पुणे : पुण्यातील स्वारगेट बसस्थानकामध्ये २६ वर्षीय महिलेवर झालेल्या लैंगिक अत्याचाराच्या घटनेने खळबळ उडाली आहे. बारामतीच्या खासदार आणि राष्ट्रवादी काँग्रेस (शरद पवार) पक्षाच्या नेत्या सुप्रिया सुळे यांनी सोशल मीडियावर या घटनेवर टीका केली आहे आणि म्हटले आहे की, ही घटना गुन्हेगारांना कायद्याची भीती नसल्याचे दर्शवणारी आहे.

सुप्रिया सुळे यांनी एक्स वर एक पोस्ट टाकली आहे. यामध्ये त्या म्हणाल्या की, स्वारगेटसारख्या वर्दळीच्या बसस्थानकाच्या परिसरात एका तरुणीवरील लैंगिक अत्याचाराची घटना उघडकीस आली आहे. विशेष म्हणजे, स्वारगेट बसस्थानकाजवळ एक पोलिस चौकी आहे. शिवाय, पोलिस कर्मचारी वेळोवेळी बसस्थानकावर गस्त घालतात. तरीही, आरोपींना इतका जघन्य गुन्हा करण्याचे धाडस होते हे दर्शवते की गुन्हेगारांना कायद्याची भीती नाही. या राज्यात महिलांसाठी सुरक्षित जागा नाही का असा प्रश्नही यावेळी उपस्थित झाला आहे. पुण्यात दररोज कुठे ना कुठे गंभीर गुन्हे घडत आहेत. गृह विभाग ते थांबवू शकलेला नाही. ही घटना कायदा आणि सुव्यवस्था कशी बिघडली आहे याचे प्रतिबिंब आहे. या प्रकरणातील आरोपींना कठोर शिक्षा झाली पाहिजे. यासाठी हा खटला फास्टट्रॅक कोर्टात चालवावा अशी आमची मागणी आहे.

अतिशय संतापजनक!
स्वारगेटसारख्या गजबजलेल्या बस स्थानक परिसरात एका तरुणीवर लैंगिक अत्याचार झाल्याची घटना समोर आली आहे. विशेष म्हणजे स्वारगेट बस स्थानकाच्या जवळच पोलीस चौकी आहे. शिवाय पोलीस कर्मचारी बस स्थानकावर वेळोवेळी गस्त घालत असतात. तरीही अशा पद्धतीचा घृणास्पद गुन्हा करण्याची…

— Supriya Sule (@supriya_sule) February 26, 2025

पोलिसांनी दिलेल्या माहितीनुसार, २६ वर्षीय तरुणी पुण्याहून तिच्या मूळ गावी फलटणला जाण्यासाठी निघाली होती. ती सकाळी साडेपाच वाजता स्वारगेट बस स्टँडवर पोहोचली. त्यावेळी कोणीतरी तिला सांगितले की फलटणला जाणारी बस इथे थांबत नाही, तर पलीकडे थांबते. यावर मुलीने नकार दिला आणि म्हणाली की बस इथेच थांबते. यावर आरोपीने तरुणीला सांगितले की मी गेल्या दहा वर्षांपासून येथे काम करत आहे आणि फलटणला जाणारी बस तिथेच थांबते. आरोपीने मुलीला बाजूला उभ्या असलेल्या बसमध्ये नेले. आरोपीने मुलीला दरवाजा उघडून आत जाण्यास सांगितले. बसमध्ये अंधार होता. मुलगी बसमध्ये चढली. तिच्या मागे आरोपीही बसमध्ये चढला. त्याने बसचा दरवाजा बंद केला आणि मुलीवर लैंगिक अत्याचार केला.

या घटनेनंतर, मुलगी फलटणला निघाली, मात्र ती अर्ध्या रस्त्यातून परत आली. तिने स्वारगेट पोलिस ठाण्यात घटनेची माहिती दिली. घटनेची माहिती मिळताच पोलिसांनी सीसीटीव्ही फुटेज तपासले. आरोपी गाडे असल्याचे आढळून आले. गाडेवर यापूर्वी चोरीचे गुन्हे दाखल असल्याचेही समोर आले आहे. पुणे पोलिस आरोपीचा शोध घेत आहेत.

