नवी दिल्ली : नवनिर्वाचित राष्ट्रपती द्रौपदी मुर्मू आज (25 जुलै) देशाच्या सर्वोच्च घटनात्मक पदाची शपथ घेणार आहेत. सर्वोच्च न्यायालयाचे सरन्यायाधीश एन.व्ही. रामण्णा (CJI NV Ramana) त्यांना १५ व्या राष्ट्रपती म्हणून शपथ देतील. त्यानंतर त्यांना 21 तोफांची सलामी देण्यात येणार आहे. द्रौपदी मुर्मू या देशाच्या पहिल्या आदिवासी राष्ट्रपती असतील. शपथ घेतल्यानंतर नव्या राष्ट्रपती देशाला संबोधित करतील.

केंद्रीय गृह मंत्रालयाकडून मिळालेल्या माहितीनुसार, संसदेच्या सेंट्रल हॉलमध्ये सकाळी 10.15 वाजता शपथविधी सोहळा होणार आहे. पूर्व राष्ट्रपती राम नाथ कोविंद आणि निर्वाचित राष्ट्रपती शपथविधी सोहळ्यात संसदेत पोहोचतील. तसेच उपराष्ट्रपती एम. व्यंकय्या नायडू, पंतप्रधान नरेंद्र मोदी, लोकसभा अध्यक्ष ओम बिर्ला, मंत्री परिषदेचे सदस्य, राज्यांचे राज्यपाल, मुख्यमंत्री, राजनैतिक मिशनचे प्रमुख, संसद सदस्य आणि सरकारमधील प्रमुख नागरी आणि लष्करी अधिकारी समारंभास उपस्थित राहतील.

संसदेच्या सेंट्रल हॉलमध्ये समारंभ संपल्यानंतर द्रौपदी मुर्मू राष्ट्रपती भवनाकडे रवाना होतील. याठिकाणी त्यांना गार्ड ऑफ ऑनर देण्यात येणार असून निवर्तमान राष्ट्रपतींचा शिष्टाचार सम्मान केला जाणार आहे.

असा असेल शपथविधी सोहळा

• नवनिर्वाचित राष्ट्रपती द्रौपदी मुर्मू त्यांच्या उमाशंकर दीक्षित लेन या स्थायी निवासस्थानावरून सकाळी साडेआठ वाजता राजघाटावर पोहोचतील.
• येथून त्या 10 मिनिटांनी परततील.
• सकाळी ९.२५ वाजता राष्ट्रपती भवनात जातील.
• सकाळी ९.४२ वाजता राष्ट्रपती भवनात प्रांगण सोहळा होणार आहे.
• त्यानंतर सकाळी 9.50 वाजता राष्ट्रपतींच्या ताफ्यासह निघतील आणि सकाळी 10 वाजता संसद भवनाच्या गेट क्रमांक 5 वर पोहोचतील.
• येथून पीएम मोदी राज्यसभेचे स्पीकर आणि सभापतींना सेंट्रल हॉलमध्ये घेऊन जातील.
• त्यानंतर 10.30 वाजता त्यांना राष्ट्रपती पदाची शपथ दिली जाईल.

राष्ट्रपतींच्या शपथविधी सोहळ्याच्या पार्श्वभूमीवर दिल्ली वाहतूक पोलिसांनी एक ऍडव्हायजरी जारी केली आहे. त्यानुसार, ऐतिहासिक सोहळ्यामुळे लुटियन्स दिल्लीमध्ये मोठा जाम होऊ शकतो. या मार्गावर तुमचे कार्यालय असेल किंवा आज तुम्हाला काही कामासाठी जावे लागत असेल तर विशेष काळजी घ्या. कौटिल्य मार्ग, तीन मूर्ती मार्ग, तीन मूर्ती गोल चक्कर, अकबर रोड, गोल मेठी गोल चक्कर, कृष्ण मेनन मार्ग, विजय चौक, के. कामराज मार्गाकडे न जाण्याचा सल्ला देण्यात आला आहे. याशिवाय सुनहरी मशीद चौक, रफी मार्ग, रेल भवन चौक, पार्लमेंट स्ट्रीट, इम्तियाज खान मार्ग, गुरुद्वारा रकाबगंज रोड, पटेल चौक गोल चक्कर, रायसीना रोड, डॉ. राजेंद्र प्रसाद रोड, मौलाना आझाद रोड आणि मोतीलाल नेहरू मार्ग बंद राहतील.

The post द्रौपदी मुर्मू आज घेणार राष्ट्रपतीपदाची शपथ, असा असेल शपथविधी सोहळा appeared first on थोडक्यात घडामोडी.

