मुंबई : राज ठाकरे यांच्या पत्राचा गांभीर्यानं विचार करु, अशी प्रतिक्रिया देवेंद्र फडणवीस यांनी दिली आहे. तसेच, पक्षश्रेष्ठी आणि मुख्यमंत्री शिंदे यांच्याशी चर्चा करुन निर्णय घेऊ असंही फडणवीसांनी म्हटलं आहे.

राज ठाकरेंनी आवाहन करणारं पत्र लिहिल्यानंतर देवेंद्र फडणवीस म्हणाले की, अंधेरी पोटनिवडणुकीत मनसेनं आम्हाला पाठिंबा द्यावा, यासाठी आज आशिष शेलार राज ठाकरे यांची भेट घेऊन आले. त्यावेळी अशा पोटनिवडणुकीत आम्ही उमेदवार उभा करत नाही आणि पाठिंबाही देत नाही असं त्यांनी आम्हाला सांगितलं. तसेच, त्यांनी आम्हीही उमेदवार न देण्याची विनंती आशिष शेलारांकडे केली. त्यानंतर आता मला पत्र देत त्यांनी निवडणुकीतून माघार घेण्याची विनंती केली आहे. पुढे म्हणताना ते म्हणाले की, भारतीय जनता पार्टीमध्ये मी एकटा निर्णय करू शकत नाही. राज ठाकरे यांनी दिलेल्या पत्रावर विचार देखील करायचा असेल, तर मला माझ्या सहकाऱ्यांशी आणि वरिष्ठांची चर्चा करावी लागेल. आम्ही उमेदवार घोषितही केलाय आणि उमेदवारी अर्ज देखील भरला आहे. यापूर्वी अशा काही पोटनिवडणुकांमध्ये आम्हाला योग्य प्रकारे विनंती करण्यात आली तर त्यावेळी आम्ही माघार घेण्याची भूमिका घेतली होती. पण या स्टेजला आता त्या संदर्भात काही भूमिका घ्यायची असेल तर मला घेता येत नाही. पक्षात या संदर्भात चर्चा करावी लागेल. आमच्यासोबत बाळासाहेबांची शिवसेना आहे. त्यामुळे एकनाथ शिंदे यांच्याशी देखील चर्चा करावी लागेल. जरूर आम्ही या पत्राचा गांभीर्यानं विचार करू, मात्र जो निर्णय घ्यायचा आहे, तो चर्चे अंति घेता येईल. असं देवेंद्र फडणवीसांनी स्पष्ट केलं.

आमदार कै. रमेश लटके ह्यांच्या दुर्दैवी निधनानंतर अंधेरी (पूर्व) विधानसभा पोट-निवडणुकीबाबत उपमुख्यमंत्री श्री. देवेंद्र फडणवीस ह्यांना नम्र आवाहन आणि महाराष्ट्र नवनिर्माण सेनेची धोरणात्मक भूमिका.@Dev_Fadnavis pic.twitter.com/78nfA21hDP

— Raj Thackeray (@RajThackeray) October 16, 2022

The post राज ठाकरेंच्या पत्राचा गांभीर्यानं विचार करु, पक्षश्रेष्ठी आणि मुख्यमंत्री शिंदे यांच्याशी चर्चा करून निर्णय घेऊ – देवेंद्र फडणवीस appeared first on थोडक्यात घडामोडी.

पुणे : पुण्यातील मनसेच्या महाआरतीच्या आयोजनाला स्थगिती देण्यात आली आहे. खरंतर, मशिदींवरील भोंगे उतरवले गेले नाहीतर मनसेच्या प्रत्येक शाखेमध्ये हनुमान चालीसा लावून महाआरती करण्याचा निर्णय राज ठाकरे यांनी घेतला होता. पण उद्या रमजान ईद आहे. त्यामुळे राज ठाकरेंच्या औरंगाबाद सभेनंतर स्थानिक पातळीवर महाआरतीचा निर्णय स्थगित करण्यात आला आहे. मनसेच्या बैठकीत हा निर्णय झाल्याची माहिती मिळाली आहे.

