बेंगळुरू : ऑपरेशन सिंदूर संदर्भात मोठा खुलासा करताना भारतीय हवाई दलाचे प्रमुख एअर चीफ मार्शल ए.पी. सिंग यांनी शनिवारी सांगितले की, भारताच्या हवाई संरक्षण जमिनीवरून हवेत मारा करणाऱ्या क्षेपणास्त्र प्रणालींनी पाच पाकिस्तानी लढाऊ विमाने आणि एक AEW&C/ELINT विमान नष्ट केले. हे विशेष लष्करी विमान हवाई देखरेख आणि पूर्वसूचना यासाठी डिझाइन केलेले होते.

बेंगळुरू येथे आयोजित वार्षिक ‘एअर मार्शल कात्रे व्याख्यान’ कार्यक्रमात बोलताना एअर चीफ मार्शल सिंग यांनी सांगितले की, पाकिस्तानी लढाऊ विमाने ३०० किलोमीटर अंतरावर पाडण्यात आली. ते पुढे म्हणाले की, पाकिस्तानातील जैकबाबाद येथे पाकिस्तानी हवाई दलाची काही पार्क केलेली एफ-१६ लढाऊ विमाने देखील भारतीय हवाई दलाने यशस्वीरित्या नष्ट केली.

या खुलाशामुळे भारत-पाकिस्तान तणावाच्या पार्श्वभूमीवर ऑपरेशन सिंदूरची व्याप्ती आणि भारतीय हवाई दलाची लढाऊ क्षमता पुन्हा अधोरेखित झाली आहे.

The post ऑपरेशन सिंदूर: भारतीय हवाई दलाने ५ पाकिस्तानी विमाने व AEW&C पाडली; एअर चीफ मार्शल ए.पी. सिंग यांचा मोठा खुलासा appeared first on थोडक्यात घडामोडी.

पश्चिम बंगाल : पश्चिम बंगालमधील बागडोगरा येथे आपत्कालीन लँडिंग दरम्यान भारतीय हवाई दलाचे AN-32 वाहतूक विमान कोसळले. हवाई दलाच्या अधिकाऱ्यांनी दिलेल्या माहितीनुसार, विमानातील सर्व क्रू मेंबर्स सुरक्षित आहेत. हवाई दलाचे पथक घटनास्थळी पोहोचले असून बचावकार्य सुरु आहे.

आजच, हरियाणामध्ये हवाई दलाचे एक जॅग्वार लढाऊ विमान कोसळले. या अपघातात, पायलट पॅराशूटच्या मदतीने वेळेवर सुरक्षितपणे बाहेर पडला. पोलिस अधिकाऱ्यांच्या म्हणण्यानुसार, वैमानिकाने हुशारी दाखवली आणि गर्दीच्या क्षेत्रापासून दूर विमान कोसळले, त्यामुळे जमिनीवर कोणतीही जीवित किंवा मालमत्तेची हानी झाली नाही. हा अपघात मोरनी हिल्सजवळ घडला. वैमानिक पूर्णपणे सुरक्षित आहेत. पंचकुलाचे पोलिस उपायुक्त हिमाद्री कौशिक यांनीही सांगितले की, विमान रायपूर राणी परिसरात कोसळले आहे. मिळालेल्या माहितीनुसार, हे विमान अंबाला एअरबेसवरून नियमित प्रशिक्षण उड्डाणासाठी निघाले होते. मात्र, एकाच दिवसात हवाई दलाच्या विमान अपघातांच्या दोन घटना घडल्या आहेत. भारतीय हवाई दलाने दोन्ही अपघातांचा तपास सुरू केला आहे.

A Jaguar aircraft of the IAF crashed at Ambala, during a routine training sortie today, after encountering system malfunction. The pilot maneuvered the aircraft away from any habitation on ground, before ejecting safely.

An inquiry has been ordered by the IAF, to ascertain the…

— Indian Air Force (@IAF_MCC) March 7, 2025

The post भारतीय हवाई दलाचे AN-32 विमान पश्चिम बंगालमध्ये कोसळले; एकाच दिवशी हवाई दलाच्या दोन विमानांचा अपघात appeared first on थोडक्यात घडामोडी.

