नवी दिल्ली : भारतीय रिझर्व्ह बँकेने आज रेपो दरात (RBI Repo Rate) कपात करण्याची घोषणा केली आहे. रेपो दरात ०.२५% कपात करण्यात आली आहे, ज्यामुळे रेपो दर आता ६.२५ वरून ६ टक्क्यांवर आला आहे. २०२५ मध्ये आरबीआयने रेपो दरात कपात करण्याची ही दुसरी वेळ आहे. यापूर्वी, फेब्रुवारीमध्ये झालेल्या केंद्रीय बँकेच्या चलनविषयक धोरण बैठकीत, २५ बेसिस पॉइंट्स किंवा ०.२५ टक्के कपात करण्यात आली होती. यामुळे रेपो दर ६.५० वरून ६.२५ टक्क्यांवर आला होता. त्यानंतर आज (९ एप्रिल) झालेल्या कपातीनंतर ते ६ टक्क्यांवर आले आहे.

आरबीआय गव्हर्नर संजय मल्होत्रा यांनी बुधवारी चालू आर्थिक वर्षाच्या पहिल्या द्विमासिक पतधोरण समितीच्या बैठकीनंतर रेपो दरांची घोषणा केली. या कपातीमुळे आता वाहन कर्ज आणि गृहकर्जावरील व्याजदरात कपात दिसून येईल. आरबीआय गव्हर्नर संजय मल्होत्रा यांनी पतधोरण सादर केले. त्यांनी या काळात महागाई कमी झाल्यावर समाधान व्यक्त केले. पतधोरण समितीच्या सर्व सदस्यांनी महागाई लक्षित प्रमाणापेक्षा कमी असल्याचे म्हटले आहे. त्याआधारेच रेपो दरात कपातीचा निर्णय घेण्यात आला. जर गरज असेल आणि वातावरण अनुकूल असेल तर येत्या काळात रेपो दरात अजून कपात होण्याची शक्यता वर्तवण्यात येत आहे. या फेब्रुवारी महिन्यापासून कपातीचे धोरण राबवण्यात आले आहे. सलग दुसर्‍यांदा रेपो दरात कपात करण्यात आली.

RBI ने व्याजदर तर कमी केला…आता ईएमआय कमी करण्यासाठी बँकेत जावे लागेल का? जाणून घ्या आवश्यक माहिती

आरबीआय गव्हर्नर संजय मल्होत्रा यांनी सध्या भडकलेल्या टॅरिफ वॉरबाबत चिंता व्यक्त केली. सध्याची परिस्थिती जगासाठी योग्य नसल्याचे ते म्हणाले. मात्र तरी भारतीय अर्थव्यवस्थेवर त्यांनी विश्वास वर्तवला. या परिस्थितीत सुद्धा भारतीय अर्थव्यवस्थेची घौडदौड सुरूच राहील असे ते म्हणाले.

The post मोठी बातमी! कर्ज होणार स्वस्त, RBI कडून रेपो रेटमध्ये पुन्हा कपात appeared first on थोडक्यात घडामोडी.

RBI recruitment 2022 : भारतीय रिझर्व्ह बँकेने 303 ग्रेड बी पदांच्या भरतीसाठी अधिसूचना जारी केली आहे. या RBI भरतीसाठी ऑनलाइन अर्ज 28 मार्चपासून सक्रिय होतील. अर्ज करण्याची अंतिम तारीख 18 एप्रिल 2022 आहे. इच्छुक आणि पात्र उमेदवार RBI ची ऑफिशियल वेबसाइट rbi.org.in द्वारे ऑनलाइन अर्ज करू शकतात. अर्ज करण्यापूर्वी उमेदवारांनी संपूर्ण भरती अधिसूचना वाचून घ्यावी.

अर्ज प्रक्रियेच्या महत्त्वाच्या तारखा
ऑनलाइन अर्ज सुरू करण्याची तारीख – 28 मार्च 2022
ऑनलाइन अर्ज करण्याची शेवटची तारीख – 18 एप्रिल 2022

रिक्त जागांचा तपशील:
या RBI भरतीमध्ये एकूण 303 पदे भरायची आहेत.

