मुंबई : महाविद्यालयीन विद्यार्थ्यांमध्ये सामाजिक बांधिलकी व जबाबदारीची भावना निर्माण करण्याच्या उद्देशाने दि. २२ ते २९ सप्टेंबर या कालावधीत राज्यातील महाविद्यालयांमध्ये राष्ट्रीय सेवा योजना (NSS) सप्ताह साजरा करण्यात येणार आहे, अशी माहिती उच्च व तंत्र शिक्षण मंत्री चंद्रकांत पाटील यांनी दिली.

मंत्रालयात उच्च व तंत्र शिक्षण मंत्री चंद्रकांत पाटील यांच्या अध्यक्षतेखाली एनएसएस बाबत बैठक झाली. या बैठकीस उच्च व तंत्रशिक्षण विभागाचे अपर मुख्य सचिव बी.वेणुगोपाल रेड्डी, उच्च शिक्षण संचालक डॉ. शैलेंद्र देवळाणकर, राष्ट्रीय सेवा योजनेचे राज्य संपर्क अधिकारी मिलिंद काळे व संबंधित अधिकारी उपस्थित होते.

मंत्री पाटील म्हणाले, राष्ट्रीय सेवा योजनेतून युवकांना समाजाभिमुख कार्यात सहभागी करून राष्ट्रनिर्मितीच्या प्रक्रियेत सक्रिय भूमिका बजावता येते. शिक्षणाबरोबरच विद्यार्थ्यांमध्ये मानवता, सहकार्य, नेतृत्वगुण व सामाजिक जाणीव निर्माण करण्यासाठी हा उपक्रम महत्त्वपूर्ण ठरत असल्याचेही त्यांनी नमूद केले.

राष्ट्रीय सेवा योजना सप्ताहात स्वच्छता अभियान, वृक्षारोपण, आरोग्य तपासणी शिबिरे, साक्षरता मोहिमा, रक्तदान शिबिरे यांसारख्या विविध उपक्रमांचे आयोजन करण्यात येणार आहे. राष्ट्रीय सेवा योजना ही युवकांना समाजाशी थेट जोडणारी आणि त्यांचे व्यक्तिमत्व घडवणारी प्रभावी योजना आहे. त्यामुळे प्रत्येक महाविद्यालयीन विद्यार्थ्याने यात सक्रिय सहभाग नोंदवावा, असे आवाहन मंत्री पाटील यांनी यावेळी केले.

The post महाविद्यालयांमध्ये २२ ते २९ सप्टेंबर दरम्यान ‘राष्ट्रीय सेवा योजना सप्ताह’ appeared first on थोडक्यात घडामोडी.

एखाद्या व्यक्तीला रक्ताची गरज असल्यास आणि तिला वेळेवर रक्त मिळाल्यास त्या व्यक्तीचे प्राण वाचवण्याचे महत्त्वपूर्ण कार्य रक्त करते. म्हणूनच वेळोवेळी ‘रक्तदात्यांना रक्तदान’ करण्याचे आवाहन केले जाते, ज्यामुळे गरजू व्यक्तीचे प्राण वाचवले जाऊ शकतील. “रक्तदाता” हा रुग्णांसाठी नेहमी आशेचा किरण ठरला आहे. रक्त हे कृत्रिमरीत्या तयार होत नाही. ते तयार होते तुमच्या आमच्या मानवी शरीरात. यासाठी आपण रक्तदाता म्हणून स्वतःहून स्वैच्छिक रक्तदान करणे महत्त्वाचे ठरते.

