राजस्थान : राजस्थानमधील उदयपूर शहरात घडलेल्या सामूहिक बलात्कार प्रकरणाने केवळ शहरच नव्हे तर संपूर्ण देशाला हादरवून सोडले आहे. कारमध्ये बसवलेल्या डॅशकॅम फुटेजमुळे या प्रकरणातील धक्कादायक सत्य उघड झाले आहे. आयटी कंपनीत मॅनेजर पदावर कार्यरत असलेल्या तरुण महिलेवर कंपनीच्या सीईओसह तिघांनी सामूहिक अत्याचार केल्याचा गंभीर आरोप आहे.

ही घटना २० डिसेंबरच्या रात्री शोभागपुरा परिसरातील एका नामांकित हॉटेलमध्ये आयोजित पार्टीदरम्यान घडली. कंपनीच्या सीईओचा वाढदिवस आणि नवीन वर्षाच्या स्वागतासाठी ही पार्टी आयोजित करण्यात आली होती. विशेष म्हणजे या कार्यक्रमासाठी सर्व कर्मचाऱ्यांना नव्हे, तर निवडक वरिष्ठ अधिकारी आणि मोजके कर्मचारी यांनाच निमंत्रण देण्यात आले होते. पीडित महिला रात्री सुमारे ९ वाजता पार्टीत सहभागी झाली होती.

पार्टीदरम्यान मद्यपान, संगीत आणि जल्लोषाचे वातावरण होते. वेळ जसजसा पुढे सरकत गेला, तसतशी पार्टी अधिक उग्र होत गेली. रात्री १:३० वाजताच्या सुमारास पीडित महिला थकलेली आणि अस्वस्थ दिसत असताना एक महिला एक्झिक्युटिव्ह हेड शिल्पा तिच्याकडे आली, तिला “सुरक्षितपणे घरी सोडतो” असे आश्वासन देण्यात आले. सहकारी असल्याने तिने त्यावर विश्वास ठेवला.

त्यानंतर तिला एका कारमध्ये बसवण्यात आले. कारमध्ये आधीच कंपनीचा सीईओ जितेश, महिला एक्झिक्युटिव्ह हेडचा पती गौरव उपस्थित होते. पोलिसांच्या प्राथमिक तपासानुसार, वाटेत पीडित महिलेला नशा आणणाऱ्या पदार्थांच्या संपर्कात आणण्यात आले. काही वेळातच तिची प्रकृती खालावली आणि ती अर्धबेशुद्ध अवस्थेत गेली.

याच अवस्थेचा गैरफायदा घेत सीईओ, महिला एक्झिक्युटिव्ह आणि तिचा पती या तिघांनी मिळून कारमध्येच तिच्यावर आळीपाळीने सामूहिक बलात्कार केल्याचा आरोप आहे. पीडितेच्या म्हणण्यानुसार, तिने विरोध करण्याचा प्रयत्न केला, मात्र नशेमुळे ती असहाय्य झाली होती. ही अमानुष कृत्ये अनेक तास सुरू होती. अखेर पहाटे सुमारे ५ वाजता आरोपींनी तिला तिच्या घराशेजारी सोडून पलायन केले.

शुद्धीवर आल्यानंतर पीडितेच्या शरीरावर गंभीर जखमांच्या खुणा होत्या. एका कानातील दागिना व अंतर्वस्त्रे गायब असल्याचेही तिच्या लक्षात आले. तिने हिंमत एकवटून तात्काळ उदयपूर पोलिसांशी संपर्क साधला. दरम्यान, घटनेच्या वेळी वापरण्यात आलेल्या कारमध्ये डॅशकॅम बसवलेला असल्याचे पीडितेला आठवले. पोलिसांनी त्या डॅशकॅमचे ऑडिओ-व्हिडिओ फुटेज तपासले असता, घटनेदरम्यानचे आवाज आणि महत्त्वाचे क्षण त्यात रेकॉर्ड झाल्याचे निष्पन्न झाले. हाच पुरावा तपासातील टर्निंग पॉइंट ठरला.