• 238 पदे अधिकारी ग्रेड बी जनरलसाठी,
• 31 पदे अधिकारी ग्रेड बी DEPR साठी
• 25 पदे ग्रेड B DSIM साठी
• 6 पदे सहाय्यक व्यवस्थापक राजभाषासाठी आहेत.
• असिस्टंट मॅनेजर प्रोटोकॉल आणि सिक्युरिटीसाठी ३ जागा रिक्त आहेत.

वयोमर्यादा – उमेदवाराचे वय 1 जानेवारी 2022 रोजी 21 ते 30 वर्षांच्या दरम्यान असणे आवश्यक आहे.

अर्ज फी – रु 850.

अधिक तपशीलांसाठी संपूर्ण सूचना पहा. (येथे आज जारी करण्यात आलेले नोटिफिकेशन बघू शकता.)

The post नोकरीची सुवर्णसंधी! RBI मध्ये 303 पदांसाठी भरती प्रक्रिया, त्वरित करा अर्ज, जाणून घ्या… appeared first on थोडक्यात घडामोडी.

नवी दिल्ली : दैनंदिन जीवनात एटीएम मशीनचा वापर आता सामान्य झाला आहे. परंतु, कधीकधी या मशीनमध्ये बिघाड होतो आणि पैसे बाहेर येत नाहीत, पण खात्यातून मात्र पैसे कापले जातात. अशा परिस्थितीत, आपण खूप अस्वस्थ होतो आणि काय करावे हे समजत नाही. RBI च्या नियमांनुसार, अशा स्थितीत बँक आपोआप तुमचे पैसे तुमच्या खात्यात परत करते. याला तीन दिवस लागू शकतात. कधीकधी बँकेच्या तीन दिवसांपेक्षा जास्त सुट्ट्या लागू शकतात. तथापि, अशा स्थितीत तुम्ही तुमच्या बँकेला फोन करून याविषयी माहिती देणे कधीही चांगले.

ATM मशीनमुळे ग्राहक आणि बँक दोघांनाही सुविधा मिळते. मशीनमध्ये काही बिघाड झाल्यास ही संपूर्णपणे बँकेची जबाबदारी आहे, कारण बँकच ATM मशीन चालवित असते. जर तुम्ही ATM मधून पैसे काढले आणि मशीनमधून पैसे निघालेच नाही, पण तुमच्या खात्यातून पैसे कापले गेले, तर तुम्ही बँकेला फोन करून त्याबद्दल तक्रार करू शकता. जर तुम्हाला तुमच्या बँकेचा नंबर आठवत नसेल, तर एटीएम मशीनच्या आजूबाजूला नजर टाका, तुम्हाला काही हेल्पलाईन क्रमांक दिसतील. या क्रमांकावर कॉल करा आणि कापलेल्या पैशांची माहिती द्या.

बँकेने जर तुम्हाला 5 दिवसांच्या आत पैसे परत केले नाहीत, तर तुम्ही भरपाईचे हक्कदार व्हाल. तुमचे कार्ड जारी करणाऱ्या बँकेला तुमची रक्कम पुन्हा जमा करण्यास विलंब झाला तर प्रतिदिन 100 रुपये भरपाई द्यावी लागेल. ग्राहकाने कोणताही दावा केला नाही तरीही भरपाई ग्राहकाच्या खात्यात जमा करावी लागेल. तथापि, जर बँकेने पैसे आणि भरपाई दिली नाही तर ग्राहक त्याच्या बँकेशी संपर्क साधू शकतो. ग्राहक बँकेकडून उत्तर मिळाल्यानंतर 30 दिवसांच्या आत किंवा बँकेकडून उत्तर न मिळाल्यास 30 दिवसांच्या आत बँकिंग लोकपालाशी संपर्क साधू शकतो.