“रक्तदान हे श्रेष्ठ दान” आहे. रक्तदानामुळे आज हजारो-लाखो लोकांना जीवनदान मिळते. त्यामुळे रक्तदान हे जीवनदान, तसेच महादान असेही म्हटल्यास वावगे ठरणार नाही. मात्र, आजही समाजात रक्तदान करणाऱ्यांची संख्या कमी आहे. रक्तदात्याला रक्तदानासाठी प्रेरित करण्याच्या अनुषंगाने व नियमित रक्तदात्यांचे आभार व्यक्त करण्यासाठी 2004 पासून जागतिक आरोग्य संघटनेकडून (वर्ल्ड हेल्थ ऑर्गनायझेशन) हा कार्यक्रम सर्वप्रथम 14 जून 2004 रोजी “जागतिक आरोग्य संघटना,(डब्लू एच ओ) रेडक्रॉस आणि आंतरराष्ट्रीय रेड क्रॉसेंट सोसायटी ऑफ इंटरनेशनल फेडरेशन” च्या वतीने सुरक्षित रक्तदान करण्यासाठी जनतेत जनजागृती व्हावी, या उद्देशाने साजरा करण्यात आला.

रक्तदाता म्हणून माझे रक्तदान महत्त्वाचे का?

• माझ्या रक्तदानाने जर एखाद्या रुग्णांचे प्राण वाचणार असतील तर त्यासाठी महत्त्वाचे.
• माझ्या रक्तदानाने थँलेसेमिया, हिमोफिलिया, सिकलसेल,ल्युकेमिया इ. अशा रुग्णांना नेहमी रक्ताची गरज भासते. अशा रुग्णांना कधीही रक्ताची कमतरता भासू नये म्हणून माझे रक्तदान महत्त्वाचे
• अतिदक्षता, प्रसूती, अपघात, रक्तक्षय, अतिरक्तस्राव इ. आदी अशा रुग्णांचा जीव वाचवण्यासाठी तातडीने रक्ताची आवश्यकता भासते, अशा रुग्णांसाठी माझे रक्तदान महत्त्वाचे
• माझ्या रक्तदानाने निश्चितच गरजूंना रक्त पुरवठा झाल्याचे समाधान मिळणार, यासाठी माझे रक्तदान महत्त्वाचे.!
• माझ्या रक्तदानाने माझ्या शरीरातील रक्तदाब, कोलेस्टेराँलचे प्रमाण योग्य नियंत्रण राहण्यासाठी, समाजाचे ऋण फेडायची ही एक संधी रक्तदानामुळे मिळते.
• बोन मँरोमध्ये नवीन रक्त तयार करण्याची क्षमता वाढते. रक्तदान केल्यानंतर चोवीस तास ते सात दिवसात नैसर्गिकरित्या रक्ताची झीज भरून निघते.
• रक्तदान केल्यानंतर नवीन पेशी तयार होण्यासाठी नव चेतना मिळते. रक्तदान प्रक्रियेत रक्तदानाची सुरक्षितता याचे काटेकोरपणे पालन केले जाते. त्यामुळे कोणतेही इजा किंवा आजार होण्याची शक्यता नसते.
• समाजाचा एक जबाबदार नागरिक म्हणून निःस्वार्थीपणे, समाजहितासाठी, राष्ट्रसेवा म्हणून माझे रक्तदान महत्त्वाचे आहे. मानवी रक्ताची गरज कधीही न संपणारी असल्यामुळे रक्तदानाविषयी प्रेरणा समाजात द्दढ करणे, निरोगी रक्तदात्यांची फौज करून रक्तदात्यांमध्ये स्वैच्छिक रक्तदानाविषयी जनजागृती करणे, सामाजिक बांधिलकी जोपासून रक्तदात्यांविषयी कृतज्ञता निर्माण व्हावी, या मागचा एवढाच उद्देश.

लेखन:
श्री. हेमकांत सोनार

The post रक्तदान करा…! रक्तदाता म्हणून माझे रक्तदान महत्त्वाचे का? जाणून घ्या… appeared first on थोडक्यात घडामोडी.

ठाणे : राज्यात कोरोना काळात जाणवणाऱ्या रक्त टंचाईवर मात करण्याकरिता महारक्तदान शिबीरासारखे उपक्रम उपयुक्त ठरणार असून या माध्यमातून उपलब्ध होणारे रक्त गरजू रुग्णांना जीवनदान देईल, असा विश्वास मुख्यमंत्री उद्धव ठाकरे यांनी व्यक्त केला.

