राजस्थान : एका खाजगी वसतिगृह मालकाने १० वर्षांच्या चिमुकलीवर महिनाभर वारंवार बलात्कार केल्याचा धक्कादायक प्रकार समोर आला आहे. या प्रकरणात वसतिगृह मालकासह चौघांविरुद्ध लैंगिक गुन्ह्यांपासून मुलांचे संरक्षण (POCSO) कायद्यान्वये गुन्हा दाखल करण्यात आला आहे.

पीडितेच्या आईच्या तक्रारीनुसार, पीडिता आपल्या धाकट्या भावासह शिक्षणासाठी या वसतिगृहात राहत होती. या काळात वसतिगृह मालक मुकेश गुर्जर हा रात्रीच्या वेळी पीडितेच्या धाकट्या भावाला दुसऱ्या खोलीत झोपवून तिच्यावर बलात्कार करत असे. आरोपीने मुलीला आणि तिच्या भावाला जीवे मारण्याच्या धमक्या दिल्याने, मुलीने याबाबत कोणालाही काहीही सांगितले नाही. मात्र, काही काळानंतर पीडितेची तब्येत बिघडू लागली आणि संसर्ग वाढल्याने तिच्या आईला संशय आला. वारंवार विचारपूस केल्यानंतर अखेर मुलीने वसतिगृहात झालेल्या बलात्काराचे काळे सत्य आईसमोर उघड केले.

पीडितेच्या आईच्या म्हणण्यानुसार, मुलीने दोन महिन्यांनंतर वसतिगृहात राहण्यास नकार दिला होता, मात्र भीतीमुळे ती काही बोलली नव्हती. दरम्यान, मुलगी दुसऱ्या वसतिगृहात राहू लागल्यानंतर तिच्या आरोग्य समस्या वाढू लागल्या आणि त्यामुळे हा प्रकार समोर आला.

पोलिसांनी सांगितले की, या प्रकरणी मुख्य आरोपी वसतिगृह संचालक मुकेश गुर्जर, त्याचा साथीदार हरिराम मीना, हरिरामची पत्नी मनीषा मीना आणि वॉर्डन मनीष गुर्जर यांच्याविरुद्ध POCSO कायद्यान्वये गुन्हा नोंदविण्यात आला आहे. सर्व आरोपी सध्या फरार असून त्यांचा शोध सुरु आहे.

या घटनेनंतर संतापाची लाट उसळली असून स्थानिक नागरिकांनी कठोर कारवाईची मागणी केली आहे.

The post १० वर्षांच्या चिमुकलीवर वसतिगृह मालकाकडून महिनाभर बलात्कार, चौघांविरुद्ध POCSO अंतर्गत गुन्हा दाखल appeared first on थोडक्यात घडामोडी.

नाशिक : नाशिकमध्ये एक अतिशय धक्कादायक घटना घडली आहे. गंगापूर पोलिस ठाण्याच्या हद्दीत १७ वर्षीय मुलीवर तिच्या वडिलांनीच बलात्कार केल्याचे समोर आले. पोलिसांनी आरोपीला अटक केली असून या घटनेमुळे सर्वत्र खळबळ उडाली आहे.

मिळालेल्या माहितीनुसार, आरोपी मूळचा बिहारचा आहे. तो कुटुंबीयांसोबत नाशिकच्या गंगापूर पोलिस ठाण्याच्या हद्दीतील शिवाजीनगर परिसरात राहतो. दरम्यान, पीडित मुलीची आई सतत गावाला जायची. त्यातच या गोष्टीचा गैरफायदा घेत आरोपी स्वतःच्या मुलीवरच बलात्कार करत होता.

दरम्यान, पीडित मुलीच्या पोटात दुखत असल्यामुळे तिची आई तिला घेऊन नाशिकच्या जिल्हा रुग्णालयात गेली होती. डॉक्टरांनी सोनोग्राफी केल्यानंतर ती गर्भवती राहिल्याची बाब समोर आली. पीडित मुलगी आठ आठवड्यांची गर्भवती असल्याचे कळताच मुलीच्या आईने अज्ञात व्यक्तीविरोधात गंगापूर पोलिस ठाण्यात तक्रार दाखल केली.