नवी दिल्ली: भारतीय जनता पक्षाच्या नेतृत्वाखालील राष्ट्रीय लोकशाही आघाडीकडून द्रौपदी मुर्मू या देशाच्या नव्या राष्ट्रपती झाल्या आहेत. त्यांनी यूपीएचे उमेदवार यशवंत सिन्हा यांचा पराभव केला आहे. सकाळपासून या निवडणुकीसाठी मतमोजणी सुरू होती. द्रौपदी मुर्मू यांना 812 मतं तर यशवंत सिन्हा यांना 521 मतं मिळाली आहेत. राष्ट्रपतीपदावर विराजमान होणाऱ्या त्या पहिल्या आदिवासी महिला असतील. द्रौपदी मुर्मू या 24 जुलै रोजी राष्ट्रपतीपदाची शपथ घेतील. देशाचे सध्याचे राष्ट्रपती रामनाथ कोविंद यांचा कार्यकाल 24 जुलै रोजी समाप्त होणार आहे.

द्रौपदी मुर्मू या या मतमोजणीत आघडीवर होत्या, त्यामुळे त्यांचा विजय निश्चित मानला जात होता. भाजपकडून त्यांच्या विजयाचा जल्लेष साजरा करण्यात येत होता. आमदारांत्या मतदानानंतर दुसऱ्या फेरीच्या मतमोजणीनंतर ३२१९ मते मोजण्यात आली होती, ज्या मतांचे मुल्यम ८ लाख ३८,८३९ त्यापैकी पन्नास टक्क्यांपेक्षा जास्त म्हणजे ५ लाख ७७ हजार ७७७ मुल्यांची २१६१ मते खासदार आणि आमदारांची मते मुर्मू यांना मिळाली आहेत.

तर युपीएचे उमेदवार यशवंत सिन्हा यांना १०५८ इतकी मते आमदार आणि खासदारांनी दिली आहेत ज्यांचं मुल्य २ लाख ६१ हजार ६२ होतं. तीसरी आणि शेवटच्या फेरीतील मते मोजण्यात आल्यानंतर अधिकृत घोषणा करण्यात येईल. एकूण मतांचे मुल्य दहा लाखापेक्षा जास्त आहे, त्यामध्ये पन्नास टक्क्यांपेक्षा जास्त मते मिळवणारा उमेदवार या निवडणूकीत विजयी होतो. महत्वाचे म्हणजे मुर्मू यांना तेवढी मते मिळाली आहेत.

I would like to thank all those MPs and MLAs across party lines who have supported the candidature of Smt. Droupadi Murmu Ji. Her record victory augurs well for our democracy.

— Narendra Modi (@narendramodi) July 21, 2022

विशेष म्हणजे 15 वर्षांपूर्वी याच दिवशी म्हणजे 21 जुलै रोजी देशाला प्रतिभा पाटील यांच्या रुपाने पहिल्या महिला राष्ट्रपती मिळाल्या होत्या. 21 जुलै 2007 रोजी झालेल्या मतमोजणीत प्रतिभा पाटील यांचा विजय झाला होता. त्यांनी 25 जुलै 2007 रोजी पहिल्या महिला राष्ट्रपती म्हणून शपथ घेतली होती. त्या देशाच्या 12 व्या राष्ट्रपती होत्या. 2007 ते 2012 या कालावधीत त्यांनी देशाचं सर्वोच्च पद भूषवलं. त्यानंतर आता द्रौपदी मुर्मू यांनी निवडणुकीत बाजी मारली आहे.

नव्या राष्ट्रपती द्रौपदी मुर्मूकोण आहेत?
द्रौपदी मुर्मू यांचा जन्म २० जून १९५८ मध्ये झाला. मुर्मू या ओदिशा जिल्ह्यातील मयुरभंज जिल्ह्यातील आदिवासी समाजाचं प्रतिनिधीत्त्व करतात. सरकारी कार्यालयात त्या लेखनिक मधून कार्यरत होत्या. मुर्मू यांनी मोफत अध्यापनाचं काम केलं त्यानंतर त्या राजकारणात आल्या. भाजपच्या आमदार म्हणून द्रौपदी मुर्मू २००० आणि २००९ मध्ये विजयी झाल्या. भाजपमध्ये त्यांनी विविध पदांवर काम केलं आहे. भाजपच्या आदिवासी मोर्चाच्या राष्ट्रीय कार्यकारिणीमध्ये त्यांनी २०१३ ते २०१५ मध्ये काम केलं आहे. द्रौपदी मुर्मू यांनी नगरसेवक म्हणून राजकीय कारकीर्द सुरु केली. रायरंगपूरच्या उपनगराध्यक्ष म्हणून त्यांनी काम केलं. भाजपमध्ये द्रौपदी मुर्मू यांनी विविध पदांवर काम केलं आहे.

The post एनडीएच्या द्रौपदी मुर्मू देशाच्या नव्या राष्ट्रपती, राष्ट्रपतीपदावर पहिली आदिवासी महिला विराजमान appeared first on थोडक्यात घडामोडी.

मुंबई : राष्ट्रीय लोकशाही आघाडीच्या राष्ट्रपती पदाच्या उमेदवार द्रौपदी मुर्मू या आज मुंबईत दाखल झाल्या. यावेळी त्यांचे मुंबई येथील छत्रपती शिवाजी महाराज आंतरराष्ट्रीय विमानतळावर मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी स्वागत केले. राष्ट्रपतीपदाच्या निवडणुकीपूर्वी द्रौपदी मुर्मू या एक दिवसीय मुंबई दौऱ्यावर असून या भेटीत त्या शिवसेना आणि भाजप खासदार आणि आमदारांची लीला हॉटेलमध्ये भेट घेणार आहेत.

