मुंबई : बॉलिवूड अभिनेता अक्षय कुमार यांच्या ताफ्यातील गाडीचा मुंबईत भीषण अपघात झाल्याची माहिती समोर आली आहे. हा अपघात जुहू परिसरात घडला असून, अक्षय कुमार आणि त्यांची पत्नी एका गाडीतून विमानतळावरून घरी जात असताना ही घटना घडली. सुदैवाने अक्षय कुमार आणि त्यांच्या पत्नीला कोणतीही इजा झाली नसल्याचे सांगण्यात येत आहे.

मिळालेल्या माहितीनुसार, अक्षय कुमार यांच्या गाडीच्या मागे त्यांच्या सुरक्षारक्षकांची कार होती. दरम्यान, एका मर्सिडीज कारचे नियंत्रण सुटल्याने तिने प्रथम एका ऑटो रिक्षाला जोरदार धडक दिली. त्यानंतर ही कार थेट अक्षय कुमार यांच्या सुरक्षारक्षकांच्या वाहनावर आदळली. ही धडक इतकी तीव्र होती की सुरक्षारक्षकांची कार रस्त्यावर पलटी झाली. पुढे अक्षय कुमार यांच्या गाडीला किरकोळ धक्का बसल्याचेही कळते.

अपघाताची माहिती मिळताच पोलिसांनी तातडीने घटनास्थळी धाव घेतली. या अपघातात जखमी झालेल्या ऑटो चालकाला तात्काळ रुग्णालयात दाखल करण्यात आले. विशेष म्हणजे, अक्षय कुमार यांनी स्वतः त्यांच्या सुरक्षारक्षकांना जखमी ऑटो चालकाला त्वरित वैद्यकीय मदत देण्याच्या सूचना दिल्याची माहिती आहे.

 

View this post on Instagram

 

A post shared by F I L M Y G Y A N (@filmygyan)

अपघातानंतर परिसरात नागरिकांची मोठी गर्दी जमली होती. अनेकांनी या घटनेचे व्हिडीओ मोबाईलमध्ये चित्रीत केले असून ते सध्या सोशल मीडियावर मोठ्या प्रमाणात व्हायरल होत आहेत. काही वेळानंतर अक्षय कुमार घटनास्थळावरून निघून गेले, मात्र त्यांचे सुरक्षारक्षक तेथेच थांबले होते.

या अपघातप्रकरणी अद्याप कोणतीही एफआयआर दाखल करण्यात आलेली नाही. अपघात मर्सिडीज चालकाच्या चुकीमुळे झाला की अन्य काही कारण होते, याचा तपास पोलीस करत आहेत. अक्षय कुमार किंवा त्यांच्या टीमकडून अद्याप कोणतीही अधिकृत प्रतिक्रिया देण्यात आलेली नाही. दरम्यान, सुरक्षारक्षकांच्या गाडीचे मोठे नुकसान झाले असून जखमी ऑटो चालकावर रुग्णालयात उपचार सुरू आहेत.

The post अक्षय कुमारच्या गाडीला धडक! जुहूमध्ये थरारक अपघात, व्हिडीओ व्हायरल appeared first on थोडक्यात घडामोडी.

मुंबई : दिग्दर्शक विवेक अग्निहोत्रीच्या नुकत्याच प्रदर्शित झालेल्या ‘द काश्मीर फाइल्स’ या चित्रपटाने अभिनेता अक्षय कुमार देखील प्रभावित झाला आहे. ‘द काश्मीर फाइल्स’ हा चित्रपट १९९० च्या दशकात काश्मिरी पंडितांच्या खोऱ्यातून निर्गमनावर आधारित आहे. एका अत्यंत हृदयद्रावक शोकांतिकेमागील सत्य समोर आणल्याबद्दल बॉलीवूड सुपरस्टार अक्षय कुमारने विवेक अग्निहोत्री यांचे कौतुक केले. आपल्या नुकत्याच प्रदर्शित झालेल्या बच्चन पांडे या चित्रपटाच्या व्यवसायातही या चित्रपटाने कसा अडथळा आणला आहे, याचीही त्याने खिल्ली उडवली.