राजस्थान : गुरुवारी रात्री भारत-पाकिस्तान सीमेवरील बारमेर जिल्ह्यात भारतीय हवाई दलाचे मिग 21 लढाऊ विमान कोसळले. अपघातानंतर विमानाचे अवशेष सुमारे एक किलोमीटर परिसरात पसरले आणि त्याला आग लागली. विमानात उपस्थित असलेले दोन्ही वैमानिक या अपघातात शहीद झाले. मिग अपघाताच्या घटनेने गावकऱ्यांमध्ये घबराट पसरली आहे. या प्रकरणाची सखोल चौकशी करण्याचे आदेश कोर्ट ऑफ इन्क्वायरीला देण्यात आले आहेत.

मिळालेल्या माहितीनुसार, भारतीय वायुसेनेचे मिग-21 लढाऊ विमान रात्री 9 वाजण्याच्या सुमारास बारमेर जिल्ह्यातील बैतू पोलीस स्टेशन क्षेत्रातील भीमडा गावात कोसळले. यात विमानाला आग लागली. माहिती मिळताच पोलीस आणि अग्निशमन दलासह जिल्हा प्रशासनाचे पथक घटनास्थळी पोहोचले. अपघाताची माहिती मिळताच हवाई दलाचे अधिकारीही घटनास्थळी पोहोचले.

मिग-21 ट्रेनर विमानाचे दोन पायलट या अपघातात शहीद झाल्याची माहिती भारतीय हवाई दलाने ट्विट करून दिली. हवाई दलाने वैमानिकांच्या हौतात्म्याबद्दल शोक व्यक्त केला. ट्विटमध्ये एमओडीच्या प्रवक्त्याने दोन्ही वैमानिकांच्या हौतात्म्याला सलाम केला आहे. त्यापैकी एक विंग कमांडर एम राणा आहे, जे हिमाचल प्रदेशातील मंडी येथील होते आणि दुसरे फ्लाइट लेफ्टनंट अद्वितीय बल आहेत, जे जम्मू आणि काश्मीरचे असल्याचे सांगितले जात आहे.

Salute to 2 brave #IAF pilots who lost their lives in Mig-21 trainer crash yesterday near Barmer. They were on routine night mission
While Wg Cdr M Rana commissioned in Dec 05 & was Flt Cdr of the Sqn, young Flt Lt Advitiya Bal was a budding fighter pilot commissioned in Jun 2018 pic.twitter.com/uF7zGx0RWE

— A. Bharat Bhushan Babu (@SpokespersonMoD) July 29, 2022

कोर्ट ऑफ इन्क्वायरीचे आदेश : भारतीय हवाई दलाने अपघाताचे कारण शोधण्यासाठी कोर्ट ऑफ इन्क्वायरीचे आदेश दिले आहेत. त्याचवेळी संरक्षण मंत्री राजनाथ सिंह यांनीही भारतीय हवाई दलाचे प्रमुख एअर चीफ मार्शल व्हीआर चौधरी यांच्याशी मिग-21 लढाऊ विमान बाडमेरमध्ये कोसळल्यानंतर चर्चा केली. हवाईदल प्रमुखांनी त्यांना घटनेची सविस्तर माहिती दिली.

दोन्ही वैमानिकांनी अनेकांचे प्राण वाचवले : दोन्ही वैमानिकांनी बुद्धिमत्ता आणि अदम्य धैर्याचे उदाहरण घालून दिले. प्रत्यक्षदर्शींच्या म्हणण्यानुसार, मिग आकाशात आगीच्या गोळ्यासारखे बनले होते आणि गावाभोवती प्रदक्षिणा घालत होते. वैमानिकांना विमान सुरक्षित ठिकाणी उतरवायचे होते. उपअधीक्षक जग्गुराम यांनी सांगितले की, विमान गावाजवळून जात होते. यादरम्यान आग लागली. दोन्ही वैमानिकांनी रिकाम्या जागेत विमान उतरवण्याचा प्रयत्न केला, मात्र विमान कोसळले. विमानाला आग लागल्याचे स्थानिकांनी सांगितले. अशा परिस्थितीत पायलटने आपला जीव धोक्यात घालून विमान गावापासून दूर एका रिकाम्या जागेवर उतरवण्याचा प्रयत्न केला, पण विमान कोसळले. गावात विमान कोसळले असते तर मोठी दुर्घटना घडू शकली असती.