पोलिसांनी या प्रकरणाचा कसून तपास सुरु केला. त्यांनी १०० पेक्षा जास्त जणांची चौकशी केली. तपासादरम्यान पोलिसांना समजले की पीडित मुलीची आई दीड महिन्यांपासून गावी गेलेली होती. त्यानंतर पोलिसांना शंका आली आणि त्यांनी पीडित मुलीच्या वडिलांचा डीएनए तपासला. डीएनए चाचणीनंतर पीडित मुलीवर वडिलांनीच बलात्कार केल्याचा धक्कादायक खुलासा झाला. पोलिसांनी आरोपीला अटक केली असून या घटनेमुळे नाशिकमध्ये खळबळ उडाली आहे.

The post नाशिकमध्ये खळबळ! वडिलांकडून मुलीवर बलात्कार, डीएनए चाचणीनंतर धक्कादायक खुलासा… appeared first on थोडक्यात घडामोडी.

पुणे : रात्रपाळीसाठी कामावर निघालेल्या 27 वर्षीय महिलेवर अज्ञात व्यक्तीने बलात्कार केल्याची घटना समोर आली आहे. खेड तालुक्यातील मेदनकरवाडी परिसरात हा धक्कादायक प्रकार घडला. तसेच याबाबत कुणाला काही सांगितल्यास जीवे ठार मारण्याची धमकीही आरोपीने पीडितेला दिली. पोलिसांनी याप्रकरणी तात्काळ तपास करत अवघ्या काही तासात आरोपीच्या मुसक्या आवळल्या आहेत. प्रकाश तुकाराम भांगरे (रा. मेदनकरवाडी, मूळ रा. अकोले, जि. अहमदनगर) असे आरोपीचे नाव आहे.

मिळालेल्या माहितीनुसार, पीडित महिला मंगळवारी रात्री साडेअकरा वाजता नाइट शिफ्टसाठी कंपनीत निघाली होती. अज्ञात व्यक्तीने तिचा पाठलाग करून खंडोबा मंदिराजवळ तिचा रस्ता अडवला. त्यानंतर अंधाराचा फायदा घेत जबरदस्तीने ओढत निर्जनस्थळी नेऊन या महिलेवर बलात्कार केल्याची घटना चाकण येथील मेदनकरवाडी येथे घडली. त्यानंतर आरोपीने पळ काढला.

पोलिसांनी सांगितले की, चाकण पोलीस ठाण्याच्या हद्दीत 13 मे रोजी रात्री 11:15 ते 11:45 वाजताच्या सुमारास, खेड तालुक्यातील मेदनकरवाडी, मुटकेवाडी येथील भुरुक कॉम्प्लेक्सच्या मागे एक 27 वर्षीय महिला रात्रपाळीतील कामासाठी कंपनीत जात होती. यावेळी आरोपीने तिला जबरदस्तीने शाळेच्या मागील बाजूस ओढून नेले. घटनास्थळी कोणीही दिसत नसल्याने महिला घाबरली होती. तिने आरडाओरडा करण्याचा प्रयत्न केला, तसेच सुटका करून घेण्यासाठी तिने आरोपीचा चावाही घेतला. मात्र, आरोपीने तिच्यावर बलात्कार करून मारहाण केली आणि याबाबत कोणाला सांगितल्यास जीवे मारण्याची धमकी दिली. त्यानंतर आरोपीने पळ काढला. दरम्यान, या प्रकारानंतर एक कामगार महिला आणि पुरुष तेथून जात होते. त्यांच्या मदतीने शंभर नंबरवर फोन करून पीडित महिलेने पोलिसांना बोलावून घेतले. महिलेला तातडीने ‘वायसीएम रुग्णालयात दाखल करण्यात आले.

या घटनेची माहिती मिळताच चाकण पोलिसांनी तातडीने कारवाईला सुरुवात केली. पिंपरी-चिंचवड गुन्हे शाखेच्या सहकार्याने सहा विशेष पथके स्थापन करण्यात आली. पोलिसांनी परिसरातील सीसीटीव्ही फुटेज तपासले आणि तांत्रिक माहितीच्या आधारे तपास पुढे नेला. या तपासादरम्यान आरोपीची ओळख पटली. पोलिसांनी त्याला ताब्यात घेऊन चौकशी केली असता, त्याने गुन्ह्याची कबुली दिली. चाकण पोलिसांनी विविध कलमाच्या अन्वये गुन्हा दाखल करून आरोपीला अटक केली असून, पुढील तपास सुरू आहे. मात्र, अशा घटनांना आळा घालण्यासाठी कठोर उपाययोजनांची गरज आहे. या घटनेने महिलांच्या सुरक्षेचा प्रश्न पुन्हा एकदा ऐरणीवर आला आहे.