पीडितेचा जबाब, वैद्यकीय तपासणी अहवाल आणि डॅशकॅम फुटेज या तिन्ही ठोस पुराव्यांच्या आधारे पोलिसांनी तपास वेगाने पुढे नेला. जिल्हा पोलीस अधीक्षक योगेश गोयल यांच्या मार्गदर्शनाखाली आणि एएसपी माधुरी वर्मा यांच्या नेतृत्वाखाली विशेष तपास पथक तयार करण्यात आले. वैद्यकीय अहवालात अत्याचाराच्या स्पष्ट खुणा आढळून आल्याने सामूहिक बलात्काराचा गुन्हा प्रथमदर्शनी सिद्ध झाल्याचे पोलिसांनी सांगितले. त्यानंतर मोठी कारवाई करत पोलिसांनी आयटी कंपनीचा सीईओ जितेश, गौरव आणि त्याची पत्नी शिल्पा यांना अटक केली आहे.

आरोपींवर भारतीय न्याय संहितेतील (BNS) गंभीर कलमांखाली गुन्हे दाखल करण्यात आले असून, त्यांना न्यायालयात हजर करून पोलीस कोठडी (रिमांड) मागितली जाणार आहे. तसेच पीडितेला नशा आणण्यासाठी कोणत्या प्रकारच्या अमली किंवा गुंगीकारक पदार्थांचा वापर करण्यात आला, याचाही सखोल तपास सुरू आहे.

या घटनेमुळे कॉर्पोरेट क्षेत्रातील महिला सुरक्षिततेचा मुद्दा पुन्हा एकदा ऐरणीवर आला आहे. कार्यस्थळी विश्वासाच्या नावाखाली महिलांच्या सुरक्षिततेशी तडजोड केली जाते का, असा गंभीर प्रश्न उपस्थित झाला आहे. पीडितेला जलद न्याय मिळावा, तसेच आरोपींना कडक शिक्षा व्हावी, अशी मागणी सामाजिक संघटना, महिला हक्क कार्यकर्ते आणि सर्वसामान्य नागरिकांकडून होत आहे.

The post आयटी मॅनेजर तरुणीवर कारमध्ये सामूहिक बलात्कार, डॅशकॅम फुटेजमुळे धक्कादायक सत्य उघड, कंपनीच्या सीईओसह तिघांना अटक appeared first on थोडक्यात घडामोडी.

वाराणसी : १९ वर्षीय तरुणीवर झालेल्या सामूहिक बलात्काराच्या संदर्भात आणखी तीन जणांना वाराणसी पोलिसांनी अटक केली आहे, त्यामुळे अटक झालेल्या आरोपींची एकूण संख्या १२ झाली आहे. पीडित तरुणी दोन आठवड्यांपूर्वी बेपत्ता झाली होती, गेल्या आठवड्यात तिचा शोध लागला होता. पीडितेने आरोप केला आहे की वाराणसीमध्ये वेगवेगळ्या ठिकाणी अनेक आरोपींनी तिला ड्रग्ज देऊन तिच्यावर सामूहिक बलात्कार केला. पीडिता आणि तिच्या कुटुंबीयांनी दाखल केलेल्या तक्रारीच्या आधारे, ७ एप्रिल रोजी संबंधित पोलिस ठाण्यात १२ जणांची नावे आणि ११ अज्ञात व्यक्तींविरुद्ध एफआयआर दाखल करण्यात आला.

वाराणसीच्या सहाय्यक पोलिस अधीक्षक नीतू यांनी सांगितले कि, “यापूर्वी नऊ जणांना अटक करण्यात आली होती आणि आज आणखी तिघांना अटक करण्यात आली, त्यामुळे एकूण अटक झालेल्यांची संख्या १२ झाली आहे. त्यापैकी १० जणांची नावे एफआयआरमध्ये होती, तर इतर दोघांची भूमिका तपासादरम्यान समोर आली आहे. आणखी काही जणांची भूमिका अद्याप तपासाधीन आहे. पीडितेची वैद्यकीय तपासणी पूर्ण झाली आहे आणि दंडाधिकाऱ्यांसमोर तिचा जबाब नोंदवण्यात आला आहे.”

पोलिसांनी सांगितले की, पीडितेने त्यांना सांगितले की अटक केलेल्या १२ जणांपैकी काहींना ती ओळखते. पीडितेला तिला जिथे नेण्यात आले होते त्यातील काही ठिकाणे ओळखता आली नाहीत. पीडितेने ज्या ठिकाणांहून तिचे अपहरण केल्याचा दावा केला आहे त्या ठिकाणांचे सीसीटीव्ही फुटेज मिळवण्याचाही पोलिस प्रयत्न करत आहेत.