मनसे आणि हिंदुत्ववादी संघटना उद्या अक्षयतृतीयाच्या मुहूर्तावर प्रत्येक शाखेमध्ये महाआरती करणार होते. पण उद्या ईद असल्यामुळे राज ठाकरे यांनी ४ तारखेपर्यंत भोंगे उतवरण्याचे अल्टीमेटम दिले आहे. त्यामुळे स्थानिक पातळीवर मनसे कार्यकर्त्यांनी उद्या ऐवजी ४ तारखेला महाआरती करण्याचा निर्णय घेतला आहे. त्यामुळे उद्याच्या आयोजनाला स्थगिती देण्यात आली आहे.

दरम्यान, मशिदींवरील भोंगे उतरवण्यासाठी महाराष्ट्र नवनिर्माण सेनेचे अध्यक्ष राज ठाकरे यांनी आता ३ ऐवजी ४ मेची मुदत दिली आहे. ३ तारखेला रमजान ईद आहे. मला सणात विष कालवायचे नाही. मात्र ४ मेपासून ऐकणार नाही. ज्या मशिदींवर भोंगे असतील, त्यांच्या समोर लाऊडस्पीकर लावून दुप्पट आवाजात हनुमान चालीसा म्हणू, असे देखील मनसे अध्यक्ष राज ठाकरे रविवारी म्हणाले.

The post मोठी बातमी! राज ठाकरेंच्या सभेनंतर पुण्यातील मनसेच्या महाआरतीचा निर्णय स्थगित appeared first on थोडक्यात घडामोडी.

मुंबई : महाराष्ट्र नवनिर्माण सेनेने (मनसे) गृहमंत्री अमित शहा यांना पत्र लिहून मशिदींवरील लाऊडस्पीकर हटवण्याची मागणी केली आहे. सर्वोच्च न्यायालयाच्या आदेशाची अंमलबजावणी करून तातडीने ध्वनिक्षेपक काढण्याची कार्यवाही सुरू करावी, अशी मागणी महाराष्ट्र नवनिर्माण सेनेच्या नाशिक अध्यक्षांनी केली आहे.

मनसे नाशिक अध्यक्षांनी केंद्रीय गृहमंत्री अमित शहा यांना पत्र लिहिले आहे. सर्वोच्च न्यायालयाच्या आदेशाची अंमलबजावणी करताना मशिदींतील लाऊडस्पीकर लवकरात लवकर हटवावेत, अशी मागणी त्यांनी केली आहे. मनसे अध्यक्ष राज ठाकरे यांनी 12 एप्रिल रोजी ठाण्यातील सभेत राज्य सरकारला 3 मे पर्यंत मशिदींवरील लाऊडस्पीकर हटवण्यास सांगितले होते. जर लाऊडस्पीकर हटवले नाहीत तर पक्षाचे कार्यकर्ते मशिदींसमोर लाऊडस्पीकरवरून हनुमान चालीसा वाजवायला सुरुवात करतील, असेही ते म्हणाले होते.

तत्पूर्वी, बाबासाहेब भीमराव आंबेडकर यांच्या जयंतीनिमित्त महाराष्ट्रातील संगमनेर येथे काढण्यात आलेल्या मिरवणुकीत काही दंगलखोरांनी गोंधळ घातला आणि इस्लाम झिंदाबाद आणि अल्लाह-हू-अकबरच्या प्रक्षोभक घोषणा दिल्या. यावेळी जमावाकडून महिलांचा विनयभंग झाल्याचीही चर्चा आहे.

The post मनसेचे गृहमंत्री अमित शहांना पत्र, लाऊडस्पीकर हटवण्याची केली मागणी appeared first on थोडक्यात घडामोडी.

पुणे : मनसे नेते वसंत मोरे यांना पक्षाच्या पुणे विभागाच्या प्रमुख पदावरून हटवल्याच्या एका दिवसानंतर त्यांना विविध राजकीय पक्षांच्या ऑफर आल्या. त्यानंतर ते पक्ष सोडणार का? अशी चर्चा सुरु होती. मात्र, मोरे यांनी सुरुवातीपासूनच ते मनसेतच राहणार असल्याचं म्हटलं होतं. आता त्यांनी ट्विट करत मी माझ्या साहेबांसोबतच असल्याचे सांगत मनसेचे अध्यक्ष राज ठाकरे यांच्यासोबतच फोटो शेयर केला आहे. असे करून त्यांनी सर्व चर्चांना पूर्णविराम दिला आहे.

