नागपूर : नागपूर येथेही आता ओमिक्रॉन व्हेरियंटचा संसर्ग झालेला रुग्ण आढळला आहे. नागपूर महानगर पालिका आयुक्त राधाकृष्ण गमे यांनी याबाबतची माहिती दिली आहे.

ओमिक्रॉनच्या पार्श्वभूमीवर राज्यात परदेशातून येणाऱ्या प्रवाशांसाठी नियम कठोर करण्यात आले आहेत. आरोग्य विभागाकडून व प्रशासनाकडून योग्य ती खबरदारी घेऊनसुद्धा ओमिक्रॉन व्हेरियंटचे रुग्ण राज्यात आढळत आहेत. त्यातच आता नागपूर येथेही ओमिक्रॉन व्हेरियंटचा रुग्ण आढळल्याने आरोग्य प्रशासनाची चिंता वाढली आहे.

नागपूर महानगरपालिकेचे आयुक्त राधाकृष्णन गमे यांनी पीटीआय या वृत्तसंस्थेशी बोलताना माहिती दिली की, नागपूरमधील रहिवासी असलेली ४० वर्षीय व्यक्ती पश्चिम आफ्रिकेतून आठ दिवसांपूर्वी परतली होती. चार डिसेंबर रोजी या व्यक्तीचे नागपूर विमानतळावर नमुने घेतले होते. त्याची कोविड-19 चाचणी पॉझिटिव्ह आली. नंतर त्याला शहरातील रुग्णालयात दाखल करण्यात आले होते आणि त्याचे नमुने जीनोम सिक्वेन्सिंगसाठी पाठवण्यात आले होते. आज आलेल्या अहवालाने त्याला ओमिक्रॉन प्रकाराची लागण झाल्याची पुष्टी केली आहे. या रुग्णाची प्रकृती स्थिर असून तो रुग्णालयात उपचार घेत आहे.

रुग्णाच्या कुटुंबातील इतर सदस्य निगेटिव्ह आले आहेत. त्यांनाही विलगीकरणात ठेवण्यात आलं आहे. चार डिसेंबर रोजी या व्यक्तीचे नागपूर विमानतळावर नमुने घेतले होते. यामध्ये तो कोरोनाबाधित असल्याचे स्पष्ट झाले होते. जनुकीय चाचणीत त्याला ओमिक्रॉन असल्याचे निदान झाले आहे. आता राज्यात ओमिक्रॉन व्हेरियंटमुळे चिंता वाढत आहे.

The post नागपुरातही आढळला ओमिक्रॉन व्हेरियंटचा रुग्ण, आरोग्य प्रशासनाची चिंता वाढली appeared first on थोडक्यात घडामोडी.

कोरोना विषाणूच्या नवीन व्हेरिएंटची दहशत जगातील काही देशांमध्ये स्पष्टपणे दिसून येत आहे. तथापि, अधिकृत सूत्रांनी सांगितले आहे की भारतात या नवीन व्हेरिएंटचे कोणतेही प्रकरण आतापर्यंत नोंदवले गेले नाही. दक्षिण आफ्रिका आणि बोत्सवानामध्ये कोरोनाचे नवीन प्रकार सापडले आहेत. त्यामुळे तेथे कोरोनाच्या रुग्णांमध्ये वाढ होत आहे. या पार्श्वभूमीवर ब्रिटननंतर इस्रायलनेही आफ्रिकन देशांवर प्रवासासाठी बंदी घातली आहे. विविध देशांमधील भीतीच्या वातावरणामुळे जागतिक आरोग्य संघटनेने शुक्रवारी तातडीची बैठक बोलावली आहे.

कोरोना विषाणूचा हा नवीन प्रकार खूप धोकादायक आहे कारण त्याचा संसर्ग खूप वेगाने पसरतो. याशिवाय, तो लसीचा प्रभाव कमी करतो किंवा संपवून टाकतो. तसेच, हा मूळ व्हायरसपेक्षा खूपच वेगळा आहे.