मिळालेल्या माहितीनुसार, तरुणीच्या वडिलांनी ४ एप्रिल रोजी त्यांची मुलगी बेपत्ता असल्याची तक्रार नोंदवली, ज्यामध्ये आरोप केला होता की त्यांची १९ वर्षांची मुलगी २९ मार्चपासून बेपत्ता आहे. त्याच संध्याकाळी, पोलिसांनी वाराणसीमध्ये तरुणीला शोधून काढले. त्यानंतर दुसऱ्या दिवशी, ५ एप्रिल रोजी, तरुणीने तिच्या पालकांसह स्थानिक पोलिस ठाण्यात जाऊन औपचारिक तक्रार दाखल केली, ज्यात तिच्यावर सामूहिक बलात्कार केल्याचा आणि चुकीच्या पद्धतीने तिला बंदिस्त करण्यात आल्याचा आरोप केला. तिच्या तक्रारीच्या आधारे, सामूहिक बलात्कारसह संबंधित कलमांखाली एफआयआर दाखल करण्यात आला. तरुणीने तिच्या जबाबात आरोप केला की काही आरोपींनी तिला अंमली पदार्थ दिले आणि त्यानंतर वाराणसीतील हॉटेल आणि कॅफेसह अनेक ठिकाणी नेऊन तिच्यावर लैंगिक अत्याचार करण्यात आले.

The post वाराणसीत १९ वर्षीय तरुणीवर सामूहिक बलात्कार, आतापर्यंत १२ जणांना अटक appeared first on थोडक्यात घडामोडी.

दिल्ली : एका 22 वर्षीय तरुणीवर स्पा मालक आणि एका ग्राहकाने सामूहिक बलात्कार केला. दिल्लीतील पीतमपुरा भागात ही धक्कादायक घटना घडली आहे. रिपोर्ट्सनुसार, ती पीतमपुरा येथील ओशन स्पामध्ये एक कर्मचारी होती. तिला सांगण्यात आले होते की तिला फक्त मुलींना मसाज करण्याचे काम करायचे आहे. दिल्ली महिला आयोगाच्या अध्यक्षा स्वाती मालीवाल यांनी शनिवारी ट्विटरवर या घटनेची माहिती दिली.

मिळालेल्या माहितीनुसार, पीडित तरुणी पीतमपुरा येथील ओशन स्पामध्ये काम करत होती. ती इथे मुलींना मसाज करण्याचे काम करायची. दरम्यान, ओशन स्पाचा मालक आणि एका ग्राहकाने आधी पीडित महिलेला जबरदस्तीने दारू पाजली आणि नंतर तिच्यावर सामूहिक बलात्कार केला.त्यानंतर आरोपींनी पैशाचे आमिष दाखवून तिला गप्प राहण्यास सांगितले.

दिल्ली महिला आयोगाच्या अध्यक्षा स्वाती मालीवाल यांनी शनिवारी ट्विटरवर या घटनेची माहिती दिली. देशाच्या राजधानीत खुलेआम वेश्याव्यवसाय किंवा सेक्स रॅकेट चालवले जात असल्याकडेही त्यांनी लक्ष वेधले. त्यांनी सांगितले की एफआयआर नोंदवण्यात आला आहे आणि पुढील कायदेशीर कारवाई केली जात आहे.

पीतमपुरा के एक स्पा में काम करने वाली लड़की के साथ गैंगरेप किया गया। मैं अभी लड़की से मिली, उसे बताया गया था कि सिर्फ़ लड़कियों की मसाज करनी होगी लेकिन उसे ज़बरदस्ती नशीली पदार्थ दिए और उसके साथ दुष्कर्म किया। अपराधी ने चुप रहने के लिए पैसे का लालच दिया। तुरंत अपराधी अरेस्ट हों ! pic.twitter.com/0iKxmK8NY9

— Swati Maliwal (@SwatiJaiHind) August 6, 2022

The post धक्कादायक! 22 वर्षीय तरुणीवर स्पा मालक आणि ग्राहकाकडून सामूहिक बलात्कार appeared first on थोडक्यात घडामोडी.

हैदराबाद : मर्सिडीज कारमध्ये अल्पवयीन मुलीवर सामूहिक बलात्कार झाल्याची लाजिरवाणी घटना समोर आली आहे. गुन्हेगारांमध्ये हायप्रोफाईल नावांचा समावेश असल्याची माहिती मिळाली आहे. या प्रकरणी अद्याप कोणालाही अटक करण्यात आलेली नाही. पोलीस तपास सुरु आहे. वृत्तानुसार, गुन्ह्यात सहभागी सर्व आरोपी अल्पवयीन आहेत.

