पुणे : गुगलवर तुमचे वैयक्तिक तपशील दिसल्याने तुम्ही जर अस्वस्थ असाल, तर आता तुम्ही या समस्येपासून मुक्त होऊ शकता. तुम्ही Google कडे तक्रार देखील करू शकता आणि तुमचे वैयक्तिक तपशील हटवू शकता. यासाठी गुगलने आपल्या यूजर्ससाठी एक पॉलिसी आणली आहे. गुगलच्या पॉलिसी हेडने याबाबत माहिती दिली.

गुगलच्या पॉलिसी हेड मिशेल चांग यांनी याबाबत सविस्तर माहिती देताना सांगितले कि, “जेव्हा तुम्ही Google वर तुमचे नाव, फोन नंबर, ईमेल ऍड्रेस किंवा घराचा पत्ता शोधता, तेव्हा अनेक वेळा तुम्हाला तिथून ही माहिती सहज मिळते. मात्र, अनेक लोक म्हणतात की खाजगी माहिती सार्वजनिक प्लॅटफॉर्मवर असणे योग्य नाही. यामुळे गोपनीयतेसाठी अधिक धोका निर्माण होतो.

युजर्ससाठी नवीन फिचर सादर :

सर्व गोष्टी लक्षात घेऊन, Google ने आता आपल्या वापरकर्त्यांना ही वैयक्तिक माहिती हटविण्याचा पर्याय उपलब्ध करून देण्याचा निर्णय घेतला आहे, ज्या अंतर्गत तुम्ही Google ला तुमचा फोटो, ई-मेल आयडी किंवा मोबाइल नंबर हटविण्याची विनंती करू शकता. यासाठी तुम्हाला गुगलच्या हेल्पलाइन ई-मेल आयडीवर ईमेल करावा लागेल.

वापरकर्त्याकडून विनंती मिळाल्यानंतर Google त्या विनंतीचे पुनरावलोकन करणार आहे. त्यानंतर, वापरकर्त्याच्या विनंतीनुसार, त्याचे वैयक्तिक तपशील Google प्लॅटफॉर्मवरून हटवले जाणार आहेत, मात्र असे करूनही, ही माहिती इतर ऑनलाइन प्लॅटफॉर्मवर उपलब्ध होऊ शकते. ते हटवण्यासाठी तुम्हाला त्या प्लॅटफॉर्मच्या तक्रार आयडीवर तक्रार करावी लागेल. त्यानंतरच तेथून माहिती काढली जाईल.

गुगलने स्पष्ट केले आहे की ते केवळ अशी माहिती हटवत, ज्यामुळे वापरकर्त्याला कोणत्याही प्रकारची फसवणूक किंवा तोटा होण्याची शक्यता असते. उर्वरित माहिती मात्र प्लॅटफॉर्मवर अबाधित राहू दिली जाईल.

The post Google चे नवीन फिचर! आता तुम्ही Google वरून हटवू शकता तुमची वैयक्तिक माहिती… appeared first on थोडक्यात घडामोडी.

Google सेवा सोमवारी म्हणजे आज संध्याकाळी 5.26 वाजता क्रॅश झाली. लोक जी-मेल, यूट्यूबसह Google च्या सेवा वापरण्यात सक्षम नाहीत. गुगलने अद्याप या समस्येवर भाष्य केले नाही. तथापि, Google शोध कार्यरत आहे.

ब्रिटनच्या मिरर वर्तमानपत्रानुसार, जगभरातील ५४ % लोक यूट्यूबवर प्रवेश करू शकले नाहीत. 42% व्हिडिओ पाहण्यात सक्षम नाहीत. 3% लोक लॉग इन करू शकले नाहीत. या व्यतिरिक्त, 75% लोक Gmail वर लॉग इन करू शकत नाहीत आणि 15% लोक स्वतःच वेबसाइटवर प्रवेश करू शकत नाहीत. या व्यतिरिक्त, 8% लोकांना संदेश प्राप्त होत नाही.

गूगलचे हँगआउट्स, गुगल फॉर्म, गुगल क्लाऊड, गूगल ड्राईव्ह, गुगल डॉक्स सर्व्हिसेसही क्रॅश झाल्या आहेत. यापूर्वी 20 ऑगस्ट रोजी Google च्या सर्व सेवा क्रॅश झाल्या होत्या. जगभरात जीमेलचे १८० कोटीहून अधिक वापरकर्ते आहेत. 2020 मध्ये ईमेल सेवेचा यामध्ये 43% हिस्सा आहे. त्याच वेळी, 27% लोक फोनद्वारे ईमेल करतात. ईमेलच्या प्रवेशासाठी 75% पेक्षा जास्त लोक फोनचा वापर करतात. 2020 मध्ये दररोज 306.4 अब्ज ईमेल पाठविल्या जातात आणि प्राप्त केल्या जातात.

