हिंजवडी आयटी पार्क परिसरात पुन्हा एकदा बेफाम वेगाचा कहर पाहायला मिळाला. गर्दीच्या वेळी कंपनीची बस अचानक फुटपाथवर चढत दोन चिमुकल्यांचा जागीच मृत्यू झाला. या दुर्घटनेनंतर वाहतूक आणि रस्ते सुरक्षा व्यवस्थेबाबत गंभीर प्रश्न उपस्थित झाले आहेत.

हिंजवडी आयटी पार्कमधील वाढत्या अपघातांच्या मालिकेत सोमवारी आणखी एक भीषण घटना घडली. सायंकाळी साडेसहाच्या सुमारास पंचरत्न चौकाजवळ कंपनीच्या कर्मचाऱ्यांना नेणारी बस अचानक नियंत्रणाबाहेर गेली आणि ती थेट फुटपाथवर चढली. गर्दीच्या वेळी हा प्रकार घडल्याने पादचाऱ्यांना सुटण्याची संधीही मिळाली नाही.

या अपघातात अर्चना देवा प्रसाद (८) आणि तिचा भाऊ सूरज देवा प्रसाद (६) यांचा जागीच मृत्यू झाला. त्यांची बहिण प्रिया देवा प्रसाद (१८) गंभीर जखमी असून तिला उपचारासाठी रुग्णालयात दाखल करण्यात आले आहे. पादचारी अविनाश चव्हाण आणि बसमधील काही प्रवासीही जखमी झाल्याची माहिती पोलिसांनी दिली.

अपघात छत्रपती शिवाजी महाराज चौक ते वाकड या व्यस्त मार्गावर झाला. साक्षीदारांच्या मते, कंपनीची बस अतिवेगात होती आणि चालकाने ताबा गमावल्यानंतर वाहनाने थेट चालत जाणाऱ्या नागरिकांवर धडक दिली. धडक इतकी जोरदार होती की परिसरात काही क्षणांतच भीतीचे वातावरण पसरले.

घटनेची माहिती मिळताच हिंजवडी पोलीस आणि वाहतूक विभागाचे अधिकारी घटनास्थळी दाखल झाले. काही काळ तीव्र वाहतूक कोंडी निर्माण झाली होती, ती पोलिसांनी तात्काळ सुरळीत केली.

हिंजवडी परिसरातील वाढती वाहतूक कोंडी, अवजड वाहनांची गर्दी आणि वारंवार होणारे अपघात या मुद्द्यांवर नागरिक सातत्याने आवाज उठवत आहेत. या दुर्दैवी घटनेनंतर “बेफाम वेग थांबणार कधी?” असा तीव्र रोष नागरिकांनी व्यक्त केला. अधिक कडक सुरक्षा उपाय, वेगनियंत्रण व पादचारी संरक्षणाच्या मागण्या पुन्हा जोर धरू लागल्या आहेत.

सारांश : महत्त्वाच्या घडामोडी एकाच नजरेत

• हिंजवडी पंचरत्न चौकात कंपनी बसने फुटपाथवरील पादचाऱ्यांना दिली जोरदार धडक
• दोन चिमुकल्यांचा जागीच मृत्यू, एक जखमी मुलगी गंभीर
• काही पादचारी आणि बस प्रवासीही जखमी
• नागरिकांमध्ये संताप; वाहतूक व सुरक्षा व्यवस्थेवर प्रश्नचिन्ह
• पोलिसांनी वाहतूक कोंडी नियंत्रणात आणली; पुढील तपास सुरू

The post हिंजवडी आयटी पार्क हादरलं: भरधाव बस फुटपाथवर; बहीण–भावाचा जागीच मृत्यू, अनेक जखमी appeared first on थोडक्यात घडामोडी.

रायगड : मुंबईहून कोकणात निघालेल्या खासगी प्रवासी बसचा रविवारी रात्री उशिरा रायगड जिल्ह्यातील कर्नाळा खिंडीत भीषण अपघात झाला. या अपघातात सध्या मिळालेल्या माहितीनुसार दोन प्रवाशांचा मृत्यू झाला असून 30 हून अधिक प्रवासी गंभीर जखमी झाले आहेत. काही जखमींवर पनवेल आणि कळंबोली येथील रुग्णालयांमध्ये उपचार सुरू आहेत.

