मुंबई : जलसंपदा (विदर्भ, तापी, कोकण खोरे विकास महामंडळ) व आपत्ती व्यवस्थापन मंत्री गिरीश महाजन यांनी मुख्यमंत्री सहायता निधीसाठी वर्षभराचे संपूर्ण वेतन रुपये ३१ लाख १८ हजार २८६ इतक्या रकमेचा धनादेश मुख्यमंत्री देवेंद्र फडणवीस यांच्याकडे सुपूर्द केला.

राज्यात मुसळधार पाऊस व महापुरामुळे शेती आणि मालमत्तेचे मोठ्या प्रमाणावर नुकसान झाले आहे. बाधित नागरिकांना मदत पुरविण्यासाठी मुख्यमंत्री सहायता निधीतून अर्थसहाय्य दिले जात आहे. या पार्श्वभूमीवर जलसंपदा मंत्री गिरीश महाजन यांनी स्वतःचा वर्षभराचा पगार मदतीसाठी देण्याचा निर्णय घेतला. जलसंपदा मंत्री गिरीश महाजन यांनी मंत्रीपदाची शपथ घेतल्यापासून डिसेंबर २०२४ ते नोव्हेंबर २०२५ या कालावधीतील संपूर्ण वेतन मुख्यमंत्री सहायता निधीस दिले आहे.

आपत्ती व्यवस्थापन मंत्री म्हणून त्यांनी जालना, बीड, छत्रपती संभाजीनगर, धाराशिव, सोलापूर, जळगाव आणि नाशिक जिल्ह्यांतील पूरग्रस्त भागांना भेट देऊन नुकसानीचा आढावा घेऊन राज्य शासन शेतकऱ्यांच्या आणि जनतेच्या पाठीशी खंबीरपणे उभे असल्याची हमी त्यांनी या आपत्तीग्रस्तांना दिली. राज्यात मुसळधार पावसामुळे आणि महापुरामुळे मोठ्या प्रमाणावर नुकसान झाले असून या आपत्तीग्रस्तांना शासन मदत करत आहे. शासनाच्या मदतीसोबत गिरीश महाजन यांनी वर्षभराचे वेतन मुख्यमंत्री सहायता निधीस दिले आहे.

The post जलसंपदा मंत्री गिरीश महाजन यांच्याकडून वर्षभराचे वेतन मुख्यमंत्री सहायता निधीस appeared first on थोडक्यात घडामोडी.

मुंबई : मध्य भारतावर एक कमी दाबाचा पट्टा निर्माण होत असून याच्या प्रभावामुळे कोकण, मध्य महाराष्ट्र (प्रामुख्याने घाट परिसर), मुंबई महानगर प्रदेश, आणि मराठवाड्यात (प्रामुख्याने पश्चिम आणि दक्षिण भाग) 18 ते 19 ऑगस्ट दरम्यान जोरदार पावसाची शक्यता वर्तविण्यात आली आहे.

यात प्रामुख्याने कोकणातील सर्वच जिल्हे; नाशिक, पुणे, सातारा, सांगली, कोल्हापूर, पालघर, ठाणे, उर्वरित मुंबई महानगर; सोलापूर, धाराशिव, आणि लातूर जिल्ह्यांचा काही भाग यांचा समावेश आहे. या दरम्यान खान्देश आणि उर्वरित मराठवाड्यात देखील मध्यम ते जोरदार पावसाचा अंदाज आहे. तुलनेत विदर्भात हलका ते मध्यम स्वरूपाचा पाऊस अपेक्षित आहे.

या दरम्यान कोकण आणि पश्चिम महाराष्ट्रातील घाट परिसरातील धरण साठ्यात वाढ होऊन नदी-नाल्यांना पूर येण्याची शक्यता आहे. तसेच काही प्रमाणात दरड कोसळणे, आणि सखल भागांमध्ये पूरस्थिती निर्माण होऊ शकते, ज्यामुळे नागरिकांनी सतर्क राहावे, असे आवाहन राज्याच्या आपत्ती व्यवस्थापन विभागाकडून करण्यात आले आहे.