The post ब्रेकिंग न्युज : जगभरात Google च्या सेवा क्रॅश, युझर्स Gmail, YouTube वापरू शकत नाहीयेत appeared first on थोडक्यात घडामोडी.

डेटा प्रायव्हसीसंबंधी नियमांचं उल्लंघन केल्याप्रकरणी गुगलवर १०० दशलक्ष युरो (१२.१ कोटी डॉलर्स) आणि अॅमेझॉनला ३५ दशलक्ष युरो (४.२ कोटी डॉलर्स) चा दंड ठोठावला आहे. फ्रान्समधील डेटा प्रायव्हसीवर लक्ष ठेवणाऱ्या एका संस्थेनं हा दंड ठोठावला आहे. दोन्ही कंपन्यांच्या फ्रेंच वेबसाईटनं इंटरनेट युझर्सना ट्रॅकर अथवा कुकीजच्या बाबतीत मंजुरी मागितली नाही. त्या जाहिरातींच्या उद्देशानं आपल्या कंप्युटर्समध्ये सेव्ह झाल्या होत्या, असं CNIL नं सांगितलं.

गुगल आणि अॅमेझॉन याबद्दल कोणतीही माहिती देण्यास असमर्थ ठरले आहेत. दोन्ही कंपन्यांनी सप्टेंबर महिन्यात आपल्या वेबसाईट्स मध्ये बदल केले होते. परंतु ते बदल फ्रान्सच्या नियमांप्रमाणे योग्य नव्हते, असंही CNIL नं म्हटलं आहे. गुगलच्या प्रकरणात त्यांनी कुकीजद्वारे एकत्र केलेल्या डेटाटून जाहिरातीद्वारे कमवलेल्या उत्पन्नातून नफा मिळवला. याचा परिणाम तब्बल ५० दशलक्ष युझर्सवरही झाला, असंही कंपनीनं सांगितलं. त्यांना ठोठावण्यात आलेला दंड हा त्यांच्या नियमांच्या उल्लंघनाच्या तुलनेत योग्य आहे, असंदेखील या कंपनीनं म्हटलं आहे.

गुगल आणि अॅमेझॉनला या संस्थेनं तीन महिन्यांचा कालावधी दिला आहे. यामध्ये त्यांना आपली पद्धत बदलावी लागणार आहे. यामध्ये ग्राहकांना त्यांच्या डेटाचा वापर कसा केला जातो आणि कुकीजना ते कसं नाकारू शकतात हेदेखील त्यांना स्पष्ट करावं लागणार आहे. असं न केल्यास त्यांना दररोज १ लाख युरोचा दंड भरावा लागणार आहे.

The post गुगल आणि अॅमेझॉनला ठोठावला १०० दशलक्ष युरो चा दंड, जाणून घ्या कारण appeared first on थोडक्यात घडामोडी.

आपण जर गूगल वर ‘आत्महत्या’ असं टाईप व सर्च केलं, तर काय होतं?

आपण जर गूगल वर ‘आत्महत्या’ सर्च केलं किंवा फेसबुकवर ‘आत्महत्या‘ संबंधित पोस्ट लिहिली तर सर्च इंजिन हा शब्द Google वर शोधतात आणि आपल्या स्क्रीनवर 9152987821 हा फोन नंबर दिसतो. त्याबरोबर ‘मदत मिळू शकते, आज समुपदेशकाशी बोलू शकता’ असा मजकूर लिहून येतो.

हा नंबर मुंबईस्थित स्वयंसेवी संस्था आयकॉलच्या (iCALL) कॉल सेंटरचा आहे. आयकॉलची सुरुवात २०१२ मध्ये टाटा इन्स्टिट्यूट ऑफ सोशल सायन्सेसच्या स्कूल ऑफ ह्युमन इकोलॉजीने केली. देशातील प्रत्येक नागरिकासाठी मानसिक आरोग्याची सुविधा उपलब्ध करणे हा यामागील उद्देश होता. 2018 मध्ये आयकॉल मेंटल हेल्थ पार्टनर म्हणून Google आणि फेसबुकशी जोडला गेला.

25 प्रोफेशनल मानसिक आरोग्य समुपदेशक वेगवेगळ्या शिफ्टमध्ये आयकॉल बरोबर काम करतात. सकाळी आठ ते रात्री दहा या वेळेत हिंदी आणि इंग्रजीसह मराठी, पंजाबी, मल्याळम, बांगला, कन्नड अशा अनेक स्थानिक भाषांमध्ये समुपदेशन करतात.

