राजस्थान : एका खाजगी वसतिगृह मालकाने १० वर्षांच्या चिमुकलीवर महिनाभर वारंवार बलात्कार केल्याचा धक्कादायक प्रकार समोर आला आहे. या प्रकरणात वसतिगृह मालकासह चौघांविरुद्ध लैंगिक गुन्ह्यांपासून मुलांचे संरक्षण (POCSO) कायद्यान्वये गुन्हा दाखल करण्यात आला आहे.

पीडितेच्या आईच्या तक्रारीनुसार, पीडिता आपल्या धाकट्या भावासह शिक्षणासाठी या वसतिगृहात राहत होती. या काळात वसतिगृह मालक मुकेश गुर्जर हा रात्रीच्या वेळी पीडितेच्या धाकट्या भावाला दुसऱ्या खोलीत झोपवून तिच्यावर बलात्कार करत असे. आरोपीने मुलीला आणि तिच्या भावाला जीवे मारण्याच्या धमक्या दिल्याने, मुलीने याबाबत कोणालाही काहीही सांगितले नाही. मात्र, काही काळानंतर पीडितेची तब्येत बिघडू लागली आणि संसर्ग वाढल्याने तिच्या आईला संशय आला. वारंवार विचारपूस केल्यानंतर अखेर मुलीने वसतिगृहात झालेल्या बलात्काराचे काळे सत्य आईसमोर उघड केले.

पीडितेच्या आईच्या म्हणण्यानुसार, मुलीने दोन महिन्यांनंतर वसतिगृहात राहण्यास नकार दिला होता, मात्र भीतीमुळे ती काही बोलली नव्हती. दरम्यान, मुलगी दुसऱ्या वसतिगृहात राहू लागल्यानंतर तिच्या आरोग्य समस्या वाढू लागल्या आणि त्यामुळे हा प्रकार समोर आला.

पोलिसांनी सांगितले की, या प्रकरणी मुख्य आरोपी वसतिगृह संचालक मुकेश गुर्जर, त्याचा साथीदार हरिराम मीना, हरिरामची पत्नी मनीषा मीना आणि वॉर्डन मनीष गुर्जर यांच्याविरुद्ध POCSO कायद्यान्वये गुन्हा नोंदविण्यात आला आहे. सर्व आरोपी सध्या फरार असून त्यांचा शोध सुरु आहे.

या घटनेनंतर संतापाची लाट उसळली असून स्थानिक नागरिकांनी कठोर कारवाईची मागणी केली आहे.

The post १० वर्षांच्या चिमुकलीवर वसतिगृह मालकाकडून महिनाभर बलात्कार, चौघांविरुद्ध POCSO अंतर्गत गुन्हा दाखल appeared first on थोडक्यात घडामोडी.

राजस्थान : एका भरधाव कारने नऊ जणांना चिरडल्याची धक्कादायक घटना घडली आहे. यामध्ये तीन जणांना प्राण गमवावे लागले, तर सहा जण जखमी झाले आहेत. ही घटना सोमवारी रात्री साडेनऊ वाजताच्या सुमारास जयपूरच्या परकोटा परिसरात घडली. याप्रकरणी पोलिसांनी कार चालकाला अटक केली आहे. घटनेच्या वेळी चालक दारुच्या नशेत होता, असे पोलिसांनी सांगितले. या घटनेमुळे परिसरात संताप व्यक्त केला जात होता, संतापलेल्या जमावाने कारची तोडफोड केली.