मिळालेल्या माहितीनुसार, ही घटना रविवारी रात्री अकराच्या सुमारास घडली. बोरिवलीहून सिंधुदुर्ग जिल्ह्यातील सावंतवाडी येथे जाणारी ओमकार ट्रॅव्हल्सची खासगी बस (MH 47 Y 7487) कर्नाळा खिंडीत नागमोडी वळणावर आली असताना चालकाचे बसवरील नियंत्रण सुटल्याने ती पलटी झाली. या अपघातामुळे बसमधील अनेक प्रवासी गंभीररीत्या जखमी झाले, तर काही प्रवासी बसमध्ये अडकले होते. अपघाताची माहिती मिळताच स्थानिक नागरिक, पनवेल तालुका पोलीस, पनवेल महानगरपालिका आणि कळंबोली फायर ब्रिगेडच्या रेस्क्यू टीमने तातडीने घटनास्थळी धाव घेतली. अडकलेल्या प्रवाशांना बाहेर काढण्यासाठी क्रेन आणि ॲम्बुलन्सच्या मदतीने शर्थीचे प्रयत्न करण्यात आले.

जखमींना कळंबोली येथील एमजीएम रुग्णालय आणि पनवेल येथील गांधी हॉस्पिटल येथे दाखल करण्यात आले आहे. एमजीएममध्ये सुमारे 23 प्रवासी उपचार घेत आहेत, तर गांधी हॉस्पिटलमध्ये दोन जखमींवर उपचार सुरू आहेत. काही जखमींना प्राथमिक उपचारांनंतर घरी सोडण्यात आले आहे, तर काहींची स्थिती चिंताजनक असल्याची माहिती डॉक्टरांकडून मिळत आहे.

अपघातामुळे मुंबई-गोवा महामार्गावरील वाहतूक काही काळ ठप्प झाली होती. पोलिसांनी रात्रभर प्रयत्न करून वाहतूक पूर्ववत केली.

दरम्यान, उन्हाळी सुट्टीच्या पार्श्वभूमीवर ही बस प्रवाशांनी भरलेली होती. महिलांसह लहान मुले आणि वयोवृद्ध प्रवासी देखील बसमध्ये होते. दरवर्षी सुट्टीच्या काळात कोकणात जाणाऱ्यांची संख्या वाढत असल्याने खासगी बससेवा मोठ्या प्रमाणावर सुरु असते. याच काळात हा अपघात घडला.

कर्नाळा खिंडीत नागमोडी वळणांमुळे आणि रस्त्यावरील अपुऱ्या सुरक्षाव्यवस्थेमुळे अपघातांचे प्रमाण वाढले आहे. स्थानिक नागरिकांनी रस्ते सुरक्षेच्या उपाययोजना करण्याची मागणी केली असून, वारंवार होणाऱ्या अपघातांमुळे शासनाच्या दुर्लक्ष करण्यावर नाराजी व्यक्त केली आहे.

या अपघाताची नोंद पनवेल शहर पोलीस ठाण्यात करण्यात आली आहे. अपघाताचे नेमके कारण जाणून घेण्यासाठी पोलीस तपास करत आहेत. बसचालकावर निष्काळजीपणाचा गुन्हे दाखल होण्याची शक्यता आहे.

The post भीषण अपघात! मुंबई-गोवा महामार्गावर खासगी बस उलटली, दोन जणांचा मृत्यू, 30 हून अधिक जखमी appeared first on थोडक्यात घडामोडी.

राजस्थान : आज (११ मार्च) राजस्थानातील नागौर जिल्ह्यात एक दुर्दैवी अपघात घडला, ज्यामध्ये जोधपूर येथील राष्ट्रीय कायदा विद्यापीठ (एनएलयू) च्या विद्यार्थ्यांना घेऊन जाणारी बस उलटली. ही बस चंदीगड येथील राजीव गांधी राष्ट्रीय कायदा विद्यापीठाच्या वार्षिक क्रीडा महोत्सवात सहभागी होऊन परत येत होती. सकाळी ५.३० वाजता देह गावाजवळ झालेल्या या अपघातात तीन विद्यार्थ्यांचा मृत्यू झाला आणि अनेक जण जखमी झाले.