मिळालेल्या माहितीनुसार, हैदराबादमधील पॉश एरिया ज्युबिली हिल्समध्ये अल्पवयीन मुलीवर सामूहिक बलात्कार झाल्याची घटना समोर आली आहे. या गुन्ह्यात चार जणांचा सहभाग असून त्यापैकी एक आरोपी आमदाराचा मुलगा असल्याचे बोलले जात आहे. मात्र, आरोपीची ओळख जाहीर करण्यात आलेली नाही. पोलिसांनी चार जणांविरुद्ध कलम ३५४,३२३ आयपीसी, ९,१० पॉक्सो कायदा २०१२ अंतर्गत गुन्हा दाखल केला होता. 17 वर्षीय पीडितेची वैद्यकीय तपासणी केल्यानंतर पोलिसांनी आयपीसीचे कलम 376 देखील जोडले आहे. पोलीस सीसीटीव्ही फुटेजच्या आधारे आरोपींची ओळख पटवण्याचा प्रयत्न करत आहेत. पीडितेच्या वडिलांनी गुन्हा दाखल केला असून पोलीस तपास करत आहेत.

ही घटना शनिवारी (२८ मे) घडली आहे. मुलगी पबमधून बाहेर पडत असताना तिथे तिला भेटलेले काही तरुण तिच्याजवळ आले आणि तिला घरी सोडण्याची ऑफर दिली. त्यानंतर हैदराबादमधील ज्युबली हिल्स एरियात मुलांनी कार पार्क केली आणि आळीपाळीने या मुलीवर बलात्कार केला. अल्पवयीन मुलीवर मर्सिडीज बेंझ कारमध्ये सामूहिक बलात्कार करण्यात आला होता, ती कार आता जप्त करण्यात आली आहे. वाहन मालकाची चौकशी करण्यात येत आहे. पबमध्ये पार्टीत सहभागी झालेल्यांची आणि तिथे काम करणाऱ्या लोकांचीही पोलिस चौकशी करत आहेत. दरम्यान, सत्ताधाऱ्यांच्या राजकीय दबावामुळे पोलिस ठोस कारवाई करत नसल्याचा आरोप विरोधकांनी केला आहे.

The post अल्पवयीन मुलीवर मर्सिडीज कारमध्ये सामूहिक बलात्कार, गुन्हेगारांमध्ये हायप्रोफाईल नावांचा समावेश appeared first on थोडक्यात घडामोडी.

आंध्र प्रदेश : आंध्र प्रदेश येथे सामूहिक बलात्काराची घटना समोर आली आहे. रेल्वे स्थानकावर पती आणि मुलांच्या डोळ्यादेखत महिलेवर सामूहिक बलात्काराची संतापजनक घटना घडली आहे. प्रकाशम जिल्ह्यातील यारागोंडा भागातील एक महिला तिच्या पती आणि मुलांसह रात्री 11.30 वाजता रेपल्ले रेल्वे स्थानकावर ट्रेनमधून उतरली होती. मध्यरात्र असल्यामुळे त्यांना नागाईलंकाला जाण्यासाठी एकही बस मिळू शकली नाही, त्यामुळे रेल्वे स्थानक सुरक्षित असल्याचे समजून ते फलाटावरील बाकावर झोपले.

पोलिसांनी दिलेल्या माहितीनुसार, रात्री 1 वाजताच्या सुमारास दारूच्या नशेत असलेले तिघेजण त्यांच्याजवळ आले. त्यांनी आधी पीडितेकडे असलेले ७५० रुपये हिसकावले, त्यानंतर महिलेच्या पतीला बेदम मारहाण केली. त्यानंतर या नराधमांनी महिलेला तिचे केस धरून ओढले आणि तिच्यावर बलात्कार केला. घटनेच्या वेळी प्लॅटफॉर्मवर इतर दोन महिलाही होत्या. महिलेचा पती मदतीची याचना करत होता, मात्र त्यांनी मदत करण्यास नकार दिला. त्यानंतर त्याने स्टेशनबाहेर धाव घेतली आणि काही अंतरावर असलेल्या पोलिस चौकीत मदत मागण्यासाठी आला. मात्र, पोलिस रेल्वे स्टेशन प्लॅटफॉर्मवर पोहोचेपर्यंत आरोपी फरार झाले होते.