मिळालेल्या माहितीनुसार, सोमवारी रात्री नाहरगड पोलीस स्टेशनपासून अर्धा किलोमीटर अंतरावर कार चालकाने बेदरकारपणे नऊ जणांना चिरडले. या अपघातात तीन जण मृत्युमुखी पडले, तर सहा जण जखमी झाले आहेत. कार चालकाने रस्त्याच्या कडेला उभ्या असलेल्या गाड्या आणि दुचाकींना, तसेच समोरुन येणाऱ्या पादचाऱ्यांना धडक दिली. त्यामुळे परिसरात एकच गोंधळ उडाला. अपघातानंतर कार चालक गाडी सोडून पळून गेला. घटनास्थळी अनेकजण जमा झाले. जमावाने कारची तोडफोड केली. जमाव आक्रमक झाल्यामुळे आसपासच्या पोलीस स्टेशनमधून अतिरिक्त कुमक मागवण्यात आली. डीसीपी राशी डोगरा डुडी यांनी सांगितले की, कार चालक उस्मान खान (वय ५५, रा. शास्त्री नगर) याला अटक करण्यात आली आहे. त्यानंतर जमाव शांत झाला. आरोपी चालक उस्मान खान याची विश्वकर्मा येथे लोखंडाची फॅक्टरी असल्याचे सांगितले जात आहे. दरम्यान, चालक मद्यधुंद अवस्थेत होता, अशी माहिती पोलिसांनी दिली.

प्रत्यक्षदर्शींनी सांगितले की, कार चालकाने नाहरगड पोलीस स्टेशनच्या चौकात सर्वात आधी एका स्कूटरला आणि एका पादचाऱ्याला धडक दिली. त्यानंतर कार संतोषी माता मंदिराच्या दिशेने वेगाने नेली. तिथे त्याने एका बाईकला आणि एका पादचाऱ्याला धडक दिली. यानंतर, थोड्याच अंतरावर एका व्यक्तीला धडक मारली आणि त्यानंतर तो कार सोडून पळून गेला. अपघातामध्ये एक बाईक कारच्या समोर अडकली. चालकाने बाईक अडकलेली असतानाही कार चालवत नेली. त्यामुळे रस्त्यावर ठिणग्या पडू लागल्या होत्या. कारने चिरडल्याने एका व्यक्तीचा जागीच मृत्यू झाला.

नाहरगड पोलीस स्टेशनमधील पोलिसांनी सांगितले की, “मोठा आवाज ऐकून आम्ही बाहेर धावलो, तोपर्यंत कार चालकाने एका स्कूटरला धडक मारली होती आणि एका पादचाऱ्याला चिरडले होते. तो वेगाने कार चालवत होता आणि समोर येणाऱ्या प्रत्येकाला धडक मारत होता. जखमींना तात्काळ गणगौरी रुग्णालयात दाखल करण्यात आले. तेथून चार जणांना एसएमएस रुग्णालयात रेफर करण्यात आले.”

या अपघातात अवधेश पारीक (वय 35) आणि ममता कंवर (वय 50), वीरेंद्र सिंह (वय 45, ममता यांचे भाऊ) यांचा मृत्यू झाला. तर, मोनेश सोनी (वय 28), दीपिका सोनी (वय 17), मोहम्मद जलालुद्दीन (वय 44), विजय नारायण (वय 65), जेबुनिशा (वय 50) आणि अंशिका (वय 24) हे जखमी झाले आहेत. अपघातात 2 लहान मुलेही जखमी झाली आहेत.

The post संतापजनक! मद्यधुंद कार चालकाची समोर येणाऱ्या प्रत्येकाला धडक, अनेकांना चिरडले, तिघांचा मृत्यू appeared first on थोडक्यात घडामोडी.

राजस्थान : आज (११ मार्च) राजस्थानातील नागौर जिल्ह्यात एक दुर्दैवी अपघात घडला, ज्यामध्ये जोधपूर येथील राष्ट्रीय कायदा विद्यापीठ (एनएलयू) च्या विद्यार्थ्यांना घेऊन जाणारी बस उलटली. ही बस चंदीगड येथील राजीव गांधी राष्ट्रीय कायदा विद्यापीठाच्या वार्षिक क्रीडा महोत्सवात सहभागी होऊन परत येत होती. सकाळी ५.३० वाजता देह गावाजवळ झालेल्या या अपघातात तीन विद्यार्थ्यांचा मृत्यू झाला आणि अनेक जण जखमी झाले.

सुरपालिया पोलिस स्टेशनचे हाऊस अधिकारी सिया राम यांनी सांगितले की, हा अपघात एक ट्रक बसला धडकल्यामुळे घडला. अपघातानंतर बस उलटली, बसमध्ये सुमारे २० विद्यार्थी होते. या अपघातात तीन विद्यार्थ्यांचा मृत्यू झाला. अपघातात गंभीर जखमी झालेल्या चार विद्यार्थ्यांना जोधपूर येथे रेफर करण्यात आले, तर इतर जखमींना प्राथमिक उपचार देऊन सरकारी बसने जोधपूरकडे पाठवण्यात आले.