The post राज्यात आज व उद्या अनेक ठिकाणी मुसळधार पावसाचा इशारा appeared first on थोडक्यात घडामोडी.

मुंबई : खडकवासला धरण परिसरात होत असलेला पाऊस आणि खडकवासला धरणामध्ये येत असलेल्या पाण्याचा प्रमाण पाहता खडकवासला धरणातून आज १९ जून रोजी दुपारी एक वाजता २ हजार क्युसेक्सने विसर्ग सोडण्यात आला आहे. पावसाचे प्रमाण पाहता या विसर्गात टप्प्याटप्प्याने वाढ होण्याची शक्यता नाकारता येत नाही. त्यामुळे पुणे महानगरपालिका परिसरातील नागरिकांना सतर्कतेचा इशारा देण्यात आला आहे, असे राज्य आपत्कालीन कार्य केंद्राकडून कळविण्यात आले आहे.

The post खडकवासला धरणातून २ हजार क्युसेक्सने विसर्ग appeared first on थोडक्यात घडामोडी.

पुणे : राज्यात अनेक ठिकाणी जोरदार पावसाचं आगमन झालं आहे. अरबी समुद्रात आणि पश्चिम बंगालमध्ये कमी दाबाचे क्षेत्र तयार झाल्यामुळे राज्यभरात मुसळधार पावसाने हजेरी लावली आहे, तर पुण्यात आज सकाळपासूनच पावसाला सुरुवात झाली आहे.

राज्यात आजपासून पुढील चार दिवस मान्सून सक्रिय होत असून, राज्यातील सर्वच जिल्ह्यांना मुसळधार ते अतिमुसळधार पावसाचा इशारा हवामान विभागाने दिला आहे. पुणे, मुंबई, पालघरसह इतर 13 जिल्ह्यांना अतिमुसळधार पावसाचा ऑरेंज अलर्ट, तर 28 जिल्ह्यांना यलो अलर्ट देण्यात आला आहे.

बंगालच्या उपसागरासह अरबी समुद्रातही कमी दाबाचे पट्टे तयार होत असल्याने मान्सूनचे वारे प्रचंड वेगाने वाहत असून पावसाचा जोर वाढला आहे. मुंबई, पुणे, पालघर, ठाणे, रत्नागिरी, रायगड, सिंधुदुर्ग, सातारा, अमरावती, भंडारा, चंद्रपूर, गोंदिया या जिल्ह्यांना ऑरेंज अलर्ट देण्यात आला आहे.

चार दिवस पुण्यात मुसळधार पावसाची शक्यता
हवामान विभागाने पुणे घाटमाथ्याला 24 ते 27 ऑगस्ट हे चार दिवस मुसळधार पावसाचा इशारा दिला आहे. शनिवार ते सोमवार पुण्यासह घाटमाथ्याला ऑरेंज अलर्ट तर मंगळवारी यलो अलर्ट दिला आहे. त्यामुळे नागरिकांनी काळजी घ्यावी, सतर्क रहावं, आवश्क असल्यास घराबाहेर पडावं, असं आवाहन प्रशासनाकडून करण्यात आलं आहे, त्याचबरोबर घराबाहेर जाताना छत्री, रेनकोट घेऊनच बाहेर जावे. झाडाखाली थांबू नये, असा सल्लाही हवामान विभागाकडून देण्यात आला आहे.

The post राज्यातील सर्वच जिल्ह्यांना मुसळधार ते अतिमुसळधार पावसाचा इशारा, सतर्क राहण्याच्या सूचना appeared first on थोडक्यात घडामोडी.