पीडितेला तातडीने सामुदायिक आरोग्य केंद्रात उपचारासाठी नेण्यात आले. पोलिसांनी गुन्हा दाखल करून श्वानपथकाच्या मदतीने काही तासांतच तिन्ही आरोपींना ताब्यात घेतले. एक आरोपी विजयकृष्ण (२४), दुसरा आरोपी निखिल (२५), तर तिसरा आरोपी अल्पवयीन असून, त्याच्यावर यापूर्वीही चोरीचे गुन्हे दाखल आहेत. या तीन आरोपींनी महिलेवर सामूहिक बलात्कार केला. पीडित महिलेचे कुटुंब मजुरी करून उदरनिर्वाह करते. या घटनेमुळे महिला सुरक्षेचा प्रश्न पुन्हा एकदा ऐरणीवर आला आहे.

The post संतापजनक! पती आणि मुलांच्या डोळ्यादेखत महिलेवर सामूहिक बलात्कार, महिला सुरक्षेचा प्रश्न ऐरणीवर appeared first on थोडक्यात घडामोडी.

बीड : एका २४ वर्षीय विवाहितेवर सामूहिक बलात्कार झाल्याची धक्कादायक घटना घडली आहे. चुलत पुतण्याने ज्यूसमध्ये गुंगीचे औषध टाकून या महिलेवर बलात्कार केला. त्यानंतर दुसऱ्या आरोपीने अश्लील व्हिडिओ व्हायरल करण्याची धमकी देत अन्य दोघांसह महिलेवर बलात्कार केला. याप्रकरणी बीड ग्रामीण पोलिसात चुलत पुतण्या अजय गवते याच्यावर बलात्काराचा गुन्हा तर पप्पू नरहरी गवते, दत्ता गवते, परमेश्वर गवते (सर्व रा. बेलुरा) या तिघांवर सामूहिक बलात्काराचा गुन्हा दाखल करण्यात आला आहे. सध्या आरोपी फरार असून पोलीस त्यांचा शोध घेत आहेत.

पीडितेने पोलिसात दिलेल्या तक्रारीनुसार, ती आपला नवरा, २ लहान मुलं आणि सासुसह पुण्यात वास्तव्यास आहे. मात्र, ४ एप्रिलला तिचे नवऱ्यासोबत किरकोळ भांडण झाले, त्यामुळे ती तिच्या माहेरी बीडला गेली. मात्र आईने ‘तू एकटीच का आलीस, परत तुझ्या नवऱ्याकडे जा’ असं सांगितलं. त्यामुळे ती बीड शहरातील आपल्या मैत्रिणीकडे काही दिवस राहिली. त्यानंतर ११ एप्रिलला पीडिता रात्री ट्रॅव्हल्सने पुण्याला निघाली.

यादरम्यान पीडितेचा चुलत पुतण्या असणारा आरोपी अजय गवते याने फोन केला. तो म्हणाला की मला काकांनी तुम्हाला घेऊन यायला सांगितलं आहे, तुम्ही अहमदनगरच्या चांदणी चौकात उतरा. पीडिता तिथे उतरली तेव्हा अजय तिथे आला आणि आता खूप रात्र झाली आहे, आपण लॉजवर मुक्काम करू आणि उद्या निघू, असं म्हणाला’. त्यानंतर लॉजवर आल्यावर अजयने तिला ज्यूसमध्ये गुंगीचे औषध टाकून दिले आणि तिच्यावर बलात्कार केला. अश्लील फोटो आणि व्हिडिओ देखील काढले. दुसऱ्या दिवशी आरोपीने पीडितेला जीपमध्ये बसवून पुन्हा बीडला पाठवले.

यादरम्यान पीडिता हॉस्पिटलमध्ये उपचार घेण्यासाठी दाखल झाली असताना बेलुरा गावातील दत्ता गवते याचा फोन आला. तो म्हणाला की, ‘ते अश्लिल व्हीडिओ माझ्याकडे आहेत. तुम्हाला माझ्यासोबत यावं लागेल’, असं म्हणत त्याने पीडितेला ब्लॅकमेल केलं. तो हॉस्पिटलजवळ आला आणि पीडितेला दुचाकीवर बसवून काठवटवाडी येथे घेऊन गेला. आरोपी दत्ता गवते याने दुचाकी ओढ्याजवळ थांबवली. मागून दुचाकीवर येणाऱ्या परमेश्वर गवते याला बोलावले. दोघांनी तिला शेतातील विहीरीजवळ नेले. मग फोन करुन पप्पु गवतेला बोलावले. या तिघांनी पीडितेवर सामूहिक बलात्कार केला. दुसऱ्या दिवशी पहाटे ५ वाजता दत्ता व परमेश्वरने पीडितेला नवगण राजुरी येथील बसस्टॉपवर सोडले.