भारतीय रिझर्व्ह बँकेने बँकिंग लोकपाल कार्यालयाबद्दल सविस्तर माहिती दिली आहे. अधिक माहितीसाठी तुम्ही https://rbi.org.in/Scripts/AboutUsDisplay.aspx?pg=BankingOmbudsmen.html वर क्लिक करू शकता किंवा ऑनलाईन तक्रार https://cms.rbi.org.in/cms/IndexPage.aspx?aspxerrorpath=/cms/cms/indexpa वरही करता येते.

The post ATM मधून पैसे निघालेच नाही, पण खात्यातून पैसे कापले गेले, अशा वेळी काय करायचं? जाणून घ्या… appeared first on थोडक्यात घडामोडी.

रिझर्व्ह बँक ऑफ इंडियाच्या (RBI) आस्थापनेत भरती निघाली आहे. याअंतर्गत वैद्यकीय सल्लागार पदांच्या ४ रिक्त जागा भरण्यात येत आहे. आरबीआयतर्फे नोटिफिकेशन जाहीर करण्यात आले असून पदासाठी मिळणारा पगार, शैक्षणिक पात्रता यासंदर्भात सविस्तर माहिती देण्यात आली आहे.

रिझर्व्ह बँक ऑफ इंडिया (RBI)च्या आस्थापनेवरील वैद्यकीय सल्लागार पदांच्या एकूण ४ जागा भरण्यासाठी पदांनुसार इच्छुक आणि पात्र उमेदवारांकडून अर्ज मागविण्यात येत आहेत.

अर्जदाराकडे मेडिकल काऊन्सिल ऑफ इंडिया अंतर्गत येणाऱ्या मान्यताप्राप्त विद्यापीठातून एमबीबीएस पदवी असणे गरजेचे आहे. अर्जदाराला कोणत्याही रुग्णालयात किंवा क्लिनिकमध्ये वैद्यकीय प्रॅक्टिशनर म्हणून औषधोपचार करण्याचा किमान २ वर्षांचा अनुभव असावा. त्याचे स्वतःचे क्लिनिक / दवाखाना किंवा राहण्याची जागा बँकेच्या कोणत्याही दवाखान्याच्या १० ते १५ कि.मी.च्या अंतरात असावी. वैद्यकीय सल्लागाराचे मानधन हे प्रत्यक्ष कामाच्या तासांवर ठरेल. वैद्यकीय सल्लागार पदाचा कालावधी हा तीन वर्षांसाठी असेल. करार पूर्ण झाल्यावर नूतनीकरण होणार नाही.

अर्जदाराने संपूर्ण जाहिरात काळजीपूर्वक वाचून त्यातील पात्रता, निकष समजून घेऊन अर्ज भरावा. ओबीसी, एससी, एसटी उमेदवारांनी दिलेल्या नमुन्यानुसार अर्ज भरताना सोबत कास्ट सर्टिफिकेटची प्रत जोडणे आवश्यक आहे. आर्थिक मागास प्रवर्गातील उमेदवारांनी देखील संबंधित कागदपत्र अर्जासोबत जोडावी. दिलेल्या नमुन्यात अर्ज नसल्यास तो रद्द करण्यात येईल.

अर्ज करण्याची शेवटची तारीख : ३ ऑगस्ट २०२१

अर्ज करण्यासाठी पत्ता :
प्रादेशिक संचालक,
मानव संसाधन व्यवस्थापन विभाग,
आरबीआय, मुख्य कार्यालय इमारत,
डॉ. राघवेंद्र राव रोड, सिव्हिल लाईन्स,
पोस्ट बॉक्स नं- १५, नागपूर,
पिनकोड- ४४०००१

नोटिफिकेशवर जाण्यासाठी इथे क्लिक करा

अधिकृत वेबसाइटवर जाण्यासाठी इथे क्लिक करा

The post RBI मध्ये वैद्यकीय सल्लागार पदावर भरती appeared first on थोडक्यात घडामोडी.

नवी दिल्ली : रिझर्व्ह बँक ऑफ इंडियाने (RBI) पुन्हा ICICI बँकेला मोठा दंड ठोठावला आहे. RBI च्या म्हणण्यानुसार, आयसीआयसीआय बँकेला काही मार्गदर्शक सूचनांचे उल्लंघन केल्याबद्दल 3 कोटी रुपयांचा दंड ठोठावण्यात आला आहे. यापूर्वी 2018 मध्ये बँकेला 58.9 कोटी रुपये दंड ठोठावण्यात आला होता. त्या काळातही बँकेने सुरक्षा बॉण्डच्या विक्रीचे नियम तोडले होते.