The post पुणे : 27 वर्षीय महिलेवर अज्ञात व्यक्तीकडून बलात्कार, आरोपी पोलिसांच्या ताब्यात appeared first on थोडक्यात घडामोडी.

पुणे : पुण्यात लैंगिक अत्याचाराचा एक धक्कादायक प्रकार उघडकीस आला आहे. भूतानमधील एका २७ वर्षीय तरुणीवर सात पुरूषांनी लैंगिक अत्याचार केल्याचा आरोप आहे. ही तरुणी २०२० मध्ये कामाच्या शोधात भारतात बोधगया येथे आली. त्यानंतर ती पुण्यात राहायला आली होती.

मिळालेल्या माहितीनुसार, पीडितेची ओळख आरोपींपैकी एक असलेल्या ऋषिकेश नवलेशी झाली होती, ज्याने तिची ओळख त्याचा मित्र शंतनू कुकडे याच्याशी करून दिली. राष्ट्रवादी काँग्रेस पक्षाशी (एनसीपी) संबंधित असलेल्या कुकडेने तिच्या राहण्याची व्यवस्था पुण्यात केली. दरम्यान, तिच्या असुरक्षित परिस्थितीचा फायदा घेत कुकडेने तिच्यावर लैंगिक अत्याचार केला.

कुकडेला अलीकडेच दोन इतर महिलांशी संबंधित एका वेगळ्या लैंगिक अत्याचार प्रकरणात अटक करण्यात आली होती. पोलिसांच्या सुरू असलेल्या तपासादरम्यान, नवीन तपशील समोर आले, ज्यात असे दिसून आले आहे की त्याने त्याच्या साथीदारांसह भूतानी महिलेचेही शोषण केले होते. या खुलाशानंतर, पोलिसांनी ऋषिकेश गंगाधर नवले (४८), प्रतीक पांडुरंग शिंदे (३६), विपिन चंद्रकांत बिडकर (४८), सागर दशरथ रासगे (३५), अविनाश नोएल सूर्यवंशी (५८) आणि मुद्दासिर इस्माईल मेमन (३८) या आणखी सहा संशयितांना अटक केली. सर्व आरोपींना मंगळवारी (८ एप्रिल) न्यायालयात हजर करण्यात आले.

राज्य सरकारचे प्रतिनिधित्व करणाऱ्या सरकारी वकील नीलिमा इथापे यादव यांनी सांगितले की, परदेशी नागरिक असलेली ही तरुणी नोकरीसाठी पुण्यात आली होती. एकटी आणि असुरक्षित असल्याने आरोपींनी तिचा गैरफायदा घेतला आणि तिच्या इच्छेविरुद्ध तिच्यावर जबरदस्ती केली.

पीडित तरुणीने प्रत्येक आरोपीची नावे नोंदवून तक्रार दाखल केली आहे. आरोपी एकमेकांना ओळखतात आणि या गुन्ह्यात आणखी काही साथीदार सहभागी होते की नाही हे निश्चित करण्यासाठी पुढील तपास आवश्यक आहे, यावर अभियोक्ता यादव यांनी भर दिला. त्यांनी आरोपींची वैद्यकीय तपासणी करण्याची विनंती केली आणि चालू तपासात मदत करण्यासाठी त्यांच्या पोलिस कोठडीची मागणी केली. त्यानंतर न्यायालयाने सर्व आरोपींना पाच दिवसांची पोलिस कोठडी सुनावली.

The post पुण्यात २७ वर्षीय तरुणीवर सात जणांकडून लैंगिक अत्याचार appeared first on थोडक्यात घडामोडी.

ठाणे : ठाणे जिल्ह्यात एका १३ वर्षीय कर्करोग पीडित मुलीवर बलात्कार करून तिला गर्भवती केल्याच्या आरोपाखाली एकाला अटक करण्यात आली आहे. पोलिसांनी शनिवारी याबाबत माहिती दिली. याप्रकरणी, पोलिसांनी २९ वर्षीय आरोपीला गुरुवारी बिहारमधून अटक केली.

