मुंबई : ”उद्धव ठाकरे यांना संपूर्ण देश जेवढा ओळखत नाही, तेवढा मी चांगल्या प्रकारे ओळखतो. ते विश्वास ठेवण्यासारखे नाहीत. उद्धव बोलतात एक व करतात दुसरेच. शिवसेनेतील फुटीचे श्रेय भाजपला नव्हे, तर स्वतः सेना नेतृत्वाला जात असल्याची टीका मनसेचे अध्यक्ष राज ठाकरे यांनी केली. ते एका वृत्तवाहिनीला दिलेल्या मुलाखतीत बोलत होते.

राज ठाकरे म्हणाले की, बाळासाहेब ठाकरे असते तर शिवसेनेत बंडखोरी झालीच नसती. ते शक्यच नव्हते. शिवसेनेकडे एक पक्ष म्हणून पाहू नका. बाळासाहेब होते तोपर्यंत माणसे एका विचाराने बांधली गेली होती. बाळासाहेब होते तोपर्यंत एक विचार होता आणि त्या विचाराने माणसे बांधलेली होती. शिवसेनेची वाटचाल ऱ्हासाकडे सुरू झाली आहे. त्यामुळे हळहळ करण्यात अर्थ नाही.

राज पुढे म्हणाले की, सद्य:स्थितीत ‘मातोश्री’ संकटात असल्याचा दावा केला जात आहे. त्यात कोणतेही तथ्य नाही. मातोश्री एक वास्तू आहे. त्यावर कोणतेही संकट नाही. वास्तू व संघटना वेगळी असते. सध्या संघटना म्हणजे शिवसेना लयास जाण्याच्या दिशेने वाटचाल करत आहे. तसेच खासदार संजय राऊत यांच्यामुळे सेनेत बंडखोरी झाली नाही. त्यांचा यात काय संबंध? ते रोज सकाळी टीव्हीवर येतात, अहंकारात काहीतरी बोलतात. ते तेवढ्यापुरते होते. त्यांच्या वक्तव्यांनी आमदार फुटत नाहीत.

उद्धवमुळे शिवसेना फुटली
राज यांनी सांगितले की उपमुख्यमंत्री देवेंद्र फडणवीस व मी चांगले मित्र आहोत. मला भेटण्यासाठी फडणवीस घरी आले होते. तेव्हा मी त्यांना म्हटले की, उगाच फुकटचे श्रेय तुम्ही घेऊ नका. त्यावर ते जोरजोरात हसायला लागले. जी गोष्ट घडली ती ना फडणवीसांनी घडवली, ना अमित शहा यांनी घडवली, ना भाजपने, ना अजून इतर कोणी घडवली. शिवसेना फुटण्याचे श्रेय केवळ उद्धव ठाकरे यांना जाते. हे काही शिवसेनेमध्ये एकदा घडलेले नाही. आजपर्यंत अनेक मोठे नेते, आमदार बाहेर पडले. मी बाहेर पडलो होतो, तेव्हाची आणि आताचीदेखील कारणे एकच आहेत. या संपूर्ण गोष्टीला उद्धव जबाबदार आहेत.

The post उद्धव ठाकरे विश्वास ठेवण्यासारखे नाहीत, शिवसेना फुटण्याचे श्रेय त्यांनाच – राज ठाकरे appeared first on थोडक्यात घडामोडी.

मुंबई : मनसे अध्यक्ष राज ठाकरे यांच्यावर गेल्या महिन्यात लीलावती रुग्णालयात शस्त्रक्रिया पार पडली. शस्त्रक्रियेनंतर अनेक नेते मंडळी आणि निकटवर्तियांना राज ठाकरे यांची सदिच्छा भेट घेतली. त्यातच आता ज्येष्ठ गायिका आशा भोसले यांनी देखील राज ठाकरे यांचं निवासस्थान शिवतीर्थावर त्यांची भेट घेतली. या भेटीचे फोटो सध्या सोशल मीडियावर व्हायरल होत आहेत.

गेल्या अनेक दिवसांपासून राज ठाकरे यांच्या पायाचं दुखणं वाढलं असल्यानं डॉक्टरांनी त्यांना शस्त्रक्रिया करण्याचा सल्ला दिला होता. या साठी जूनच्या पहिल्या आठवड्यात ते रुग्णालयात दाखल झाले असता कोरोनामुळे त्यांच्यावर होणारी शस्त्रक्रिया पुढे ढकलण्यात आली होती. त्यानंतर काही दिवसांनी डॉ. विनोद अग्रवाल आणि त्यांच्या वैद्यकीय सहकाऱ्यांनी त्यांच्यावर यशस्वी शस्त्रक्रिया केली.