The post खासदार सुप्रिया सुळे यांच्याकडून स्वारगेट लैंगिक अत्याचार प्रकरणी संताप व्यक्त, केली ‘ही’ मागणी appeared first on थोडक्यात घडामोडी.

पुणे : पुण्यामध्ये पुन्हा एकदा कोयता गँग कमालीची सक्रीय झाली असून या टोळीतील गुन्हेगार दिवसा देखील तोडफोड करत आहेत. या घटनेची गंभीर दखल घेत खासदार सुप्रिया सुळे यांनी पोलीस आयुक्त रितेश कुमार यांच्याशी चर्चा केली. याबरोबरच शहरातील संघटित गुन्हेगारीला आळा घालण्यासाठी गृहमंत्र्यानी आदेश द्यावेत, अशी मागणी केली आहे.

गेल्या काही दिवसांपासून शहरात कोयता गँगची दहशत वाढली असून गाड्या फोडणे, नागरीकांना धमकावून त्यांना मारहाण करणे असे प्रकार सुरू आहेत. आजही वारजे परिसरात या गँगने धुमाकूळ घालत गाड्यांच्या काचा फोडल्या. या घटनेबाबत सुळे यांनी पुण्याच्या पोलीस आयुक्तांशी सविस्तर चर्चा केली.

पुणे आणि परिसरात वाढलेल्या या गुन्हेगारीवर आळा घालणे अतिशय गरजेचे असून संघटीत गु्न्हेगारीवर कायमचा आळा घालण्यासाठी राज्याच्या गृहमंत्र्यांनी पुढाकार घेऊन उचित कार्यवाही करण्याचे आदेश द्यावेत, अशी मागणीही त्यांनी केली आहे.

The post वारजे भागात पुन्हा कोयता गँगची दहशत, सुप्रिया सुळेंची गृहमंत्र्यांनी लक्ष घालण्याची मागणी appeared first on थोडक्यात घडामोडी.

मुंबई : राष्ट्रवादी काँग्रेस पक्षाच्या रौप्य महोत्सवी वर्षानिमित्त आयोजित कार्यक्रमात अध्यक्ष शरद पवार यांनी मोठी घोषणा केली आहे. खासदार सुप्रिया सुळे आणि प्रफुल्ल पटेल यांच्याकडे पक्षाच्या कार्यकारी अध्यक्ष पदाची जबाबदारी सोपवण्यात आली आहे.

राष्ट्रवादी काँग्रेसचे अध्यक्ष शरद पवार यांनी राजीनामा देण्याची घोषणा या आधी केली होती. त्याचवेळी सुप्रिया सुळे आणि प्रफुल्ल पटेल यांची नावे चर्चेत होती. अखेर दोन कार्यकारी अध्यक्ष निवडण्यात आले असून यात सुप्रिया सुळे यांच्याकडे महाराष्ट्र, हरियाणा आणि पंजाब या राज्यांची जबाबदारी देण्यात आली आहे. सुप्रिया सुळे यांच्याप्रमाणे प्रफुल्ल पटेल यांना देखील कार्यकारी अध्यक्ष पदाची जबाबदारी देण्यात आली आहे. पटेल आधीपासूनच राष्ट्रीय कार्यकारिणीत सक्रिय आहेत. मी सुरुवातीपासून काम करत आल्यामुळे माझ्यासाठी ही जबाबदारी मोठी नसल्याचे पटेल यांनी म्हटले आहे. हे पद जरी नवीन असले तरी माझ्यासाठी हे काम तेच जुने असल्याचे पटेल म्हणाले.

