नवी दिल्ली : रुग्णालयात एका नर्सने दोन महिन्यांच्या बाळाला अमानुष मारहाण केल्याची घटना घडली आहे. यात बाळाचा हातही फ्रॅक्चर झाल्याचं समोर आलं आहे. ही घटना 24 जुलै रोजी रात्री घडली. सीसीटीव्ही फुटेजमधून नर्सने बाळाला मारहाण केल्याचा प्रकार समोर आला आहे. याप्रकरणी पोलिसांनी आरोपी नर्सला अटक केली आहे.

मिळालेल्या माहितीनुसार, उत्तर प्रदेशच्या हाथरसमध्ये राहणाऱ्या सबीब यांनी आपल्या 2 महिन्यांच्या बाळाला उपचारासाठी दिल्लीतील एका नर्सिंग होममध्ये दाखल केले होते. सबीब यांची पत्नी गुलाफ्शाने 22 मे रोजी हाथरसच्या रुग्णालयात जुळ्या बाळांना जन्म दिला होता. यानंतर १६ जुलै रोजी मुलगा अहान याची तब्येत बिघडल्यामुळे त्याला अलिगढमधील रुग्णालयात दाखल करण्यात आले होते. मात्र, इंफेक्शन जास्त असल्यामुळे त्याला दिल्लीच्या विवेक विहारच्या केयर न्यू बॉर्न अँड चाईल्ड सेंटरमध्ये दाखल केले.

बाळाचे वडील सबीब दिवसातून एकदा नर्सिंग होममध्ये यायचे. त्यांना 24 जुलै रोजी नर्सिंग होममधून फोन आला आणि सांगण्यात आलं की तुमच्या बाळाला दुखापत झाली आहे आणि त्याचा चेहराही सुजलेला आहे. सबीब तात्काळ रुग्णालयात गेले आणि त्यांनी नर्सिंग होममधील सीसीटीव्ही कॅमेऱ्याचे फुटेज चेक करण्यास सांगितले. त्यात एक नर्स बाळाला मारहाण करताना दिसत होती. सबीब यांना नर्सिंग होमकडून शांत राहाण्याची धमकी देण्यात आली होती.

सबीब यांच्या म्हणण्यानुसार, सीसीटीव्ही फुटेजमधून खुलासा झाला की सौम्या नावाची नर्स 24 जुलैला पहाटे साडेतीनच्या सुमारास बाळाला मारहाण करत होती. यानंतर बाळाला दुसऱ्या रुग्णालयात दाखल करण्यात आलं. तिथे चेकअप केलं असता बाळाचा हातही फ्रॅक्चर झाल्याचं समजलं. यानंतर बाळाचे वडील सबीब यांनी विवेक विहार ठाण्यात तक्रार दिली. पोलिसांनी तक्रार दाखल करून घेतली असून पुढील तपास करत आहेत.

The post नर्सने दोन महिन्यांच्या बाळाला केली अमानुष मारहाण, हातही झाला फ्रॅक्चर appeared first on थोडक्यात घडामोडी.

भोपाळ : एका व्यक्तीने आपल्या मित्राच्या दीड वर्षाच्या निरागस बाळाला दारू पाजल्याची संतापजनक घटना घडली आहे. भोपाळ शहरातील अशोका गार्डन पोलिस स्टेशन परिसरातील रूप नगरमध्ये हा धक्कादायक प्रकार घडला. दारू पाजल्यामुळे या बाळाची तब्येत बिघडली असून त्याला रुग्णालयात दाखल करण्यात आले आहे. परंतु, त्याची प्रकृती चिंताजनक आहे. पोलिसांना माहिती मिळताच त्यांनी आरोपीविरूद्ध गुन्हा दाखल करून त्याला ताब्यात घेण्यात आले आहे.

पोलिसांनी दिलेल्या माहितीनुसार शेख फिरोज हे आपल्या कुटुंबियांसह रूप नगरमध्ये राहतात. त्यांचा वैयक्तिक व्यवसाय आहे. त्यांना दीड वर्षाचा मुलगा आहे, ज्याचे नाव शेख शहीद आहे. त्यांच्या घराजवळच संदीप भाटिया नावाची एक व्यक्ती राहते. शेख फिरोजशी संदीप भाटिया याची चांगली मैत्री आहे.

शुक्रवारी संध्याकाळी संदीप भाटिया हा शेख फिरोजच्या घरी गेला आणि दीड वर्षाच्या मुलाला खायला घालण्यास सुरुवात केली. त्यानंतर तो मुलाला घेऊन घराबाहेर पडला आणि एका कट्ट्यावर जाऊन बसला. तिथे त्याने दारू पिण्यास सुरुवात केली. मद्यपान करताना त्याने दीड वर्षाच्या बाळाला देखील दारू प्यायला दिली. मुलगा बराच वेळ परत न आल्यामुळे त्याचे वडील शेख फिरोज त्याला शोधू लागले, तेव्हा त्यांना संदीप भाटिया एका कट्ट्यावर बसलेला दिसला आणि त्यांचा मुलगा त्याच्या जवळच उलट्या करताना दिसला.