सुरपालिया पोलिस स्टेशनचे हाऊस अधिकारी सिया राम यांनी सांगितले की, हा अपघात एक ट्रक बसला धडकल्यामुळे घडला. अपघातानंतर बस उलटली, बसमध्ये सुमारे २० विद्यार्थी होते. या अपघातात तीन विद्यार्थ्यांचा मृत्यू झाला. अपघातात गंभीर जखमी झालेल्या चार विद्यार्थ्यांना जोधपूर येथे रेफर करण्यात आले, तर इतर जखमींना प्राथमिक उपचार देऊन सरकारी बसने जोधपूरकडे पाठवण्यात आले.

मिळालेल्या माहितीनुसार, ७ ते १० मार्च दरम्यान आयोजित राजीव गांधी राष्ट्रीय कायदा विद्यापीठ (RGNUL) च्या चार दिवसांच्या वार्षिक क्रीडा महोत्सवातून हे विद्यार्थी परतत होते. एनएलयू, जोधपूर येथील अधिकारीही अपघातस्थळी पोहोचले आहेत.

राजस्थानच्या उपमुख्यमंत्री दिया कुमारी यांनी या अपघातावर शोक व्यक्त करत ट्विटरवर लिहिले, “नागौर येथे जोधपूर लॉ युनिव्हर्सिटीच्या विद्यार्थ्यांची बस उलटल्याची आणि आणखी एका भीषण रस्ते अपघातात नागरिकांचा मृत्यू आणि अनेक जण जखमी झाल्याची बातमी हृदयद्रावक आहे.” त्यांनी मृतांच्या आत्म्यास शांती आणि जखमींना लवकर बरे होण्यासाठी प्रार्थना केली. “देव मृतांच्या आत्म्यास त्यांच्या चरणी स्थान देवो आणि शोकाकुल कुटुंबीयांना शक्ती देवो,” असे त्यांनी आपल्या शोकसंदेशात म्हटले.

The post जोधपूर लॉ युनिव्हर्सिटीच्या विद्यार्थ्यांना घेऊन जाणारी बस उलटली, ३ जणांचा मृत्यू appeared first on थोडक्यात घडामोडी.

सिंधुदुर्ग : मुंबई गोवा महामार्गावर सिंधुदुर्गातील नांदगाव-ओटव फाटा येथे एसटी बसचा भीषण अपघात झाला आहे. पुणे ते सिंधुदुर्ग अशी विद्यार्थ्यांची सहल घेऊन निघालेल्या बसवरील ताबा सुटल्याने हा अपघात घडला. मध्यरात्री दोन वाजताच्या सुमारास चालकाचे नियंत्रण सुटल्याने बस पुलावरील संरक्षक कठड्याला आदळली. सुदैवाने बसमधील विद्यार्थ्यांना गंभीर दुखापती झाल्या नाहीत. अपघाताची माहिती मिळताच स्थानिकांनी घटनास्थळी धाव घेतली. जखमी विद्यार्थ्यांना तात्काळ कणकवली उपजिल्हा रुग्णालय येथे हलवण्यात आले.

मिळालेल्या माहितीनुसार, पुणे ते सिंधुदुर्ग अशी विद्यार्थ्यांना घेऊन निघालेली बस मालवणच्या दिशेने जात असताना हा अपघात घडला. मध्यरात्री दोनच्या सुमारास चालकाचे बसवरील नियंत्रण सुटले आणि बस नांदगाव-ओटव बॉक्सवेलवरील संरक्षक कठड्याला आदळली. बस संरक्षण कठड्याला धडकताच मोठा आवाज झाला. त्यामुळे स्थानिक नागरिकांनी तात्काळ घटनास्थळी धाव घेतली. सर्व विद्यार्थी गाढ झोपेत होते. अपघात झाल्यामुळे घाबरून विद्यार्थ्यांनी आरडाओरड केली. यातील काही जणांना किरकोळ दुखापती झाल्या.

चालकाला झोप लागल्यामुळे अपघात झाल्याचं म्हटलं जात आहे. अपघाताची माहिती स्थानिक पोलिसांना दिल्यानंतर पोलिसांनी घटनास्थळी धाव घेतली. मात्र, बसचा वेग कमी असल्याने मोठा अपघात टळला. जखमींना रूग्णवाहिका मागवून कणकवली उपजिल्हा रूग्णालयात पाठविण्यात आले.

The post सिंधुदुर्ग : सहलीला गेलेल्या बसचा भीषण अपघात, वेग कमी असल्याने मोठा अनर्थ टळला… appeared first on थोडक्यात घडामोडी.