दरम्यान, सुप्रिया सुळे यांनी त्यांच्यावर ही जबाबदारी सोपवल्याबद्दल प्रतिक्रिया व्यक्त केली आहे. त्या म्हणाल्या कि, “राष्ट्रवादी काँग्रेसच्या वर्धापन दिनाच्या निमित्ताने आयोजित कार्यक्रमात माझी व प्रफुलभाई पटेल यांची कार्यकारी अध्यक्षपदी निवड करण्यात आली. याबद्दल पक्षसंघटनेची मी मनापासून आभारी आहे. पक्षाने माझ्यावर टाकलेला हा विश्वास सार्थ ठरविण्यासाठी मी कटिबद्ध आहे. राष्ट्रवादी काँग्रेसचे नेते, पदाधिकारी, कार्यकर्ते आणि हितचिंतक यांचे यापूर्वी उत्तम सहकार्य मिळाले आहे ते यापुढेही कायम राहिल हा विश्वास आहे. या जबाबदारी बद्दल आदरणीय पवार साहेब, पदाधिकारी, ज्येष्ठ नेते आणि कार्यकर्ते आदी सर्वांचे पुन्हा एकदा मनापासून आभार.”

राष्ट्रवादी काँग्रेसच्या वर्धापन दिनाच्या निमित्ताने आयोजित कार्यक्रमात माझी व प्रफुलभाई पटेल यांची कार्यकारी अध्यक्षपदी निवड करण्यात आली. याबद्दल पक्षसंघटनेची मी मनापासून आभारी आहे. पक्षाने माझ्यावर टाकलेला हा विश्वास सार्थ ठरविण्यासाठी मी कटिबद्ध आहे. राष्ट्रवादी काँग्रेसचे…

— Supriya Sule (@supriya_sule) June 10, 2023

The post शरद पवारांच्या घोषणेनंतर सुप्रिया सुळे यांची प्रतिक्रिया, जबाबदारी दिल्याबद्दल मानले आभार… appeared first on थोडक्यात घडामोडी.

पुणे : देहूतल्या कार्यक्रमात उपमुख्यमंत्री अजित पवारांना बोलू न देणे हा महाराष्ट्राचा अपमान आहे, अशी प्रतिक्रिया राष्ट्रवादीच्या खासदार सुप्रिया सुळे यांनी व्यक्त केली. देहूमध्ये आज पंतप्रधान नरेंद्र मोदी यांच्या हस्ते संत तुकाराम महाराज यांच्या शिळा मंदिराचा लोकार्पण सोहळा पार पडला. या सोहळ्यानंतर पंतप्रधान नरेंद्र मोदी आणि विरोधी पक्षनेते देवेंद्र फडणवीस या कार्यक्रमात बोलले. मात्र, अजित पवारांना बोलण्याची संधी मिळाली नाही. हा महाराष्ट्राचा अपमान आहे, अशी प्रतिक्रिया सुप्रिया सुळे यांनी दिली आहे.

देहू येथील पंतप्रधान मा.नरेंद्रजी मोदी (@narendramodi) यांच्या कार्यक्रमात विरोधी पक्षनेते देवेंद्र फडणवीस(@Dev_Fadnavis) यांना बोलण्याची संधी दिली.परंतु राज्याचे उपमुख्यमंत्री तथा पुण्याचे पालकमंत्री अजितदादा पवार (@AjitPawarSpeaks)यांना बोलू दिले नाही.हा महाराष्ट्राचा अपमान आहे

— Supriya Sule (@supriya_sule) June 14, 2022

सुप्रिया सुळे म्हणाल्या की, अजित पवार हे पुण्याचे पालकमंत्री आहेत. ज्या जिल्ह्यात पंतप्रधान जातात तेथील पालकमंत्र्याला त्यांच्यासोबत राहावे लागते तो या देशाचा प्रोटोकॉल आहे. त्यामुळे अजित दादांचे हे कर्तव्य आहे. पण त्या कार्यक्रमात अजित दादांना बोलू न देणे हे मला अयोग्य वाटले. अजित पवारांच्या कार्यालयाने पीएम ऑफिसला विनंती केली होती की, अजित पवारांना भाषण करायचे आहे. दादा हे राज्याचे उपमुख्यमंत्री तसेच जिल्ह्याचे पालकमंत्री असल्याने हा त्यांचा अधिकार आहे. मात्र, पीएम कार्यालयाने अजित दादांच्या भाषणाला परवागणी दिली नाही, हे गंभीर असल्याचे सुप्रिया सुळे यांनी म्हटले आहे.