मंगेशकर कुटुंबीय आणि राज ठाकरे यांचे कौटुंबिक संबंध आहेत. राज ठाकरे नेहमी लतादिदींच्या घरी जायचे. लतादिदींच्या निधनानंतर आता आशाताईंनी राज यांची शिवतिर्थ बंगल्यावर जाऊन भेट घेतली. मनसेच्या अधिकृत अकाऊंटवरुन या भेटीचे फोटो शेअर करण्यात आले आहेत.

महाराष्ट्र नवनिर्माण सेनेचे अध्यक्ष मा. श्री. राजसाहेब ठाकरे यांच्या तब्येतीची विचारपूस करण्यासाठी ख्यातनाम पार्श्वगायिका श्रीमती आशाताई भोसले यांनी शिवतीर्थ निवासस्थानी त्यांची भेट घेतली.#MNSAdhikrut pic.twitter.com/LGEl2KQlbP

— MNS Adhikrut – मनसे अधिकृत (@mnsadhikrut) July 21, 2022

The post ज्येष्ठ गायिका आशा भोसले यांनी घेतली राज ठाकरे यांची भेट appeared first on थोडक्यात घडामोडी.

मुंबई : मनसे अध्यक्ष राज ठाकरे यांच्या पायावर १ जून रोजी शस्त्रक्रिया करण्यात येणार आहे. त्यासाठी राज ठाकरे मंगळवारी लीलावती रुग्णालयात दाखल होणार आहेत. राज ठाकरे हे ५ जूनला अयोध्या दौऱ्यावर जाणार होते. मात्र, पायाच्या दुखण्यामुळे त्यांना अयोध्या दौरा रद्द करावा लागला होता. त्यानंतर राज ठाकरे यांच्या पायाची शस्त्रक्रिया होणार असल्याचे निश्चित झाले होते. अखेर या शस्त्रक्रियेसाठी १ जून ही तारीख निश्चित झाली आहे. शस्त्रक्रिया झाल्यानंतर त्यांना साधारण दोन महिन्यांची सक्तीची विश्रांती घ्यावी लागणार आहे.

राज ठाकरे यांनी काही दिवसांपूर्वीच एका कार्यक्रमात आपल्या शस्त्रक्रियेबद्दल माहिती दिली होती. आपण आरोग्यासंदर्भातील पथ्यपाणी खूप गांभीर्याने घेतल्या पाहिजेत. मात्र, आपण आज करु, उद्या करू, या नादात कायम टाळाटाळ करत राहतो. मला सध्या त्रास होत असल्यामुळे मला या सगळ्याची जाणीव होत आहे. त्यामुळे आपण सगळ्यांनी आरोग्याची काळजी घेणे गरजेचे आहे, असे राज ठाकरे म्हटले होते.

मी खरंतर बॅडमिंटन, क्रिकेट खेळणारा, टेनिस खेळणारा आहे. पण सध्या मला कोणताही व्यायाम करता येत नाहीये. मला कुठलाही खेळ खेळता येत नाही. त्यामुळे मी त्या गोष्टीला विटलो आणि म्हणालो एकदाचं ऑपरेशन करून टाकू. अर्थात त्यानंतर मला फार धावता येईल, असंही नाहीये. पण त्यानंतर सगळं सुरळीत होईल, असे डॉक्टरांचे मत असल्याचे राज ठाकरे यांनी सांगितले होते. जवळपास ३५ वर्षे माझं वजन ६३ किलो इतकंच होतं. पण त्यानंतर वजन आणि इतर गोष्टी वाढायला लागल्या. आपण आरोग्यासंदर्भातील पथ्यपाणी खूप गांभीर्याने घेतल्या पाहिजेत, असे राज ठाकरे यांनी म्हटले.

The post राज ठाकरे लीलावती रुग्णालयात दाखल होणार, १ जूनला होणार शस्त्रक्रिया appeared first on थोडक्यात घडामोडी.

मुंबई : मनसे अध्यक्ष राज ठाकरे यांचा अयोध्या दौरा स्थगित झाल्याच्या बातमीवर अखेर शिक्कामोर्तब झाले आहे. आज सकाळपासून अयोध्या दौरा रद्द होणार असल्याची जोरदार चर्चा होती. अखेर राज ठाकरे यांनी स्वत: ट्विट करत तूर्तास अयोध्या दौरा स्थगित करत असल्याचे स्पष्ट केले.