मिळालेल्या माहितीनुसार, ७ ते १० मार्च दरम्यान आयोजित राजीव गांधी राष्ट्रीय कायदा विद्यापीठ (RGNUL) च्या चार दिवसांच्या वार्षिक क्रीडा महोत्सवातून हे विद्यार्थी परतत होते. एनएलयू, जोधपूर येथील अधिकारीही अपघातस्थळी पोहोचले आहेत.

राजस्थानच्या उपमुख्यमंत्री दिया कुमारी यांनी या अपघातावर शोक व्यक्त करत ट्विटरवर लिहिले, “नागौर येथे जोधपूर लॉ युनिव्हर्सिटीच्या विद्यार्थ्यांची बस उलटल्याची आणि आणखी एका भीषण रस्ते अपघातात नागरिकांचा मृत्यू आणि अनेक जण जखमी झाल्याची बातमी हृदयद्रावक आहे.” त्यांनी मृतांच्या आत्म्यास शांती आणि जखमींना लवकर बरे होण्यासाठी प्रार्थना केली. “देव मृतांच्या आत्म्यास त्यांच्या चरणी स्थान देवो आणि शोकाकुल कुटुंबीयांना शक्ती देवो,” असे त्यांनी आपल्या शोकसंदेशात म्हटले.

The post जोधपूर लॉ युनिव्हर्सिटीच्या विद्यार्थ्यांना घेऊन जाणारी बस उलटली, ३ जणांचा मृत्यू appeared first on थोडक्यात घडामोडी.

राजस्थान : राजस्थानमधील बिकानेर येथील महाजन फील्ड फायरिंग रेंजमध्ये तोफांच्या सरावादरम्यान मोठी दुर्घटना घडली. सराव सुरु असताना बॉम्बस्फोट झाल्याची माहिती समोर आली आहे. या अपघातात दोन जवानांचा जागीच मृत्यू झाला असून एक जवान गंभीर जखमी झाला आहे.

ही दुर्घटना महाजन फील्ड फायरिंग रेंजच्या नॉर्थ कॅम्पमधील चार्ली सेंटरमध्ये घडली आहे. अपघातात गंभीर जखमी झालेल्या जवानाला सुरतगड येथील लष्करी रुग्णालयात दाखल करण्यात आले आहे. PTI ने दिलेल्या वृत्तानुसार, संरक्षण प्रवक्त्याने (defence spokesperson) याबाबत माहिती देताना सांगितले कि, बिकानेरच्या महाजन फील्ड फायरिंग रेंजमध्ये प्रशिक्षणादरम्यान टँकमध्ये दारूगोळा भरत असताना दोन जवान शहीद झाले.

The post बिकानेरच्या फील्ड फायरिंग रेंजमध्ये मोठी दुर्घटना, दोन जवान शहीद, एक गंभीर जखमी appeared first on थोडक्यात घडामोडी.

जयपूर: राजस्थानच्या हनुमानगडमध्ये सोमवारी सकाळी मिग-२१ हे लढाऊ विमान कोसळून मोठी दुर्घटना झाली आहे. बहलोल नगर भागातील एका घरावर हे लढाऊ विमान कोसळले. या अपघातात दोघांचा मृत्यू झाला आहे. हे विमान उडवमारा वैमानिक सुखरूप असल्याचं पोलिसांनी सांगितले. अपघातानंतर घटनास्थळी ग्रामस्थांची मोठी गर्दी झाली आहे. सूत्रांनी दिलेल्या माहितीनुसार, मिगने सुरतगड येथून उड्डाण केले होते.

मिग-२१ हे लढाऊ विमान कोसळण्यापूर्वी पायलट हा पॅराशूटने सुरक्षित बचावण्यात यशस्वी झाला. पण, या दुर्घटनेत महिलेसह दोघांचा नाहक बळी गेला तर काही ग्रामस्थ जखमी झाले आहेत. इतकंच नाही तर ज्या घरावर हे विमान कोसळलं ते पूर्णपणे जमिनदोस्त झालं आहे. आसपास विमानाचे काही भाग जळताना दिसत आहेत.