विवेकने त्याच्या अधिकृत ट्विटर अकाऊंटवर शेअर केलेल्या एका क्लिपमध्ये, अक्षय म्हणाला, “काश्मीर फाइल्स देशात एका प्रचंड लाटेप्रमाणे आली, ज्याने आपल्या सर्वांना हादरवून सोडले. वो और बात है की मेरी पिक्चर को भी डुबा दिया (त्याने माझा स्वतःचा चित्रपटही बुडवला ही वेगळी गोष्ट आहे).

व्हिडिओवर प्रतिक्रिया देताना, विवेक म्हणाला, “#TheKashmirFiles साठी केलेल्या कौतुकाबद्दल अक्षय कुमारचे आभार.”

Thanks @akshaykumar for your appreciation for #TheKashmirFiles. ??? pic.twitter.com/9fMnisdDzR

— Vivek Ranjan Agnihotri (@vivekagnihotri) March 25, 2022

यापूर्वी, अक्षयने काश्मीर फाइल्सचा स्टार अनुपम खेर यांचे चित्रपटातील अविश्वसनीय कामगिरीबद्दल अभिनंदन केले होते. “काश्मीर फाइल्स मधील तुमच्या कामगिरीबद्दल अगदी अविश्वसनीय गोष्टी ऐकून प्रेक्षकांना मोठ्या संख्येने सिनेमागृहात परतताना पाहून आश्चर्य वाटले. लवकरच चित्रपट पाहण्याची आशा आहे. जय अंबे,” असे ट्विट अक्षयने केले होते.

‘काश्मीर फाईल्स’ काश्मिरी हिंदूंच्या निर्गमनावर आधारित या चित्रपटाने चित्रपट प्रदर्शित झाल्यापासून बॉक्स ऑफिस कलेक्शनमध्ये लक्षणीय वाढ केली आहे आणि दोन आठवड्यांच्या आत, विवेक अग्निहोत्री दिग्दर्शित या चित्रपटाने २०० कोटींच्या क्लबमध्ये प्रवेश केला आहे. या चित्रपटाने कोविडनंतर प्रदर्शित होणाऱ्या चित्रपटांसाठी एक नवा बेंचमार्क सेट केला आहे.

The post ‘द काश्मीर फाइल्स’ ने माझा चित्रपटही बुडवला – अक्षय कुमार appeared first on थोडक्यात घडामोडी.

मुंबई : अक्षय कुमारची आई अरुणा भाटिया यांचे वयाच्या 77 व्या वर्षी निधन झाले. वयाशी संबंधित समस्यांमुळे त्यांना काही दिवसांपूर्वी मुंबईतील हिरानंदानी रुग्णालयात दाखल करण्यात आले होते. अक्षयने स्वतः ट्विट करून त्याच्या आईच्या निधनाची माहिती दिली आहे.

अक्षयने ट्विट करत म्हटले कि, “माझी आई माझा कणा होती. मला आज असे दुःख वाटत आहे, जे मी सहन करू शकत नाही. माझी आई अरुणा भाटिया यांचे आज सकाळी निधन झाले. आता ती माझ्या वडिलांना दुसऱ्या जगात भेटेल. या कठीण प्रसंगी तिच्यासाठी चाहत्यांनी आणि हितचिंतकांनी केलेल्या प्रार्थनेचा मी आदर करतो. ओम शांती.”

She was my core. And today I feel an unbearable pain at the very core of my existence. My maa Smt Aruna Bhatia peacefully left this world today morning and got reunited with my dad in the other world. I respect your prayers as I and my family go through this period. Om Shanti ??

— Akshay Kumar (@akshaykumar) September 8, 2021

आपल्या मुलाच्या 54 व्या वाढदिवसाच्या एक दिवस आधी अरुणा भाटियाने अखेरचा श्वास घेतला. अक्षय कुमारचा वाढदिवस 9 सप्टेंबरला येतो.

