशांतची आठवण काढली. यावेळी अंकिता म्हणाली कि, कधीच विचार केला नव्हता कि, असा दिवस येईल आणि नेहमी चंद्र ताऱ्यांबद्दल बोलणारा सुशांत चंद्र ताऱ्यांशी बोलायला निघून जाईल. ज्याने कित्येकांना स्वप्न बघायला शिकवलं त्याला बघणंच स्वप्न होऊन जाईल.

 

View this post on Instagram

 

A post shared by Ankita Lokhande (@lokhandeankita)

The post कधीच विचार केला नव्हता की असा दिवस येईल, आणि… सुशांतच्या आठवणीत अंकिता भावुक appeared first on थोडक्यात घडामोडी.

आमदार नितेश राणे यांनी सुशांत सिंह राजपूत आणि दिशा सालियन यांच्या मृत्यू प्रकरणाचा संबंध जोडत गृहमंत्री अमित शाह यांना पत्र लिहिलं आहे. दिशा ज्या व्यक्तीसोबत लिव्ह इन रिलेशनशीपमध्ये राहत होती, तो तिच्या मृत्यूच्या वेळी तिथे उपस्थित होता आणि काही वेळानंतर निघून गेला, पण त्याची अजून साधी चौकशीही करण्यात आलेली नाही, असं नितेश राणे यांनी म्हटलं आहे.

दिशा सालियनचा मृत्यू हे अजून गूढ आहे. ती रोहन रायसोबत लिव्ह इनमध्ये राहत होती आणि त्याची साधी चौकशीही केलेली नाही. दिशाचा मृत्यू झाला तेव्हा रोहन इमारतीत उपस्थित होता आणि ती खाली पडलेल्या ठिकाणी तो २० ते २५ मिनिटांनी गेल्याचंही बोललं जातं. त्यामुळे शंका निर्माण होते, असं नितेश राणे यांनी म्हटलं आहे.

pic.twitter.com/gI5KHrV0wS

— nitesh rane (@NiteshNRane) September 16, 2020

चौकशी टाळण्यासाठी रोहनने स्वतःच मुंबई सोडली असावी किंवा त्याला कुणाच्या तरी दबावामुळे मुंबई सोडणं भाग पडलं असावं, असा अंदाज आहे. यामुळे रोहनला सुरक्षा देण्यात यावी, जेणेकरून तो सुरक्षितपणे मुंबईत येऊ शकेल. सीबीआय तपासात रोहनचे वक्तव्य महत्त्वाचे ठरेल. कारण, दिशा आणि सुशांत यांच्या मृत्यू प्रकरणाचा संबंध आहे, असा माझा विश्वास आहे, असंही नितेश राणे यांनी पत्रात म्हटलं आहे.

The post सुशांत आणि दिशा मृत्यूप्रकरणाबाबत आमदार नितेश राणे यांचं गृहमंत्री अमित शाह यांना पत्र appeared first on थोडक्यात घडामोडी.

सुशांतसिंग राजपूत प्रकरणात, अंमलबजावणी संचालनालयाने (ईडी) रियाला पाच वर्षांचे इनकम टॅक्स रिटर्न दाखवायला सांगितले होते. त्यात ईडीला अनेक गोष्टींमध्ये त्रुटी असल्याचं दिसलं. याच गोष्टींचा तपास करण्यासाठी ईडी ने रिया चक्रवर्ती विरुद्ध तपासाचा वेग वाढविला आहे.

इनकम टॅक्स रिटर्ननुसार, २०१७-१८ मध्ये रियाचं वार्षिक उत्पन्न १८.७५ लाख व २०१८-१९ मध्ये १८.२३ लाख एवढं होतं.

ईडी रिया चक्रवर्ती आणि तिच्या कुटुंबाच्या मालकीच्या दोन मालमत्तेच्या शोधात आहे. खार पूर्वेकडे असलेला फ्लॅट रियाच्या नावावर आहे. या घराची माहिती देताना रियाने ६० लाखांचे गृहकर्ज घेतल्याचे व २५ लाख रुपये मिळकतीतून दिल्याचे सांगितले.मात्र इनकम टॅक्स रिटर्नच्या डिटेलमध्ये रियाने दाखवलेल्या उत्पन्नापेक्षा गुंतवणूक मूल्य जास्त असल्याचे दिसले.