#अयोध्या #Ayodhya pic.twitter.com/rFbkDT9Is1

— Raj Thackeray (@RajThackeray) May 20, 2022

दौरा रद्द करण्यामागील कारण राज ठाकरे यांनी अद्याप स्पष्ट केलेले नाही. पुण्यात २२ मे रोजी राज ठाकरे यांची सभा होणार आहे. यावेळी राज ठाकरे मनसैनिकांसमोर याबाबत स्पष्टीकरण देतील. पुण्याच्या गणेश कला क्रीडा केंद्राच्या सभागृहात रविवारी सकाळी १० वाजता राज ठाकरे यांची सभा होणार आहे.

The post मनसे अध्यक्ष राज ठाकरे यांचा अयोध्या दौरा स्थगित, स्वतःच दिली माहिती… appeared first on थोडक्यात घडामोडी.

पुणे : मनसे अध्यक्ष राज ठाकरे यांच्या पुण्यातील सभेची तारीख ठरली आहे. राज यांची २१ तारखेची सभा आता २२ मे रोजी (रविवारी) होणार आहे. पुण्याच्या स्वारगेट परिसरातील गणेश कला क्रीडा रंगमंच इथे सायंकाळी ७ वाजण्याच्या सुमारास राज ठाकरे यांची जाहीर सभा होईल, अशी माहिती मनसे नेते बाळा नांदगावकर यांनी दिली आहे.

राज ठाकरे येत्या ५ जूनला अयोध्या दौऱ्यावर जाणार आहेत. अयोध्या दौऱ्याआधी राज ठाकरे पुण्यात जाहीर सभा घेणार आहेत. पहिल्यांदा २१ मे रोजी राज ठाकरे यांच्या सभेचं नदीपात्रात आयोजन करण्यात आलं होतं, पण पावसाची शक्यता लक्षात घेता सभेचं नियोजन बदलून आता ती सभा रविवारी २२ मे रोजी गणेश कला क्रीडा रंगमंच इथे होणार आहे.

आज मनसे नेते बाळा नांदगावकर यांनी राज ठाकरे यांची भेट घेतली. या भेटीत त्यांची पुण्याच्या जाहीर सभेबाबत चर्चा झाली. राज ठाकरे यांना अयोध्या दौऱ्याआधी खूप विषयांवर बोलायचे आहे. म्हणूनच या सभेचं आयोजन केलेलं आहे. २१ तारखेची नदीपात्रातील सभा, त्यात पावसाचा धोका लक्षात घेऊन ती सभा रद्द करण्याचा निर्णय घेण्यात आला. राज ठाकरे यांची परवानगी घेऊन मनसे पदाधिकाऱ्यांनी सभेची तारीख आणि ठिकाण बदलण्याचा निर्णय घेतल्याचं बाळा नांदगावकर म्हणाले.

The post राज ठाकरे यांच्या पुण्यातील सभेची तारीख, ठिकाण आणि वेळ ठरली… appeared first on थोडक्यात घडामोडी.

मुंबई : सांगलीतील शिराळा येथील न्यायालयाने 6 एप्रिल रोजी मनसे अध्यक्ष राज ठाकरे यांच्या विरोधात 2008 च्या आयपीसी 143, 109, 117, 7 मधील फौजदारी दुरुस्ती आणि 135 मधील खटल्याच्या संदर्भात अजामीनपात्र वॉरंट जारी केले होते. एका जुन्या प्रकरणात हे वॉरंट जारी करण्यात आल्याची माहिती आहे. ६ एप्रिल रोजी हे वॉरंट जारी करूनही अद्याप राज यांच्यावर कारवाई का करण्यात आली नाही, असा सवालही कोर्टाने पोलिसांना विचारल्याचं सांगितलं जात आहे.

न्यायालयाने मुंबई पोलीस आयुक्तांना अजामीनपात्र वॉरंटमध्ये मनसे अध्यक्ष राज ठाकरे यांना अटक करून न्यायालयात हजर करण्याचे आदेश दिले होते, मात्र, मुंबई पोलिसांनी अद्याप या आदेशाची अंमलबजावणी केलेली नाही.

दरम्यान, काही महिन्यांपूर्वी राज ठाकरे यांच्याविरोधात बीडमधील परळी न्यायालयानेही अटक वॉरंट जारी केले होते. २००८ साली राज ठाकरे यांच्या समर्थनार्थ परळीत मनसेच्या कार्यकर्त्यांनी परिवहन महामंडळाच्या बसेसवर दगडफेक केली होती. याप्रकरणात गुन्हा दाखल होऊन हे प्रकरण न्यायालयात गेले होते. यानंतर राज ठाकरे यांना अनेकदा न्यायालयात उपस्थित राहण्यास सांगण्यात आले होते. परंतु, राज ठाकरे एकाही सुनावणीला हजर राहिले नव्हते. जामीन देऊनही सतत तारखेला गैरहजर राहिल्याने अजामीनपात्र वॉरंट जारी केले होते.