मुंबई : काही दिवसापासून राज्यातील वातावरणात बदल होत आहेत. मात्र, अजूनही पावसाची प्रतीक्षा आहे. दरम्यान, हवामान खात्याने उद्यापासून (23 जून) राज्याच्या काही भागात पावसाची शक्यता वर्तवली आहे. कोकणातील काही भागांसह मध्य महाराष्ट्र आणि विदर्भात पावसाची शक्यता आहे. तसेच 24 आणि 25 जूनपासून पावसाचा जोर वाढण्याची शक्यता आहे. मराठवाड्यात काही ठिकाणी मेघगर्जनेसह पावसाची शक्यता आहे.

21 Jun: @RMC_Mumbai & @imdnagpur ने 23 जूनपासून कोकणातील काही भागात, मध्य महाराष्ट्र व विदर्भात ; 24-25 जूनपासून पावसाचा जोर वाढण्याचा अंदाज वर्तवला आहे.
मराठवाडा मधील काही भागात मेघ गर्जनेसह पावसाची शक्यता.
IMD GFS guidance for 23 -25 June indicates same. pic.twitter.com/ZzbS3WRNjI

— K S Hosalikar (@Hosalikar_KS) June 21, 2023

मुंबईच्या प्रादेशिक हवामान केंद्राने वर्तवलेल्या अंदाजानुसार, मराठवाड्यात 23 ते 29 जूनदरम्यान सरासरीपेक्षा जास्त पाऊस पडण्याची शक्यता आहे. तर विस्तारित अंदाजानुसार मराठवाड्यात 25 जून ते 1 जुलैदरम्यान कमाल व किमान तापमान सरासरीएवढे असणार आहे. पाऊस सरासरीपेक्षा जास्त राहण्याची शक्यता आहे. अद्याप मराठवाड्यात मान्सूनचे आगमन झाले नाही. त्यामुळे शेतकऱ्यांनी पेरणीची घाई करू नये, असे आवाहन प्रशासनाने केले आहे.

The post उद्यापासून राज्यात अनेक ठिकाणी पावसाची शक्यता, 24 जूनपासून पावसाचा जोर वाढणार appeared first on थोडक्यात घडामोडी.

मुंबई : राज्यात येत्या 3-4 दिवसात पावसाचा जोर वाढण्याची शक्यता वर्तवण्यात आली आहे. सध्या काही ठिकाणी हलका ते मध्यम स्वरुपाचा पाऊस सुरु आहे. कोकणात व घाट भागात काही ठिकाणी येत्या 3-4 दिवसात पावसाचा जोर वाढण्याची शक्यता हवामान विभागाने वर्तवली आहे. मुंबई, ठाणे, रायगड, रत्नागिरी व सिंधुदुर्ग जिल्ह्यात अतिजोरदार पावसाची शक्यता आहे.

पुढील आठवड्यात 25 ते 26 ऑगस्टपर्यंत मुंबईसह कोकणातील चार जिल्ह्यात जोरदार पाऊस राहील. विदर्भातही 10 जिल्ह्यात दोन दिवसाच्या उघडीपीनंतर पुन्हा जोरदार पावसाची शक्यता आहे. मध्य महाराष्ट्रातील नाशिक, पुणे, सातारा, कोल्हापूर ह्या 4 जिल्ह्यांच्या पश्चिमेकडील सह्याद्रीतील घाटमाथ्यावरील घोटी, इगतपुरी, लोणावळा, मुळशी, ताम्हिणी, महाबळेश्वर, जावळी, बावडा, राधानगरी व परिसरात मध्यम ते मुसळधार पावसाची शक्यता आहे.

IMD GFS मोडेल नुसार, कोकणात व घाट भागात काही ठिकाणी येत्या 3,4 दिवसात पावसाचा जोर वाढण्याची शक्यता. विदर्भात पुढचे 2 दिवस. pic.twitter.com/Bh1tanYSsd

— K S Hosalikar (@Hosalikar_KS) August 20, 2022

मध्य महाराष्ट्रात व मराठवाड्यातील 8 जिल्ह्यात व विदर्भात मंगळवारपासून काहीशी उघडीप जाणवली तरी तुरळक ठिकाणी किरकोळ व हलक्या पावसाची शक्यता पुढील आठवडाभर कायम राहणार आहे.