ईडीला रियाकडून तिचं उत्पन्न, खर्च आणि गुंतवणूकी संबंधीची सर्व उत्तरं हवी आहेत. अधिकाऱ्यांच्या मते, रियाने 14 लाख रुपयांचा आयटीआर दाखल केला आहे, पण तिची गुंतवणूक त्याहून जास्त आहे…

The post रियाने दाखवलेल्या उत्पन्नापेक्षा गुंतवणूक मूल्य जास्त, ईडीला सापडल्या अनेक त्रुटी appeared first on थोडक्यात घडामोडी.

सुशांत सिंह राजपूत आत्महत्या प्रकरणाशी संबंधित मनी लॉन्ड्रिंग केसमध्ये अभिनेत्री रिया चक्रवर्तीची ईडीने जवळपास 9 तास चौकशी केली. यादरम्यान, रिया चक्रवर्ती ईडीकडून विचारलेल्या अनेक प्रश्नांची उत्तरं देऊ शकली नाही. रिया मुंबईमधील ईडी कार्यालयालयात भाऊ शौविकसोबत गेली होती.

दरम्यान, यात रियाच्या मुंबईस्थित दोन फ्लॅटचीदेखील चौकशी करण्यात आली. हे फ्लॅटस सुशांत सिंह राजपूतच्या खात्यातून काढलेल्या पैशातून घेतल्याचं म्हटलं जात होतं. परंतु, ईडीच्या चौकशीमध्ये हे दोन्ही फ्लॅट मी स्वत: घेतले आहेत, असं उत्तर रियाने दिल्याचं ‘इंडिया टुडे’च्या वृत्तात म्हटलं आहे.

रिया चक्रवर्तीची मॅनेजर श्रुती मोदीची देखील ईडीकडून चौकशी करण्यात आली. श्रुती मोदी सुशांत सिंह राजपूतसाठीही काम करत होती. अधिकाऱ्यांनी दिलेल्या माहितीनुसार, रिया चक्रवर्ती आणि मोदी यांचे जबाब ईडीने नोंदवून घेतले आहेत.

The post ईडीकडून विचारलेल्या अनेक प्रश्नांची उत्तरं रिया देऊ शकली नाही appeared first on थोडक्यात घडामोडी.

बॉलिवूड अभिनेता सुशांत सिंह राजपुतच्या मृत्यूला आता दिड महिन्यांपेक्षा अधिक वेळ होऊन गेला आहे. मुंबई व बिहार पोलीस या प्रकरणाची कसून चौकशी करत आहेत. मात्र सुशांतच्या मृत्यूचं नेमकं कारण अद्याप स्पष्ट झालेलं नाही. त्यामुळे यासंदर्भात बिहार सरकारनं सीबीआय चौकशीची शिफारस केंद्राकडे केली होती. अखेर केंद्र सरकारने सुशांत प्रकरणाच्या CBI चौकशीस मान्यता दिली आहे.

सुशांत मृत्यू प्रकरणाची CBI चौकशी केली जाईल, अशी माहिती केंद्र सरकारचे महाधिवक्ता तुषार मेहता यांनी सर्वोच्च न्यायालयात दिली. केद्रानं घेतलेल्या या निर्णयामुळे सुशांतचे चाहते समाधान व्यक्त करत आहेत.

The post अखेर सुशांत मृत्यू प्रकरणाची CBI चौकशी होणार… appeared first on थोडक्यात घडामोडी.

अभिनेता सुशांत सिंह राजपूत आत्महत्या प्रकरणी मुंबई पोलीस आर्थिक दृष्टीकोनातून तपास करत नसल्याचा आरोप बिहारचे पोलीस महासंचालक गुप्तेश्वर पांडे यांनी केला आहे. सुशांतच्या वडिलांनी अभिनेत्री रिया चक्रवर्तीविरोधात पाटणा पोलिसांत तक्रार दाखल केली. त्यांच्या तक्रारीवरून रियाविरोधात एफआयआर दाखल करण्यात आला आहे. सुशांतच्या वडिलांनी रियावर पैसे उकळल्याचाही आरोप केला आहे.