देहू संस्थानकडून संत तुकाराम महाराजांच्या शिळा मंदिराच्या लोकार्पण सोहळ्याचा कार्यक्रम आयोजित करण्यात आला होता. यावेळी जेव्हा फडणवीसांचे भाषण झाले, त्यानंतर सुत्रसंचालन करणाऱ्या व्यक्तीने थेट पंतप्रधान मोदींना भाषण करण्यासाठी सांगितले. त्यामुळे अजित पवारांना भाषण करता आले नाही. यावेळी मोदींनी ‘अजितदादांना बोलू द्या’, असा इशारा केला. पण अजितदादांनी ‘तुम्ही बोला’ म्हणत मोदींना खुणावलं. कार्यक्रमाच्या सूत्रसंचालकाने थेट मोदींचं नाव घेतल्याने ते भाषणासाठी डायसकडे गेले.

पंतप्रधान मोदी यांनी माफी मागावी – अमोल मिटकरी
प्रधानमंत्री हे पद संवैधानिक आहे, त्या प्रोटोकॉलनुसार स्थानिक पालकमंत्री म्हणजे अजित पवारांना त्यांच्या स्वागतासाठी जाणे अपेक्षित आहे आणि ते गेले देखील. मात्र, असे असताना त्या प्रोटोकॉलमध्ये संवैधानिक पदावर मोदी आणि अजित पवार देखील आहेत. अजित पवारांना जर जाणिवपूर्वक डावलले असेल तर हा महाराष्ट्राचा अपमान आहे. हा संविधानिक पदाचा अपमान आहे, मोदीजी चूक दुरुस्त करा, अशी मागणी राष्ट्रवादीचे आमदार अमोल मिटकरी यांनी केली आहे. धार्मिक ठिकाणी जर राजकारण करत असाल तर वारकरी सांप्रदाय व महाराष्ट्रातील जनता हे कधीच खपवुन घेणार नाही, असेही ते म्हणाले.

वारकर्‍यांच्या आनंदात मिठाचा खडा टाकू नका – प्रवीण दरेकर

प्रवीण दरेकर म्हणाले कि, “पंतप्रधान नरेंद्र मोदी यांनी आज जगदगुरु तुकाराम महाराज यांच्या शिळामंदिराचे लोकार्पण करून महाराष्ट्राचा, वारकरी परंपरेचा गौरव केला असताना काहींच्या पोटात दुखण्याचे कारण काय? वारकर्‍यांचा सन्मान झाला, म्हणून महाराष्ट्राच्या अपमानाचा कांगावा कशाला? राष्ट्रवादी काँग्रेसला लाज वाटली पाहिजे. भाषणे कुणाची व्हावीत आणि कुणाची नाहीत, यापेक्षा आमच्यासाठी वारकर्‍यांचा सन्मान अधिक महत्त्वाचा आहे. तो होतोय, याचा अधिक आनंद आहे. वारकर्‍यांच्या आनंदात मिठाचा खडा टाकू नका, ही माझी विनंती आहे.”

राष्ट्रवादी काँग्रेसला लाज वाटली पाहिजे.
भाषणे कुणाची व्हावीत आणि कुणाची नाहीत, यापेक्षा आमच्यासाठी वारकर्‍यांचा सन्मान अधिक महत्त्वाचा आहे. तो होतोय, याचा अधिक आनंद आहे. वारकर्‍यांच्या आनंदात मिठाचा खडा टाकू नका, ही माझी विनंती आहे. (2/2)@NCPspeaks#Maharashtra

— Pravin Darekar – प्रविण दरेकर (@mipravindarekar) June 14, 2022

The post देहूमध्ये अजित पवारांना बोलू न देणे हा महाराष्ट्राचा अपमान असल्याची सुप्रिया सुळेंची प्रतिक्रिया, प्रवीण दरेकरांनी केली ‘ही’ विनंती appeared first on थोडक्यात घडामोडी.