हवाई दलाच्या म्हणण्यानुसार, हवाई दलाच्या सुरतगड स्थानकावरून मिग-२१ या लढाऊ विमानाने उड्डाण केले होते. टेक ऑफ केल्यानंतर लगेचच या विमानात तांत्रिक बिघाड समोर आला. पायलटने याबाबत स्टेशनला माहिती दिली. यानंतर पायलट पॅराशूट विमानातून बाहेर पडण्यात यशस्वी झाला. मात्र, हनुमानगढ येथील सदर पोलीस स्टेशन परिसरातील एका घरावर हे विमान कोसळले. या अपघातात पायलट सुखरूप बचावला मात्र दोन ग्लामस्थांचा मृत्यू झाला. अपघाताची माहिती मिळताच हवाई दलाचे बचावकार्य सुरू झाले आहे. हेलिकॉप्टरमधून बचाव पथक घटनास्थळी पोहोचले आहे. जखमी पायलटला तातडीने रुग्णालयात दाखल करण्यात आले.

The post राजस्थानमध्ये घरावर मिग-२१ विमान कोसळलं, गच्चीवर झोपलेल्या महिलेसह दोघांचा मृत्यू appeared first on थोडक्यात घडामोडी.

राजस्थान : राजस्थानमध्ये राहुल गांधींच्या भारत जोडो यात्रेचा बुधवारी 10 वा दिवस आहे. सवाईमाधोपूर येथील भदोती येथून बुधवारी भारत जोडो यात्रेला सुरुवात झाली. आरबीआयचे माजी गव्हर्नर एन रघुराम राजन यांनीही बुधवारी भारत जोडो यात्रेत सहभाग घेतला. राहुल गांधींची यात्रा आज दौसा जिल्ह्यात दाखल होणार आहे.

सवाई माधोपूर येथील भदोती येथून भारत जोडो यात्रेला सुरुवात झाली. ही यात्रा सकाळी १० वाजता बामनवास येथील बादश्यामपुरा टोंड येथे पोहोचेल. टोंड येथे प्रवाशांचे जेवण होईल. त्यानंतर दुपारी साडेतीन वाजल्यापासून प्रवासाचा दुसरा टप्पा सुरू होईल. यात्रेचा मुक्काम बुधवारी सायंकाळी साडेसहा वाजता दौसा जिल्ह्यातील लालसोट येथील बागडी गाव चौकात आहे. राहुल गांधी यांची पथनाट्याची सभा येथे ठेवण्यात आली आहे.

भारत जोडो यात्रेत RBI चे माजी गव्हर्नर सामील
आरबीआयचे माजी गव्हर्नर एन रघुराम राजन यांनीही बुधवारी भारत जोडो यात्रेत सहभाग घेतला. या भेटीदरम्यान राहुल गांधी आणि रघुराम राजन यांच्यात दीर्घ चर्चा झाली. यूपीए सरकारमध्ये रघुराम राजन यांना आरबीआयचे गव्हर्नर बनवण्यात आले होते. रघुराम राजन हे आर्थिक मुद्द्यांवर स्पष्ट बोलण्यासाठी ओळखले जातात.

दौसा येथे भारत जोडो यात्रा पाच दिवस चालणार आहे. 16 डिसेंबर रोजी यात्रेचे 100 दिवस पूर्ण होणार आहेत. राहुल गांधींचा प्रवास आता सचिन पायलट यांच्या प्रभावक्षेत्रातून जात आहे. यात्रेतील पायलट समर्थकांची संख्याही वाढू लागली आहे. काँग्रेसचे सरचिटणीस जयराम रमेश यांनी सांगितले की, यात्रेचे 100 दिवस पूर्ण झाल्यानंतर 16 डिसेंबर रोजी राहुल गांधी जयपूरला जाणार आहेत. तेथे राहुल आणि सर्व प्रवासी सुनिधी चौहानच्या संगीत कार्यक्रमात सहभागी होतील.

