मुंबई : राष्ट्रवादी काँग्रेसचे ज्येष्ठ नेते आणि आमदार छगन भुजबळ यांनी आज राजभवन येथे राज्याच्या कॅबिनेट मंत्रिपदाची आणि गोपनीयतेची शपथ घेतली. महायुती सरकार स्थापन झाल्यानंतर सुरुवातीच्या मंत्रिमंडळात त्यांना डावलण्यात आले होते. मात्र, सुमारे सहा महिन्यांच्या प्रतीक्षेनंतर भुजबळ यांचे मंत्रिमंडळात पुनरागमन झाले आहे.

धनंजय मुंडे यांच्या राजीनाम्यानंतर रिक्त झालेल्या मंत्रिपदासाठी भुजबळ यांची निवड करण्यात आली आहे. बीड जिल्ह्यातील मस्साजोग गावातील सरपंच संतोष देशमुख प्रकरणात आरोपींना अटक झाल्यानंतर, तत्कालीन मंत्री धनंजय मुंडे यांच्यावर संबंधित आरोपींशी जवळीक असल्याचे आरोप झाले होते. या पार्श्वभूमीवर त्यांनी मार्चमध्ये मंत्रिपदाचा राजीनामा दिला होता.

त्यानंतर राष्ट्रवादीच्या वाट्याच्या मंत्रिपदाची जागा रिक्त होती. दुसरीकडे, मंत्रिमंडळात सहभागी न झाल्याने छगन भुजबळ यांची नाराजी शिगेला पोहोचली होती. इतकी की, ते पक्ष सोडणार असल्याच्या चर्चा देखील सुरू झाल्या होत्या. अखेर, पक्षांतर्गत समेटानंतर भुजबळ यांना मंत्रिमंडळात पुन्हा स्थान देण्यात आले आहे.

भुजबळ यांच्याकडे अन्न व नागरी पुरवठा आणि ग्राहक संरक्षण खात्याची जबाबदारी सोपवण्यात येणार असल्याची शक्यता आहे. याआधीही त्यांनी हे खाते सांभाळले असून, त्यांच्या अनुभवाचा सरकारला फायदा होईल, अशी राजकीय वर्तुळात चर्चा आहे.

The post छगन भुजबळ यांचे मंत्रिमंडळात पुनरागमन, घेतली कॅबिनेट मंत्रिपदाची शपथ appeared first on थोडक्यात घडामोडी.

मुंबई : महाधिवक्ता आशुतोष कुंभकोणी यांचा राजीनामा स्वीकृत करण्याचा निर्णय मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री एकनाथ शिंदे होते. कुंभकोणी यांची ७ जून २०१७ रोजी राज्याचे महाअधिवक्ता म्हणून नियुक्ती करण्यात आली होती. ७ डिसेंबर २०१९ रोजी त्यांना तत्कालीन मंत्रिमंडळाने या पदावर कायम ठेवले.

तत्कालीन मंत्रिमंडळाने राजीनामा दिल्यानंतर १२ सप्टेंबर २०२२ रोजी मंत्रिमंडळाने कुंभकोणी यांच्या राजीनाम्यावरील निर्णय ३१ डिसेंबर २०२२ पर्यंत तात्पुरता स्थगित ठेवण्याचा निर्णय घेतला होता.

The post महाधिवक्ता आशुतोष कुंभकोणी यांचा राजीनामा स्वीकृत appeared first on थोडक्यात घडामोडी.

पंजाब : पंजाबमध्ये काँग्रेसच्या दारूण पराभवानंतर पक्षात बदलाची प्रक्रिया सुरू झाली आहे. नवज्योत सिंग सिद्धू यांना पंजाब प्रदेश काँग्रेस कमिटीच्या अध्यक्षपदाचा राजीनामा देण्यास सांगण्यात आले. सिद्धू यांनी काँग्रेस हायकमांडच्या आदेशाचे पालन केले आहे. नवज्योतसिंग सिद्धू यांनी पदाचा राजीनामा दिला आहे. मंगळवारी सोनिया गांधी यांनी नवज्योतसिंग सिद्धू यांच्यासह सर्व निवडणूक राज्यांच्या प्रदेशाध्यक्षांना राजीनामा देण्यास सांगितले होते.

नवज्योत सिंग सिद्धू यांनी ट्विट करून पंजाब प्रदेश समितीच्या अध्यक्षपदाचा राजीनामा दिल्याची माहिती दिली आहे. सिद्धू यांनी लिहिले की, “काँग्रेस पक्षाच्या अध्यक्षांच्या इच्छेनुसार मी माझा राजीनामा पाठवला आहे.”