ठाण्याचे पालकमंत्री तथा नगरविकास मंत्री एकनाथ शिंदे यांच्या संकल्पनेतून दसऱ्यापर्यंत महारक्तदान सप्ताहाचे आयोजन ठाणे येथे करण्यात आले आहे. त्याचे उद्घाटन आज मुख्यमंत्री उद्धव ठाकरे यांच्या हस्ते दूरदृष्यप्रणालीच्या माध्यमातून करण्यात आले. यावेळी पालकमंत्री शिंदे, खासदार श्रीकांत शिंदे, महापौर नरेश म्हस्के, लोकसत्ताचे ज्येष्ठ पत्रकार संदीप आचार्य यांच्यासह अनेक मान्यवर उपस्थित होते. दुर्गाभक्तदान- महारक्तदान या संकल्पातून हा आरोग्य महोत्सव आयोजित करण्यात आला आहे.

धर्मवीर आनंद दिघे यांच्या स्मृतींना वंदन करून मुख्यमंत्री म्हणाले की, रक्तदान हा शब्द बोलायला खूप सोपा आहे पण खरोखर कितीजण रक्तदान करून आपले कर्तव्य निभावतात हा प्रश्न आहे. आजच्या आवाहनाला प्रतिसाद देऊन रक्तदान करणाऱ्या सर्व बंधु भगिनींना मनापासून धन्यवाद आहेत. मी टेंभी नाक्याचा नवरात्रोत्सव विसरु शकत नसल्याचे सांगून आनंद दिघे यांनी सुरु केलेली ही परंपरा आता एकनाथ शिंदे उत्तमप्रमाणे पुढे नेत असल्याचेही ते म्हणाले.

रक्षण करणारी शक्ती

दुर्गामाता अशी शक्ती आहे जिने महिषासुर, नरकासुरासारख्या सर्व असुरांचा वध केला. तिच्या हातात शस्त्र आहे. जे अन्याय चिरडून टाकणारे आहे तसेच गोरगरीबांचे रक्षण करणारे आहे. या शक्तीच्या नवरात्रोत्सव काळात रक्तदाते रक्तदान करून अनेक नागरिकांचे जीव वाचवत असल्याचेही मुख्यमंत्री यावेळी म्हणाले. लोक स्वत:हून रक्तदान करण्यासाठी पुढे येताना दिसत आहेत. हे रक्त कुणाला दिले जाते हे पाहिले जात नाही, एखाद्याचा जीव वाचवण्यासाठी हे रक्त उपयोगात येईल. सामाजिक कर्तव्य म्हणून रक्तदानाचे श्रेष्ठदान तुम्ही करत असल्याचे गौरवोद्गार मुख्यमंत्र्यांनी काढले.

रक्तदान सप्ताह

या महारक्तदान सप्ताहात राज्यातील विविध रक्तपेढ्या सहभागी झाल्या आहेत. जांभळी नाका येथील छत्रपती शिवाजी महाराज मैदानात दि. ८ ते १४ ऑक्टोबर या कालावधीत सकाळी ८ ते संध्याकाळी ५ या वेळेत हा रक्तदान सप्ताह होत आहे.

The post महारक्तदान शिबीरातून उपलब्ध होणारे रक्त रुग्णांसाठी जीवनदायी – मुख्यमंत्री उद्धव ठाकरे appeared first on थोडक्यात घडामोडी.

World Blood Donar day २०२१ : रक्तदान हे सर्वश्रेष्ठ दान असल्याचे आपण नेहमी ऐकतो. रक्तदान करून आपण अनेक जणांचे प्राण वाचवू शकतो. लोकांमध्ये रक्तदान करण्याबद्दल जागरूकता यावी, या उद्देशाने दरवर्षी 14 जूनला जागतिक रक्तदाता दिन साजरा केला जातो. रक्तदानाबाबत लोकांच्या मनामध्ये अनेक गैरसमज असतात, ज्यामुळे आपल्या देशात रक्ताची असलेली गरज भागत नाही. पण आपल्याला रक्तदान केल्यामुळे रक्तदात्याच्या शरीराला होणारे फायदे माहित आहेत का? चला तर मग रक्तदान करण्याचे फायदे आणि रक्तदान कोण करू शकते, हे जाणून घेऊया.

