मुंबई : आज आयपीएल २०२५ मध्ये डबल हेडर आहे म्हणजेच एका दिवसात दोन सामने आहेत. दिवसाचा पहिला सामना कोलकाता नाईट रायडर्स (केकेआर) आणि लखनौ सुपर जायंट्स (एलएसजी) यांच्यात ईडन गार्डन्सवर खेळला जात आहे. कोलकाताने नाणेफेक जिंकून गोलंदाजी करण्याचा निर्णय घेतला आहे. मोईन अलीच्या जागी स्पेन्सर जॉन्सनला संधी देण्यात आली आहे. तर लखनौने गेल्या सामन्याच्या प्लेइंग-११ मध्ये कोणतेही बदल केलेले नाहीत.

या हंगामात आतापर्यंत दोन्ही संघांनी प्रत्येकी ४-४ सामने खेळले आहेत. दोघांनी २ जिंकले आहेत आणि २ गमावले आहेत. आयपीएलमध्ये आतापर्यंत कोलकाता आणि लखनौ यांच्यात ईडन गार्डन्सवर २ सामने झाले आहेत, त्यापैकी दोघांनी १-१ सामने जिंकले आहेत. येथे २०२४ मध्ये शेवटचा सामना केकेआरने जिंकला होता.

कोलकाता नाइट रायडर्स : अजिंक्य रहाणे (कर्णधार), सुनील नरेन, क्विंटन डी कॉक (यष्टीरक्षक), व्यंकटेश अय्यर, रिंकू सिंग, रमणदीप सिंग, आंद्रे रसेल, हर्षित राणा, वरुण चक्रवर्ती, स्पेन्सर जॉन्सन आणि वैभव अरोरा.

लखनौ सुपर जायंट्स : ऋषभ पंत (कर्णधार आणि यष्टीरक्षक), मिचेल मार्श, एडन मार्कराम, निकोलस पूरन, आयुष बडोनी, डेव्हिड मिलर, अब्दुल समद, शार्दुल ठाकूर, दिग्वेश राठी, आवेश खान आणि आकाश दीप.

The post IPL 2025 : आज आयपीएलमध्ये डबल हेडर, दुपारी कोलकाता नाईट रायडर्स आणि लखनौ सुपर जायंट्स यांच्यात सामना appeared first on थोडक्यात घडामोडी.

मुंबई : कमाल राशिद खान सुरुवातीपासूनच सांगत आहे की सलमानच्या ‘राधे’ चित्रपटाची खराब समीक्षा केल्यामुळे सलमानने त्याच्यावर मानहानीचा खटला दाखल केला आहे. पण, सलमान खानच्या वकिलांनी गुरुवारी निवेदन जारी करून संपूर्ण परिस्थिती स्पष्ट केली आहे आणि सांगितले की ‘राधे’ चित्रपटाच्या समीक्षेचा या खटल्याशी काहीही संबंध नाही.

सलमान खानचे वैयक्तिक वकील आणि सलमान खानच्या कंपन्यांचे वकील डीएसके लीगल यांनी गुरुवारी याबाबतचे सर्व गैरसमज दूर केले. डीएसके लीगलने जारी केलेल्या निवेदनात म्हटले आहे की, या खटल्याचे कारण ‘राधे’ चित्रपटाची समीक्षा असल्याचं सांगण्यात येत आहे, जे योग्य नाही. निवेदनानुसार, “हा खटला प्रतिवादीच्या सतत अपमानजनक आरोपांच्या पार्श्वभूमीवर करण्यात आला आहे, ज्यामध्ये सतत सलमान खानवर भ्रष्टाचाराचे आरोप करण्यात आले आहेत आणि त्याचा ब्रँड बीइंग ह्युमनचा संबंध फसवणूक, बेईमानी आणि पैशाच्या घोटाळ्याबरोबर जोडला गेला आहे.