राष्ट्रीय लोकशाही आघाडीच्या राष्ट्रपती पदाच्या उमेदवार द्रौपदी मुर्मू यांचे आज मुंबई येथील छत्रपती शिवाजी महाराज आंतरराष्ट्रीय विमानतळावर स्वागत केले. #DraupadiMurmu @Dev_Fadnavis pic.twitter.com/8HPWDTjsGe

— Eknath Shinde – एकनाथ शिंदे (@mieknathshinde) July 14, 2022

द्रौपदी मुर्मू या ओदिशातील आदिवासी नेत्या आहेत. त्या झारखंडच्या नवव्या राज्यापल देखील होत्या. द्रौपदी मुर्मू या ओदिशाच्या रायरंगपुर मतदारसंघातून आमदार म्हणून निवडून आल्या होत्या. त्या ओदिशाच्या पहिल्या नेत्या आहेत, ज्या राज्यपाल बनल्या आहेत. याआधी BJP-BJD युती सरकारमध्ये २००२ ते २००४ पर्यंत त्या मंत्री देखील होत्या.

The post द्रौपदी मुर्मू मुंबईत दाखल, मुख्यमंत्री एकनाथ शिंदे आणि उपमुख्यमंत्री फडणवीस यांनी केले स्वागत appeared first on थोडक्यात घडामोडी.

मुंबई : शिवसेना महाविकास आघाडीत आहे पण राष्ट्रपतीपदाच्या निवडणुकीत एनडीएच्या उमेदवाराला निर्णय घेताना त्यांनी आमच्याशी काहीही चर्चा केलेली नाही. अशी माहिती काँग्रेस नेते आणि माजी महसूल मंत्री बाळासाहेब थोरात यांनी दिली. गैरलोकशाही मार्गाचा अवलंब करून राज्यातील महाविकास आघाडी सरकार पाडले गेले, शिवसेनेच्या अस्तित्वाला आव्हान दिले गेले, अशा परिस्थितीत शिवसेनेने घेतलेली भूमिका अनाकलनीय आहे, असं मतही थोरातांनी व्यक्त केलं.

माजी महसूल मंत्री बाळासाहेब थोरात म्हटले कि, राष्ट्रपतीपदाची निवडणूक ही वैचारिक लढाई आहे. लोकशाही आणि संविधान रक्षणासाठी सुरू असलेला हा संघर्ष आहे. स्त्री, पुरुष किंवा आदिवासी, बिगर आदिवासी अशी ही लढाई नाही.जे संविधान आणि लोकशाहीच्या संरक्षणाच्या बाजूने आहेत ते सर्व यशवंत सिन्हा यांना पाठिंबा देत आहेत. शिवसेनेने द्रौपदी मुर्मू यांना पाठिंबा का दिला? त्यासाठी त्यांनी काही कारणही सांगितले, मात्र त्या पाठीमागील त्यांची खरी भूमिका काय ते शिवसेनेचे नेतृत्वच सांगू शकेल, त्याबद्दल आम्ही काय सांगणार? असं थोरात म्हणाले.

राष्ट्रपती पदाची निवडणूक ही वैचारिक लढाई आहे. लोकशाही आणि संविधान रक्षणासाठी सुरू असलेला हा संघर्ष आहे. स्त्री, पुरुष किंवा आदिवासी, बिगर आदिवासी अशी ही लढाई नाही.
जे संविधान आणि लोकशाहीच्या संरक्षणाच्या बाजूने आहेत ते सर्व यशवंत सिन्हा यांना पाठिंबा देत आहेत. pic.twitter.com/LSykyJ0b6L

— Balasaheb Thorat (@bb_thorat) July 12, 2022

पुढे बोलताने ते म्हटले कि, शिवसेना हा एक वेगळा राजकीय पक्ष आहे, त्यामुळे ते त्यांची भूमिका घेऊ शकतात. मात्र या वैचारिक लढाईत जेव्हा गैर लोकशाही मार्गाचा अवलंब करून राज्यातील सरकार पाडले गेले, शिवसेनेच्या अस्तित्वाला आव्हान दिले गेले, अशा परिस्थितीत शिवसेनेने घेतलेली भूमिका अनाकलनीय आहे. शिवसेना महाविकास आघाडीत आहे, पण हा निर्णय घेताना त्यांनी आमच्याशी काहीही चर्चा केलेली नाही, असंही थोरातांनी स्पष्ट केलं.

उद्धव ठाकरेंची मोठी घोषणा – शिवसेनेचा राष्ट्रपतीपदासाठी द्रौपदी मुर्मूंना पाठिंबा जाहीर..

The post महाविकास आघाडी मध्ये बिघाडी? मुर्मूंना पाठिंब्यापूर्वी साधी चर्चाही नाही, शिवसेनेची भूमिका अनाकलनीय – माजी महसूल मंत्री बाळासाहेब थोरात appeared first on थोडक्यात घडामोडी.