मुंबई : मनसे अध्यक्ष राज ठाकरे आणि त्यांच्या मातोश्रींना कोरोनाची लागण झाली आहे. त्यांनी आणि त्यांच्या मातोश्रींनी कोरोनाचे दोन्ही डोस घेतले आहेत. मात्र, त्यांचे करोना रिपोर्ट पॉझिटिव्ह आल्याचं समोर आलं आहे.

राज ठाकरेंना कोरोनाची सौम्य लक्षणं जाणवत होती. त्यानंतर त्यांनी त्यांचे सर्व दौरे रद्द केले होते. त्यानंतर आता त्यांना कोरोनाची लागण झाल्याचं स्पष्ट झालं आहे. ते घरीच विलगीकरणात राहून उपचार घेत असल्याचं सांगितलं जात आहे. राज ठाकरे आजारी असल्याने त्यांनी पुणे दौऱ्यासह अन्य नियोजित कार्यक्रम रद्द केले आहेत.

The post मनसे अध्यक्ष राज ठाकरे आणि त्यांच्या मातोश्रींना कोरोनाची लागण appeared first on थोडक्यात घडामोडी.

पुणे : महाराष्ट्र नवनिर्माण सेनेचे अध्यक्ष राज ठाकरे यांनी केंद्रीय मंत्रिमंडळात वर्णी लागलेले खासदार नारायण राणे यांचं अभिनंदन केलं आहे. तसंच, पुढील वाटचालीसाठी त्यांना शुभेच्छा दिल्या आहेत. शिवसेना, काँग्रेस, स्वत:चा स्वाभिमान पक्ष आणि आता भाजप असा प्रवास करणारे नारायण राणे यांना मोदी सरकारमध्ये सूक्ष्म, लघु व मध्यम खात्याची जबाबदारी देण्यात आली आहे. शिवसेनेत असताना नारायण राणे यांचे राज ठाकरेंशी चांगले संबंध होते.

पुण्यात झालेल्या पत्रकार परिषदेत राज ठाकरे यांना प्रश्न विचारला असता ते म्हणाले कि, “मी नारायण राणे यांना फोन केला होता. मात्र, त्यांचे दोन्ही फोन बंद होते. त्यांच्या मुलांचेही फोन बंद होते. त्यामुळे शुभेच्छा देता आल्या नाहीत. पुन्हा फोन करेन, असं ते काल म्हणाले होते. त्यानंतर आज सकाळी त्यांनी नारायण राणे यांच्याशी फोनवरून चर्चा केली व मंत्रिपदाबद्दल अभिनंदन केले.

The post मनसे अध्यक्ष राज ठाकरे यांनी केलं नारायण राणे यांचं अभिनंदन appeared first on थोडक्यात घडामोडी.

नवी मुंबई: वाशी टोल नाका तोडफोड प्रकरणी मनसे अध्यक्ष राज ठाकरे यांच्यावर 2014 साली वाशी पोलीस ठाण्यात गुन्हा दाखल केला होता. अनेक वेळा समन्स पाठवूनही राज ठाकरे उपस्थित न राहिल्याने बेलापूर कोर्टाने त्यांच्या विरोधात वॉरंट काढले होते. या प्रकरणात आज राज ठाकरे यांना जामीन मिळाला आहे. आज राज ठाकरे स्वत: वाशी कोर्टात हजर झाले होते.

राज ठाकरे यांना 15 हजारांच्या जातमुचलक्यावर त्यांना जामीन मंजूर करण्यात आला आहे. आता या प्रकरणी पुढील सुनावणी 5 मेला होणार आहे. यानंतर कोर्टाकडून साक्षीदारांना समन्स देण्यात येईल आणि केसला सुरुवात होईल. यापुढे राज ठाकरे यांना सुनावणीसाठी यावं लागणार नाही, असं वकिलांनी सांगितलं आहे. यावेळी राज ठाकरेंसोबत अमित ठाकरे, बाळा नांदगावकर, गजानन काळे उपस्थित होते.

काय आहे प्रकरण :
26 जानेवारी 2014 रोजी वाशीतील विष्णुदास भावे नाट्यगृहात मनसेचा कार्यकर्ता मेळावा आयोजित करण्यात आला होता. या मेळाव्याला मार्गदर्शन करताना राज ठाकरे यांनी महाराष्ट्रात टोलनाक्याबाबत प्रश्न उपस्थित केले होते. टोलनाक्यावरून सर्वसामान्य जनतेच्या पैशावर दरोडा टाकला जात असून यांना अद्दल घडवा असे वक्तव्य केले होते. राज ठाकरे यांच्या भाषणानंतर पुढील काही वेळातच वाशी खाडी पुलावरील टोलनाक्यावर नवी मुंबईतील मनसे कार्यकर्त्यांनी जोरदार तोडफोड केली होती. तसेच मनसे कार्यकर्त्यांनी वाशी टोल नाका फोडला होता.

याप्रकरणी अनेक वेळा कोर्टात हजर राहण्यास सांगूनही राज ठाकरे हजर झाले नव्हते. त्यामुळे बेलापूर कोर्टाकडून वॉरंट जारी करण्यात आलं आहे. 6 फेब्रुवारी रोजी हजर राहण्याचे आदेश कोर्टाने दिले आहेत. यादिवशी राज ठाकरे हजर न झाल्यास पुढील कारवाई केली जाईल असंही कोर्टाने स्पष्ट केलं होतं. यानंतर मनसेच्या इतर कार्यकर्त्यांनी कायदेशीर प्रक्रिया पूर्ण करून घेतली असली तरी राज ठाकरे यांनी मात्र पोलिसांच्या नोटिसींना उत्तरे दिली नव्हती. वाशी पोलिसांकडून अनेक वेळा राज ठाकरे यांना समन्स धाडूनही ते न्यायालयासमोर हजर झाले नव्हते. ही बाब पोलिसांनी वाशी न्यायालयाच्या लक्षात आणून दिल्यानंतर त्यांच्या विरोधात कोर्टाने वॉरंट जारी केले. 6 फेब्रुवारी रोजी हजर राहून कायदेशीर प्रक्रिया पूर्ण करण्याचे आदेश कोर्टाने राज ठाकरे यांना दिले होते.