The post आरबीआयचे माजी गव्हर्नर रघुराम राजन भारत जोडो यात्रेत झाले सहभागी appeared first on थोडक्यात घडामोडी.

जयपूर : राजस्थानमधील बाडमेर मध्ये एक मिग एअर क्राफ्ट क्रॅश झालं आहे. ही घटना रात्री नऊ वाजताच्या सुमारास घडली. विमानाचे तुकडे अर्धा किलोमीटर परिसरात पडले असल्याची माहिती समोर आले आहे. एअरफोर्सचं विमान मिग-२१ अपघातग्रस्त झालं असून यामध्ये दोन पायलट होते, अशी माहिती आहे. ही दुर्घटना बाडमेरच्या बायतू क्षेत्रातील भीमडा गावात घडली आहे. एअरफोर्सचं विमान मिग-२१ भीमडा गावाजवळून उड्डाण घेत होतं. अद्याप विमान का दुर्घटनाग्रस्त झालं याची माहिती समोर आली नाही. घटनेची माहिती मिळताच जिल्हाधिकारी, पोलीस अधीक्षक आणि वायूसनेचे अधिकारी घटनास्थळी रवाना झाले आहेत.

#WATCH भारतीय वायुसेना का एक मिग-21 लड़ाकू विमान राजस्थान के बाड़मेर के पास दुर्घटनाग्रस्त हो गया। अधिक जानकारी की प्रतीक्षा है। pic.twitter.com/66skwo3znG

— ANI_HindiNews (@AHindinews) July 28, 2022

भारतीय हवाई दलाचं मिग फायटर २१ हे विमान राजस्थानातील भीमडा गावात कोसळलं. या घटनेत भारतीय हवाई दलाचे दोन पायलट जखमी झाल्याची माहिती समोर आली होती. मात्र, ते दोन्ही पायलट शहीद झाल्याची माहिती आहे. विमानाचे पायलट नेमके कोण होते, याची माहिती समोर आलेली नाही. या घटनेचा थरार व्हिडिओ देखील समोर आला आहे. बैतू पोलीस ठाण्याच्या हद्दीतील भीमडा येथे जोरदार स्फोट होऊन विमान पडले. स्फोटाचा आवाज ऐकून स्थानिक घटनास्थळी दाखल झाले. विमान कोसळल्यानंतर मोठे आगीचे लोळ उठले. पोलिस आणि प्रशासनाचे पथक घटनास्थळी दाखल झाले आहे. यात अपघातानंतर विमानाच्या अवशेषाला आग लागल्याचे दिसत आहे. जमिनीवर पायलटचा मृतदेहही दिसत आहे.  मिग-२१ कोसळल्याच्या घटनेची केंद्र सरकारनं दखल घेतली आहे. केंद्रीय संरक्षण मंत्री राजनाथ सिंह यांनी भारताचे हवाई दलप्रमुख व्ही.आर. चौधरी यांच्याशी चर्चा केली आहे. हवाईदल प्रमुखांनी या घटनेबद्दल राजनाथ सिंह यांना माहिती दिली आहे.

IAF deeply regrets the loss of lives and stands firmly with the bereaved families.
A Court of Inquiry has been ordered to ascertain the cause of the accident

— Indian Air Force (@IAF_MCC) July 28, 2022

The post भीषण दुर्घटना, हवाई दलाचं मिग-२१ विमान क्रॅश, दोन पायलट शहीद appeared first on थोडक्यात घडामोडी.

राजस्थान : राजस्थानमधील बुंदी जिल्ह्यात एक अतिशय धक्कादायक घटना घडली आहे. येथे एका निर्दयी बापाने आपल्या ८ वर्षांच्या मुलाला छताच्या पंख्याला मुलाला उलटं टांगून बेदम मारहाण केली. या मुलाने शाळेतून दिलेला गृहपाठ पूर्ण न केल्याने बापाने मुलाला अमानुषपणे मारहाण केली. या घटनेमुळे सर्वत्र संताप व्यक्त केला जात आहे.