सलमानने केआरके विरोधात दाखल केला मानहानीचा खटला, केआरकेने अगोदर खिल्ली उडवली, पण नंतर…

डीएसके लीगलच्या निवेदनात असेही म्हटले आहे की कमाल राशिद खानने सलमान खान आणि सलमान खान फिल्म्स यांनाही दरोडेखोर देखील म्हटले आहे. या निवेदनानुसार, “प्रतिवादी अनेक महिन्यांपासून सलमान खानविषयी खोटा प्रचार करत आहेत. हा एक प्रकारे सलमान खानचे स्वतःकडे लक्ष वेधण्याचा प्रयत्न आहे. गुरुवारी कमाल राशिद खानच्या वकिलांनी कोर्टात असे निवेदन दिले आहे की, पुढील तारखेपर्यंत त्यांचे क्लायंट सलमान खानविषयी सोशल मीडियावर अशी कोणतीही कॉमेंट देणार नाहीत, ज्यामुळे त्यांची बदनामी होईल.

शस्त्रक्रिया करून पुरुष बनली ही प्रसिद्ध अभिनेत्री , ६ पॅक ऍब्सचे फोटो केले शेअर

‘स्कूल ऑफ रॉक’ फेम अभिनेता केव्हिन क्लार्कचे अपघातात निधन, हॉलिवूड इंडस्ट्रीत शोककळा

The post सलमान खान -कमाल खान केस : मानहानीचा दावा ‘राधे’ च्या समीक्षेवरून नाही, ‘हे’ आहे कारण appeared first on थोडक्यात घडामोडी.

नवी दिल्ली : IPL 2021 च्या १४व्या हंगामातील बायो बबलच्या वातावरणात कोरोनाचा शिरकाव झालेला बघायला मिळत आहे. महेंद्र सिंह धोनीच्या नेतृत्वाखाली खेळणाऱ्या चेन्नई सुपर किंग्ज संघातील तिघांना कोरोनाची लागण झाली आहे. यात  CSK संघाचे मुख्य कार्यकारी अधिकारी काशी विश्वनाथ, गोलंदाजी प्रशिक्षक लक्ष्मीपती बालाजी आणि एक बस क्लीनरचा समावेश आहे.

अहमदाबाद येथे असलेल्या कोलकाता नाइट रायडर्स संघातील दोन खेळाडूंना कोरोनाची लागण झाल्यानंतर आता चेन्नईच्या संघात कोरोना रुग्ण सापडल्यामुळे खळबळ माजली आहे. दरम्यान, कासी विश्वनाथ आणि बालाजी हे शनिवारी झालेल्या सामन्याच्या वेळी खेळाडूंसोबत डगआऊटमध्ये उपस्थित होते. कोरोना रुग्ण आढळल्यामुळे चेन्नई संघाचा सराव देखील बंद ठेवण्यात आला आहे. संघातील बाकी सर्वांची कोरोना चाचणी निगेटिव्ह असल्याची माहिती मिळत आहे.

The post IPL मध्ये कोरोनाचा उद्रेक, आता चेन्नई संघात सापडले तीन कोरोना रुग्ण appeared first on थोडक्यात घडामोडी.

IPL २०२१ : आज अहमदाबाद येथे होणार कोलकाता नाईट रायडर्स आणि रॉयल चॅलेंजर्स बेंगलुरू यांच्यातील सामना कोरोनामुळे रद्द झाला आहे. कोलकाता नाईट रायडर्स संघातील एका खेळाडूची कोरोना चाचणी पॉझिटिव्ह आल्याची माहिती मिळत आहे, त्यामुळे आजचा सामना पुढे ढकलला आहे.

मिळालेल्या माहितीनुसार, कोलकाता नाईट रायडर्स संघातील काही खेळाडू आणि कर्मचारी आजारी पडले आहेत आणि ते विलगीकरणात आहेत. दोन खेळाडूंना कोरोनाची लागण झाल्याची माहिती मिळत आहे. त्यामुळे कोलकाता नाईट रायडर्स आणि रॉयल चॅलेंजर्स बेंगलुरू यांच्यातील आजचा आयपीएल सामना रद्द झाला आहे. हा सामना अहमदाबादमध्ये होणार होता. आयपीएलने याबाबत ट्विट करत अधिकृत माहिती दिली आहे.