The post मोठी बातमी! राज ठाकरे यांच्याविरोधात अजामीनपात्र वॉरंट जारी, न्यायालयाने दिले ‘हे’ आदेश appeared first on थोडक्यात घडामोडी.

मुंबई : ठाणे महापालिका प्रशासनाने शहरातील पदपथ आणि रस्ते अडविण्याऱ्या फेरीवाल्यांविरोधात मोहीम हाती घेतली आहे. त्यानुसार, महापालिकेच्या माजिवडा-मानपाडा प्रभाग समितीच्या सहायक आयुक्त कल्पिता पिंपळे यांच्या पथकामार्फत सोमवारी कारवाई सुरू होती. यावेळी कल्पिता पिंपळे यांच्यावर एका फेरीवाल्याने जीवघेणा हल्ला केला आहे. या हल्ल्यात कल्पिता पिंपळे यांची तीन बोटे कापली गेली असून त्यांच्या दुसऱ्या हाताला आणि डोक्यावर देखील जबर मार लागला आहे. पिंपळे यांच्या अंगरक्षकाच्याही डाव्या हाताचे बोट कापले गेले आहे. या प्रकरणावर मनसे अध्यक्ष राज ठाकरे यांनी संताप व्यक्त केला आहे.

मिळालेल्या माहितीनुसार, सोमवारी सायंकाळी पिंपळे यांच्या पथकाने कासारवडवली येथील बाजारपेठेत भाजीविक्रेता अमरजीत यादव याची गाडी जप्त केली. त्यानंतर अमरजीत याने पिंपळे यांच्या पाठीमागून येऊन त्यांच्या डोक्यावर सुऱ्याने वार करण्याचा प्रयत्न केला. हा हल्ला वाचविण्यासाठी पिंपळे यांनी सुरा पकडला. मात्र, त्यावेळी त्यांच्या डाव्या हाताची तीन बोटे कापली गेली. पिंपळे यांच्या बचावासाठी गेलेल्या त्यांच्या अंगरक्षकावरही अमरजीतने हल्ला केला. यात त्याच्याही डाव्या हाताचे बोट कापले गेले. पोलिसांनी या फेरीवाल्याला ताब्यात घेतले आहे.

मनसे अध्यक्ष राज ठाकरे यांनी या प्रकरणावर संताप व्यक्त करत म्हटलं कि, “महिला अधिकाऱ्यावर हल्ला करणारा आरोपी पोलिसांकडून जेव्हा सुटेल तेव्हा आमच्याकडून मार खाईल. यांची मस्ती उतरवली पाहिजे. ह्यांची जेव्हा सगळी बोटं छाटली जातील आणि यांना फेरीवाला म्हणून फिरता येणार नाही तेव्हा त्यांना कळेल. अशा प्रकारे अधिकाऱ्यावर हल्ला करण्याची हिंमत कशी होते यांची? आम्ही त्यांचा जाहीर निषेध करतो. काही लोक सुधारणारे नाहीत. यांची हिंमत ठेचलीच पाहिजे. सरकारी अधिकाऱ्याची बोटं छाटता? आज अटक झाली आहे उद्या जामीन मिळेल. परत दुसऱ्याची बोटं तोडायला बाहेर येतील.”

या घटनेनंतर पोलिसांनी अमरजीतला ताब्यात घेतले. त्यानंतर महापालिकेच्या वरिष्ठ अधिकाऱ्यांनी कासारवडवली पोलीस ठाण्यात अमरजीत विरोधात तक्रार नोंदविली.

The post महिला अधिकाऱ्यावर हल्ला करणारा फेरीवाला पोलिसांकडून सुटेल तेव्हा… राज ठाकरे यांनी व्यक्त केला संताप appeared first on थोडक्यात घडामोडी.