रक्तदानाचे फायदे :

1. रक्तदानामुळे हृदयविकाराचा धोका कमी होतो. डॉक्टरांच्या म्हणण्यानुसार, रक्तदान केल्याने रक्त पातळ होते, जे हृदयासाठी चांगले असते.
2. नियमित रक्तदानामुळे कर्करोग आणि इतर आजारांचा धोकाही कमी होतो, कारण यामुळे विषारी पदार्थ बाहेर पडतात.
3. रक्तदान केल्यावर अस्थिमज्जा (bone marrow) नवीन लाल पेशी बनवतात, त्यामुळे आरोग्य प्रदान होते.
4. रक्तदान केल्याने शरीरात लोहाचे प्रमाण नियंत्रणात राहते. जर शरीरात लोहाचे प्रमाण जास्त झाले, तर कर्करोगासारखे धोकादायक आजार उद्भवू शकतात.
5. रक्तदान केल्याने वजन नियंत्रणात ठेवणे सोपे होते.
6. एका संशोधनात समोर आले आहे की दर तीन महिन्यांनी रक्तदान केल्याने रोगप्रतिकारक शक्ती देखील मजबूत होते.

कोविड -१ vacc लस मिळाल्यानंतर १ days दिवसानंतर कोणतीही व्यक्ती रक्तदान करू शकते. किंवा कोविड आणि आरटी-पीसीआर चाचणी नकारात्मक झाल्यावर 14 दिवसानंतर तो रक्तदान करू शकतो.

कोण रक्तदान करू शकते :

1. 18 ते 65 वर्षे वयोगटातील सर्व निरोगी लोक
2. 45 किलोपेक्षा जास्त वजनाचे लोक
3. डोनेशन दरम्यान शरीराचे तापमान आणि नाडी सामान्य असणे आवश्यक आहे.
4. ज्या स्त्रियांनी आपल्या बाळाला अंगावर पाजणे बंद केले आहे किंवा प्रसूतीनंतर एक वर्षाने रक्तदान करू शकता.
5. सामान्य बीपी असलेले लोक, ज्यांचे हिमोग्लोबिन 12.5 ग्रॅमपेक्षा जास्त आहे.
6. रक्तदान करण्यापूर्वी 15 दिवस कॉलरा, टायफाइड, टिटॅनस इत्यादी लस घेतलेल्या नसाव्यात.
7. रेबीजची लस घेतल्यानंतर एक वर्षाने रक्तदान करू शकता.
8. रक्तदान करण्यापूर्वी तीन महिन्यांपर्यंत मलेरियावर उपचार केले गेले नसावेत.
9. रक्तदान करण्यापूर्वी सहा महिन्यांपर्यंत कोणताही टॅटू बनविलेला नसावा.
10. रक्तदान करण्यापूर्वी 12 महिन्यांमध्ये कोणतीही शस्त्रक्रिया झालेली नसावी.
11. कोणत्याही प्रकारचा कर्करोग किंवा हृदयरोग नसावा.
12. हिपॅटायटीस बी, सी, कुष्ठरोग, टीबी किंवा एचआयव्ही नसावा.
13. अपस्मार (epilepsy), दमा, थॅलेसीमिया, रक्तस्त्राव डिसऑर्डर असू नये.
14. अंमली पदार्थांचे व्यसन नसावे.
15. जननेंद्रियाचे अल्सर किंवा डिस्चार्जची कोणतीही समस्या असू नये.
16. इन्सुलिन घेणारे रुग्ण नसावेत.

The post रक्तदान केल्याने शरीराला होणारे ‘हे’ जबरदस्त फायदे माहित आहेत का? जाणून घ्या… appeared first on थोडक्यात घडामोडी.