UPDATE: IPL reschedules today’s #KKRvRCB match after two KKR players test positive. #VIVOIPL

Details – https://t.co/vwTHC8DkS7 pic.twitter.com/xzcD8aijQ0

— IndianPremierLeague (@IPL) May 3, 2021

The post ब्रेकिंग : आयपीएलचा आज KKR आणि RCB यांच्यात होणारा सामना रद्द.. appeared first on थोडक्यात घडामोडी.

IPL २०२१ : चेन्नई सुपर किंग्सने कोलकाता विरुद्धच्या सामन्यात १८ धावांनी विजय मिळवला. या विजयासह चेन्नईच्या संघाने गुणतालिकेत आरसीबी आणि दिल्ली कॅपिटल्स या दोन्ही संघांना धक्का देत अव्वल स्थान पटकावले आहे.

या सामन्यापूर्वी चेन्नईला तीन सामन्यांमध्ये दोन विजय मिळवता आले होते आणि एका सामन्यात त्यांचा पराभव झाला होता. परंतु कोलकाता विरुद्धचा सामना जिंकल्यानंतर त्यांचे सहा गुण झाले. गुणतालिकेत आरसीबी आणि दिल्ली कॅपिटल्सच्या संघाचेही समान सहा गुण आहेत. पण चेन्नईचा नेट रनरेट जास्त असल्याने त्यांनी अव्वल स्थान पटकावले आहे.

फॅफ ड्यु प्लेसिसच्या नाबाद ९५ धावा आणि ऋतुराज गायकवाडच्या अर्धशतकाच्या जोरावर चेन्नईने प्रथम फलंदाजी करत २२० धावा केल्या होत्या. ऋतुराजने ४२ चेंडूंत सहा चौकार आणि चार षटकारांच्या जोरावर ६४ धावांची धडेकाबाज खेळी साकारली. ऋतुराज आणि फॅफ यांनी ११५ धावांची सलामी दिली. फॅफने अखेरपर्यंत दमदार फलंदाजी केली, पण त्याचे शतक फक्त पाच धावांनी हुकले.

चेन्नईने या सामन्यात केकेआरपुढे २२१ धावांचे आव्हान ठेवले होते. या आव्हानाचा पाठलाग करताना केकेआरची पहिल्याच पॉवर प्लेमध्ये ५ बाद ३१ अशी दयनीय अवस्था झाली होती. पण त्यानंतर रसेलने २१ चेंडूंत अर्धशतक झळकावले. पण त्यानंतर सॅम करनचा एक चेंडू सोडण्याच्या नादात रसेल बाद झाला. रसेलने २२ चेंडूंत तीन चौकार आणि सहा षटकारांच्या मदतीने ५४ धावांची खेळी साकारली. त्यानंतर पॅट कमिन्सने दमदार फटकेबाजी केली. कमिन्सने ३४ चेंडूंत चार चौकार आणि सहा षटकारांच्या जोरावर नाबाद ६६ धावांची खेळी केली. पण अखेरच्या षटकात दुहेरी धाव घेताना प्रसिध कृष्णा धावचीत झाला आणि चेन्नईने १८ धावांनी सामना जिंकला.

The post IPL 2021 : RCB आणि दिल्ली संघांना धक्का देत चेन्नईची मोठी झेप, पटकावले अव्वल स्थान appeared first on थोडक्यात घडामोडी.

आयपीएलचा 49 वा सामना चेन्नई सुपर किंग्ज आणि कोलकाता नाईट रायडर्स यांच्यात दुबईत आज सायंकाळी ७.३० वाजल्यापासून रंगणार आहे. प्ले-ऑफ रेसमध्ये टिकून राहण्यासाठी कोलकाताला हा सामना जिंकावा लागेल. जर संघ हरला तर प्ले-ऑफसाठी अन्य संघांच्या निकालाची प्रतीक्षा करावी लागेल. तर यापूर्वीच स्पर्धेतून बाहेर पडलेल्या चेन्नईला दोन्ही सामने जिंकण्याची इच्छा असेल.