The post जर आपण गूगल वर ‘आत्महत्या’ असं टाईप केलं, तर काय होतं? appeared first on थोडक्यात घडामोडी.

नवी दिल्ली : डिजिटल पेमेंट अ‍ॅप गूगल पे च्या अडचणी वाढणार आहेत. भारतीय प्रतिस्पर्धा आयोगा ने गुगल पेविरोधात सविस्तर चौकशी करण्याचे आदेश दिले आहेत.  गूगल पे च्या संदर्भात कथित प्रतिस्पर्धीविरोधी व्यवहारासाठी ही तपासणी केली जात आहे. प्रतिस्पर्धा आयोगातील कलम 4 हे बाजारात आपल्या वर्चस्वाचा आणि प्रसिद्धिचा गैरवापर करण्यासंबंधी आहे.

नियामकांनी दिलेल्या माहितीनुसार, Google Pay चं वर्तन अयोग्य असून तो बाजारात कंपनी इतर अॅप्समध्ये भेदभाव करते. यामुळे पे च्या प्रतिस्पर्धी अ‍ॅपला बाजार जागा मिळत नाहीये.

सीसीआय या प्रकरणी 5 कंपन्यांची चौकशी करणार आहे. यामध्ये अल्फाबेट इंक (Alphabet Inc), गुगल एलएलसी (Google LLC), गुगल आयर्लंड लिमिटेड (Google Ireland Ltd), गुगल इंडिया प्रायव्हेट लिमिटेड (Google India Pvt Ltd) या पाच कंपन्या आहेत. गुगल इंडिया प्रायव्हेट लिमिटेड आणि गुगल इंडिया डिजिटल सर्व्हिसेस प्रायव्हेट लिमिटेड या दोन्ही कंपनींचे चौकशीचे आदेश देण्यात आले आहेत.

The post तुम्ही Google Pay वापरात असाल तर हि बातमी तुमच्यासाठी; CCI ने दिले चौकशीचे आदेश appeared first on थोडक्यात घडामोडी.

Google ने आपले Trusted Contacts अॅप बंद केले आहे. गुगलचे हे अॅप प्ले स्टोर आणि अॅपल अॅप स्टोरवरून हटवले आहे. कंपनीने सांगितले की, १ डिसेंबर २०२० पासून याचा सपोर्ट बंद केला जाणार आहे. गुगलने ट्रस्टेड कॉन्टॅक्ट्स अॅपला गुगल लॅटिट्यूड आणि गुगल प्लस लोकेशन शेयरिंग करणे बंद केले होते.

गुगलने ट्रस्टेड कॉन्टॅक्ट्स अॅप २०१६ मध्ये लाँच केले होते. याद्वारे युजर आपल्या फेवरिट कॉन्टॅक्टसोबत डिव्हाईस अॅक्टिविटी स्टेट्स आणि लोकेशन शेयर करू शकत होते. ट्रस्टेड कॉन्टॅक्ट्सचा वापर करणाऱ्या युजर्संना गुगलने याबाबतची माहिती ईमेल करून दिली आहे. यात सांगितले की, लोकेशन शेयरिंगला आता गुगल मॅप्ससोबत जोडले आहे. त्यामुळे आता ट्रस्टेड कॉन्टॅक्ट्सची गरज नाही. प्ले स्टोरवरून हे अॅप आता डाऊनलोड करता येणार नाही. गुगलने स्पष्ट सांगितले की, हे अॅप १ डिसेंबर २०२० पर्यंत युजर वापरू शकतात. त्यानंतर ते आपोआप बंद होईल. तसेच प्ले स्टोरवरून हे अॅप आता डाऊनलोड करता येणार नाही.

The post Google ने बंद Trusted Contacts अॅप appeared first on थोडक्यात घडामोडी.

ऑनलाइन व्यवहारांसाठी वापरले जाणारे पेटीएम हे अ‍ॅप गुगलने आपल्या प्ले स्टोअरवरुन काढून टाकले आहे. गुगलने स्पष्टीकरण देताना म्हटलं आहे कि, या अॅपच्या माध्यमातून खेळांसंदर्भातील नियमांचे उल्लंघन करुन खेळांवर पैसे लावून जुगार खेळण्यासाठी परवानगी देत नाही. त्याचप्रमाणे कसिनोसारख्या सेवा पुरवणे नियमांमध्ये बसणारे नाही.