पोलिसांनी दिलेल्या माहितीनुसार, पीडित मुलीचे कुटुंब आणि आरोपी बिहारमधील एकाच गावातील आहेत. ही मुलगी बिहार राज्यातून महाराष्ट्रात कॅन्सरवर उपचार घेण्यासाठी आली होती. आरोपीने दोन महिन्यांपूर्वी बदलापूरमध्ये त्यांच्यासाठी भाड्याने राहण्याची व्यवस्था केली होती. आरोपीने तिच्या उपचारात मदत केली होती. मात्र, यादरम्यान, मुलगी घरी एकटी असताना आरोपीने तिचा गैरफायदा घेतला आणि अनेक वेळा तिच्यावर लैंगिक अत्याचार केले.

मुलगी कर्करोगपीडित असल्याने मुंबईतील एका रुग्णालयात केमोथेरपी घेत होती. दरम्यान, नियमित तपासणीत ती गर्भवती असल्याचे आढळून आले. त्यानंतर पीडित मुलीच्या कुटुंबियांनी बदलापूर पूर्व पोलीस स्टेशनमध्ये तक्रार दाखल केली. त्यानंतर, लैंगिक गुन्ह्यांपासून मुलांचे संरक्षण (POCSO) कायदा आणि भारतीय न्याय संहिताच्या तरतुदींनुसार गुन्हा दाखल करण्यात आला आणि पोलिसांनी आरोपीला बेड्या ठोकल्या. आरोपीला न्यायालयीन कोठडीत पाठवण्यात आले असून पुढील तपास सुरू आहे.

The post ठाणे हादरलं! १३ वर्षीय कर्करोग पीडित मुलीवर बलात्कार करून केले गर्भवती, आरोपीला अटक appeared first on थोडक्यात घडामोडी.

नवी दिल्ली : सर्वोच्च न्यायालयाने अलाहाबाद उच्च न्यायालयाच्या आदेशात दिलेल्या निरीक्षणांना बुधवारी (२६ मार्च) स्थगिती दिली, ज्यामध्ये म्हटले होते की केवळ स्तन पकडणे आणि पायजमाची दोरी तोडणे हे बलात्कार नाही. न्यायाधीश बी.आर. गवई आणि ऑगस्टीन जॉर्ज मसीह यांच्या खंडपीठाने असे निरीक्षण नोंदवले की उच्च न्यायालयाच्या आदेशात केलेल्या काही निरीक्षणांमध्ये संपूर्ण असंवेदनशीलता आणि अमानवी दृष्टिकोन दिसून येतो हे सांगणे वेदनादायक आहे.

सर्वोच्च न्यायालयाने या वादग्रस्त आदेशाची स्वतःहून दखल घेतली आहे. खंडपीठाने केंद्र, उत्तर प्रदेश सरकार आणि इतरांना नोटीस बजावून उच्च न्यायालयाच्या 17 मार्चच्या आदेशावर सुरू केलेल्या कार्यवाहीमध्ये त्यांचे उत्तर मागितले.

उच्च न्यायालयाने १७ मार्च रोजी असा निर्णय दिला की केवळ स्तन पकडणे आणि पायजमाची दोरी ओढणे हा बलात्काराचा गुन्हा नाही परंतु असा गुन्हा कोणत्याही महिलेवर हल्ला किंवा फौजदारी बळाचा वापर करण्याच्या किंवा तिला नग्न करण्यास भाग पाडण्याच्या कक्षेत येतो.

कासगंजच्या विशेष न्यायाधीशांच्या आदेशाला आव्हान देणाऱ्या दोन व्यक्तींनी न्यायालयात धाव घेतली होती. न्यायालयाने त्यांना इतर कलमांसह भारतीय दंड संहितेच्या कलम ३७६ (बलात्कार) अंतर्गत समन्स बजावले होते.

कायदेतज्ज्ञांनी बलात्काराबाबत अलाहाबाद उच्च न्यायालयाच्या निर्णयाचा निषेध केला.
कायदेशीर तज्ञांनी यापूर्वी बलात्काराचा आरोप काय आहे यावरील अलाहाबाद उच्च न्यायालयाच्या निरीक्षणाची निंदा केली होती, न्यायाधीशांनी प्रतिबंध घालण्याची मागणी केली होती आणि अशा विधानांमुळे जनतेचा न्यायव्यवस्थेवरील विश्वास कमी होत चालला आहे हे अधोरेखित केले होते.