The post मिग-21 लढाऊ विमान अपघात : विंग कमांडर एम राणा आणि फ्लाइट लेफ्टनंट अद्वितीय बल शहीद appeared first on थोडक्यात घडामोडी.

भारतीय हवाई दल (IAF) ने विविध आर्मी एअर स्टेशन्स/युनिट्समध्ये गट ‘C’ नागरी पदांच्या भरतीसाठी अर्ज मागवले आहेत. यासाठी 10वी-12वी उत्तीर्ण उमेदवार अर्ज करू शकतात. अधिकृत वेबसाइट davp.nic.in वर याबाबत अधिसूचना जारी करण्यात आली आहे. अर्ज करण्याची अंतिम तारीख अधिसूचना जारी झाल्यापासून ३० दिवस म्हणजे ३० नोव्हेंबर आहे.

भारतीय हवाई दल गट C भर्ती २०२१ 

पदांचा तपशील :

• निम्न विभागीय लिपिक (LDC) – 10 पदे
• सुप्रिटेंडन्ट – 01 पद
• कुक – 04 पदे
• सुतार (कार्पेन्टर) – 01 पद
• सिव्हिलियन मेकॅनिकल ट्रान्सपोर्ट ड्रायव्हर – 45 पदे
• फायरमॅन – 01 पदे
• मल्टी टास्किंग स्टाफ – 18 पदे

अर्जासाठी वयोमर्यादा 18 ते 25 वर्षे निश्चित करण्यात आली आहे. राखीव प्रवर्गातील उमेदवारांना वयात सवलत दिली जाईल. सर्व पदांसाठी शैक्षणिक पात्रता वेगळी आहे. पदवीधर उमेदवार अधीक्षक पदासाठी अर्ज करू शकतात, तर 12वी उत्तीर्ण LDC पदांसाठी अर्ज करण्यास पात्र आहेत. 10वी पास उमेदवार इतर पदांसाठी अर्ज करू शकतात. उमेदवारांना अधिसूचनेतील तपशीलवार माहिती तपासावी लागेल. लेखी चाचणी, कौशल्य चाचणी आणि मुलाखतीद्वारे उमेदवारांची निवड केली जाईल.

अधिकारिक नोटिफिकेशन बघण्यासाठी येथे क्लीक करा

The post नोकरीची संधी! भारतीय हवाई दलात ग्रुप C पदांसाठी भरती, 10वी-12वी उत्तीर्ण उमेदवार करू शकतात अर्ज appeared first on थोडक्यात घडामोडी.

अफगाणिस्तानची राजधानी काबूलमधून 168 लोकांना घेऊन हवाई दलाचे विमान गाझियाबादमधील हिंडन एअरबेसवर पोहोचले आहे. यापैकी 107 भारतीय आहेत. यापूर्वी काबूलमधून बाहेर काढलेले इतर 87 भारतीय आज सकाळी एअर इंडियाच्या विमानाने दिल्लीला पोहोचले होते. यामध्ये 2 नेपाळींचा समावेश आहे. हे लोक 2 विमानांनी भारतात पोहोचले आहेत. त्यांना यापूर्वी ताजिकिस्तानची राजधानी दुशांबे आणि कतारची राजधानी दोहा येथे पाठवण्यात आले होते. तेथून त्यांना काल रात्री भारतात पाठवण्यात आले. त्याचवेळी, भारतीय हवाई दलाच्या आणखी एका विमानाने आज काबूलमधून उड्डाण केले आहे.

काबूलमधून भारतीयांना बाहेर काढण्याचे काम सुरूच आहे. यामध्ये अफगाणिस्तानच्या खासदार अनारकली होनरयार, नरेंद्र सिंह खालसा आणि त्या दोघांच्या कुटुंबांचा समावेश आहे. ते काबूल विमानतळावर आहेत आणि आज त्यांना भारतात आणले जाऊ शकते. काबुलहून येणाऱ्या पुढील विमानात 23 अफगाणी हिंदू आणि शीख यांचा समावेश असेल. इंडियन वर्ल्ड फोरमचे अध्यक्ष पुनीत सिंह चांधोक यांनी ही माहिती दिली आहे. तालिबान्यांनी शनिवारी ज्यांना सोबत घेतले त्यांच्यामध्ये होनयार आणि खालसा यांचा समावेश आहे. तालिबानने म्हटले होते की ते अफगाणी आहेत, त्यामुळे ते देश सोडू शकत नाहीत. मात्र, नंतर त्यांना सोडून देण्यात आले.