डेहराडून : उत्तराखंडमध्ये भीषण अपघाताची घटना समोर आली आहे. पौडी गढवाल जिल्ह्यातील सिमडी गावामध्ये 45 ते 50 लोकांना घेऊन जाणारी बस दरीत कोसळली आहे. या भीषण अपघातात २५ जणांचा मृत्यू झाला आहे. तर अनेक जण जखमी आहे. जखमींना तातडीने नजीकच्या रुग्णालयात दाखल केले आहे.

मिळालेल्या माहितीनुसार, पौडी गढवाल जिल्ह्यातील सिमडी गावाजवळ असलेल्या रिखनीखाल-बिरोखल महामार्गावर ही घटना घडली आहे. लग्नाचे वऱ्हाड घेऊन ही बस लालढांगहून काडा तल्ला इथं जात होती. बिरोखाल येथील सीमडी बँडजवळ बसवरील चालकाचे नियंत्रण सुटले आणि बस खोल दरीत कोसळली. या बसमध्ये 40 ते 50 वऱ्हाडी सामील होते. घटनेची माहिती मिळताच पोलीस प्रशासन आणि अग्निशमन दलाच्या गाड्या घटनास्थळी दाखल झाल्यात. रात्रभर बचावकार्य सुरू होतं.

या अपघाताची माहिती मिळताच मुख्यमंत्री पुष्कर सिंह धामी हे आपात्कालीन विभागाच्या केंद्रावर पोहोचले. घटनास्थळी SDRF ची पाठवण्यात आली. सर्व जखमी प्रवाशांना बाहेर काढले जात आहे. त्यांना तातडीने शासकीय रुग्णालयात दाखल करण्यात आले आहे, अशी माहिती पुष्कर सिंह धामी यांनी दिली.

The post लग्नाला चालेल्या वऱ्हाडाची बस दरीत कोसळली, २५ जणांचा मृत्यू, अनेक जण जखमी appeared first on थोडक्यात घडामोडी.

जम्मू – काश्मीर : जम्मू आणि काश्मीरमधील पूंछ जिल्ह्यातील बरेरी नाल्याजवळ एक मिनी बसचा भीषण अपघात झाला. या अपघातात 11 जण ठार तर आठ जण जखमी झाले आहेत. बस सौजियान येथून यो मंडीच्या वाटेवर असताना हा अपघात झाला. पूंछच्या सावजियान भागात मिनी बसचा अपघात झाला. लष्कराकडून बचावकार्य सुरू आहे. या अपघातात 11 जणांचा मृत्यू झाला आहे, तर जखमींना मंडी येथील रुग्णालयात हलवण्यात आले आहे.

दरम्यान, एलजी मनोज सिन्हा यांनी मृतांच्या कुटुंबीयांना प्रत्येकी 5 लाख रुपयांची मदत जाहीर केली. जखमींना सर्वोत्तम उपचार देण्याचे निर्देशही त्यांनी अधिकाऱ्यांना दिले.

Saddened by loss of lives due to a road accident in Sawjian, Poonch. Condolences to bereaved families. May the injured recover soon. Rs. 5 lakh would be given to the next of kin of deceased. Directed Police and Civil authorities to provide best possible treatment to the injured.

— Office of LG J&K (@OfficeOfLGJandK) September 14, 2022

The post ब्रेकिंग! जम्मू – काश्मीरमधील पूंछमध्ये मिनी बसचा भीषण अपघात, 11 जणांचा मृत्यू तर 8 जण जखमी appeared first on थोडक्यात घडामोडी.

हिमाचल प्रदेश : हिमाचल प्रदेशातील कुल्लू येथे बसचा भीषण अपघात झाला आहे. कुल्लूच्या सैंज व्हॅलीमध्ये सोमवारी सकाळी खाजगी बस दरीत कोसळली. या अपघातात आतापर्यंत 12 जणांचा मृत्यू झाल्याची पुष्टी झाली आहे, तर 3 प्रवासी जखमी झाले आहेत. स्थानिक प्रशासनाच्या म्हणण्यानुसार, बसमध्ये सुमारे 15 ते 20 लोक होते, अपघातात जखमी झालेल्या ३ जणांना कुल्लू रुग्णालयात दाखल करण्यात आले आहे. या बसमध्ये शालेय विद्यार्थीही होते, अपघातातील मृतांचा आकडा वाढण्याची शक्यता आहे. बसमध्ये स्थानिक लोकांव्यतिरिक्त शाळकरी मुलेही होती.