पुणे : रक्तदान हेच जीवनदान, रक्तदान हे सर्वश्रेष्ठ दान असे म्हटले जाते. राज्यातील विविध रुग्णालये आणि रक्तपेढींमधील रक्ताचा साठा कमी पडू लागला आहे. नेहमीच मे-जून दरम्यान सर्वत्र रक्ताचा तुटवडा भासतो, अनेक तरुणांना रक्तदान  करण्याची इच्छा असूनही महाविद्यालय बंद असल्याकारणाने रक्तदान करता येत नाही, तसेच कारखाने, विविध छोटे उद्योग धंदे हे देखील रक्तदान चळवळी मध्ये अग्रणण्याने सहभागी असतात पण हे कारखाने, उद्योग धंदे देखील कोरोनामुळे बंद असल्याने रक्त संकलनास अडचणी येत आहेत. त्यामुळे राज्यातील रक्तसाठा मोठ्या प्रमाणात घटला आहे.

महत्वाच्या शस्त्रक्रियांवेळी रुग्णांना रक्ताची अडचण येण्याची शक्यता आहे. एम.आय.एम.ई.आर.वैद्यकीय महाविद्यालय, डॉ. भाऊसाहेब सरदेसाई तळेगांव ग्रामीण रुग्णालयाचे गरवारे रक्त केंद्र यांनी आवाहन केले आहे कि जास्तीत जास्त रक्तदान करा. या अवघड पण अशक्य नसलेल्या मोहिमेत विविध सामाजिक संघटना, छोट्या नागरी वस्त्या यांचा सहभाग मिळविण्यासाठी पदाधिकारी यांनी आवाहन करावे व त्या प्रमाणे आमच्या गरवारे रक्त केंद्रास कळवावे. जेणेकरून अशा शिबिरामध्ये आवश्यक तेवढे रक्त संकलन होऊन गरीब, गरजू रुग्णांच्या सेवेत मोलाचे योगदान दिले जाईल.

संपर्क :
एम.आय.एम.ई.आर.वैद्यकीय महाविद्यालय, डॉ. भाऊसाहेब सरदेसाई तळेगांव ग्रामीण रुग्णालयाचे गरवारे रक्त केंद्र, तळेगांव दाभाडे, ता.मावळ, जि.पुणे-४१०५०७. (महाराष्ट्र राज्य) फोन : ०२११४-३०८३९९

डॉ. विजयकुमार पोवार (एम.डी. शरीर विकृती शास्त्र.) – रक्त संक्रमण अधिकारी फोन :  ९६०४८ ७१४७१
राहुल पंढरीनाथ पारगे – जनसंपर्क अधिकारी  फोन : ९९६०० ८९०८९

The post रक्ताचा तुटवडा आहे, रक्तदान करा आणि गरजू रुग्णांच्या सेवेत मोलाचे योगदान द्या – राहुल पारगे appeared first on थोडक्यात घडामोडी.

मुंबई  : कोरोना प्रतिबंधात्मक लसीकरण मोहिमेचा महत्वपूर्ण टप्पा 1 मे पासून सुरू होणार असून 18 वर्षांपुढील सर्वजण लस घेऊ शकणार आहेत. लस घेतल्यानंतर 60 दिवस आपणास रक्तदान करता येत नाही. त्यामुळे कोरोना प्रतिबंधक लशीची मात्रा घेण्यापूर्वी रक्तदान करावे, असे आवाहन मदत व पुनर्वसनमंत्री विजय वडेट्टीवार यांनी केले आहे.

पुनर्वसनमंत्री विजय वडेट्टीवार म्हणाले, आता रुग्णालयांमध्ये कोविड आणि नॉन-कोविड अशा दोन्ही रुग्णांवर उपचार केले जात आहेत. त्यामुळे अधिकाधिक रक्तदात्यांची आवश्‍यकता भासत आहे. त्यातच कोरोना लस घेतल्यावर 60 दिवसांपर्यंत रक्तदान करता येणार नाही. त्यामुळे आधी रक्तदान करा आणि त्यानंतर कोरोना प्रतिबंधात्मक लस घ्या.