पीडिता तिच्या आईकडे गेली आणि घडलेला प्रकार तिने आईला सांगितला. त्यानंतर नवऱ्याला सर्व प्रकार सांगितला. त्यानंतर पीडितेने बीड ग्रामीण पोलीस ठाण्यात आपली तक्रार दाखल केली. सध्या आरोपी फरार असून पोलीस तपास करत आहेत.

The post २४ वर्षीय विवाहितेवर सामूहिक बलात्कार, घरगुती भांडणाचा फायदा घेत केले भयंकर कृत्य… appeared first on थोडक्यात घडामोडी.

कोलकाता : पश्चिम बंगालमधील नादिया जिल्ह्यातील हंसखली येथे एका वाढदिवसाच्या पार्टीत एका अल्पवयीन मुलीवर सामूहिक बलात्कार झाला. पोलिसांनी रविवारी (10 एप्रिल) या संदर्भात माहिती दिली. त्याच वेळी, मुलीच्या कुटुंबीयांनी दावा केला की या प्रकरणातील मुख्य आरोपी तृणमूल काँग्रेसच्या (टीएमसी) पंचायत सदस्याचा मुलगा आहे. ज्याला अटक करण्यात आली आहे. त्यानंतर आज सीएम ममता बॅनर्जी यांनी या घटनेबाबत धक्कादायक वक्तव्य केलं आहे. त्यांनी मुलीवर सामूहिक बलात्काराच्या कुटुंबाच्या दाव्यावर प्रश्न उपस्थित केले आहेत. तसेच “तुम्हाला कसे कळेल की मुलीवर बलात्कार झाला?” असे बेजबाबदार वक्तव्य केलं आहे.

भयंकर! सामूहिक बलात्कारामुळे 14 वर्षीय मुलीचा मृत्यू, TMC नेत्याच्या मुलाला अटक

ममता म्हणाल्या कि, तिच्यावर बलात्कार झाला होता, ती गरोदर होती की प्रेमप्रकरणात होती की आजारी होती हे कसं कळणार? जर हे जोडपे रिलेशनशिपमध्ये असेल तर आम्ही त्यांना कसे रोखू शकतो, यूपी नाही की मी लव्ह जिहादच्या नावाखाली हे करू शकते. याप्रकरणी बाल आयोग बलात्कार आणि हत्येची चौकशी करणार असल्याचं सीएम ममता यांनी म्हटलं आहे.

बंगालमधील नादिया येथे इयत्ता 9वीच्या विद्यार्थ्याच्या पालकांनी घटनेच्या चार दिवसांनंतर शनिवारी (9 एप्रिल) आरोपींविरुद्ध हंसखली पोलिस ठाण्यात तक्रार दाखल केली होती. तक्रारीनुसार, मुलगी सोमवारी (4 एप्रिल) आरोपीच्या घरी त्याच्या वाढदिवसाच्या पार्टीत सहभागी होण्यासाठी गेली होती, परंतु ती आजारी अवस्थेत घरी परतली. कुटुंबीयांनी सांगितले की आमच्या मुलीला खूप रक्तस्त्राव होत होता आणि तिच्या पोटात खूप दुखत होते, आणि आम्ही तिला दवाखान्यात नेण्याआधीच तिचा मृत्यू झाला. या प्रकरणात, कुटुंबाचा दावा आहे की आरोपी आणि त्याच्या मित्रांनी त्यांच्या मुलीवर सामूहिक बलात्कार केला होता. त्याचवेळी, कुटुंबीयांनी असाही आरोप केला आहे की तिच्या मृत्यूचे प्रमाणपत्र जारी होण्यापूर्वी काही लोकांनी तिच्या मृतदेहावर जबरदस्तीने अंत्यसंस्कार केले.