As desired by the Congress President I have sent my resignation … pic.twitter.com/Xq2Ne1SyjJ

— Navjot Singh Sidhu (@sherryontopp) March 16, 2022

काँग्रेस पक्षाला पाचपैकी एकाही राज्यात सरकार स्थापन करता आले नाही. पंजाब विधानसभा निवडणुकीत काँग्रेस पक्षाला केवळ 18 जागा जिंकता आल्या. अमृतसर पूर्व मतदारसंघातून नवज्योत सिंग सिद्धू यांचा आम आदमी पक्षाच्या उमेदवाराकडून पराभव झाला आहे. काँग्रेसच्या पराभवानंतर नवज्योतसिंग सिद्धू यांच्या राजीनाम्याची मागणी होत होती.

The post हायकमांडच्या आदेशाचे पालन! नवज्योतसिंग सिद्धू यांनी दिला पदाचा राजीनामा appeared first on थोडक्यात घडामोडी.

उत्तराखंड : उत्तराखंडचे मुख्यमंत्री पुष्कर सिंह धामी यांनी पदाचा राजीनामा दिला आहे. शुक्रवारी मंत्रिमंडळाच्या बैठकीनंतर मुख्यमंत्री पुष्कर सिंह धामी यांनी राजीनामा दिला. त्यांनी आपला राजीनामा राज्यपाल गुरमीत सिंग यांच्याकडे सुपूर्द केला. मात्र, राज्यपालांनी त्यांना नवीन सरकार स्थापन होईपर्यंत काम करत राहण्यास सांगितले आहे.

राजीनामा दिल्यानंतर पुष्कर सिंह धामी म्हणाले की, नवीन जनादेश मिळाला आहे, या कालावधीतील काम पूर्ण झाले आहे. मी माझ्यासह संपूर्ण मंत्रिमंडळाचा राजीनामा माननीय राज्यपालांकडे सोपवला आहे. जोपर्यंत नवे सरकार स्थापन होत नाही, तोपर्यंत तुम्ही काम करा, असे राज्यपालांनी म्हटले आहे.

मंत्रिमंडळ बैठकीपूर्वी पुष्कर सिंह धामी म्हणाले की, केंद्राची आमची पद्धत आहे की निरीक्षक नेमले जातात, ते जेव्हा येतात, त्यानंतर पुढील प्रक्रिया सुरू होते. आज फक्त मंत्रिमंडळाची बैठक होणार आहे. ते म्हणाले की, मी माझ्या पक्षाचा आणि पंतप्रधान मोदींचा आभारी आहे की त्यांनी मला लोकांच्या सेवेसाठी निवडले. उत्तराखंडमध्ये पहिल्यांदाच हा समज मोडला असून भाजपने 2/3 बहुमताने सरकार स्थापन केले आहे. भविष्यातही आम्ही सर्व आश्वासने पूर्ण करू.

पुष्कर सिंग धामी खतिमा येथून पराभूत झाले
विशेष म्हणजे, पुष्कर सिंह धामी खटीमा विधानसभा मतदारसंघातून निवडणूक हरले आहेत. त्यांचा काँग्रेसच्या भुवनचंद्र कापरी यांनी ६५७९ मतांनी पराभव केला.

The post उत्तराखंडचे मुख्यमंत्री पुष्कर सिंह धामी यांचा राजीनामा appeared first on थोडक्यात घडामोडी.

चंदीगड : पंजाबचे मुख्यमंत्री अमरिंदर सिंह यांनी आपल्या पदाचा राजीनामा दिला आहे. कॅप्टन अमरिंदर सिंह यांनी काही वेळापूर्वी राज्यपाल बनवारीलाल पुरोहित यांच्याकडे राजीनामा सोपवला. त्यानंतर मीडियाशी बोलताना त्यांनी राजीनामा देण्याचे कारण स्पष्ट केले. ते म्हणाले की मला पक्षात अपमानजनक वागणूक देण्यात येत होती.

कॅप्टन अमरिंदर सिंह यांनी सांगितले कि, “मला अपमानजनक वागणूक देण्यात आली. आज सकाळीच माझा निर्णय झाला होता. काँग्रेस पक्षाध्यक्ष सोनिया गांधी यांना माझा हा निर्णय कळवला होता. माझ्या नेतृत्वावर शंका उपस्थित करण्यात आली. दोन महिन्यांत तीन वेळा संवाद न साधता नेतृत्वाकडून थेट विधिमंडळ दलाची बैठक बोलावण्यात आली. आता मुख्यमंत्रीपदाची जबाबदारी ज्यांच्यावर विश्वास असेल त्यांच्यावर सोपवावी.”

मी अजूनही काँग्रेस पक्षात आहे. साडे नऊ वर्ष मी मुख्यमंत्रीपदाची जबाबदारी सांभाळली. समर्थकांशी चर्चा केल्यानंतरच पुढचा निर्णय घेईल. माझ्यासमोर अनेक मार्ग खुले आहेत’, असंही अमरिंदर सिंह म्हणाले आहेत.