मुंबई : राष्ट्रवादीच्या खासदार सुप्रिया सुळे यांना कोरोनाची लागण झाली आहे. त्यांनी स्वत: ट्विट करत ही माहिती दिली आहे. सुप्रिया आणि त्यांचे पती सदानंद या दोघांनाही कोरोनाची लागण झाली आहे. सध्या त्यांच्यात कोरोनाची कोणतीही लक्षणे नाहीत. ते सध्या विलगीकरणात राहत आहेत. सुप्रिया सुळे यांनी त्यांच्या संपर्कात आलेल्यांना आपली कोरोना चाचणी करुन घेण्याचे आवाहन केले आहे.

सुप्रिया सुळे यांनी ट्विट करत सांगितले आहे की, सदानंद आणि मी, आम्हा दोघांची COVID-19 चाचणी पॉझिटिव्ह आली आहे. आमच्यात कोणतीही लक्षणे नाहीत. आमच्या संपर्कात आलेल्या प्रत्येकाने स्वतःची चाचणी घ्यावी ही विनंती. काळजी घ्या.

मी आणि सदानंद, आम्हा दोघांचीही कोरोना टेस्ट पॉझिटिव्ह आली आहे. काळजी करण्याचे कारण नाही पण आमच्या संपर्कात आलेल्या सर्वांनी आपली कोरोना टेस्ट करुन घ्यावी,ही नम्र विनंती. काळजी घ्या.

— Supriya Sule (@supriya_sule) December 29, 2021

दरम्यान, राज्याच्या शिक्षणमंत्री वर्षा गायकवाड यांना देखील मंगळवारी कोरोनाची लागण झाल्याचे समोर आले आहे. वर्षा गायकवाड अधिवेशनात देखील उपस्थित होत्या.

The post खासदार सुप्रिया सुळे यांना कोरोनाची लागण appeared first on थोडक्यात घडामोडी.

पुणे : राज्य सरकारने राज्यातील निर्बंध बऱ्याच प्रमाणात शिथील केले आहेत. कोरोना लसीचे दोन्ही डोस घेतलेल्या सर्वांना मुंबई लोकलमधून प्रवासाची परवानगीही मिळाली आहे. मात्र, राज्यात अन्य ठिकाणी रेल्वे प्रवासावर अद्यापही निर्बंध आहेत. त्या पार्श्वभूमीवर राष्ट्रवादी काँग्रेसच्या खासदार सुप्रिया सुळे यांनी याकडे सरकारचे लक्ष वेधले आहे.

१५ ऑगस्टपासून कोरोना लसीचे दोन्ही डोस घेतलेल्या सर्वांना लोकल प्रवासाची परवानगी राज्य सरकारकडून देण्यात आली. त्यामुळे सर्वसामान्यांना काही प्रमाणात दिलासा मिळाला आहे. मात्र, राज्यात अन्य ठिकाणी रेल्वे प्रवासावर अद्यापही निर्बंध आहेत. त्यामुळे सुप्रिया सुळे यांनी ट्वीट केलं आहे.

सुप्रिया सुळे म्हणाल्या कि, “कोरोना लसीचे दोन्ही डोस घेतलेल्या सर्वांना मुंबई लोकलमधून प्रवास करण्याची परवानगी मिळाली आहे. परंतु राज्यातील अनेक ठिकाणी नागरिकांना नोकरी-व्यवसाय, शिक्षण व इतर कारणांसाठी रेल्वेनं प्रवास करावा लागतो. परंतु सध्या त्यांना परवानगी नसल्यामुळं त्यांची अडचण होत आहे. हे लक्षात घेऊन दोन डोस घेतलेल्या नागरिकांना राज्यात इतरत्रही रेल्वेनं प्रवास करण्याची परवानगी देण्याबाबत कृपया सकारात्मक निर्णय घ्यावा,” अशी विनंती सुप्रिया सुळे यांनी मुख्यमंत्री उद्धव ठाकरे यांच्याकडे केली आहे.