उच्च न्यायालयाने असा निर्णय दिला होता की स्तन पकडणे आणि महिलांच्या पायजमाची दोरी तोडणे यासारख्या कृती बलात्काराच्या श्रेणीत येत नाहीत. अलाहाबाद उच्च न्यायालयाच्या या असंवेदनशील निर्णयाला सर्वोच्च न्यायालयाने स्थगिती दिली आहे.

ज्येष्ठ वकील विकास पाहवा म्हणाले की, अलाहाबाद उच्च न्यायालयाच्या व्याख्येवरून बलात्काराचा प्रयत्न म्हणजे काय हे संकुचितपणे परिभाषित करून एक चिंताजनक उदाहरण प्रस्थापित झाले आहे. ते म्हणाले की, “स्तन पकडणे, पायजमा खाली खेचणे आणि मुलीला नाल्याकडे ओढणे” या कथित कृतींवरून बलात्कार करण्याचा हेतू स्पष्टपणे दिसून येतो, जो केवळ तयारीपेक्षा जास्त होता आणि बलात्काराच्या प्रयत्नाच्या क्षेत्रात येत होता.

The post ‘स्तन पकडणे आणि पायजमाची दोरी तोडणे बलात्कार नाही’, अलाहाबाद उच्च न्यायालयाच्या ‘असंवेदनशील’ निर्णयाला सर्वोच्च न्यायालयाची स्थगिती appeared first on थोडक्यात घडामोडी.

पुणे : स्वारगेट बस स्थानकामध्ये उभ्या असलेल्या बसमध्ये एका तरुणीवर लैंगिक अत्याचार करण्यात आला. २५ फेब्रुवारी रोजी ही घटना घडली होती. या प्रकरणात पोलिसांनी आरोपी दत्तात्रय गाडे याला अटक केली आहे. मात्र, घटनेला एक महिना उलटून गेला तरीही गाडे याच्याविरुद्ध कोणतेही आरोपपत्र अद्याप दाखल झालेले नाही. तसेच गाडेची डीएनए चाचणी करण्यात आली, या चाचणीचा अहवाल अद्याप पोलिसांना उपलब्ध झालेला नाही.

गुन्हे शाखेच्या अधिकाऱ्यांनी सांगितले कि, गाडे याची डीएनए चाचणी करण्यात आली. फॉरेन्सिक लॅबोरेटरीकडून अद्याप डीएनए चाचणी अहवाल मिळालेला नाही. डीएनए चाचणी अहवाल मिळाल्यानंतर गाडे यांच्याविरुद्ध आरोपपत्र दाखल केले जाईल. पोलिसांनी गाडेचे कपडे जप्त केले आहेत. गाडे याच्याविरुद्ध तांत्रिक आणि फॉरेन्सिक पुरावे गोळा करण्यात आले आहेत. या प्रकरणात, पीडित मुलीचा जबाब न्यायाधीशांसमोर नोंदवण्यात आला आहे. तसेच, ज्या बसमध्ये गाडे याने तरुणीवर लैंगिक अत्याचार केला त्या बसच्या चालक आणि कंडक्टरचे जबाबही पोलिसांनी नोंदवले आहेत. गाडेने त्याचा मोबाईल फेकून दिला होता. पोलिसांनी त्याचा मोबाईल जप्त करण्याचा प्रयत्न केला. मात्र, मोबाईल सापडला नाही.

पोलिस आयुक्त अमितेश कुमार यांनी मंगळवारी (२५ मार्च) माध्यमांशी बोलताना सांगितले कि, स्वारगेट बसस्थानकाच्या परिसरात तरुणीशी झालेल्या कृत्याचा तपास अंतिम टप्प्यात आहे. या प्रकरणात लवकरच आरोपपत्र दाखल केले जाईल. येत्या काही दिवसांत त्याबाबत माहिती दिली जाईल.

आरोपी गाडे न्यायालयीन कोठडीत
आरोपी दत्तात्रय गाडे हा मूळचा शिरूर तालुक्यातील गुणाट गावचा आहे. महिलेवर लैंगिक अत्याचार केल्यानंतर तो पळून गेला. तो गुणाट गावातील उसाच्या शेतात लपून बसला होता. तीन दिवसांनंतर पोलिसांनी सापळा रचून आणि स्थानिक नागरिकांच्या मदतीने गाडेला अटक केली. गाडेविरुद्ध ठोस पुरावे गोळा करण्याचे काम पोलिस करत आहेत. तो आता न्यायालयीन कोठडीत आहे.