मदत आणि बचाव कार्य सुरू
अपघाताची माहिती मिळताच स्थानिक प्रशासन घटनास्थळी पोहोचले आणि जखमींना कुल्लू रुग्णालयात नेण्यात आले. बसमध्ये काही मृतदेह अडकले असण्याची शक्यता वर्तवली जात आहे. त्यामुळे खराब झालेली बस जेसीबीच्या साहाय्याने उघडण्यात येत आहे.

तात्काळ मदतीची घोषणा
बसच्या अपघाताची माहिती मिळताच स्थानिक लोकही घटनास्थळी पोहोचले. त्यानंतर प्रशासनाला अपघाताची माहिती देण्यात आली. त्यानंतर स्थानिक प्रशासनही घटनास्थळी पोहोचले. ही बस साईंज खोऱ्यातील शेनसार येथून साईंजच्या दिशेने येत होती. त्याचवेळी जंगला नावाच्या ठिकाणी एका वळणावर ही बस नियंत्रणाबाहेर जाऊन दरीत कोसळली. प्रशासनाने अपघातातील जखमींना 20 हजार रुपयांची तात्काळ मदत जाहीर केली आहे.

हिमाचल प्रदेशात झालेल्या भीषण बस अपघातामध्ये ज्यांना प्राण गमवावे लागले आहेत, त्यांच्या नातेवाईकांना पंतप्रधानांनी PMNRF कडून प्रत्येकी 2 लाखांची एक्स-ग्रॅशिया मंजूर केली आहे. तर जखमींना प्रत्येकी 50,००० रुपयांची मदत जाहीर केली आहे.

The bus accident in Kullu, Himachal Pradesh is heart-rending. In this tragic hour my thoughts are with the bereaved families. I hope those injured recover at the earliest. The local administration is providing all possible assistance to those affected: PM @narendramodi

— PMO India (@PMOIndia) July 4, 2022

The post हिमाचल प्रदेशातील कुल्लूमध्ये खासगी बस दरीत कोसळली, 12 जणांचा मृत्यू appeared first on थोडक्यात घडामोडी.

पालघर : पालघरमधील वाघोबा घाटात एसटी बसचा भीषण अपघात झाला. सकाळी 6.30 वाजेच्या सुमारास ही घटना घडली. बस चालकाचे नियंत्रण सुटल्याने नाशिकहून आलेली ही बस थेट 20 फुट दरीत कोसळली. अपघातात 15 प्रवासी जखमी झाले आहेत. सर्व जखमींना पालघरच्या शासकीय रुग्णालयात उपचारासाठी दाखल करण्यात आले आहे. सुदैवाने अपघातात कोणतीही जीवितहानी झाली नाही.

मिळालेल्या माहितीनुसार, एसटीची भुसावळ-पालघर रातराणी बस नाशिकवरून पालघरला येत होती. सकाळी 6.30 वाजेच्या सुमारास वाघोबा घाटात एका वळणावर वाहन चालकाचा बसवरील ताबा सुटला. त्यामुळे बस दरीत कोसळली. त्यामुळे बसमधील किमान 15 प्रवासी जखमी झाले. घटनेची माहिती मिळताच स्थानिक पोलिसांनी घटनास्थळी धाव घेतली. जखमी प्रवाशांना पालघरच्या शासकीय रुग्णालयात उपचारासाठी दाखल करण्यात आले. दरम्यान, बसचा चालक मद्यधुंद असल्यामुळेच हा अपघात झाल्याचे प्रवाशांनी म्हटले आहे.

The post पालघरमधील वाघोबा घाटात बसचा भीषण अपघात, 15 प्रवासी जखमी appeared first on थोडक्यात घडामोडी.

हिमाचल प्रदेश : हिमाचल प्रदेशातील सिरमोर येथे शुक्रवारी दुपारी एक मोठी दुर्घटना टळली. येथे शिलाईमधील बोहराद खड्डजवळ नॅशनल हायवे-707 वर एक खासगी बस घसरून दरीत लटकली. यावेळी बसमध्ये 24 प्रवासी होते. प्रसंगावधान दाखवत ड्रायव्हरने ब्रेक लावला आणि सर्व प्रवाशांना खाली उतरेपर्यंत ड्रायव्हरने ब्रेक दाबून ठेवला. यानंतर प्रवासी आणि क्लीनर यांनी मिळून ड्रायव्हरचा जीव वाचवला.