ब्रिटनने या व्हेरिएंटबाबत यापूर्वीही इशारा दिला होता. यामध्ये बोत्सवानामध्ये 32 उत्परिवर्तन आढळून आले आणि त्यांच्यावर लसीचा कमी परिणाम झाला. आता ऑस्ट्रेलियानेही या नवीन प्रकाराची चाचणी घेण्याची घोषणा केली आहे. जर धोका वाढला तर ते आफ्रिकन देशांवर प्रवासासाठी निर्बंधही लादू शकतात, असे ऑस्ट्रेलियाने म्हटले आहे. दरम्यान, या नवीन व्हेरिएंटच्या पार्श्वभूमीवर, ब्रिटनने आफ्रिकेतील सहा देशांमध्ये उड्डाणांवर बंदी घातली आहे. यूकेकडून असे सांगण्यात आले आहे की नवीन व्हेरिएंट B.1.1.529 मध्ये स्पाइक प्रोटीन आहे, जे कोरोना विषाणूच्या मूळ स्वरूपापेक्षा वेगळे आहे.

दक्षिण आफ्रिकेच्या शास्त्रज्ञांनी नवीन व्हेरिएंटबाबत सांगितले आहे की तो अधिक संक्रमित आहे. ऑस्ट्रेलियाचे आरोग्य मंत्री ग्रेग हंट यांनी सांगितले की, आम्ही याबाबत खूप फ्लेक्सिबल आहोत. जर वैद्यकीय सल्ला बदलावा लागेल, तर आम्ही मागेपुढे पाहणार नाही. एक देश म्हणून, जर सीमा बंद कराव्या लागल्या किंवा लोकांना विलगीकरणात ठेवणे आवश्यक असेल तर तसे केले जाईल. विशेष म्हणजे, ब्रिटनने यापूर्वीच आफ्रिकन देश दक्षिण आफ्रिका, नामिबिया, बोत्सवाना, झिम्बाब्वे, लेसिथो आणि एस्वेटिनी यांच्यावर प्रवास बंदी लादली आहे. ब्रिटननेही येथून परत येणाऱ्या नागरिकांना क्वारंटाईन करण्याची घोषणा केली आहे. यूके अधिकाऱ्यांचे म्हणणे आहे की या व्हेरिएंटमुळे कोरोना लसीचा प्रभाव कमी होतो.

The post चिंता वाढली! कोरोना विषाणूचा नवीन व्हेरिएंट आहे खूपच धोकादायक appeared first on थोडक्यात घडामोडी.

पुणे : १३ डिसेंबर रोजी इंग्लंडमधून परतलेल्या पुण्यातील एका व्यक्तीचा कोरोना रिपोर्ट पॉझिटिव्ह आल्याची माहिती आरोग्य विभागाकडून मिळाली आहे. त्या व्यक्तीची प्रकृती सध्या स्थिर अशून, कोरोनाच्या विषाणूची स्ट्रेन तपासण्यासाठी त्यांचे नमुने पुण्यातील राष्ट्रीय विषाणू विज्ञान संस्थेकडे (NIV) पाठविण्यात येणार आहेत.

१३ डिसेंबर रोजी ही व्यक्ती पुण्यात परतली होती. १७ तारखेला त्याचा कोरोना रिपोर्ट पॉझिटिव्ह आला आहे. त्यामुळे त्या तरुणाला कोरोनाच्या नव्या ‘स्ट्रेन’ची लागण झाली आहे की नाही, हे तपासण्यासाठी ‘जेनेटिक सिक्वेन्सिंग’ चाचणी करण्यात येणार असल्याची माहिती आरोग्य विभागाने दिली आहे.

The post पुण्यातील इंग्लंडमधून परतलेली व्यक्ती आढळली कोरोना पॉझिटिव्ह appeared first on थोडक्यात घडामोडी.

ब्रिटनमध्ये कोरोनाचे नवीन दोन प्रकार आढळून आले आहेत. त्यामुळे सगळ्या देशांनी खबरदारी घेण्यास सुरूवात केली आहे. ब्रिटनमधून येणारी विमानंही थांबवण्यात आली असली तरी ब्रिटनमध्ये करोनाच्या नव्या प्रकाराचं संक्रमण सुरू असतानाच नागपूरमध्ये परतलेला एक २८ वर्षीय तरुण कोरोनाबाधित आढळून आल्यामुळे खळबळ उडाली आहे.