आज राज ठाकरे यांनी वसंत मोरेंशी शिवतीर्थावर जवळपास तासभर चर्चा केली. वसंत मोरेंनी त्यांच्या अडचणी राज यांच्यासमोर मांडल्या. राज यांच्या भूमिकेबद्दल उघड नाराजी व्यक्त केल्याबद्दल वसंत मोरेंना जाब विचारण्यात आल्याचं समजतं. या भेटीनंतर मोरे काहीसे भावुक झाल्याचं पाहायला मिळालं. मोरेंनी माध्यमांशी बोलताना सांगितलं की माझ्या सर्व शंकांचं निरसन राज ठाकरेंनी केलं. त्यांच्याशी व्यवस्थित बोलणं झालं. उद्या ठाण्यात राज यांची सभा आहे. त्या सभेला ये. तिथे तुला सगळ्या प्रश्नांची उत्तरं मिळतील, असं राज ठाकरेंनी सांगितलं. या सभेला मी नक्की उपस्थित राहीन, असंही त्यांनी स्पष्ट केलं.

मी माझ्या साहेबांसोबत…

आयुष्यात संघर्षाचा वनवास भोगल्याशिवाय सुखाचा राजयोग येत नाही…!

?? जय श्रीराम ?? pic.twitter.com/4eAfvgf5wx

— Vasant More | वसंत मोरे (@vasantmore88) April 11, 2022

सरकारने कारवाई न केल्यास मशिदींसमोर हनुमान चालीसा वाजवण्याचे पक्षप्रमुख राज ठाकरे यांनी म्हटले होते. त्यावर वसंत मोरे म्हणाले होते की, मोठ्या संख्येने मुस्लिमांनी त्यांना मतदान केले असल्याने ते असे कृत्य करणार नाहीत. राज ठाकरे यांच्या आवाहनाला नकार दिल्याने मोरे यांना पदावरून हटवण्यात आले. त्यानंतर ठाकरे यांनी पक्षाच्या वरिष्ठ नेत्यांना मुंबईतील त्यांच्या निवासस्थानी बोलावून मनसेचे नगरसेवक साईनाथ बाबर यांची पुणे विभागप्रमुख म्हणून नियुक्ती केली होती.

2006 मध्ये ठाकरे यांनी पक्षाची स्थापना केल्यापासून वसंत मोरे पक्षाचे सदस्य आहेत. पीएमसीमध्ये सलग तीन वेळा निवडून आलेले मोरे हे एकमेव मनसे नेते आहेत. दरम्यान, वसंत मोरे यांना शहरप्रमुख पदावरून हटवण्यात आल्यानंतर राष्ट्रवादी काँग्रेस आणि शिवसेनेने या संधीचा फायदा घेण्याचा प्रयत्न केला होता. राष्ट्रवादीने मोरे यांना पक्षात येण्याची खुली ऑफर दिली होती. शहर शिवसेना प्रमुख संजय मोरे यांनीही मोरे यांना फोन करून पक्षात येण्याचे निमंत्रण दिले होते. मात्र, मी अजूनही मनसेसोबतच आहे आणि राज ठाकरे यांचा कट्टर अनुयायी आहे, असं वसंत मोरे म्हणाले होते.

दरम्यान, मनसेच्या वरिष्ठ नेत्यांनी शुक्रवारी वसंत मोरे यांची भेट घेतली. पक्षाचे नेते राजेंद्र वागस्कर म्हणाले होते कि, वसंत मोरे हे मनसेचे कट्टर सदस्य आहेत आणि स्थापनेपासून ते पक्षासोबत आहेत. ते ज्येष्ठ नेते असून मनसेसोबतच राहणार आहेत. आमचे पक्षप्रमुख राज ठाकरे यांनी त्यांना सोमवारी मुंबईत बोलावले आहे. ते 11 एप्रिल रोजी मुंबईत मोरे यांची भेट घेणार आहेत.

The post मी माझ्या साहेबांसोबत… वसंत मोरे यांच्याकडून पक्ष सोडण्याच्या सर्व चर्चांना पूर्णविराम appeared first on थोडक्यात घडामोडी.