केंद्रीय बँकेने यावेळी सांगितले की मार्गदर्शक तत्त्वांचे उल्लंघन केल्याबद्दल ICICI बँकेला 3 कोटींचा दंड ठोठावण्यात आला आहे. ICICI बँकेने स्टॉक एक्सचेंजला दिलेल्या सूचनेत सांगितले आहे की मे 2017 मध्ये काही गुंतवणूका हेल्ड-टू-मॅच्युरिटी (HTM) सीरिजमधून AFS श्रेणीत टाकताना बँकिंग रेग्युलेशन ऍक्ट, 1949 च्या काही तरतुदींनुसार दंड आकारला गेला आहे. रिझर्व्ह बँकेने सांगितले की, मे 2017 मध्ये मंजुरीशिवाय दुसऱ्यांदा सिक्युरिटीज स्थानांतरित करणे हे सूचनांचे उल्लंघन होते.

यापूर्वी देखील ICICI बँकेला दंड ठोठावण्यात आला होता :

मार्च 2018 मध्ये रिझर्व्ह बँकेने सिक्युरिटीजच्या विक्री नियमांचे उल्लंघन केल्याबद्दल ICICI बँकेला 58.9 कोटी रुपयांचा दंड ठोठावला होता. केंद्रीय बँकेने म्हटले होते की ICICI बँकेला 26 मार्च रोजी इतका मोठा दंड ठोठावण्यात आला होता. त्यावेळी ICICI बँकेने स्पष्टीकरण दिले होते की या प्रकरणात आरबीआयच्या मार्गदर्शक सूचना स्पष्टपणे माहित नव्हत्या. त्यातून गैरसमजामुळे नियमांचे उल्लंघन झाले. HTM या श्रेणीत येत असलेल्या सरकारी बाँडच्या विक्रीसाठी रिझर्व्ह बँकेने त्यांना दंड ठोठावला आहे. बँकेने म्हटले की 31 मार्च 2017 रोजी संपलेल्या तिमाहीत काही आठवड्यांसाठी एचटीएम सुरक्षा विक्री केली होती.

काय आहे HTM सीरिज ?

एचटीएम सीरिजची सुरक्षा मॅच्युरिटी पर्यंत ठेवणे आवश्यक आहे. जर या सीरिजच्या सुरक्षिततेची विक्री HTM साठी आवश्यक गुंतवणूकीच्या 5 टक्क्यांपेक्षा जास्त असेल तर, वार्षिक आर्थिक परिणामामध्ये (Annual Financial Result) बँकेला ती उघड करावी लागते. एचटीएम गुंतवणूकीचे बाजार मूल्य काय होते आणि वहीखात्यात रेकॉर्ड केलेल्या मूल्यात आणि बाजार मूल्यात काय फरक होता हेदेखील बँकेला सांगावे लागते. ICICI बँकेने याबाबत खुलासा केला नाही.

The post ICICI बँकेवर मोठी कारवाई, सुरक्षा बॉण्ड प्रकरणात RBI ने ठोठावला करोडो रुपयांचा दंड appeared first on थोडक्यात घडामोडी.

नवी दिल्ली : बँकिंग कर्ज घेण्याचं प्रमाण कमी झालं असून कोरोनाची दुसरी लाट त्याला आणखी खाली आणू शकते. ही परिस्थिती सुधारण्यासाठी आरबीआयने प्रयत्न सुरु केले आहेत. त्याबाबत शुक्रवारी केंद्रीय बँकेच्या उच्चस्तरीय संघाने देशाच्या लघु वित्त बँकांशी (SFB) बैठक घेतली. यामध्ये सध्याच्या आव्हानात्मक काळात समाजातील विविध घटकांना कर्ज वितरण करण्याचा विचार केला गेला.