मागील सामन्यात कोलकाताने चेन्नईला 10 धावांनी पराभूत केले होते. गुणतालिकेत कोलकाता 12 गुणांसह 5 व्या स्थानावर आहे. कोलकाताने हंगामात 12 पैकी 6 सामने जिंकले आहेत आणि तितकेच पराभूत झाले आहेत. त्याचबरोबर चेन्नई 8 गुणांसह 8 व्या स्थानावर आहे. चेन्नईने 12 पैकी 4 सामने जिंकले आहेत आणि 8 गमावले आहेत.

चेन्नईचा सक्सेस रेट 59.37% आहे. चेन्नईने आतापर्यंत लीगमध्ये एकूण 177 सामने खेळले आहेत, ज्यामध्ये 104 जिंकले आहेत आणि 72 गमावले आहेत. एक सामना अनिश्चित होता. कोलकाताचा सक्सेस रेट 52.10% आहे. कोलकाताने आतापर्यंत एकूण 190 सामने खेळले आहेत, ज्यामध्ये 98 सामन्यात विजय मिळवला आहे आणि ९२ सामने गमावले आहेत.

दुबईतील खेळपट्टी फलंदाजांना मदत करू शकेल. येथे स्लो विकेट असल्याने स्पिनर्सनाही खूप मदत होईल. नाणेफेक जिंकणार्‍या संघाला प्रथम फलंदाजी करायला आवडेल.

The post IPL 2020 : आज चेन्नई सुपर किंग्ज आणि कोलकाता नाईट रायडर्स यांच्यात सामना appeared first on थोडक्यात घडामोडी.

अबुधाबी : RCB च्या गोलंदाजांसमोर अबु धाबीच्या मैदानावर कोलकाता नाईट रायडर्सच्या फलंदाजांनी संपूर्णपणे हार पत्करल्याचं पहायला मिळालं. नाणेफेक जिंकून प्रथम फलंदाजी करण्याचा KKR चा कर्णधार मॉर्गनचा निर्णय पूर्णपणे चुकला. सुरुवातीच्या षटकांपासून KKR च्या डावाला लागलेली गळती थांबवण्यात संघाचे फलंदाज अपयशी ठरले. २० षटकांत संघ अवघ्या ८४ धावांपर्यंत मजल मारु शकला. RCB कडून मोहम्मद सिराजने ३, युजवेंद्र चहलने २ तर नवदीप सैनी आणि वॉशिंग्टन सुंदर यांनी प्रत्येकी १-१ बळी घेतला.

शुबमन गिल आणि राहुल त्रिपाठी ही जोडी मैदानावर आली. परंतू RCB च्या गोलंदाजांनी सुरुवातीच्या षटकांपासूनच भेदक मारा करत कोलकाता नाईट रायडर्स वर दडपण आणलं. मोहम्मद सिराजने मिळालेल्या संघीचं सोनं करत एकाच षटकात राहुल त्रिपाठी आणि नितीश राणा यांना बाद केलं. शुबमन गिल देखील मोठा फटका खेळण्याच्या प्रयत्नात नवदीप सैनीच्या गोलंदाजीवर माघारी परतला. मैदानावर फटकेबाजी करु पाहणाऱ्या टॉम बँटनलाही सिराजने बाद केलं.

मोहम्मद सिराजने एकाच सामन्यात दोन षटकं निर्धाव टाकून ३ बळी घेत आयपीएलच्या इतिहासात विक्रमाची नोंद केली. फलंदाजीसाठी कर्णधारपद सोडलेला दिनेश कार्तिकही फारशी चमक दाखवू शकला नाही. युजवेंद्र चहलच्या गोलंदाजीवर १४ चेंडूत ४ धावा काढत तो माघारी परतला. चहलनेच पॅट कमिन्सला देवदत पडीकलकरवी झेलबाद करत माघारी धाडलं. KKR चा कर्णधार मॉर्गन एक बाजू सांभाळून होता…परंतू समोरच्या फलंदाजांकडून सपोर्ट मिळत नसल्यामुळे फटकेबाजीच्या प्रयत्नात त्यानेही आपली विकेट फेकली. कुलदीप यादव आणि लॉकी फर्ग्युसन यांनी अखेरच्या षटकांत पडझड रोखत संघाला ८४ धावांचा टप्पा गाठून दिला.