नादिया जिल्ह्यातील सामूहिक बलात्कार आणि अल्पवयीन मुलीच्या मृत्यू प्रकरणाची सीबीआय चौकशी करण्याची मागणी करणारी याचिका सोमवारी कोलकाता उच्च न्यायालयात दाखल करण्यात आली होती. आरोपी हा टीएमसीच्या पंचायत नेत्याचा मुलगा असल्याचा दावा याचिकेत करण्यात आला आहे. याचिकाकर्त्यांचे वकील अनिंद्य सुंदर दास यांनी सांगितले की, सरन्यायाधीश प्रकाश श्रीवास्तव यांच्या न्यायालयाने या प्रकरणाची तातडीने सुनावणी घेण्याची परवानगी दिली आहे. मीडिया रिपोर्ट्सनुसार, वकिलाने सांगितले की हे प्रकरण मंगळवारी कोर्टासमोर घेतले जाईल. दास म्हणाले की, आरोपी टीएमसीच्या पंचायत सदस्याचा मुलगा असल्याने या प्रकरणाची चौकशी करण्याची विनंती सीबीआयला करण्यात आली आहे. त्यामुळे त्याला वाचवण्यासाठी सत्ताधारी पक्ष या प्रकरणात प्रभाव टाकू शकतो.

पोलिसांकडे केलेल्या तक्रारीत मुलीच्या कुटुंबीयांनी म्हटले आहे की, ती 4 एप्रिल रोजी नादिया जिल्ह्यातील हंसखली येथे आरोपीच्या वाढदिवसाच्या पार्टीला गेली होती आणि तिच्यावर बलात्कार करण्यापूर्वी तिला अंमली पदार्थ पाजण्यात आले. पण यामध्ये ममता बॅनर्जी यांचे वक्तव्य प्रत्येक महिलेच्या आत्म्याला दुखावणारे आहे, त्यात अल्पवयीन मुलीवर सामूहिक बलात्कार आणि तिचा मृत्यू झाल्यानंतर ममता दीदी म्हणतात, “तुम्हाला कसे कळेल की मुलीवर बलात्कार झाला? ती गर्भवती होती का?” एका राज्याच्या मुख्यमंत्री असताना आणि त्याहीपेक्षा एक महिला असल्याने ममता दीदींचे हे विधान अल्पवयीन मुलीच्या मृत्यूची खिल्ली उडवणारे आणि न्यायाच्या प्रतीक्षेत असलेल्या मृतांच्या कुटुंबीयांना दुखावणारे आहे.

The post सामूहिक बलात्कारानंतर अल्पवयीन मुलीचा मृत्यू, ममता बॅनर्जींनी पीडितेच्या चारित्र्यावरच उपस्थित केले प्रश्न appeared first on थोडक्यात घडामोडी.

ग्रेटर नोएडा: ग्रेटर नोएडाच्या जेवर गावात एका 55 वर्षीय महिलेवर चार जणांनी सामूहिक बलात्कार केल्याची संतापजनक घटना घडली आहे. सध्या महिलेची प्रकृती गंभीर परंतु स्थिर आहे. पीडित महिलेवर शस्त्रक्रिया करण्यात आली असून तिच्यावर नोएडाच्या एका रुग्णालयात उपचार सुरु आहेत.

मिळालेल्या माहितीनुसार, पीडित महिला शेतात चारा कापण्यासाठी गेली होती. तेव्हा या चार आरोपींची तिच्यावर नजर पडली. महेंद्र नावाचा मुख्य आरोपी त्याच्या मित्रांसह तिथे जनावरांना चारायला घेऊन गेला होता. मुख्य आरोपी ड्रग ऍडिक्ट असल्याचा पोलिसांना संशय आहे. आरोपी महेंद्र याने त्याच्या तीन साथीदारांसह 55 वर्षीय महिलेवर अत्याचार केले. यावेळी महिला जखमी झाली आणि तिच्या प्रायव्हेट पार्टमधून जास्त रक्तस्त्राव झाला. त्यानंतर पीडित महिला बेशुद्ध पडल्यानंतर गुन्हेगार घटनास्थळावरून पळून गेले. महिलेने नंतर तिच्या कुटुंबीयांना घटनेची माहिती दिली आणि त्यानंतर तिला रुग्णालयात दाखल करण्यात आले. या महिलेवर शस्त्रक्रिया करावी लागली.

पोलिसांनी दिलेल्या माहितीनुसार, पीडित महिलेची प्रकृती चिंताजनक आहे पण ती स्थिर आहे. ही महिला नोएडाच्या जिल्हा रुग्णालयात उपचार घेत आहे. आरोपींना पकडण्यासाठी तीन पथके तयार करण्यात आली आहेत. स्थानिक पोलिसांच्या पथकानेही घटनास्थळी जाऊन पुरावे गोळा केले. तिन्ही टीम आरोपींना पकडण्यासाठी कार्यरत आहेत. पीडिता एका आरोपीला ओळखत होती. गावकऱ्यांपैकी काहींचे जबाब नोंदवण्यात आले आहेत. आरोपी लवकरच पकडले जातील.”