“गेल्या चार वर्षांत सुशांतच्या बँक खात्यात ५५ कोटी रुपये जमा केले गेले आणि आश्चर्यकारकरित्या ५३ कोटी खात्यातून काढले गेले. एका वर्षात १७ कोटी रुपये त्याच्या खात्यात जमा केले गेले. त्यापैकी १५ कोटी रुपये काढले गेले. विशेष म्हणजे त्याने घर घेतलं नाही, गुंतवणूक केली नाही, मग इतके पैसे कुठे गेले, हा तपासासाठी महत्त्वपूर्ण विषय नाही का? आम्ही शांत बसणार नाही. आम्ही मुंबई पोलिसांना याबद्दल प्रश्न विचारणार”, असं बिहारचे पोलीस महासंचालक म्हणाले.पाटणाचे पोलीस अधीक्षक विनय तिवारी हे सुशांतच्या मृत्यू प्रकरणी तपासासाठी मुंबईत दाखल झाल्यानंतर त्यांना सक्तीने क्वारंटाइन करण्यात आलं. याविषयी ते म्हणाले, “सुशांत प्रकरणात मिळवलेले पुरावे आणि शवविच्छेदन अहवाल विनय तिवारी यांच्याकडे सोपवण्याऐवजी त्यांनी अधिकाऱ्याला क्वारंटाइन केलंय. मी कोणत्याही राज्याच्या पोलिसांकडून अशाप्रकारची वागणूक पाहिली नाही. जर मुंबई पोलिसांचा प्रामाणिक दृष्टीकोन असेल तर त्यांनी आम्हाला तपासाची परवानगी द्यायला हवी आणि सहकार्य करायला हवं,” असंही बिहारचे पोलीस महासंचालक गुप्तेश्वर पांडे म्हणाले.

The post सुशांतच्या खात्यातून ५३ कोटी काढले गेले, यावर मुंबई पोलिसांचं मौन- बिहार पोलीस महासंचालक गुप्तेश्वर पांडे appeared first on थोडक्यात घडामोडी.

अभिनेता सुशांत सिंह राजपूत मृत्यू प्रकरणी बिहार पोलीस मुंबईत दाखल झाले असून तपास करत आहेत. सुशांतच्या मृत्यूचा त्याची एक्स-मॅनेजर दिशा सालियनच्या मृत्यूशी काही संबंध आहे का, यादृष्टीने बिहार पोलीस शोध घेत आहेत. याचसाठी बिहार पोलीस मालवणी पोलीस ठाण्यात पोहोचले होते. मात्र यावेळी त्यांना दिशा सालियनशी संबंधित फोल्डर डिलीट झाल्याचं सांगण्यात आलं. इंडिया टुडेने यासंबंधी वृत्त दिलं आहे.

बिहार पोलिसांना दिशाच्या आत्महत्येशी संबंधित फोल्डर चुकून डिलीट झाला असून तो पुन्हा मिळवणं शक्य नाही असं सांगण्यात आलं. पोलीस अधिकारी केसशी संबंधित सर्व माहिती शेअर करण्यास तयार होते. पण एका फोनमुळे परिस्थिती अचानक बदलली. बिहार पोलिसांनी फोल्डर पुन्हा मिळवण्यासाठी मदत देऊ केली, पण त्यांना लॅपटॉप देण्यास नकार देण्यात आला.

The post महाराष्ट्र पोलिसांकडून सुशांतच्या एक्स मॅनेजरची फाईल चुकून डिलीट appeared first on थोडक्यात घडामोडी.

सुशांत सिंह राजपूत प्रकरणात बिहार पोलिसांचा तपास सुरू आहे. या प्रकरणी बिहारचे उपमुख्यमंत्री सुशीलकुमार मोदी यांनी मुख्यमंत्री उद्धव ठाकरे यांच्यावर गंभीर आरोप केले आहेत.