गुगलने पेटीएम फॉर बिझनेस, पेटीएम मॉल, पेटीएम मनी याचबरोबर कंपनीच्या अन्य अ‍ॅपवरही कारवाई केली आहे. या प्रकरणामध्ये चौकशीनंतर कंपनीकडून अधिकृतपणे पत्रक जारी करण्यात येणार आहे. हे अ‍ॅप्लिकेशन आता फक्त अ‍ॅपलच्या अ‍ॅप स्टोअरवर डाऊनलोडसाठी उपलब्ध असेल.

“ज्या गोष्टींमुळे आर्थिक फसवणूक होऊ शकते अशा गोष्टींपासून आमच्या युझर्सचे संरक्षण व्हावे असे आमचे नियम आहेत. एखाद्या अ‍ॅपने याचे उल्लंघन केल्यास आम्ही त्यासंदर्भातील नियमांची माहिती अ‍ॅपच्या डेव्हलपर्सला देतो. यासंदर्भातील इतर कायदेशीर माहिती आणि नियम अ‍ॅप निर्माण करणाऱ्या कंपन्यांना सांगितली जाते. मात्र अनेकदा सांगितल्यानंतरही नियमांचे उल्लंघन करणाऱ्या अ‍ॅपवर आम्ही कारवाई करतो.” असं गुगलने म्हटलं आहे.

दरम्यान, यावर पहिली प्रतिक्रिया देताना पेटीएमने ट्विटवरुन गुगल प्लेवर आता अ‍ॅप उपलब्ध नसेल असं स्पष्ट केलं आहे. “प्रिय पेटीएम युझर्स, पेटीएमचे अ‍ॅण्ड्रॉइड अ‍ॅप्लिकेशन तात्पुरत्या स्वरुपात गुगलच्या प्ले स्टोअवर उपलब्ध नसेल. नवीन युझर्सला डाउनलोड करण्यासाठी तसेच डाऊनलोड केलेल्यांना अपडेट करण्यासाठी सेवा पुरवली जाणार नाही. लवकरच आम्ही परत येऊ. तुमचे सर्व पैसे सुरक्षित आहेत. तुम्ही नेहमीप्रमाणे तुमचे पेटीएम अ‍ॅप वापरु शकता,” असं कंपनीने ट्विटमध्ये म्हटलं आहे.

Dear Paytm’ers,

Paytm Android app is temporarily unavailable on Google’s Play Store for new downloads or updates. It will be back very soon.

All your money is completely safe, and you can continue to enjoy your Paytm app as normal.

— Paytm (@Paytm) September 18, 2020

The post पेटीएम अ‍ॅप गुगल प्ले स्टोअरवरुन हटवण्यात आले, गूगलची कारवाई appeared first on थोडक्यात घडामोडी.

गुगल कंपनीने एक फिचर उपलब्ध केले आहे. ज्याच्या सहाय्याने आपल्याला कोण कॉल करत आहे हे सहज कळणार आहे. गुगल सर्च इंजिन कंपनीद्वारे Google Verified Calls या फिचरची घोषणा करण्यात आली आहे. गुगल कंपनीचं हे फिचर युजर्सला सांगणार आहे की, तुम्हाला कोण कॉल करत आहे आणि कॉल करण्यामागचं कारणही सांगणार आहे. इतेच नाही तर कॉलरचा लोगोही दर्शवणार आहे. हे नवं फिचर लॉन्च करण्यामागचं महत्वाचं कारण म्हणजे फोन कॉल्सच्या माध्यमातन होणारे घोटाळे, स्कॅमला आळा घालणे आहे. गुगल कंपनीच्या या फिचरची ट्रूकॉलर App सोबत थेट स्पर्धा असणार आहे.

सध्या ट्रूकॉलर सुद्धा अशाच प्रकारची सुविधा युजर्सला देत आहे. पण आता गुगल फोन अॅपमध्ये हे नवं फिचर आल्यावर ते युजर्सच्या स्मार्टफोनचा एक हिस्सा बनेल. म्हणजेच कुठलंही नवं App तुम्हाला डाऊनलोड करण्याची आवश्यकता भासणार नाही आणि Google Verified Calls तुमचं ट्रूकॉलरचं काम करुन देईल. एका ब्लॉगमध्ये गुगलने लिहिलं आहे की, पायलट प्रोग्रामच्या सुरुवाती निकाल खूपच चांगले आहेत आणि युजर्सला याचा फायदा जरुर होईल.

The post Google Verified Calls : तुम्हाला कोण कॉल करत आहे हे सहज कळणार, जाणून घ्या काय आहे नवं फिचर appeared first on थोडक्यात घडामोडी.