अक्षय कुमारच्या आईची प्रकृती चिंताजनक, अक्षय शूटिंग सोडून लंडनहून परतला

The post अक्षय कुमारच्या आईचे निधन appeared first on थोडक्यात घडामोडी.

मुंबई : बॉलिवूड अभिनेता अक्षय कुमारची आई अरुणा भाटिया या मुंबईत रुग्णालयात दाखल आहेत. त्यांची प्रकृती चिंताजनक असल्याचे वृत्त आहे. त्यांच्यावर मुंबईतील हिरानंदानी रुग्णालयात उपचार सुरु आहेत. अक्षयच्या आईला शुक्रवारी संध्याकाळी रुग्णालयात दाखल करण्यात आले होते. परंतु, आता त्यांची प्रकृती खालावली आहे.

अक्षय कुमारला त्याच्या आईबद्दल समजल्यानंतर, तो शक्य तितक्या लवकर यूकेमधून भारतात आला. अक्षय आज सकाळी भारतात पोहोचला. अक्षय कुमार यूकेमध्ये सिंड्रेला चित्रपटाचे शूटिंग करत होता. अक्षयशिवाय या चित्रपटाचे शूटिंग सुरू राहणार आहे. आता ती दृश्ये चित्रीत केली जातील ज्यात अक्षयची गरज नाही.

गेल्या वर्षी अक्षय कुमारने लंडनमध्ये बेल बॉटम या चित्रपटाचे शूटिंग केले होते. या दरम्यान, त्याने आपल्या आईसोबत वेळ घालवण्याविषयी एक पोस्ट शेअर केली. व्यस्त वेळापत्रकातून वेळ काढून तो आईसोबत वेळ घालवतो असे त्याने सांगितले होते. त्याने लिहिले होते की, ‘शूटिंगचे दिवस मागे-पुढे घेऊन मी लंडनमध्ये माझ्या आईसोबत वेळ घालवत आहे. तुमचे वय कितीही असो किंवा तुम्ही जीवनात कितीही व्यस्त असलात तरी, तुमचे आईवडील सुद्धा म्हातारे होत आहेत हे विसरू नका … त्यामुळे जमेल तेव्हा त्यांच्यासोबत वेळ घालवा.

The post अक्षय कुमारच्या आईची प्रकृती चिंताजनक, अक्षय शूटिंग सोडून लंडनहून परतला appeared first on थोडक्यात घडामोडी.

मुंबई : कंगना रनौत नेहमीच तिच्या ट्वीटमुळे चर्चेत असते. कंगना नेहमीच बॉलिवूडमधील मूव्ही माफिया आणि घराणेशाहीच्या विरोधात आवाज उठवताना दिसते. नुकत्याच केलेल्या एका ट्वीटमध्ये कंगनानं अक्षय कुमारकडून तिला सीक्रेट कॉल आल्याचं म्हटलं आहे. काही दिवसांपूर्वीच रिलीज झालेल्या कंगनाच्या ‘थलायवी’चा ट्रेलर पाहिल्यानंतर अनेक मोठ्या स्टार्सनी गुपचूप कॉल करून कौतुक केल्याचं कंगनाचं म्हणणं आहे.

कंगनानं अनेक गोष्टींचा गौप्यस्फोट करत तिच्या ट्वीटमध्ये म्हटलं कि, ‘बॉलिवूडमध्ये शत्रू एवढे आहेत की, काही लोकांना मात्र बिनधास्तपणे कौतुक करणंही कठीण जात आहे. मला अनेक सीक्रेट कॉल्स आणि मेसेज येतात. ज्यात अक्षय कुमारसारख्या मोठ्या स्टार्सचासुद्धा समावेश आहे. ज्यांनी ‘थलायवी’च्या ट्रेलरनंतर माझं खूप कौतुक केलं पण ते दीपिका आणि आलियाच्या चित्रपटांप्रमाणे माझं बेधडकपणे कौतुक करू शकत नाही. कारण बॉलिवूडमध्ये मूव्ही माफियाची दहशत आहे.’