बुंदी जिल्ह्यातील डाबी पोलीस ठाण्याच्या हद्दीतील नरोली गावात हा धक्कादायक प्रकार घडला. खदानीत काम करणाऱ्या पुष्कर प्रजाप्त याने आपल्या मुलाला मारहाण केल्याचा आरोप आहे. गृहपाठ पूर्ण न करता तो खेळायला गेला होता. याचा राग आल्याने बापाने त्याला पंख्याला उलटे टांगून मारहाण केली. मुलाच्या आईने मुलाला आपल्या पतीच्या तावडीतून सोडवण्याचे बरेच प्रयत्न केले. परंतु, त्याने काहीही ऐकले नाही. मुलाच्या आईने आपल्या मोबाइलमध्ये या घटनेचा व्हिडिओ बनवून चित्तौडमध्ये राहणाऱ्या आपला भाऊ चंद्रभान प्रजाप्त याला पाठवला. त्यानंतर तो व्हिडिओ सोशल मीडियावर व्हायरल झाला.

चंद्रभानने व्हिडिओ मिळाल्यानंतर चित्तौड जिल्ह्यातील स्थानिक पोलीस ठाण्यात तक्रार दाखल केली. ही घटना दुसऱ्या पोलीस ठाण्याच्या हद्दीत घडली आहे, त्यामुळे या ठिकाणी गुन्हा नोंदवू शकत नाही असे तिथल्या स्थानिक पोलीस ठाण्यातून सांगण्यात आले. त्यानंतर चंद्रभान याने चाइल्डलाइन समन्वयक भूपेंद्र सिंह यांच्याशी चर्चा केली. त्यांनी ते प्रकरण बुंदी जिल्ह्यातील शाखेकडे पाठवले. बुंदीच्या चाइल्डलाइन समन्वयकांनी हे प्रकरण डाबी पोलीस ठाण्यात कळवल्यानंतर हे प्रकरण उघड झाले.

पोलीस या घटनेच्या तपासासाठी गावात गेले असता त्यांच्या घराला कुलूप लावलेले आढळले. त्यामुळे पोलिसांना परत यावे लागले. मुलाची आई भेटू न शकल्याने तक्रार दाखल करून घेऊ शकलो नाही, असे डाबी पोलिसांनी सांगितले. व्हायरल व्हिडिओ समोर आल्यानंतर पोलीस अधीक्षकांनी चौकशी करून त्याचा अहवाल सादर करण्याचे आदेश दिले आहेत. ही घटना उघडकीस आल्यानंतर बाल अधिकार संरक्षणासाठी स्थापन केलेल्या राजस्थान राज्य समितीने जिल्हा अधीक्षकांना कठोर कारवाईचे निर्देश दिले आहेत.

The post धक्कादायक! गृहपाठ पूर्ण न केल्याने बापाने मुलाला पंख्याला उलटं टांगून केली मारहाण appeared first on थोडक्यात घडामोडी.

IPL 2021 : आयपीएलमध्ये आज मुंबई इंडियन्स आणि राजस्थान रॉयल्स यांच्यात सामना रंगणार आहे. दोन्ही संघांचे 12-12 सामन्यांत 10-10 गुण आहेत. प्लेऑफमध्ये स्थान मिळवण्यासाठी दोघांनाही उर्वरित सामने जिंकणे आणि त्यांचा नेट रन रेट सुधारणे आवश्यक आहे. या हंगामात मुंबई आणि राजस्थान यांच्यातील पहिला सामना 29 एप्रिल रोजी खेळला गेला. मुंबईने तो सामना 7 गडी राखून जिंकला.

या मोसमात आतापर्यंत चेन्नई सुपर किंग्ज, दिल्ली कॅपिटल्स आणि रॉयल चॅलेंजर्स बेंगलोर हे संघ प्ले-ऑफसाठी पात्र ठरले आहेत. चौथ्या स्थानासाठी कोलकाता नाईट रायडर्स, राजस्थान रॉयल्स, मुंबई इंडियन्स आणि पंजाब किंग्ज हे संघ लढत आहेत. नेट रन रेटच्या बाबतीत, कोलकाता (+0.294) सर्वोत्तम स्थितीत आहे. राजस्थान (-0.337) आणि मुंबई (-0.453) यांना विजयासह त्यांचे नेट रन रेट सुधारण्यासाठी प्रयत्न करावे लागतील. यासाठी त्यांना मोठ्या फरकाने जिंकणे आवश्यक आहे.