पुणे : महाराष्ट्र नवनिर्माण सेनेचे अध्यक्ष राज ठाकरे यांनी केंद्रीय मंत्रिमंडळात वर्णी लागलेले खासदार नारायण राणे यांचं अभिनंदन केलं आहे. तसंच, पुढील वाटचालीसाठी त्यांना शुभेच्छा दिल्या आहेत. शिवसेना, काँग्रेस, स्वत:चा स्वाभिमान पक्ष आणि आता भाजप असा प्रवास करणारे नारायण राणे यांना मोदी सरकारमध्ये सूक्ष्म, लघु व मध्यम खात्याची जबाबदारी देण्यात आली आहे. शिवसेनेत असताना नारायण राणे यांचे राज ठाकरेंशी चांगले संबंध होते.

पुण्यात झालेल्या पत्रकार परिषदेत राज ठाकरे यांना प्रश्न विचारला असता ते म्हणाले कि, “मी नारायण राणे यांना फोन केला होता. मात्र, त्यांचे दोन्ही फोन बंद होते. त्यांच्या मुलांचेही फोन बंद होते. त्यामुळे शुभेच्छा देता आल्या नाहीत. पुन्हा फोन करेन, असं ते काल म्हणाले होते. त्यानंतर आज सकाळी त्यांनी नारायण राणे यांच्याशी फोनवरून चर्चा केली व मंत्रिपदाबद्दल अभिनंदन केले.

The post मनसे अध्यक्ष राज ठाकरे यांनी केलं नारायण राणे यांचं अभिनंदन appeared first on थोडक्यात घडामोडी.

मुंबई : मनसे अध्यक्ष राज ठाकरे यांचा कुत्रा ‘जेम्स’चे 28 जून रोजी रात्री निधन झाले. लाडक्या कुत्र्याच्या निधनाने राज ठाकरेंना मोठा धक्का बसला आहे. राज ठाकरे हे श्वान प्रेमी असून ग्रेट डेन प्रजातीचा जेम्स अनेक वर्ष त्यांच्यासोबत होता. वयोमानानुसार जेम्सने काल अखेरचा श्वास घेतला.

राज ठाकरे अनेक ठिकाणी जेम्सला सोबत घेऊन जात असायचे. राज ठाकरे यांच्याकडे एकूण तीन ग्रेट डेन होते. त्यापैकी बॉन्ड आणि शॉन यांचा याआधीच मृत्यू झाला असून आता जेम्सचाही मृत्यू झाला आहे. जेम्सला अखेरचा निरोप देताना राज ठाकरे भावूक झाल्याचे दिसून आले. यावेळी त्यांनी जेम्सच्या डोक्यावरून हात फिरवला.

The post राज ठाकरे यांचा लाडका जेम्स गेला, जेम्सच्या डोक्यावरून हात फिरवत दिला अखेरचा निरोप appeared first on थोडक्यात घडामोडी.

मनसे अध्यक्ष राज ठाकरे यांच्याकडे आपल्या अडचणी मांडण्यासाठी आज कोळी बांधव आणि वारकरी कृष्णकुंजवर आले आहेत. सरकारने राज्यात अद्यापही मंदिरे उघडण्यास परवानगी दिलेली नाहीये. कार्तिकी एकादशीही जवळ आल्यानं पंढरपूर मंदिर सुरु करावं, अशी मागणी वारकऱ्यांनी केली आहे. त्यासंदर्भात आज राज ठाकरे यांच्या भेटीसाठी वारकरी आले होते.

राज ठाकरेंनीही वारकरी जमले तर गर्दी होणार नाही का? यासाठी काही उपाययोजना करायला हव्यात, अशी शंका उपस्थित केली आहे. दरम्यान, मुंबईतल्या कोळी बांधवांनी गावठाणाची जमीन मालकी दिली जात नाही, अशी तक्रार राज ठाकरेंकडे मांडली आहे. राज ठाकरेंकडे आमच्या समस्यांवर मार्ग नक्कीच मिळेल, अशी आशा त्यांनी व्यक्त केली आहे.

‘वारकरी संप्रदायाला कार्तिकी वारीसाठी परवानगी देण्यात यावी; आम्ही कोरोना काळातील सर्व मार्गदर्शक तत्त्वांचं पालन करू, परंतु पंढरपुरातील संचारबंदी शिथिल करावी’ ह्या मागणीसह वारकऱ्यांनी राजसाहेबांची भेट घेतली. राज्य सरकारशी बोलून कळवतो, असं राजसाहेबांनी आश्वस्त केलं. #वारकरीपरंपरा pic.twitter.com/6OQ3YtkCoo

— MNS Adhikrut – मनसे अधिकृत (@mnsadhikrut) November 11, 2020

The post कोळी बांधव आणि वारकरी आपल्या अडचणी मांडण्यासाठी ‘कृष्णकुंज’वर appeared first on थोडक्यात घडामोडी.