The post 55 वर्षीय महिलेवर सामूहिक बलात्कार, पीडितेला रक्ताच्या थारोळ्यात सोडून गुन्हेगार फरार appeared first on थोडक्यात घडामोडी.

मुंबई : मुंबईतील साकीनाका परिसरात एका महिलेवर सामूहिक बलात्काराची घटना घडली आहे. आरोपींनी बलात्कारानंतर पीडितेच्या गुप्तांगात रॉड घुसवल्याचे अमानुष कृत्य देखील केले आहे. या महिलेची प्रकृती अत्यंत नाजूक असून रुग्णालयात उपचार सुरु आहेत. या भयंकर घटनेमुळे संताप व्यक्त केला जात आहे. बलात्काऱ्यांना अतिशय कठोर शिक्षा देण्याची मागणी केली जात आहे.

मिळालेल्या माहितीनुसार, मुंबईतील साकीनाकाच्या खैरानी रोड परिसरात गुरुवारी मध्यरात्री ही घटना घडली. घटनेची माहिती मिळताच पोलीस उपायुक्त आणि अतिरिक्त पोलीस आयुक्त यांनी घटनास्थळी धाव घेतली. पोलिसांनी याप्रकरणी एका आरोपीला अटक केली असून इतर आरोपींचा शोध सुरु आहे.

पीडित महिलेवर मुंबईतील एका रुग्णालयात उपचार सुरु आहेत. परंतु, या महिलेची प्रकृती अत्यंत नाजूक असल्याची माहिती मिळाली आहे. ही घटना अमानवीय आणि संतापजनक असून आरोपींना अत्यंत कठोर शिक्षा व्हावी, अशी मागणी करण्यात येत आहे. पोलीस इतर आरोपींचा शोध घेत आहेत. मात्र, अशाप्रकारच्या घटना वारंवार घडत असल्यामुळे आता महिलांच्या सुरक्षिततेवर प्रश्नचिन्ह निर्माण झाले आहे.

The post अमानुष कृत्य! मुंबईत महिलेवर सामूहिक बलात्कार, पीडितेच्या गुप्तांगात रॉड घुसवला appeared first on थोडक्यात घडामोडी.

कर्नाटक : म्हैसूरजवळ एका तरुणीवर सामूहिक बलात्कार झाल्याची घटना घडली आहे. पोलिसांनी सांगितले की, ही तरुणी तिच्या प्रियकरासोबत म्हैसूर पासून 13 किमी अंतरावर असलेल्या चामुंडी हिल्स येथे फिरायला गेली होती. येथे ६ जणांनी तिच्यावर सामूहिक बलात्कार केला आणि तिच्या प्रियकराला बेदम मारहाण केली. ही घटना मंगळवारी घडली असून 24 तास उलटूनही आरोपींना अटक करता आलेली नाही.

मिळालेल्या माहितीनुसार, एक तरुणी आणि तिचा प्रियकर हे दोघे चामुंडी हिल्स या पिकनिक स्पॉटवर फिरायला गेले होते. यावेळी ६ जणांनी त्यांना घेरले आणि त्यांच्याकडून पैशांची मागणी करू लागले. परंतु, पैसे मिळाले नाहीत म्हणून या नराधमांनी तरुणीवर सामूहिक बलात्कार केला. तसेच तरुणीच्या प्रियकराला बेदम मारहाण केली. पोलिसांनी सामूहिक बलात्काराचा गुन्हा दाखल केला आहे. परंतु, पीडित तरुणीचा जबाब अद्याप नोंदवलेला नाही. तरुणी आणि तिच्या प्रियकराला रुग्णालयात दाखल करण्यात आले असून त्यांच्या प्रकृतीत सुधारणा होत आहे.

व्यापाऱ्याची डोक्यात दगड घालून निर्घृण हत्या

शेफने सूप बनवण्यासाठी कापला कोब्रा सापाचा फणा, २० मिनिटांनी कापलेल्या फ़ण्याने केला शेफला दंश…

The post तरुणीवर ६ जणांकडून सामूहिक बलात्कार, प्रियकराला बेदम मारहाण appeared first on थोडक्यात घडामोडी.