मिळालेल्या माहितीनुसार, चालत्या बसचा अचानक एक्सल तुटल्यामुळे ड्रायव्हरचे गाडीवरील नियंत्रण सुटले. यामुळे बस दरीच्या बाजूला गेली. तेथून खाली 300 मीटर खोल दरी आहे. यावेळी ड्रायव्हरने ब्रेक लावून ठेवला. ही बस पांवटा साहिबवरुन गत्ताधार मार्गावर जात होती. कफोटाहून तब्बल 10 किमी अंतरावर आल्यानंतर बसचा एक्सल तुटला. यावेळी ड्रायव्हरने न घाबरता प्रसंगावधान दाखवलं. त्याने जोरात ब्रेक दाबला. आणि जोपर्यंत शेवटचा प्रवासी बसमधून उतरत नाही तोपर्यंत ब्रेकवर पाय तसाच ठेवला. सर्व प्रवासी खाली उतरल्यानंतर लोकांनी बसच्या टायरखाली मोठा दगड ठेवून ड्रायव्हरलाही बाहेर काढलं. त्यामुळे पुढील मोठी दुर्घटना टळली. पोलिसांची टीम घटनास्थळी दाखल झाली आणि त्यांनी प्रवाशांची पुढे जाण्याची सोय करून दिली.

The post मोठी दुर्घटना टळली! बस घसरून दरीत लटकली, ड्रायव्हरने सर्व प्रवाशांना खाली उतरेपर्यंत ब्रेक दाबून ठेवला… appeared first on थोडक्यात घडामोडी.

झारखंड : झारखंडच्या धनबाद जिल्ह्यात बसला भीषण अपघात झाला आहे. आज (३० जून) पहाटे ३ वाजण्याच्या सुमारास राजगंज पोलिस स्टेशन परिसरात जीटी रोडवर बस अनियंत्रित झाल्याने ही दुर्घटना घडली. या घटनेत सुमारे 24 जण जखमी झाले असून बस ड्रायव्हरसह चार जणांची प्रकृती चिंताजनक आहे.

मिळालेल्या माहितीनुसार, बसने जीटी रोडवर उभ्या असलेल्या एका ट्रकला मागच्या बाजूने जोरदार धडक दिली, त्यामुळे बसमधील सर्वजण जखमी झाले. बसमधील प्रवाश्यांनी सांगितले की ड्रायव्हरला झोप लागल्यामुळे बसने एका ट्रकला मागून जोरदार धडक दिली. ही बस बिहारच्या छपरा येथून कोलकाताकडे जात होती. बसमधील बहुतेक सर्व प्रवासी मजूर आहेत, जे कोलकाता येथे मजुरीसाठी निघाले होते. दरम्यान, या दुर्घटनेनंतर 5 रुग्णवाहिका घटनास्थळी पोहोचल्या. नॅशनल हायवे सर्व्हिसची रुग्णवाहिकाही घटनास्थळी पोहोचली, त्यानंतर सर्व जखमींना एसएनएमएमसीएच धनबाद येथे आणण्यात आले.

क्रूरतेचा कळस! दोन महिलांनी कुत्र्याला स्कूटरला बांधून फरफटत नेलं, उपचारादरम्यान कुत्र्याचा मृत्यू

दरम्यान, हा अपघात इतका भीषण होते की अपघातानंतर बसचे मुख्य गेट जाम झाले होते, त्यामुळे प्रवाशांना प्रचंड त्रास सहन करावा लागला आणि जखमींना बसमधून बाहेर काढण्यासाठी शर्थीचे प्रयत्न करावे लागले. पोलिसांनी स्थानिक लोकांच्या मदतीने बसची खिडकी तोडून जखमी प्रवाश्यांना बाहेर काढले आणि रुग्णालयात पाठविले.

पत्नीने केला विचित्र हट्ट, नवऱ्याने प्रेम सिद्ध करायच्या नादात गमावले दोन्ही हात

The post ड्रायव्हरला झोप लागल्यामुळे बसला भीषण अपघात, 24 जखमी, चार जणांची प्रकृती चिंताजनक appeared first on थोडक्यात घडामोडी.