कोरोनामुळे मागील वर्षापासून रक्तदानात मोठ्या प्रमाणात घट झाली आहे. रक्ताचा तुटवडा पाहून सामाजिक भान जपून रक्तदान करा. त्यामुळे रक्ताची मागणी असणाऱ्या रुग्णांचा जीव वाचविता येईल, असे आवाहन श्री. वडेट्टीवार यांनी केले आहे.

The post आधी रक्तदान करा आणि त्यानंतर कोरोना प्रतिबंधात्मक लस घ्या – पुनर्वसनमंत्री विजय वडेट्टीवार appeared first on थोडक्यात घडामोडी.

पुणे : रविवार दि २8 मार्च २०२१ रोजी राजगुरूनगर मेडिकल प्रॅक्टिशनर असोसिएशन आणि रोटरी क्लब ऑफ राजगुरूनगर यांच्या वतीने गरवारे रक्त केंद्र व एम आय एम ई आर वैद्यकीय महाविद्यालय, तळेगाव दाभाडे यांच्या सहकार्याने भव्य रक्तदान शिबिर आयोजित करण्यात आले आहे.

अन्नदान, वस्त्रदान, धांडं, श्रमदान मूलभूत गरज भागवतात. परंतु, रक्तदान प्राण वाचवतं. १ वेळा रक्तदान केल्याने ३ लोकांचे प्राण वाचू शकतात. दर दुसऱ्या सेकंदाला कोणालातरी रक्ताची गरज भासते. कोरोनाच्या महामारीमध्ये रक्ताची गरज प्रकर्षाने जाणवत आहे. त्यामुळे रक्तदान करा आणि कोरोना योद्धा बना.

रक्तदान हे सर्वश्रेष्ठ दान असून कृपया अधिकाअधिक रक्तदान करावे, असे आवाहन…

ठिकाण : सुश्रुत हॉस्पिटल, पुणे-नाशिक हायवे, राजगुरूनगर

वेळ : सकाळी १०.00 ते दुपारी 3.०० वाजेपर्यंत

अधिक माहितीसाठी संपर्क :

डॉ राजेंद्र तुपे – ९८५०१ 30790
राहुल वाळुंज – अध्यक्ष रो. क्लब ऑफ राजगुरूनगर – ९८२२२ 82710
डॉ विजयकुमार पोवार – ९६०४८ ७१४७१
राहुल पंढरीनाथ पारगे – ९९६०० ८९०८९

The post रक्तदान : राजगुरूनगर मेडिकल प्रॅक्टिशनर असोसिएशन यांच्या वतीने राजगुरूनगर येथे भव्य रक्तदान शिबिर appeared first on थोडक्यात घडामोडी.

गोपीनाथ मुंडेंच्या जयंती निमित्त दरवर्षी गोपीनाथ गडावर अनेक कार्यक्रमांचं आयोजन केलं जातं. परंतु या वर्षी कोरोनाच्या पार्श्वभूमीवर कोणताही कार्यक्रम घेण्यात आला नाही. भाजप नेत्या पंकजा मुंडे यांनी त्या संदर्भात सोशल मीडिया माध्यमातून लोकांना गोपीनाथ गडावर न येण्याचं आवाहन केलं.

गोपीनाथ मुंडेंच्या जयंतीनिमित्त त्यानी बीडमध्ये प्रसादाचे वाटप करण्याचा निर्णय घेतला आहे. तसेच कार्यकर्त्यांना रक्तदान करण्याचंही त्यांनी आवाहन केलं. तसेच गोपीनाथगडावर पंकजा मुंडेंनी स्वतः देखील रक्तदान केलं. त्यांच्यासमवेत महादेव जानकर यांनीही रक्तदान केलं.

The post गोपीनाथ मुंडेंच्या जयंती निमित्त पंकजा मुंडेंनी गोपीनाथगडावर केलं रक्तदान appeared first on थोडक्यात घडामोडी.