मुंबई : ठाणे महापालिका प्रशासनाने शहरातील पदपथ आणि रस्ते अडविण्याऱ्या फेरीवाल्यांविरोधात मोहीम हाती घेतली आहे. त्यानुसार, महापालिकेच्या माजिवडा-मानपाडा प्रभाग समितीच्या सहायक आयुक्त कल्पिता पिंपळे यांच्या पथकामार्फत सोमवारी कारवाई सुरू होती. यावेळी कल्पिता पिंपळे यांच्यावर एका फेरीवाल्याने जीवघेणा हल्ला केला आहे. या हल्ल्यात कल्पिता पिंपळे यांची तीन बोटे कापली गेली असून त्यांच्या दुसऱ्या हाताला आणि डोक्यावर देखील जबर मार लागला आहे. पिंपळे यांच्या अंगरक्षकाच्याही डाव्या हाताचे बोट कापले गेले आहे. या प्रकरणावर मनसे अध्यक्ष राज ठाकरे यांनी संताप व्यक्त केला आहे.

मिळालेल्या माहितीनुसार, सोमवारी सायंकाळी पिंपळे यांच्या पथकाने कासारवडवली येथील बाजारपेठेत भाजीविक्रेता अमरजीत यादव याची गाडी जप्त केली. त्यानंतर अमरजीत याने पिंपळे यांच्या पाठीमागून येऊन त्यांच्या डोक्यावर सुऱ्याने वार करण्याचा प्रयत्न केला. हा हल्ला वाचविण्यासाठी पिंपळे यांनी सुरा पकडला. मात्र, त्यावेळी त्यांच्या डाव्या हाताची तीन बोटे कापली गेली. पिंपळे यांच्या बचावासाठी गेलेल्या त्यांच्या अंगरक्षकावरही अमरजीतने हल्ला केला. यात त्याच्याही डाव्या हाताचे बोट कापले गेले. पोलिसांनी या फेरीवाल्याला ताब्यात घेतले आहे.

मनसे अध्यक्ष राज ठाकरे यांनी या प्रकरणावर संताप व्यक्त करत म्हटलं कि, “महिला अधिकाऱ्यावर हल्ला करणारा आरोपी पोलिसांकडून जेव्हा सुटेल तेव्हा आमच्याकडून मार खाईल. यांची मस्ती उतरवली पाहिजे. ह्यांची जेव्हा सगळी बोटं छाटली जातील आणि यांना फेरीवाला म्हणून फिरता येणार नाही तेव्हा त्यांना कळेल. अशा प्रकारे अधिकाऱ्यावर हल्ला करण्याची हिंमत कशी होते यांची? आम्ही त्यांचा जाहीर निषेध करतो. काही लोक सुधारणारे नाहीत. यांची हिंमत ठेचलीच पाहिजे. सरकारी अधिकाऱ्याची बोटं छाटता? आज अटक झाली आहे उद्या जामीन मिळेल. परत दुसऱ्याची बोटं तोडायला बाहेर येतील.”

या घटनेनंतर पोलिसांनी अमरजीतला ताब्यात घेतले. त्यानंतर महापालिकेच्या वरिष्ठ अधिकाऱ्यांनी कासारवडवली पोलीस ठाण्यात अमरजीत विरोधात तक्रार नोंदविली.

The post महिला अधिकाऱ्यावर हल्ला करणारा फेरीवाला पोलिसांकडून सुटेल तेव्हा… राज ठाकरे यांनी व्यक्त केला संताप appeared first on थोडक्यात घडामोडी.

नवी मुंबई: वाशी टोल नाका तोडफोड प्रकरणी मनसे अध्यक्ष राज ठाकरे यांच्यावर 2014 साली वाशी पोलीस ठाण्यात गुन्हा दाखल केला होता. अनेक वेळा समन्स पाठवूनही राज ठाकरे उपस्थित न राहिल्याने बेलापूर कोर्टाने त्यांच्या विरोधात वॉरंट काढले होते. या प्रकरणात आज राज ठाकरे यांना जामीन मिळाला आहे. आज राज ठाकरे स्वत: वाशी कोर्टात हजर झाले होते.

राज ठाकरे यांना 15 हजारांच्या जातमुचलक्यावर त्यांना जामीन मंजूर करण्यात आला आहे. आता या प्रकरणी पुढील सुनावणी 5 मेला होणार आहे. यानंतर कोर्टाकडून साक्षीदारांना समन्स देण्यात येईल आणि केसला सुरुवात होईल. यापुढे राज ठाकरे यांना सुनावणीसाठी यावं लागणार नाही, असं वकिलांनी सांगितलं आहे. यावेळी राज ठाकरेंसोबत अमित ठाकरे, बाळा नांदगावकर, गजानन काळे उपस्थित होते.