लेखक अनिरुद्ध गुहा यांनी ट्विटरवर एक पोस्ट करत म्हटलं कि, ‘बॉलिवूडमध्ये स्वतःचं मत मांडणं तुम्हाला संकटात टाकू शकतं’ यावर आपलं मत व्यक्त केलं होतं. त्यांनी लिहिलं, ‘कंगना याला अपवाद आहे आणि ती या पिढीतली अशी एकमेव अभिनेत्री आहे.’ अनिरुद्ध यांच्या याच ट्वीटवर रिप्लाय करत कंगनानं हा खुलासा केला.

Wish an industry of art can be objective when it comes to art, and not indulge in power play and politics when it comes to cinema, my political views and spirituality should not make me a target of bullying, harassment and isolation but if they do, then obviously I will win …

— Kangana Ranaut (@KanganaTeam) April 7, 2021

The post अक्षय कुमारने केला कंगनाला सीक्रेट कॉल, कंगनाने केला खुलासा appeared first on थोडक्यात घडामोडी.

मुबई : अभिनेता अक्षय कुमारने अखेर मौन सोडलं आहे. अक्षयने सोशल मीडियावर एक व्हिडीओ पोस्ट करत चाहत्यांना व माध्यमांना विनंती केली आहे.

अक्षय आपल्या वोडिओ मध्ये म्हणाला कि “आज मी खूप जड अंत:करणाने बोलतोय. गेल्या काही दिवसांपासून बोलायची इच्छा होती, पण सगळीकडे इतकी नकारात्मकता पसरली आहे की काय बोलू आणि कोणाशी बोलू हे समजत नव्हतं. बॉलिवूडला तुमच्या प्रेमानेच मोठं केलंय. आज तुमचा रागसुद्धा आम्हाला मान्य आहे. सुशांत सिंह राजपूतच्या अकस्मात मृत्यूनंतर असे अनेक मुद्दे समोर आले आहेत, ज्यांनी केवळ तुम्हालाच नाही तर आम्हालासुद्धा धक्का दिला आहे. या मुद्द्यांनी आपल्याला आत्मपरिक्षण करण्यास भाग पाडलं आहे. फिल्म इंडस्ट्रीतील ड्रग्जचा मुद्दा समोर आला आहे. मी माझ्या हृदयावर हात ठेवून हे खोटं कसं बोलू की ड्रग्जची समस्या इंडस्ट्रीत अस्तित्त्वात नाही? इंडस्ट्रीत ड्रग्जची समस्या आहे पण इंडस्ट्रीतल्या प्रत्येकाचा त्यात सहभाग आहे असं होऊ शकत नाही. ड्रग्जचा तपास प्रशासनाकडून अगदी योग्य पद्धतीने होईल आणि इंडस्ट्रीतला प्रत्येक माणूस त्यांना चौकशीत सहकार्य करेल. पण मी हात जोडून विनंती करतो, की संपूर्ण इंडस्ट्रीला एकाच दृष्टिकोनातून पाहू नका. हे चुकीचं आहे. मी माध्यमांनाही विनंती करतो की त्यांनी संवेदनशील राहून योग्य वृत्त द्यावं. कारण एका नकारात्मक बातमीने त्या व्यक्तीची वर्षानुवर्षांची मेहनत पाण्यात वाहून जाईल. मी चाहत्यांनाही विनंती करतो की त्यांचं प्रेम आणि त्यांचा विश्वास आम्ही पुन्हा जिंकून दाखवू. पण आमची साथ सोडू नका”.

 

View this post on Instagram

 

Bahot dino se mann mein kuch baat thi lekin samajh nahi aa raha tha kya kahoon, kisse kahoon. Aaj socha aap logon se share kar loon, so here goes…#DirectDilSe ??

A post shared by Akshay Kumar (@akshaykumar) on Oct 3, 2020 at 4:48am PDT

The post ड्रग्स प्रकरणावर अक्षय कुमारने सोडलं मौन appeared first on थोडक्यात घडामोडी.