अफगाणिस्तानमध्ये अडकलेल्या भारतीयांच्या परतीचा मार्ग सुकर झाला आहे. काबूल विमानतळावरून भारताला दररोज दोन विमाने संचालित करण्याची परवानगी मिळाली आहे. अमेरिकन आणि नॉर्थ अटलांटिक ट्रीटी ऑर्गनायझेशन (NATO) सैन्याने शनिवारी यासाठी परवानगी दिली आहे. भारतीय परराष्ट्र मंत्रालयाने म्हटले आहे की आता ते लवकरच सर्व भारतीयांना परत आणतील. सध्या 300 भारतीय अडकल्याची माहिती आहे.

The post काबूलमधून 168 लोकांना घेऊन भारतात पोहोचले भारतीय हवाई दलाचे विमान, यापैकी 107 भारतीय appeared first on थोडक्यात घडामोडी.

परभणी : भारतीय हवाई दलातील जवान जिजाभाऊ किशनराव मोहिते यांच्यावर शनिवारी रात्री सव्वा दहा वाजता पूर्णा तालुक्यातील महागाव येथे अंत्यसंस्कार करण्यात आले. शहीद जिजाभाऊ यांच्या कुटुंबीयांनी धार्मिक रीतीनुसार अंत्यविधी पूर्ण केला. पोलीस दलाच्या तुकडीने बंदुकीच्या तीन फैरी हवेत झाडून त्यांना मानवंदना दिली. तसंच, हवाई दलाच्या वतीने पुष्पचक्र अर्पण करून मानवंदना देण्यात आली. तत्पूर्वी, शहीद जिजाभाऊचे पार्थिव दर्शनासाठी ठेवण्यात आले होते.

पठाणकोट येथे तैनात असलेल्या जिजाभाऊंची तब्येत अचानक बिघडली होती. त्यांच्यावर उपचार सुरू होते. त्यांना व्हेंटिलेटरवर ठेवण्यात आले होते. मात्र, अखेर गुरुवारी सायंकाळी त्यांची प्राणज्योत मालवली. काल रात्री नऊ वाजण्याच्या सुमारास त्यांचं पार्थिव महागाव इथं आणण्यात आलं. त्यानंतर परिसरातील नागरिकांनी त्यांचे अत्यंदर्शन घेतले. उपविभागीय अधिकारी सुधीर पाटील, खासदार संजय जाधव, नांदेडचे आमदार मोहनराव हंबर्डे, तहसीलदार श्रीमती पल्लवी टेमकर, सैनिक कल्याण कार्यालयाचे पाटील तसेच विविध पदाधिकारी, अधिकारी आणि नागरिकांनी पुष्पचक्र वाहून मोहित यांना श्रद्धांजली अर्पण केली. त्यानंतर त्यांना अखेरचा निरोप देण्यात आला, त्यांना अखेरचा निरोप देताना सर्वांचे डोळे पाणावले.

जिजाभाऊ यांचं वय अवघं २६ वर्षे होतं. मागील वर्षीच नांदेड जिल्ह्यातील मार्कंड या गावातील भाग्यश्री यांच्यासोबत त्यांचा विवाह झाला होता. त्यांच्या निधनामुळे हळहळ व्यक्त करण्यात येत आहे.

सलाम! शहीद मेजर विभूती धौंडियाल यांची पत्नी भारतीय सैन्यात दाखल, आजपासून ‘लेफ्टनंट नितिका धौंडियाल’

The post शहीद जवान जिजाभाऊ मोहिते यांना अखेरचा निरोप appeared first on थोडक्यात घडामोडी.

फ्रान्स येथून तीन राफेल विमाने रात्री उशिरा भारतात दाखल झाली. सात हजार किलोमीटरहून अधिक अंतराचे उड्डाण न थांबता पार करून ही तीन राफेल विमाने थेट भारतीय हवाई दलाच्या विमानतळावर लॅन्ड झाले. या विमानांच्या आगमनानंतर भारतीय हवाई दलाची ताकद आणखी वाढली आहे.