रिझर्व्ह बँक लवकरच अन्य बँकांशीही अशाच प्रकारच्या बैठका घेणार आहे. कारण या वर्षाच्या मार्च महिन्यात बँकिंग कर्जात अवघ्या पाच टक्क्यांनी वाढ झाली आहे. हा डेटा शुक्रवारीच आरबीआयने जाहीर केला आहे. आरबीआयच्या आकडेवारीनुसार, यावर्षी मार्च महिन्यात बँकिंग कर्ज वितरणामध्ये ४.9 टक्क्यांनी वाढ झाली आहे. गेल्या वर्षी मार्चमध्ये ही टक्केवारी 6.8 इतकी होती. या महिन्यात अन्नधान्याचे क्रेडिट 24.4 टक्क्यांवरून 18.3 टक्क्यांपर्यंत खाली आले आहेत आणि सेवा क्षेत्रातील क्रेडिट 7.4 टक्क्यांवरून 1.4 टक्क्यांपर्यंत खाली आले आहे.

या महिन्यात वैयक्तिक कर्जाच्या वाढीचा दर 15 टक्क्यांवरून 14.2 टक्क्यांपर्यंत खाली आला आहे. गृहकर्ज 15.4 टक्क्यांवरून घसरून 9.1 टक्क्यांवर आले आहे. तथापि, कृषी आणि संबंधित क्षेत्रांना दिलेली कर्जे 4.2 टक्क्यांवरून 12.3 टक्क्यांपर्यंत वाढली आहेत. हे लक्षात घेण्यासारखे आहे की गेल्या वर्षी मार्चनंतरच्या महिन्यांत कर्ज वितरणाची गती खूप वेगाने खाली आली होती.

The post कर्ज घेण्याचं प्रमाण झालं कमी, कर्जवितरण वाढवण्यासाठी RBI चे प्रयत्न सुरु appeared first on थोडक्यात घडामोडी.

बँका त्यांच्या लॉकर सुविधेच्या जबाबदारीतून पळ काढू शकत नाहीत, हे सर्वोच्च न्यायालयाने शुक्रवारी स्पष्ट केले. यासह त्यांनी रिझर्व्ह बँक ऑफ इंडियाला (RBI) 6 महिन्यांत या संदर्भात नियम बनवण्याचे निर्देशही दिले आहेत.

न्यायमूर्ती एम.एम. शांतनागौदर आणि न्यायमूर्ती विनीत सरन यांच्या खंडपीठाने म्हटले आहे की जागतिकीकरणाच्या युगात बँकिंग संस्थेने सामान्य माणसाच्या जीवनात महत्त्वाचे स्थान व्यापले आहे. देशांतर्गत आणि आंतरराष्ट्रीय आर्थिक व्यवहारातही अनेक पटींनी वाढ झाली आहे. अशा परिस्थितीत ग्राहकांच्या लॉकरमध्ये ठेवलेल्या मालमत्तेची जबाबदारी घेण्यापासून बँका पळ काढू शकत नाहीत.

न्यायालयाने म्हटले की आपण हळूहळू कॅशलेस अर्थव्यवस्थेकडे वाटचाल करत आहोत. अशा परिस्थितीत लोक आपली मालमत्ता घरात ठेवण्यात कचरतात. अशा परिस्थितीत लॉकरसारख्या सुविधांची मागणी वाढली आहे. ही बँकांची एक अत्यावश्यक सेवा बनली आहे. भारतीय नागरिक तसेच परदेशी नागरिक देखील या सेवेचा फायदा घेऊ शकतात, अशा परिस्थितीत बँका जबाबदारी झटकत असतील तर हे त्यांच्या प्रतिष्ठेसाठी चांगलं नाही.