काय आहे प्रकरण :
26 जानेवारी 2014 रोजी वाशीतील विष्णुदास भावे नाट्यगृहात मनसेचा कार्यकर्ता मेळावा आयोजित करण्यात आला होता. या मेळाव्याला मार्गदर्शन करताना राज ठाकरे यांनी महाराष्ट्रात टोलनाक्याबाबत प्रश्न उपस्थित केले होते. टोलनाक्यावरून सर्वसामान्य जनतेच्या पैशावर दरोडा टाकला जात असून यांना अद्दल घडवा असे वक्तव्य केले होते. राज ठाकरे यांच्या भाषणानंतर पुढील काही वेळातच वाशी खाडी पुलावरील टोलनाक्यावर नवी मुंबईतील मनसे कार्यकर्त्यांनी जोरदार तोडफोड केली होती. तसेच मनसे कार्यकर्त्यांनी वाशी टोल नाका फोडला होता.

याप्रकरणी अनेक वेळा कोर्टात हजर राहण्यास सांगूनही राज ठाकरे हजर झाले नव्हते. त्यामुळे बेलापूर कोर्टाकडून वॉरंट जारी करण्यात आलं आहे. 6 फेब्रुवारी रोजी हजर राहण्याचे आदेश कोर्टाने दिले आहेत. यादिवशी राज ठाकरे हजर न झाल्यास पुढील कारवाई केली जाईल असंही कोर्टाने स्पष्ट केलं होतं. यानंतर मनसेच्या इतर कार्यकर्त्यांनी कायदेशीर प्रक्रिया पूर्ण करून घेतली असली तरी राज ठाकरे यांनी मात्र पोलिसांच्या नोटिसींना उत्तरे दिली नव्हती. वाशी पोलिसांकडून अनेक वेळा राज ठाकरे यांना समन्स धाडूनही ते न्यायालयासमोर हजर झाले नव्हते. ही बाब पोलिसांनी वाशी न्यायालयाच्या लक्षात आणून दिल्यानंतर त्यांच्या विरोधात कोर्टाने वॉरंट जारी केले. 6 फेब्रुवारी रोजी हजर राहून कायदेशीर प्रक्रिया पूर्ण करण्याचे आदेश कोर्टाने राज ठाकरे यांना दिले होते.

The post ब्रेकिंग : वाशी टोलनाका तोडफोडप्रकरणी राज ठाकरेंना न्यायालयाकडून दिलासा appeared first on थोडक्यात घडामोडी.

मुंबई : ऊर्जामंत्री नितीन राऊत यांच्या विरोधात आज मुंबईतील शिवाजी पार्क पोलिस ठाण्यात तक्रार दाखल करण्यात आली. तक्रारीमध्ये सरकारने वीजबिल प्रकरणी लवकरच ग्राहकांच्या हिताचा निर्णय घेऊ असं आश्वासन दिलं होतं. परंतु, अद्याप याबाबत काहीच निर्णय घेण्यात आलेला नाही. त्यांनी एकप्रकारे ग्राहकांचा विश्वासघात केला आहे.

यासंदर्भात महाराष्ट्र नवनिर्माण सेनेकडून याआधी अनेकवेळा सरकारशी पत्रव्यवहार करण्यात आला होता. तसेच ऊर्जामंत्री नितीन राऊत यांची भेट देखील घेण्यात आली होती. परंतु, कुठल्याही प्रकारचे आश्‍वासन पूर्ण न झाल्यामुळे आज महाराष्ट्र नवनिर्माण सेनेनं नितीन राऊत यांच्या विरोधात तक्रार दाखल केली आहे.

The post ऊर्जामंत्री नितीन राऊत यांच्याविरोधात मनसेकडून फसवणूकीची तक्रार दाखल appeared first on थोडक्यात घडामोडी.

मुंबई : मनसेने केलेल्या आंदोलनानंतर अॅमेझॉनने काहीशी माघार घेतल्याचं दिसत आहे. आज मनसे नेते आणि अॅमेझॉनच्या अधिकाऱ्यांमध्ये व्हिडीओ कॉन्फरन्सिंगच्या माध्यमातून चर्चा झाली. आज अॅमझॉनच्या अधिकाऱ्यांनी विविध प्लॅटफॉर्मवर लवकरच मराठी भाषेचा समावेश करणार असल्याचं आश्वासन दिल्याचा दावा मनसे नेते अखिल चित्रे यांनी केला आहे.