The post स्वारगेट लैंगिक अत्याचार प्रकरणाला महिना उलटूनही अद्याप आरोपपत्र दाखल नाही appeared first on थोडक्यात घडामोडी.

पुणे : एका पीठ गिरणी कामगाराने शाळेत निघालेल्या दहा वर्षांच्या मुलीवर बलात्कार केल्याची धक्कादायक घटना समोर आली आहे. वाघोली येथे ही घटना घडली असून वाघोली पोलिसांनी २७ वर्षीय आरोपीला अटक केली आहे. २५ मार्च रोजी झालेल्या या गुन्ह्याबद्दल नागरिक संताप व्यक्त करत आहेत.

वाघोली पोलिसांनी आरोपीविरुद्ध पॉक्सो कायद्यांतर्गत गुन्हा दाखल केला आहे. पोलिसांनी सांगितले की, १० वर्षीय मुलगी सकाळी ७ वाजण्याच्या सुमारास वाघोली परिसरात शाळेत जात असताना गिरणी कामगाराने तिला जेवणाचे आमिष दाखवले. जेवणाचे आमिष दाखवून त्याने तिला त्याच्यासोबत गिरणीत जाण्यास भाग पाडले. त्यानंतर गिरणीत त्याने तिच्यावर लैंगिक अत्याचार केला.

स्थानिकांनी मुलीला रस्त्याच्या कोपऱ्यावर रडताना पाहिले आणि त्यांनी तिची चौकशी सुरू केली. तेव्हा तिने घडलेला सर्व प्रकार त्यांना सांगितला. त्यानंतर त्यांनी तात्काळ पोलिसांना याबाबत माहिती दिली. चौकशी केल्यानंतर पोलिसांनी गुन्हेगाराला शोधून काढले आणि त्याला ताब्यात घेतले.

वाघोली पोलिस ठाण्यात गुन्हा दाखल करण्यात आला आहे. आरोपीवर कडक कारवाई करावी आणि त्याला मृत्युदंड द्यावा अशी स्थानिकांची मागणी आहे.

The post पुणे : १० वर्षांच्या मुलीवर बलात्कार करणाऱ्या पिठगिरणी कामगाराला अटक appeared first on थोडक्यात घडामोडी.

मुंबई : राजस्थानचे राज्यपाल हरिभाऊ बागडे यांनी बलात्कार करणाऱ्यांची तुलना भटक्या कुत्र्यांशी करत त्यांचे नपुंसकीकरण करायला हवे असे वक्तव्य केले. त्यांनी हे विधान भरतपूर बार असोसिएशनच्या शपथविधी समारंभात न्यायिक अधिकारी, वकील आणि इतर मान्यवरांना संबोधित करताना केले.

राज्यपाल बागडे यांनी महाराष्ट्रातील एक उदाहरण देत म्हटले कि, जिथे एका स्थानिक नागरी संस्थेने भटक्या कुत्र्यांच्या संख्येवर नियंत्रण ठेवण्यासाठी त्यांचे नपुंसकीकरण करून त्यांची संख्या कमी केली. ते म्हणाले, जसे भटक्या कुत्र्यांना नपुंसक करून त्यांची संख्या कमी केली जाते, तसेच बलात्कार करणाऱ्यांसोबत असं करायला हवं. यामुळे समाजावर एक सकारात्मक परिणाम होईल. या निर्णयामुळे समाजात एक कठोर संदेश जाईल. जेव्हा एक बलात्कार करणारी व्यक्ती गावात फिरते, तेव्हा लोकांनी त्याला ओळखून म्हणायला हवं कि, ‘अरे, हा तोच आहे!’ यामुळे अशा लोकांना समाजात वावरता येणार नाही आणि त्यामुळे गुन्हे कमी होण्याची शक्यता आहे.