खंडपीठाने म्हटले आहे की वेगवान तंत्रज्ञानाच्या विकासामुळे आता आपण डबल-की लॉकरऐवजी इलेक्ट्रॉनिक लॉकरकडे वाटचाल करत आहोत. पासवर्डद्वारे किंवा एटीएम पिनद्वारे ग्राहकांना या इलेक्ट्रिक लॉकरमध्ये अंशतः प्रवेश असू शकतो, परंतु तांत्रिकदृष्ट्या अशा लॉकरचे नियंत्रण कोणाकडे आहे हे त्यांना ठाऊक नसते. अशा परिस्थितीत, या तंत्रज्ञानाशी छेडछाड होण्याची शक्यता असते. तसेच ग्राहकांना माहिती न देता किंवा परवानगी न घेता या लॉकर्समध्ये प्रवेश करता येऊ शकतो.

सर्वोच्च न्यायालयाने म्हटले आहे कि, “अशा प्रकारे ग्राहक बँकांच्या दयेवर अवलंबून आहेत आणि बँक हितांचे रक्षण करण्यासाठी अधिक सक्षम पक्ष आहे. त्यामुळे अशा परिस्थितीत बँका त्यांच्या जबाबदारीपासून माघार घेऊ शकत नाहीत आणि लॉकरच्या बाबतीत त्यांची कोणतीही जबाबदारी नाही, असा दावाही करु शकत नाहीत.” सर्वोच्च न्यायालयाने RBI ला 6 महिन्यांत बँकांच्या लॉकर सुविधेसाठी व्यापक मार्गदर्शक सूचना तयार करण्याचे निर्देश दिले आहेत. तसेच बँकांनी ग्राहकांवर एकतर्फी नियम लावू नयेत, असेही स्पष्ट केले आहे.

लॉकरची जबाबदारी झटकणाऱ्या बँकांच्या अटी ह्या ग्राहक संरक्षण कायद्याच्या अनेक कलमांचे उल्लंघन करणाऱ्या असल्याचे न्यायालयाने यावेळी म्हटले. तसेच हेदेखील सांगितले की उदयोन्मुख अर्थव्यवस्थेत असे नियम गुंतवणूकदारांचा विश्वास कमकुवत करतात.

The post मोठा दिलासा : बँका जबाबदारीतून पळ काढू शकत नाहीत, सर्वोच्च न्यायालयाने RBI ला दिले ‘हे’ महत्वाचे निर्देश appeared first on थोडक्यात घडामोडी.

रिझर्व्ह बँक ऑफ इंडियामध्ये (RBI) नॉन-सीएसजी पदांवर भरती सुरू करण्यात आली आहे. या पदांवरील वेतनश्रेणी दरमहा पगार ७७,२०८ रुपये असेल. बँकेतील नोकरी हवी असणाऱ्या उमेदवारांसाठी ही एक उत्तम संधी आहे. या भरतीसाठी रिझर्व्ह बँकेने अधिसूचना जारी केली आहे.

रिक्त पदे :

1. लीगल ऑफिसर (ग्रेड-बी) – ११ पदे (वेतनश्रेणी दरमहा ७७,२०८ रुपये)
2. व्यवस्थापक (टेक्निकल-सिव्हिल) – ०१ पद (वेतनश्रेणी दरमहा ७७,२०८ रुपये)
3. असिस्टंट मॅनेजर (राजभाषा) – १२ पदे (वेतनश्रेणी दरमहा ६३,१७२ रुपये)
4. असिस्टंट मॅनेजर (प्रोटोकॉल व सुरक्षा) – ०५ पदे (वेतनश्रेणी दरमहा ६३,१७२ रुपये)

एकूण पदांची संख्या – २९

अर्जाचा तपशील

या रिक्त जागांसाठी ऑनलाइन अर्ज करायचा आहे. आरबीआयच्या rbi.org.in या अधिकृत संकेतस्थळावर भेट द्या. ऑनलाइन अर्जाची लिंक २३ फेब्रुवारी २०२१ पासून अॅक्टिव्ह होत आहे. अर्ज करण्याची अंतिम मुदत १० मार्च २०२१ पर्यंत आहे. सर्वसाधारण, ओबीसी प्रवर्गांसाठी ६०० रुपये तर एससी, एसटी प्रवर्गांसाठी १०० रुपये इतके अर्जांचे शुल्क आहे.