हे लक्षात घेता दोन डोस घेतलेल्या नागरिकांना रेल्वेने प्रवास करण्याची परवानगी देण्याबाबत कृपया सकारात्मक निर्णय घ्यावा ही नम्र विनंती. @CMOMaharashtra

— Supriya Sule (@supriya_sule) August 18, 2021

The post सुप्रिया सुळे यांनी राज्य सरकारकडे रेल्वे प्रवासाबाबत केली ‘ही’ विनंती appeared first on थोडक्यात घडामोडी.

नवी दिल्ली : केंद्राकडून लागू करण्यात आलेल्या शेतकरी आंदोलनाचा आज ७२ वा दिवस आहे. आंदोलन करणाऱ्या शेतकऱ्यांच्या भेटीसाठी दाखल झालेल्या विरोधी पक्षाच्या १५ खासदारांना पोलिसांकडून गाझीपूर सीमेवरच अडवण्यात आलं आहे. या खासदारांना आंदोलनकर्त्या शेतकऱ्यांची भेट घेण्यापासून अडवण्यात आलं. यामध्ये राष्ट्रवादी काँग्रेसच्या नेत्या सुप्रिया सुळे यांचाही समावेश आहे.

शिरोमणी अकाली दल (SAD), द्रविड मुन्नेत्र कळघम (DMK), राष्ट्रवादी काँग्रेस (NCP) आणि तृणमूल काँग्रेससहीत इतर पक्षांचे १५ खासदार गाझीपूर सीमेवर दाखल झाले होते. आंदोलनावर बसलेल्या शेतकऱ्यांची भेट घेऊन त्यांची विचारपूस करण्याचा प्रयत्न या खासदारांकडून करण्यात आला. परंतु, नेत्यांना पोलिसांनी बॅरिकेडिंग पार करून आंदोलन स्थळावर जाण्याची आणि शेतकऱ्यांना भेटण्याची परवानगी नाकारण्यात आली. त्यामुळे आंदोलनकर्त्या शेतकऱ्यांची भेट न घेताच त्यांना माघारी परतावं लागलं.

The post सुप्रिया सुळेंसहीत १५ खासदारांना पोलिसांनी आंदोलनकर्त्या शेतकऱ्यांची भेट घेण्यापासून रोखलं appeared first on थोडक्यात घडामोडी.

राष्ट्रवादी काँग्रेसचे नेते जयंत पाटील यांच्याबद्दल भाजपचे खासदार नारायण राणे यांनी केलेल्या दाव्यावर खासदार सुप्रिया सुळे यांनी प्रतिक्रिया दिली आहे. ‘राजकारणात अनेक जयंत पाटील आहेत. राणे नेमकं कोणत्या जयंत पाटलांबद्दल बोलले मला कल्पना नाही,’ अशा शब्दांत सुळे यांनी राणेंच्या दाव्यावर प्रतिक्रिया दिली आहे.

‘आज महाविकास आघाडीचं सरकार नसतं तर जयंत पाटील भाजपमध्ये असते. जयंत पाटील यांची भाजपच्या वरिष्ठ नेत्यांशी बोलणी झाली होती,’ असा दावा नारायण राणे यांनी केला होता. पदवीधर निवडणुकीच्या मतदानासाठी बारामतीतील मतदान केंद्रावर आलेल्या सुप्रिया सुळे यांना या संदर्भात पत्रकारांनी विचारलं. त्यावर त्या म्हणाल्या, ‘राणे नेमकं कोणत्या जयंत पाटलांविषयी बोलले मला माहीत नाही. महाराष्ट्रातील राजकारणात अनेक जयंत पाटील आहेत. मी स्वत: चार-पाच जयंत पाटलांना ओळखते. ते राष्ट्रवादीच्या जयंत पाटलांविषयी बोलले असतील असं वाटत नाही.’