तिन्ही राफेल विमानांमध्ये इंधन भरण्याची प्रक्रिया हवेतच संयुक्त अरब अमिरातीच्या (युएई) मल्टी रोल टँकर ट्रान्सपोर्ट (एमआरटीटी) ने केली. हवाई दलाने सांगितले की नवीन राफेल विमाने आल्यानंतर आता या विमानांची संख्या 11 झाली आहे.

भारतीय वायुसेनेने ट्विट केले की, “तीन राफेल विमाने काही काळापूर्वी भारतीय हवाई दलाच्या तळावर दाखल झाले. या विमानांनी सात हजार किलोमीटरहून अधिक अंतराचे उड्डाण हवेत इंधन भरण्याच्या प्रक्रियेसह पार केले. युएईच्या हवाई दलाने दिलेल्या टँकर सपोर्टची भारतीय हवाई दल दाद देते.’

The third batch of three Rafale aircraft landed at an IAF base a short while ago. They flew over 7000Km with in-flight refuelling. The aircraft got airborne earlier in the day from #IstresAirBase in France. IAF deeply appreciates the tanker support provided by UAE Air Force. pic.twitter.com/tykLthzVlx

— Indian Air Force (@IAF_MCC) January 27, 2021

The post तीन राफेल विमानांची तिसरी तुकडी भारतात दाखल, न थांबता पार केले ७००० कि.मी. अंतर appeared first on थोडक्यात घडामोडी.

भारतीय हवाई दलाच्या सुखोई ३० एमकेआय लढाऊ विमानातून ‘ब्राह्मोस’ क्रुझ क्षेपणास्त्राची यशस्वी चाचणी घेण्यात आली. चाचणीसाठी पंजाबमधून उड्डाण करुन विमान बंगालच्या उपसागरात दाखल झाले. यानंतर चाचणी घेण्यात आली. याआधी तपासणी करण्यासाठी ‘ब्राह्मोस’ घेऊन उडत असलेल्या विमानात हवेतल्या हवेत इंधन भरण्यात आले.

भारताच्या हवाई सीमेच्या रक्षणासाठी सुखोई ३० एमकेआय या लढाऊ विमानांची स्क्वाड्रन सज्ज झाली आहे. तसेच हवाई दलात ‘ब्राह्मोस’ क्रुझ क्षेपणास्त्र कार्यरत झाले आहे. अतिशय उच्च दर्जाचे तंत्रज्ञान ‘ब्राह्मोस’ क्रुझ क्षेपणास्त्रासाठी वापरले जाते. जमिनीवरुन, समुद्रात कारर्यत युद्धनौकेवरुन तसेच लढाऊ विमानातून ‘ब्राह्मोस’च्या चाचण्या यशस्वी झाल्या.

ब्राह्मोस या क्रुझ क्षेपणास्त्राद्वारे ४०० किमी लांबच्या लक्ष्याचा अचूक लक्ष्यभेद करता येतो. एक रॅमजेट सुपरसॉनिक क्रुझ क्षेपणास्त्र असल्यामुळे ब्राह्मोस पाणबुडी, युद्धनौका, लढाऊ विमान, तसेच जमीनीवरील मोबाइल लाँचर यावरुन डागता येते. भारत आणि रशिया यांनी संयुक्तपणे या क्षेपणास्त्राची निर्मिती केली आहे. या क्षेपणास्त्राची पहिली आवृत्ती २९० किमी लांबच्या लक्ष्याचा अचूक लक्ष्यभेद करण्यास सक्षम होती. आणखी विकास करुन ब्राह्मोसचा पल्ला वाढवण्यात यश मिळाले आहे.

ब्राह्मोस क्षेपणास्त्र दिवसाच्या कोणत्याही वेळी आणि कोणत्याही वातावरणात निश्चित केलेल्या लक्ष्याचा अचूक भेद करण्यासाठी सक्षम आहे.

The post सुखोई लढाऊ विमानातून ‘ब्राह्मोस’ क्रुझ क्षेपणास्त्राची यशस्वी चाचणी appeared first on थोडक्यात घडामोडी.