आवश्यक पात्रता :

लीगल ऑफिसर – कायद्याची पदवी आणि दोन वर्षांचा कामकाजाचा अनुभव. वयोमर्यादा २१ ते २३ वर्षे.
मॅनेजर (टेक्निकल) – सिव्हिल इंजिनिअरिंगमधील बॅचलर डिग्री आणि तीन वर्षांचा कामाचा अनुभव. वयोमर्यादा २१ ते ३५ वर्षे.
असिस्टंट मॅनेजर (राजभाषा) – हिंदी किंवा हिंदी अनुवादात पदव्युत्तर पदवी. इंग्रजी विषयात पदवीपर्यंतचे शिक्षण. वयोमर्यादा २१ ते ३० वर्षे.
सहाय्यक व्यवस्थापक (प्रोटोकॉल आणि सुरक्षा) – सैन्य (Army), नौदल (Navy) किंवा हवाई दलात (Air Force) कमीतकमी ५ वर्षे अधिकारी दर्जाची सेवा केलेली असणे आवश्यक आहे.

निवड कशी केली जाईल :

लेखी परीक्षा व मुलाखतीच्या आधारे निवड केली जाईल. लेखी चाचणी १० एप्रिल २०२१ रोजी घेण्यात येईल.

The post RBI मध्ये विविध पदांवर भरती सुरू, जाणून घ्या.. appeared first on थोडक्यात घडामोडी.

ग्रेड ‘बी’ ऑफिसर (डीआर) – जनरल – 270 जागा

शैक्षणिक पात्रता : 60% गुणांसह पदवी (अजा/अज/दिव्यांग 50% गुण) किंवा 55% गुणांसह पदव्युत्तर पदवी (अजा/अज/दिव्यांग : उत्तीर्ण श्रेणी)

ग्रेड ‘बी’ ऑफिसर (डीआर) – डीईपीआर – 29 जागा

शैक्षणिक पात्रता : अर्थशास्त्र / इकोनोमेट्रिक्स / परिमाणात्मक अर्थशास्त्र / गणितीय अर्थशास्त्र / एकात्मिक अर्थशास्त्र अभ्यासक्रम / वित्त या विषयात 55% गुणांसह पदव्युत्तर पदवी किंवा 55% गुणांसह पीजीडीएम/एमबीए (फायनान्स) किंवा 55% गुणांसह अर्थशास्त्रातील कोणत्याही उप-वर्गातील अर्थशास्त्र पदव्युत्तर पदवी (अजा/अज/दिव्यांग 50% गुण)

ग्रेड ‘बी’ ऑफिसर (डीआर) – डीएसआयएम – 23 जागा

शैक्षणिक पात्रता : आयआयटी-खडगपूर मधून सांख्यिकी / गणितीय सांख्यिकी / गणितीय अर्थशास्त्र / इकोनोमेट्रिक्स / सांख्यिकी आणि माहितीशास्त्र या विषयात 55% गुणांसह पदव्युत्तर पदवी /आयआयटी-बॉम्बे मधून एप्लाइड सांख्यिकी आणि इकोनोमेट्रिक्स पदव्युत्तर पदवी किंवा 55% गुणांसह गणितातील पदव्युत्तर पदवी आणि एक वर्षातील सांख्यिकी विषयातील पदव्युत्तर पदविका किंवा आयआयटी कोलकाता, आयआयटी खडगपूर आणि आयएसआय कोलकाता 55% गुणांसह बिझिनेस एनालिटिक्स (PGDBA) पदव्युत्तर डिप्लोमा किंवा समतुल्य. (अजा/अज/दिव्यांग : 50% गुण)

वयोमर्यादा : 1 जानेवारी 2021 रोजी 21 ते 30 वर्षे

ऑनलाईन अर्ज करण्याची शेवटची तारीख : 15 फेब्रुवारी 2021

अधिक माहितीसाठी : www.rbi.org.in

ऑनलाईन अर्जासाठी : https://ibpsonline.ibps.in/rbiscsgjan21/

The post भारतीय रिझर्व्ह बँकेत 322 जागांसाठी भरती appeared first on थोडक्यात घडामोडी.