राज्यपाल हरिभाऊ बागडे यांनी चित्रीकरणाच्या मुद्द्यावरही टीका केली. त्यांनी म्हटले की, “माझ्या असं लक्षात आलंय की काही वेळा महिलांचा छळ होत असताना लोक व्हिडिओ रेकॉर्ड करत बसतात, पण त्यांनी मदतीसाठी पुढे यायला हवं. चित्रीकरण करण्याऐवजी त्यांनी त्या वेळेस त्वरित हस्तक्षेप करावा.” यावर त्यांनी समाजाला संदेश दिला की, जो अशा प्रकारचा गुन्हा करत आहे, त्याला पकडण्यासाठी प्रत्येकाने तयार असले पाहिजे. त्यांनी महिलांवरील गुन्ह्यांची गंभीरता सांगताना हेही लक्षात आणून दिले की, “जर समाजाने गुन्हेगारांना तोंड देऊन त्यांना शिक्षा देण्याची मानसिकता स्वीकारली, त्याच वेळी महिलांवरील गुन्हे कमी होऊ शकतात.”

इतिहासातील एक महत्त्वाचा संदर्भ देत, बागडे यांनी शिवाजी महाराजांच्या कारकिर्दीतील एक घटना सांगितली. ते म्हणाले, “शिवाजी महाराजांच्या काळात बलात्काराचा आरोप असलेल्या गावप्रमुखाचे हात आणि पाय तोडण्यात आले होते. हे केल्यामुळे समाजात अशा प्रकारच्या गुन्ह्यांवर कठोर कारवाई केली जाऊ शकते.”

राज्यपालांचे हे विधान महिलांवरील हिंसाचाराच्या संदर्भात गहन चर्चा निर्माण करणारं ठरू शकतं. त्यांच्या या विधानावर समाजातील विविध गटांकडून मिश्र प्रतिक्रिया येण्याची देखील शक्यता आहे. यावर महिला कार्यकर्त्यांकडून काय प्रतिक्रिया असेल हे देखील महत्त्वाचे ठरेल.

The post बलात्कार करणाऱ्यांचे भटक्या कुत्र्यांप्रमाणे नपुंसकीकरण करायला हवे, राज्यपाल हरिभाऊ बागडे यांचे वक्तव्य appeared first on थोडक्यात घडामोडी.

पुणे : पुण्यात एक अतिशय धक्कादायक घटना घडली आहे. १४ वर्षीय अल्पवयीन मुलीवर तिच्या जन्मदात्या वडिलांनीच बलात्कार केल्याची संतापजनक घटना समोर आली आहे. या प्रकरणात पोलिसांनी आरोपी वडिलांना अटक केली आहे. मात्र, या घटनेमुळे पुणे शहर पुन्हा एकदा हादरले आहे.

मिळालेल्या माहितीनुसार, पुण्यात लैंगिक अत्याचाराची आणखी एक घटना समोर आली आहे. वडिलांनी स्वतःच्या १४ वर्षीय मुलीवर बलात्कार केला. वडील-मुलीच्या नात्याला काळिमा फासणारी ही घटना पुण्यातील नांदेड शहर परिसरात घडली. बलात्कारी वडील ८ महिन्यांपासून स्वतःच्या १४ वर्षीय मुलीवर बलात्कार करत होते. आई घराबाहेर पडली की बलात्कारी वडील मुलीवर जबरदस्तीने लैंगिक अत्याचार करत होते. पुण्यातील नांदेड शहर पोलीस ठाण्यात गुन्हा दाखल करण्यात आला आहे. बलात्कारी वडिलांविरुद्ध पॉक्सो कायद्याअंतर्गत गुन्हा दाखल करण्यात आला आहे. ४५ वर्षीय बलात्कारी वडिलांना पोलिसांनी अटक केली आहे. बाल हक्क समितीने या घटनेचा पर्दाफाश केला आहे. त्यानुसार शनिवारी गुन्हा दाखल करण्यात आला आणि बलात्कारी वडिलांना बेड्या ठोकण्यात आल्या. पोलिस सध्या या प्रकरणाचा तपास करत आहेत.

दरम्यान, २५ फेब्रुवारी रोजी पुण्यातील स्वारगेट एसटी डेपोमध्ये एका तरुणीवर बलात्कार झाला. ही तरुणी पुण्याहून फलटणला जात होती. आरोपी दत्ता गाडे याने शिवशाही बसमध्ये तरुणीवर बलात्कार केला. या प्रकरणात पुणे पोलिसांनी ७० तासांनंतर शिरूर येथून आरोपीला अटक केली. आरोपी सध्या पोलिस कोठडीत आहे. आरोपीची डीएनए चाचणी आज केली जाईल.

The post पुणे हादरले! १४ वर्षांच्या मुलीवर जन्मदात्या वडिलांकडून वारंवार बलात्कार appeared first on थोडक्यात घडामोडी.