जयंत पाटील अगोदरच राणेंचा दावा फेटाळून लावत म्हणाले कि, ‘मी शरद पवारांचा कार्यकर्ता असल्यानं माझ्या मनाला असा विचार कधी शिवतही नाही. भाजपच्या कुठल्याही वरिष्ठ नेत्यांशी माझी चर्चा झाली नव्हती आणि राणे यांची गणती भाजपच्या वरिष्ठ नेत्यांमध्ये होत नाही हे जाणून खेद वाटला. माझी नेमकी कुठल्या नेत्याशी, कुठं चर्चा झाली होती याचा तपशील कळला तर माझ्या ज्ञानात भर पडेल.’

The post राजकारणात अनेक जयंत पाटील, राणे नेमकं कोणत्या पाटलांबद्दल बोलले – सुप्रिया सुळे appeared first on थोडक्यात घडामोडी.

पुणेकरांनी बनविलेल्या कोरोनावरील लसीवर बाहेरून आलेल्यांनी क्लेम करू नये, असे म्हणत पंतप्रधान नरेंद्र मोदी यांचं नाव न घेता राष्ट्रवादीच्या खासदार सुप्रिया सुळे यांनी टीका केली. पुण्याच्या मावळमध्ये पदवीधर आणि शिक्षक मतदारसंघाच्या आढावा बैठकीत त्या बोलत होत्या.

तुमच्या इथे 1400 कोटी, 1500 कोटींच्या गप्पा चालतात. आमच्या दिल्लीत तर एक लाख कोटींच्या गप्पा असतात. या गप्पा कोण मारतं तुम्हाला चांगलं माहीत आहेच. आज आहेत ‘ते’ आपल्या पुण्यात. बघा ‘दुनिया घुम लो, हमारे पुणे के आगे कुछ नहीं’. जग फिरल्यावर शेवटी आमच्या पुण्यातच लस सापडणार आहे. ही लस पुणेकरांनी शोधलीये, नाही तर कोणीतरी म्हणायचं मीच शोधली. पुणेकरांनी ती लस शोधलेली आहे, त्यामुळे बाहेरून येऊन लसीवर कोणी क्लेम केलं, तर गैरसमज नसावेत, असे सुप्रिया सुळे म्हणाल्या.

The post पुणेकरांनी बनविलेल्या लसीवर बाहेरून आलेल्यांनी क्लेम करू नये – सुप्रिया सुळे appeared first on थोडक्यात घडामोडी.

मुंबई : यशवंतराव चव्हाण प्रतिष्ठान, मुंबई येथे आज साहित्यिक व पत्रकार अंबरीश मिश्र लिखित ‘चौकात उधळले मोती’ या पुस्तकाचे प्रकाशन संपन्न झाले. यावेळी खा. सुप्रिया सुळे, खा.संजय राऊत, भाजपचे आ.आशिष शेलार, प्रतिष्ठानचे सरचिटणीस श.गं.काळे आदिंसह ज्येष्ठ पत्रकार, माध्यम प्रतिनिधी उपस्थित होते.

यशवंतराव चव्हाण प्रतिष्ठान, मुंबई येथे आज साहित्यिक व पत्रकार अंबरीश मिश्र लिखित ‘चौकात उधळले मोती’ या पुस्तकाचे प्रकाशन संपन्न झाले. यावेळी खा.संजय राऊत, भाजपचे आ.आशिष शेलार, प्रतिष्ठानचे सरचिटणीस श.गं.काळे आदिंसह ज्येष्ठ पत्रकार, माध्यम प्रतिनिधी उपस्थित होते. pic.twitter.com/ll1rnfMaEV

— Supriya Sule (@supriya_sule) October 24, 2020

The post अंबरीश मिश्र लिखित ‘चौकात उधळले मोती’ पुस्तकाचा प्रकाशन सोहळा संपन्न appeared first on थोडक्यात घडामोडी.