The post राज्यात येत्या 3-4 दिवसात पावसाचा जोर वाढणार, ‘या’ जिल्ह्यांत अतिजोरदार पावसाची शक्यता appeared first on थोडक्यात घडामोडी.

पुणे : पुढील 3 ते 4 तासांत पुणे, अहमदनगर जिल्ह्यांतील काही ठिकाणी विजांच्या कडकडाटासह जोरदार पावसाची शक्यता वर्तवण्यात आली आहे. त्याचबरोबर 30-40 किमी प्रतितास वेगाने वादळी वारे वाहण्याची देखील शक्यता आहे. अशा परिस्थितीत घराबाहेर पडताना काळजी घेण्याचे आवाहन हवामान विभागाकडून करण्यात आले आहे.

पुण्यात सकाळपासूनच ढगाळ वातावरण आहे. दरम्यान, या ढगाळ वातावरणामुळे संपूर्ण महाराष्ट्रात दिवसाच्या तापमानात २-३ अंश सेल्सिअसची घट होईल, असा अंदाज वर्तवण्यात आला आहे. वादळाचा अंदाज लक्षात घेता, मुंबईतील IMD च्या प्रादेशिक हवामान केंद्राने पुणे आणि अहमदनगर जिल्ह्यांमध्ये पुढील 3 ते 4 तासांत जोरदार पाऊस पडण्याची शक्यता वर्तवली आहे. तसेच येथील रहिवाशांना जागरूक राहण्याचे आवाहन केले आहे.

23/04: Nowcast warning at 1530hrs : Thunderstorm with lightning and light to moderate spells of rain with gusty winds reaching 30-40 kmph very likely to occur at isol places in districts of Pune,Ahmednagar during next 3-4 hours. Take precautions while moving out.
-IMD MUMBAI pic.twitter.com/fnw2ShlKSl

— K S Hosalikar (@Hosalikar_KS) April 23, 2022

The post पुण्यासह नगरमध्ये पुढील 3 ते 4 तासांत जोरदार पाऊस, वादळी वारे वाहण्याची शक्यता… appeared first on थोडक्यात घडामोडी.

मुंबई : राज्यात पुढील 4 ते 5 दिवस दक्षिण कोकण, दक्षिण-मध्य महाराष्ट्र आणि मराठवाड्याच्या काही भागात विजांच्या गडगडाटासह पावसाची शक्यता आहे. काही ठिकाणी हलक्या पावसाचीही शक्यता हवामान विभागाकडून वर्तवण्यात आली आहे.

पुणे, रत्नागिरी, सिंधुदुर्ग, कोलापूर, सातारा, सांगली, अहमदनगर, सोलापूर, उस्मानाबाद, लातूर, नांदेड, अकोला आणि अमरावती या जिल्ह्यांना आज येलो अलर्ट जारी करण्यात आला आहे. या जिल्ह्यांत वादळी वाऱ्यासह पावसाची शक्यता आहे. अशावेळी सोसाट्याच्या वाऱ्यामुळे झाडे पडण्याची देखील शक्यता असते. त्यामुळे नागरिकांना काळजी घेण्याचे आवाहन करण्यात येत आहे.

21/04: Severe weather warnings issued by @RMC_Mumbai for coming 5 days.
Further details being updated. pic.twitter.com/fnPiy4J9iN

— K S Hosalikar (@Hosalikar_KS) April 21, 2022

The post राज्यात विजांच्या गडगडाटासह जोरदार पावसाची शक्यता, ‘या’ जिल्ह्यांना येलो अलर्ट जारी appeared first on थोडक्यात घडामोडी.