राज्यात शनिवार (१२ डिसेंबर) पासून सर्व शासकीय रुग्णालयांमधील रुग्णांना मोफत रक्त मिळणार असल्याची घोषणा आरोग्यमंत्री राजेश टोपे यांनी केली. रक्त तुटवड्याच्या पार्श्वभूमीवर राजेश टोपे व खासदार सुप्रिया सुळे यांनी रक्तदान करून नागरिकांना रक्तदानासाठी आवाहन केले. ‘आधी केले मग सांगितले’ या उक्तीनुसार आरोग्यमंत्री टोपे यांनी रक्तदान करून त्याद्वारे नागरिकांना रक्तदान करण्याचा संदेश दिला.

दुपारी यशवंतराव चव्हाण प्रतिष्ठान येथे राज्य रक्तसंक्रमण परिषदेच्या माध्यमातून रक्तदान शिबीर आयोजित करण्यात आले. आरोग्यमंत्री टोपे यांच्यासह खासदार श्रीमती सुळे आणि कार्यकर्त्यांनी रक्तदान केले. यावेळी आरोग्य संचालक डॉ. साधना तायडे, राज्य रक्त संक्रमण परिषदेचे डॉ. अरूण थोरात आदी उपस्थित होते.

यावेळी टोपे म्हणाले, शासकीय रुग्णालयात रक्तावरील प्रकियेसाठी ८०० रुपये शुल्क आकारले जाते. आता शासकीय रुग्णालयात उपचार सुरू असलेल्या रुग्णाला रक्ताची गरज भासल्यास त्याला मोफत रक्त उपलब्ध करून देण्याचा निर्णय घेण्यात आला. राष्ट्रीय आरोग्य अभियानाच्या माध्यमातून हा उपक्रम राबविण्यात येणार असल्याचे आरोग्यमंत्र्यांनी सांगितले.

एखाद्याचा जीव वाचविण्यासाठी रक्त हा घटक किती महत्त्वाचा आहे याची सर्वांना जाणीव आहे. राज्यात सुमारे ३४४ ब्लड बँक कार्यरत आहेत. त्यामध्ये काही दिवस पुरेल एवढाच रक्तसाठा उपलब्ध आहे. कोरोनामुळे महाविद्यालये बंद आहेत. खासगी कंपन्यांचे ‘वर्क फ्रॉम होम’ सुरू आहे आणि सोशल डिस्टंसिंगच्या मर्यादेमुळे रक्तदान शिबीरे आयोजित करण्यावर मर्यादा येत आहेत. या साऱ्यांमुळे रक्तदान कमी होत आहे. एरवी महाराष्ट्र देशात रक्त संकलानात अग्रेसर आहे. मात्र आता कोरोनामुळे रक्तटंचाईला सामोरे जावे लागत आहे. त्यामुळे रक्तदान करणे हाच एक पर्याय असल्याचे आरोग्यमंत्र्यांनी सांगितले.

रक्त तयार करता येत नाही आणि संकलन केलेले रक्त दीर्घकाळ साठवता येत नाही त्यामुळे सातत्याने रक्तदान शिबिरांचे आयोजन करणे आवश्यक आहे. ज्येष्ठ नेते खासदार शरद पवार यांच्या वाढदिवसानिमित्त १३ ते २० डिसेंबर दरम्यान स्वाभिमान सप्ताह साजरा केला जाणार असून त्यानिमित्त प्रत्येक तालुक्यात रक्तदान शिबिराचे आयोजन करण्यात येणार असल्याचे त्यांनी सांगितले. नागरिकांनी आपल्या वाढदिवशी, लग्नाच्या वाढदिवशी अशा विविध प्रसंगाचे औचित्य साधून वर्षातून दोन वेळेस रक्तदान करण्याचे आवाहनही आरोग्यमंत्र्यांनी केले.

राज्यात शनिवारपासून (१२ डिसेंबर) सर्व शासकीय रुग्णालयांमधील रुग्णांना मोफत रक्त मिळणार- आरोग्यमंत्री @rajeshtope11 यांची घोषणा pic.twitter.com/CdvEPZ4SjP

— MAHARASHTRA DGIPR (@MahaDGIPR) December 10, 2020

The post दिलासादायक : शनिवारपासून सर्व शासकीय रुग्णालयांमधील रुग्णांना मोफत रक्त मिळणार appeared first on थोडक्यात घडामोडी.