My father submitting his resignation to HE the Governor Sahib of Punjab. pic.twitter.com/RyINJSUeh5

— Raninder Singh (@RaninderSingh) September 18, 2021

The post पंजाबचे मुख्यमंत्री अमरिंदर सिंह यांचा राजीनामा, पक्षात अपमानजनक वागणूक मिळाल्याची खंत केली व्यक्त appeared first on थोडक्यात घडामोडी.

दीपिका पादुकोणने मुंबई अ‍ॅकॅडमी ऑफ मूव्हिंग इमेज (MAMI) फिल्म फेस्टिव्हलच्या अध्यक्षपदाचा राजीनामा दिला आहे. ही माहिती दीपिकाने सोमवारी सोशल मीडियावर शेअर केली. तिने राजीनामा देण्याचे कारण सांगितले आहे. ती म्हणाली की सध्या मी आवश्यकतेनुसार लक्ष देऊ शकत नाही. 2019 मध्ये आमिर खानची पत्नी किरण राव यांच्या जागी दीपिकाला MAMI चे अध्यक्षपद देण्यात आले होते.

दीपिकाने काय म्हटले ?

दीपिकाने तिच्या निवेदनात लिहिले कि, MAMI च्या मंडळावर येऊन अध्यक्षपदावर काम करण्याचा अनुभव खूप समृद्ध होता. एक कलाकार म्हणून, जगभरातील चित्रपट आणि कलागुण मुंबईत आणणं खूप उत्साहवर्धक होतं. मुंबई माझे दुसरे घर आहे. मला वाटते की माझ्या सध्याच्या कामांतील व्यस्थतेमुळे मी MAMI कडे आवश्यकतेनुसार लक्ष देण्यास आणि लक्ष केंद्रित करण्यास सक्षम नाही. MAMI चांगल्या हातात आहे हे जाणून मी MAMI पासून विभक्त होत आहे. अकादमीशी असणारं माझं नातं आणि बंध आयुष्यभर टिकतील.

The post दीपिका पादुकोणने दिला MAMI च्या अध्यक्षपदाचा राजीनामा appeared first on थोडक्यात घडामोडी.

मुंबई : शिवसेना नेते संजय राठोड यांनी रविवारी मंत्रिपदाचा राजीनामा मुख्यमंत्री उद्धव ठाकरे यांच्याकडे दिला होता. दरम्यान, तीन दिवस उलटले तरी संजय राठोड यांचा राजीनामा अजून मुख्यमंत्र्यांकडेच असल्याची बाब समोर आली आणि प्रश्न उपस्थित करण्यात आले होते.

त्यानंतर राठोड यांच्या राजीनाम्यावर मुख्यमंत्र्यांनी स्वाक्षरी करून हा राजीनामा मंजुरीसाठी राज्यपालांकडे पाठवला. राज्यपालांनी हा राजीनामा स्वीकारला देखील आहे.

The post संजय राठोड यांचा राजीनामा राज्यपालांनी स्वीकारला appeared first on थोडक्यात घडामोडी.

मुंबई : पूजा चव्हाण मृत्यूप्रकरणात मंत्री संजय राठोड यांनी रविवारी (28 फेब्रुवारी) आपल्या पदाचा राजीनामा दिला होता. मात्र, तीन दिवस उलटूनही त्यांचा राजीनामा अजून राज्यपालांकडे पाठवलाच नसल्याची माहिती समोर येत आहे. त्यामुळे कायदेशीरपणे संजय राठोड अद्यापही वनमंत्री पदावर कायम आहेत.

दरम्यान, संजय राठोड यांनी पूजा चव्हाण प्रकरणाची चौकशी झाल्यानंतर राजीनाम्याचा स्वीकार करावा अशी विनंती मुख्यमंत्र्यांकडे केली होती. परंतु, मुख्यमंत्री उद्धव ठाकरे यांच्यावर संजय राठोड यांचा राजीनामा घेण्यासाठी मोठा दबाव होता. या प्रकरणावरुन शिवसेना आणि महाविकास आघाडीवर सर्व बाजूने टीका होत होती. तसेच पोहोरादेवी येथे राठोड यांनी केलेल्या शक्तिप्रदर्शनानंतर महाविकास आघाडी सरकारमध्ये अंतर्गत नाराजी होती. त्यामुळे या सर्व पार्श्वभूमीवर पूजा चव्हाणच्या मृत्यूनंतर २० दिवसांनी संजय राठोड यांनी पदाचा राजीनामा दिला होता. परंतु, त्यांचा राजीनामा अजूनही राज्यपालांकडे पोहोचलाच नाही.

The post संजय राठोड यांचा राजीनामा अजून राज्यपालांकडे पोहोचलाच नाही appeared first on थोडक्यात घडामोडी.