पुणे : येत्या ३ ते ४ तासात रत्नागिरी, सिंधुदुर्ग, नाशिक आणि सोलापूर या जिल्ह्यांमध्ये विजांच्या कडकडाटासह आणि ३०-४० किमी प्रतितास वेगाने वादळी वाऱ्यासह मध्यम ते तीव्र पाऊस पडण्याची शक्यता आहे. काही ठिकाणी गारपीट होण्याची देखील शक्यता हवामान खात्याकडून वर्तवण्यात आलेली आहे.

Thunderstorm accompanied with lightning & moderate to intense spells of rain with gusty winds reaching 30-40 kmph very likely to occur in the districts of Ratnagiri, Sindudurg, Nasik and Solapur during next 3-4 hours.Possibilty of hail at isolated places. pic.twitter.com/T5d2Jgab0b

— Regional Meteorological Center,Mumbai (@RMC_Mumbai) April 6, 2022

The post येत्या ३ – ४ तासांत ‘या’ जिल्ह्यांमध्ये विजांच्या कडकडाटासह जोरदार पाऊस, गारपीटीची शक्यता appeared first on थोडक्यात घडामोडी.

नवी दिल्ली : जानेवारीच्या शेवटच्या आठवड्यातही थंडीची लाट (Cold Wave) कायम आहे. उत्तर भारतात, हिमाचल प्रदेश आणि काश्मीरमध्ये हिमवृष्टीमुळे तापमानात घट झाली आहे. दरम्यान, हवामान खात्याने मध्य आणि पश्चिम भारतासाठी नवीन अलर्ट जारी केला आहे. आजपासून देशातील या भागात थंडीच्या लाटेचा नवा टप्पा सुरू होणार आहे. इथं केवळ तापमानात घट होणार नाही, तर २ ते ४ फेब्रुवारी दरम्यान पाऊसही पडू शकतो असाही अंदाज हवामान खात्याकडून वर्तवण्यात आला आहे.

हवामान खात्याने दिलेल्या माहितीनुसार, उत्तर-पश्चिम आणि मध्य भारतात ताशी १०-२० किलोमीटर वेगाने वारे वाहतील. त्यामुळे या भागाचे तापमान २ ते ४ अंश सेल्सिअसने खाली येऊ शकते. मध्य प्रदेशातील एकाकी भागात थंडीची लाट कायम राहील. याशिवाय छत्तीसगड आणि विदर्भातही तापमानात घट नोंदवली जाईल.

दरम्यान, पुढील काही दिवस विदर्भ, उत्तर मध्य महाराष्ट्र, मराठवाडा आणि गुजरात राज्यात काही ठिकाणी थंडीची लाट कायम राहण्याची शक्यता आहे. मुंबईसह महाराष्ट्राच्या विविध भागांत आताच पारा घसरून हूडहुडी भरू लागली आहे. मंद वाऱ्यांमुळे थंडी असह्य झाली आहे. अशावेळी हवामान विभागाने दिलेला ताजा अलर्ट महाराष्ट्राच्याही काळजीत भर टाकणारा ठरला आहे.

पुढील २४ तासांत पंजाब, हरियाणा, चंदीगड, पश्चिम उत्तर प्रदेश आणि राजस्थानमध्ये थंडीची लाट कायम राहील. उत्तर प्रदेशातही वेगळ्या भागात कडाक्याची थंडी पडण्याची शक्यता आहे. बिहारमध्येही लोकांना थंडीपासून सुटका मिळणार नाही. मात्र, पुढील २४ तासांनंतर पूर्व राजस्थानमधील नागरिकांना थंडीपासून दिलासा मिळू शकतो.

The post ‘या’ राज्यांमध्ये पावसाची शक्यता, हवामान खात्याकडून अलर्ट जारी, थंडीची लाट कायम… appeared first on थोडक्यात घडामोडी.