नागपूरमधील नंदनवन येथील रहिवाशी असलेला हा तरुण पुण्यात एका कंपनीत कामाला आहे. महिनाभरापूर्वी कंपनीच्या कामानिमित्त तो इंग्लडला गेला होता. २९ नोव्हेंबरला तो नागपूरला परतला. सुरूवातीला त्याला होम क्वारंटाइन राहण्यास सांगण्यात आलं होत तरीही तो घरी न राहता शहरात फिरला. त्यानंतर त्याला कोरोनाची लक्षणं दिसून आली.

१५ डिसेंबर रोजी त्याने नंदनवन येथील आरोग्य केंद्रात चाचणी केली. रिपोर्टमध्ये त्याला कोरोना झालेला असल्याचं आढळलं. हा तरुण इंग्लडवरून परतलेला असल्यामुळे त्याला विशेष कक्षात दाखल करण्यात आलं असून स्वतंत्र ठेवण्यात आलं आहे. त्याचे नमुने पुण्यातील प्रयोगशाळेत तपासणीसाठी पाठवण्यात आले आहेत. अहवाल आल्यानंतर त्याला कोणता नक्की कोरोना झाला आहे, हे स्पष्ट होणार आहे. दरम्यान कुटुंबीयांसह १० जण त्याच्या संपर्कात आलेले आहेत.

The post ब्रिटनवरून नागपूरमध्ये परतलेला तरुण कोरोनाबाधित आढळल्यामुळे खळबळ appeared first on थोडक्यात घडामोडी.

इस्लामाबाद : सामाजिक कार्यकर्त्या करीमा बलोच (37) यांचा मृतदेह कॅनडाच्या टोरोंटो शहरात रहस्यमय परिस्थितीत सापडला. २० डिसेंबर रोजी त्या बेपत्ता झाल्या होत्या. कॅनडियन पत्रकार तारेक फतेह यांनी बलोच यांच्यासोबत घातपात झाल्याचा संशय व्यक्त केला आहे.

कॅनडाच्या शरणार्थी असलेल्या बलोच यांचे नाव 2016 मध्ये जगातील सर्वात प्रभावशाली 100 महिलांच्या यादीत समाविष्ट करण्यात आले होते. पाकिस्तानने केलेले अत्याचार संयुक्त राष्ट्रासमोर मांडणाऱ्या महिलांपैकी त्या एक होत्या. पाकिस्तान करीमा बलोच यांना रॉचा एजंट मानत होता. बलुचिस्तान प्रांतात संसाधनांची कमतरता नाही, परंतु पाकिस्तानकडून रहिवाशांची मुस्कटदाबी होत असल्याचा दावा केला जातो. पाकिस्तानी सैन्याकडून क्रौर्याचा वापर करुन विनाकारण नागरिकांना तुरुंगात डांबल्याचा आरोप केला जातो. यापूर्वीही काही बलुची नेत्यांची हत्या झाली होती.

करीमा बलोच बलुचिस्तानातील विद्यार्थी संघटनेच्या अध्यक्षा होत्या. मोदींना भाऊ संबोधून त्यांनी आंतरराष्ट्रीय फोरममध्ये मानवाधिकार उल्लंघनाविरोधात आवाज उठवण्यास सांगितलं होतं. 2016 मध्ये करीमा यांनी रक्षाबंधनाच्या निमित्ताने एक व्हिडिओ संदेश रेकॉर्ड केला, ज्यामध्ये त्यांनी पंतप्रधान नरेंद्र मोदी यांना आपण भाऊ मानत असल्याचं म्हटलं होतं. करीमा म्हणाल्या होत्या कि, “आम्ही आपणास आवाहन करतो की, आमचा भाऊ या नात्याने तुम्ही बलुचिस्तानमधील नरसंहार आणि युद्ध अपराधांविषयी आंतरराष्ट्रीय व्यासपीठावर बोला आणि बलुचच्या बहिणींचा आवाज व्हा… आम्ही स्वतःच लढा देऊ, तुम्ही फक्त आमचा आवाज बनावं,  अशी आमची इच्छा आहे.”

The post करीमा बलोच यांचा मृतदेह रहस्यमय परिस्थितीत आढळला appeared first on थोडक्यात घडामोडी.