गतविजेत्या मुंबई संघाला या मोसमात चांगली कामगिरी करता आलेली नाही. मुंबई इंडियन्सचे अनेक स्टार खेळाडू सध्या आउट ऑफ फॉर्म आहेत. कर्णधार रोहित शर्मा स्वतः फारशा चांगल्या स्थितीत नाही. हार्दिक पंड्या फक्त एका सामन्यात चांगला खेळ दाखवू शकला आहे. मात्र, तो अजूनही गोलंदाजी करत नाही. पोलार्ड देखील त्याच्या प्रतिष्ठेनुसार खेळू शकला नाही. इशान किशनला मागच्या सामन्यात ड्रॉप करावे लागले.

The post आज मुंबई इंडियन्स आणि राजस्थान रॉयल्स यांच्यात सामना, दोघांसमोर ‘करो वा मरो’ परिस्थिती appeared first on थोडक्यात घडामोडी.

राजस्थान : राजस्थानच्या सीकरमधून एक धक्कादायक प्रकरण समोर आले आहे. येथे एका मुलीने हेड कॉन्स्टेबलवर पोलीस स्टेशनमध्ये बलात्कार केल्याचा आरोप केला आहे. पीडित मुलीचे म्हणणे आहे की हेड कॉन्स्टेबलने तिच्या प्रियकराला पोलीस ठाण्याबाहेर पाठवले आणि तिच्यावर बलात्कार केला.

मिळालेल्या माहितीनुसार, राजस्थानच्या सीकर येथील एक मुलगी तिच्या प्रियकरासोबत पळून गेली होती. त्यानंतर, मुलीच्या कुटुंबीयांनी सीकरमधील सिंगरावट पोलीस स्टेशनमध्ये जाऊन तक्रार केली. पोलिस तपासात समजले की प्रियकर आणि प्रेयसी श्रीगंगानगरमध्ये राहत आहेत. यानंतर, हेड कॉन्स्टेबल सुभाष कुमारला त्यांना आणण्यासाठी पाठवण्यात आले. सुभाष त्यांना आणायला गेला, त्याने प्रियकराला गाडीत पुढच्या सीटवर बसवले आणि तो स्वतः मुलीसोबत मागच्या सीटवर बसला. वाटेत त्याने मुलीचा विनयभंग केला. त्याने विरोध केला असता त्याने तिला मारहाण केली.

मुलीच्या म्हणण्यानुसार, ते सर्वजण रात्री पोलीस स्टेशनमध्ये पोहोचले, तेव्हा तिच्या प्रियकराला बाहेर पाठवण्यात आले. 29 ऑगस्ट रोजी पहाटे 4 वाजता सुभाषने मुलीला तिचा जबाब नोंदवण्यासाठी बोलावले. त्यानंतर तिला धमकी देऊन तिच्यावर बलात्कार केला. बलात्कार केल्यानंतर सुभाषने प्रेमी युगुलाला कोणतीही कारवाई न करता सोडून दिले. मुलगी घरी पोहचल्यानंतर तिने घडलेली संपूर्ण घटना तिच्या कुटुंबीयांना सांगितली. यानंतर मुलीच्या कुटुंबीयांनी पोलीस स्टेशनमध्ये जाऊन गोंधळ घातला.

पोलिसांनी पंचायत बोलावून प्रकरण मिटवून टाकले. परंतु, पीडित मुलीच्या प्रियकराने ते अमान्य केले. तो मुलीसोबत एसपी समोर हजर झाला आणि त्यांना संपूर्ण घटना सांगितली. त्यांनी त्वरित कारवाई करत हेड कॉन्स्टेबलला काढून टाकले. आता पोलीस या प्रकरणाचा तपास करत आहेत.

The post मुलगी प्रियकरासोबत पळून गेल्याची केली तक्रार, पण मुलीवर पोलीस स्टेशनमध्येच झाला बलात्कार appeared first on थोडक्यात घडामोडी.