The post ब्रेकिंग : वाशी टोलनाका तोडफोडप्रकरणी राज ठाकरेंना न्यायालयाकडून दिलासा appeared first on थोडक्यात घडामोडी.

मुंबई : मनसे अध्यक्ष राज ठाकरे यांना मुंबईतील दिंडोशी कोर्टाने नोटीस बजावली आहे. ५ जानेवारी रोजी कोर्टात हजर राहण्याचे आदेश त्यांना दिले आहेत. या नोटिशीनंतर मनसे आक्रमक झाली असून, याची किंमत अॅमेझॉनला मोजावी लागेल, असा इशारा दिला आहे. त्यामुळे मनसे आणि अॅमेझॉन वाद आणखी चिघळण्याची शक्यता निर्माण झाली आहे.

आपल्या वेबसाइटवर मराठी भाषेचा पर्याय उपलब्ध करून द्यावा, अशी मागणी मनसेने अॅमेझॉनकडे केली होती. तसे केल्यास मराठी लोकांना सोपे होईल आणि ते बेवसाइटवरून आवश्यक वस्तूंची योग्य निवड करू शकतील, असे मनसेचे म्हणणे होते. मात्र, अॅमेझॉनकडून उत्तर न मिळाल्याने मनसेने अॅमेझॉनविरोधात मोहीम हाती घेतली. त्यानुसार ‘नो मराठी, नो अॅमेझॉन’ ही मोहीम सुरू केली. त्यापूर्वी मनसेच्या पदाधिकाऱ्यांनी अॅमेझॉनच्या बीकेसी येथील कार्यालयावरही धडक दिली होती.

मराठी भाषेचा वापर करण्याबाबत मनसेकडून अॅमेझॉनविरोधात मोहीम सुरू करण्यात आली. मात्र, अॅमेझॉनने कोर्टाचा दरवाजा ठोठावला होता. त्यानंतर कोर्टाने राज ठाकरे आणि पक्षाच्या पदाधिकाऱ्यांना नोटिशी बजावल्या आहेत. त्यामुळे मनसे अधिक आक्रमक झाली आहे. मनसे पदाधिकारी अखिल चित्रे यांनी अॅमेझॉनला आगामी काळात याची किंमत मोजावी लागेल, असा इशारा दिला आहे. महाराष्ट्रात जर अॅमेझॉनला मराठी भाषा मान्य नाही, तर आम्हालाही महाराष्ट्रात अॅमेझॉन मान्य नाही, असं यावेळी अखिल चित्रे म्हणाले.

The post मनसे अध्यक्ष राज ठाकरे यांना कोर्टाची नोटीस, मनसे अॅमेझॉनविरोधात आक्रमक appeared first on थोडक्यात घडामोडी.

वाढीव वीज बिलाबाबत महाराष्ट्र नवनिर्माण सेनेने छेडलेल्या राज्यव्यापी आंदोलनानंतर ‘अदानी ग्रुप’च्या सीईओनी वरिष्ठ अधिकाऱ्यांसोबत ‘कृष्णकुंज’ येथे जाऊन मनसे अध्यक्ष राज ठाकरे यांच्याशी चर्चा केली.

लॉकडाऊनमध्ये शिथिलता दिल्यानंतर वीज वितरण कंपन्यांनी राज्यातील ग्राहकांना अव्वाच्या सव्वा वीज बिलं पाठवली. जनतेचा आक्रोश वाढत जाईल. जनतेला वीज बिलात सूट द्या, जनक्षोभ झाल्यास मनसे सामान्य नागरिकांच्या बाजूने असेल, असा इशारा राज ठाकरे यांनी ‘अदानी ग्रुप’ला दिला, अशी माहिती मनसे नेते नितीन सरदेसाई यांनी दिली.

‘अदानी ग्रुप’ हे व्यवसाय करत आहेत, हे मान्य आहे, मात्र अशा अपवादात्म्क परिस्थितीत व्यवसाय बाजूला ठेवा आणि मार्ग काढा” अशा सूचना त्यांना दिल्याचे सरदेसाई यांनी सांगितले. “ आपल्या वरिष्ठ अधिकाऱ्यांशी बोलून निर्णय घेण्याचे आश्वासन त्यांनी दिले आहे.

मनसे अध्यक्ष राज ठाकरे यांनी वेळोवेळी या मुद्द्याकडे लक्ष वेधले, परंतु अजूनही याबाबत काहीच ठोस निर्णय घेण्यात आलेला नाही. दरम्यान, राज ठाकरे यांनी वीज वितरण कंपन्यांच्या वाढीव बिलावरून मुख्यमंत्री उद्धव ठाकरे यांना पत्रं लिहून सर्वसामान्यांना दिलासा देण्याची मागणी केली होती.

The post व्यवसाय बाजूला ठेवा आणि वीज बिलाबाबत मार्ग काढा- राज ठाकरेंनी दिल्या ‘अदानी ग्रुप’ला सूचना appeared first on थोडक्यात घडामोडी.