The post KKR चा कर्णधार मॉर्गनचा निर्णय पूर्णपणे चुकला, RCB च्या गोलंदाजांपुढे KKR चं पानिपत appeared first on थोडक्यात घडामोडी.

RCB ने शारजाच्या मैदानावर कोलकाता नाईट रायडर्सचा धुव्वा उडवला. १९५ धावसंख्येचं आव्हान घेऊन मैदानात उतरलेला KKR संघ केवळ ११२ धावांपर्यंत मजल मारु शकला आणि RCB ने ८२ धावांनी विजय मिळवला. RCB कडून फलंदाजीत एबी डिव्हीलियर्सने आक्रमक अर्धशतक झळकावलं, पण संघाचे गोलंदाज खऱ्या अर्थाने विजयाचे शिल्पकार ठरले.

RCB चा कर्णधार विराट कोहलीने नाणेफेक जिंकत प्रथम फलंदाजी करण्याचा निर्णय घेतला. सलामीवीर देवदत पडीकल आणि फिंच यांनी मैदानात चौफेर फटकेबाजी केली. RCB ची ही जोडी मोठी धावसंख्या उभारणार असं वाटत असतानाच आंद्रे रसेलने पडीकलचा त्रिफळा उडवत संघाला पहिलं यश मिळवून दिलं. पडीकलने ३२ धावा केल्या. यानंतर फिंच आणि विराट कोहलीने पुन्हा एकदा भागीदारी करत संघाचा डाव सावरण्याचा प्रयत्न केला. परंतू फिंचला बाद करत प्रसिध कृष्णाने KKR ला दुसरं यश मिळवून दिलं. परंतू कर्णधार विराट कोहली आणि एबी डिव्हीलियर्स यांनी फटकेबाजी करण्याची जबाबदारी आपल्या खांद्यावर घेत संघाला धावांचा टप्पा गाठून दिला. डिव्हीलियर्सने नाबाद ७३ तर विराट कोहलीने नाबाद ३३ धावा केल्या. KKR कडून प्रसिध कृष्णा आणि आंद्रे रसेल यांनी प्रत्येकी १-१ बळी घेतला.

१९५ धावांचं आव्हान घेऊन मैदानात उतरलेल्या कोलकाता नाईट रायडर्सने सावध सुरुवात केली. संघात स्थान मिळालेल्या टॉम बँटनला गिलसोबत सलामीला संधी देण्यात आली. मात्र नवदीप सैनीने इनस्विंगवर बँटनचा त्रिफळा उडवत कोलकात्याला पहिला धक्का दिला. नितीश राणा, शुबमन गिल, दिनेश कार्तिक, मॉर्गन, रसेल असे नावाजलेले फलंदाज ठराविक अंतराने माघारी परतत राहिले. शुबमन गिलने सुरुवातीच्या षटकांमध्ये चांगली झुंज दिली. यानंतर मधल्या फळीत आंद्रे रसेलने फटकेबाजीचा प्रयत्न केला. परंतू RCB च्या माऱ्यासमोर त्यांचे प्रयत्न कमी पडले. १५ षटकं पार पडल्यानंतरही KKR चा संघ १०० धावांचा टप्पा ओलांडू शकला नाही. RCB कडून वॉशिंग्टन सुंदर आणि ख्रिस मॉरिसने प्रत्येकी २ तर सैनी, सिराज, चहल आणि उदाना यांनी प्रत्येकी १-१ बळी घेतला.

The post IPL 2020 : KKR विरुद्धच्या सामन्यात RCB ८२ धावांनी विजयी appeared first on थोडक्यात घडामोडी.