अखिल चित्रे यांनी सांगितलं की, अॅमेझॉनच्या अधिकाऱ्यांनी मनसे नेत्यांसोबत चर्चा केली. आम्ही अॅप आणि वेबसाईटवर चूज युवर ओन लॅन्ग्वेज या पर्यायात लवकरच मराठी भाषा आणत आहोत. आम्ही क्षमस्व आहोत, असं अॅमेझॉनने म्हटलं आहे.

The post मनसेच्या आंदोलनानंतर अॅमेझॉनने घेतली माघार, लवकरच मराठी भाषेचा समावेश करणार appeared first on थोडक्यात घडामोडी.

मनसे कार्यकर्त्यांनी पुण्यानंतर मुंबईतील अ‍ॅमेझॉनची कार्यालयं फोडली आहेत. अ‍ॅमेझॉनचं पुण्यातील कार्यालय फोडण्यात आलं. पुण्यातील कोंढवा भागातील ॲमेझोनच्या कार्यालयाची मनसे कार्यकर्त्यांकडून तोडफोड करण्यात आली. त्यानंतर मुंबईत मनसे कार्यकर्त्यांनी चांदिवली येथील अ‍ॅमेझॉनच्या दोन कार्यालयात घुसून तोडफोड केली आहे. यावेळी कार्यकर्त्यांकडून ‘मराठी नाय तर अ‍ॅमेझॉन नाय’ अशी घोषणाबाजी करण्यात आली.

मनसेने सुरु केलेल्या मराठी भाषेच्या मोहिमेविरोधात अ‍ॅमेझॉनने कोर्टात धाव घेतली होती. यानंतर दिंडोशी कोर्टाकडून मनसे अध्यक्ष राज ठाकरे यांना नोटीस बजावण्यात आली आहे. कोर्टाने राज ठाकरे आणि काही मनसे सचिवांना ५ जानेवारीला कोर्टात हजर राहण्याचा आदेश दिला आहे. न्यायालयाने नोटीस पाठवल्यानंतर मनसेने आपण भूमिकेवर ठाम राहणार असल्याचं म्हणत यासाठी अ‍ॅमेझॉनला मोठी किंमत मोजावी लागेल असा इशारा अखिल चित्रे यांनी दिला होता.

The post खळ्ळखट्याक… पुण्यानंतर मुंबईतील अ‍ॅमेझॉनची कार्यालयं मनसे कार्यकर्त्यांनी फोडली appeared first on थोडक्यात घडामोडी.

आज राज्यातील वाहतूक व्यावसायिक संघटनेच्या पदाधिकाऱ्यांनी मनसे अध्यक्ष राज ठाकरे यांची कृष्णकुंज निवासस्थानी भेट घेतली. कोरोना महासाथीत अनेक वित्तीय संस्थांनी (बॅंका, एनबीएफसी, पतपेढ्या) वाहतूक व्यावसायिकांचं आर्थिक शोषण केलं. या पार्श्वभूमीवर महाराष्ट्रातील सर्व प्रमुख वाहतूक व्यावसायिक संघटनांच्या वरिष्ठ पदाधिकाऱ्यांनी राज ठाकरे यांची भेट घेतली.

यासंबंधी सर्व बँक आणि फायनान्स कंपन्यांना पत्र लिहित मुदत वाढीची मागणी करेन, असं आश्वासन राज ठाकरे यांनी दिलं आहे.

कोरोना महासाथीत अनेक वित्तीय संस्थांनी (बॅंका, एनबीएफसी, पतपेढ्या) वाहतूक व्यावसायिकांचं आर्थिक शोषण केलं. म्हणूनच महाराष्ट्रातील सर्व प्रमुख वाहतूक व्यावसायिक संघटनांच्या वरिष्ठ पदाधिकाऱ्यांनी आज मनसे अध्यक्ष श्री. राजसाहेब ठाकरे यांची कृष्णकुंज निवासस्थानी भेट घेतली. pic.twitter.com/Usap21JkEb

— MNS Adhikrut – मनसे अधिकृत (@mnsadhikrut) December 8, 2020

The post वाहतूक संघटनेच्या पदाधिकाऱ्यांनी राज ठाकरे यांच्यापुढे मांडल्या त्यांच्या अडचणी appeared first on थोडक्यात घडामोडी.