शनिवारी संध्याकाळी बिहारचे उपमुख्यमंत्री सुशील मोदी यांनी ट्वीट केले की,

उद्धव ठाकरे यांच्यावर कॉंग्रेस आणि बॉलिवूड माफियांचा दबाव आहे. त्यामुळे सुशांतच्या प्रकरणातील जबाबदार असलेल्या सर्व घटकांना वाचवण्यावर कल दिला जात आहेत. असं करुन काँग्रेस बिहारमधील लोकांना काय तोंड दाखवणार? आता बिहारचा मुलगा सुशांतसिंग राजपूतच्या मृत्यूच्या चौकशीसाठी आलेल्या बिहार पोलिसांना मुंबई पोलिसांचंही सहकार्य मिळत नाही. बिहार सरकारने केवळ चौकशीचे आदेश दिले नाहीत तर रिया चक्रवर्ती यांच्या याचिकेवर सुनावणी करताना बिहारची बाजू ऐकली जावी, अशी विनंती करून सर्वोच्च न्यायालयात कॅविएट दाखल केली. बिहार सरकार सुशांतला न्याय देण्यासाठी कोणत्याही थराला जाईल. नवोदित अभिनेता सुशांतसिंग राजपूतच्या आत्महत्येमुळे कोट्यावधी बिहारी लोकांना धक्का बसला आहे. त्यामुळे जवळपास सर्वच पक्षांना या प्रकरणाची सीबीआय चौकशी हवी आहे. पूर्वी महाराष्ट्रात बिहारमधील लोकांना गैरवर्तन केल्याच्या तक्रारी येत असत, पण आता कॉंग्रेस-राष्ट्रवादीच्या कुरघोडीवर आधारित उद्धव ठाकरे यांच्या सरकारने मर्यादा ओलांडल्या आहेत.

The post सुशांतच्या केसमध्ये उद्धव ठाकरे काँग्रेस आणि बॉलिवूडच्या दबावाखाली, बिहारचे उपमुख्यमंत्री सुशील मोदी यांचं ट्विट appeared first on थोडक्यात घडामोडी.

बॉलिवूड अभिनेता सुशांत सिंह राजपूतच्या आत्महत्या प्रकरणाचा तपास मुंबई पोलिसांसोबतच आता बिहार पोलीस देखील करत आहेत. सुशांतचे वडील के. के. सिंह यांनी अभिनेत्री रिया चक्रवर्तीविरोधात पाटणा पोलिसांत तक्रार दाखल केली. त्यांच्या तक्रारीवरून रियाविरोधात गुन्हा दाखल करण्यात आला. त्यामुळे बिहार पोलीस सुशांतच्या आत्महत्येप्रकरणी तपास करत आहेत.

सुशांतच्या आत्महत्येच्या काही दिवसांपूर्वीच दिशाने आत्महत्या केली होती. दिशा सालियन आणि सुशांत यांच्या मृत्यूचा एकमेकांशी काही संबंध आहे का? याचाही तपास बिहार पोलीस करत आहेत, आता याप्रकरणी बिहार पोलीस सुशांतची एक्स मॅनेजर दिशा सालियन हिच्या कुटुंबीयांचीही चौकशी करणार आहे.

दिशा सालियनच्या कुटुंबीयांशी फोनवरून संपर्क साधण्याचा प्रयत्न केला. मात्र त्यांच्याशी अद्याप कोणताही संपर्क होऊ शकला नसल्याची माहिती बिहार पोलिसांनी दिली. सुशांतने आत्महत्येच्या दोन-तीन महिन्यांपूर्वी बरेच सिमकार्ड्स बदलले होते. सुशांतच्या सर्व कॉल्सचे रेकॉर्ड ट्रॅक करत असल्याची माहिती बिहार पोलिसांनी दिली.

The post बिहार पोलीस सुशांतची एक्स मॅनेजर दिशा सालियन हिच्या कुटुंबीयांचीही चौकशी करणार appeared first on थोडक्यात घडामोडी.