यासंदर्भात त्यांनी संदीप भाटिया याला विचारले असता त्यानें अगोदर उडवाउडवीची उत्तरे द्यायला सुरुवात केली. परंतु, मुलाच्या वडिलांनी कठोरपणे विचारल्यावर त्याने सांगितले की मुलाने कोल्ड ड्रिंकमध्ये मिसळलेली दारू प्यायली होती. दरम्यान, थोड्याच वेळात ते बाळ बेशुद्ध झाले. त्याच्या वडिलांनी तातडीने पोलिसांना माहिती दिली. पोलिसांनी घटनास्थळी पोहोचत आरोपी संदीप भाटिया याला ताब्यात घेतले. मुलाला त्यांनी तात्काळ हमीदिया रुग्णालयात दाखल केले, तेथे त्याच्यावर उपचार सुरु आहेत, परंतु, बाळाची प्रकृती चिंताजनक आहे. सध्या त्याला डॉक्टरांच्या देखरेखीखाली ठेवले आहे.

हृदयद्रावक : आई वडिलांच्या भांडणात २ चिमुकल्यांचा मनाला चटका लावणारा अंत…

संतापजनक : किरकोळ कारणावरून दलित मजुराच्या कुटुंबीयांचे अपहरण, गरोदर पत्नीवर मुलांसमोरच बलात्कार

The post संतापजनक! मित्राच्या दीड वर्षाच्या बाळाला पाजली दारू, प्रकृती चिंताजनक appeared first on थोडक्यात घडामोडी.

भुबनेश्वर : ओडिशा येथील भुबनेश्वरमध्ये मागील महिन्यात जन्मलेल्या एका मुलीची कोरोना चाचणी पॉझिटिव्ह आली होती. या बाळाला जगन्नाथ रुग्णालयात दाखल करण्यात आले होते. ती केवळ एक महिन्याची होती, जेव्हा तिला व्हेंटिलेटरवर ठेवण्यात आले होते. 10 दिवसांच्या प्रदीर्घ संघर्षानंतर अखेर या बाळाने कोरोनाला हरवलं आहे.

या नवजात बाळावर उपचार करणार्‍या नवजाततज्ज्ञ डॉ. अर्जित मोहपात्रा यांनी माहिती दिली की जवळपास दोन आठवडे या प्राणघातक विषाणू बरोबर संघर्ष केल्यानंतर ती बरी झाली आणि तिला बुधवारी (१२ मे) रुग्णालयातून सोडण्यात आले. डॉक्टरांनी सांगितले की जेव्हा या बाळाला त्यांच्याकडे आणले होते, तेव्हा बाळाला खूप ताप आलेला होता, अल्प आहार मिळाला होता, बाळ कोमेजलेलं होतं आणि श्वासोच्छवासाची देखील समस्या होती. अनेक प्रकारचे उपचार आणि प्रक्रियेनंतर अखेर आम्ही तिला व्हेंटिलेटरवर ठेवले होते.

डॉक्टरांनी पुढे खुलासा केला कि, “या बाळाला रेमडेसीवीर आणि इतर अँटीबायोटिक्स दिली. रेमडेसीवीर नवजात शिशुंना सपोर्ट करतं की नाही, याबाबत कोणतेही संशोधन नसल्यामुळे, डॉक्टरांनी बाळाच्या आई-वडिलांच्या परवानगीनेच हे औषध दिलं, कारण ती बाळासाठी जीवन आणि मरणाची गोष्ट झाली होती.”

One month old Gudia, who got infected by #Covid19 recovers fully after 10 days on ventilator in a hospital in #Bhubaneswar. Nothing short of a miracle, says Dr Arjit Mohapatra who treated her.#IndiaFightsCOVID19 pic.twitter.com/znF6q6RQhO

— All India Radio News (@airnewsalerts) May 14, 2021

The post 10 दिवस व्हेंटिलेटरवर राहिल्यानंतर एक महिन्याच्या बाळाने हरवलं कोरोनाला, डॉक्टर म्हणाले… appeared first on थोडक्यात घडामोडी.

हरियाणा मधील गुरुग्राम येथे सेक्टर-56 मधील अलकनंदा अपार्टमेंटमध्ये एका महिलेला आपल्या १३ महिन्यांच्या बाळाला केअरटेकर कडे ठेवणं खूपच महागात पडलं आहे. 15 वर्षांच्या या अल्पवयीन केअरटेकरने बाळाला इतकं जोरात आपटलं की बाळाच्या चार बरगड्यांची हाडे मोडली. याव्यतिरिक्त बाळाला किडनी, यकृत आणि इतर अवयवांवर देखील दुखापत झाली आहे. हे बाळ सध्या व्हेंटिलेटरवर आहे.

मिळालेल्या माहितीनुसार, बाळाचे वडील निखिल भाटिया यांनी तक्रार दिली आहे. हे पती-पत्नी दोघेही कामावर जातात. त्यांना 13 महिन्यांची मुलगी जाएना भाटिया आहे. या जोडप्याने त्यांची कुक सबीना हिच्या माहितीतल्या एका 15 वर्षाच्या मुलीला बाळाच्या देखरेखीसाठी कामावर ठेवलं होतं. तिला 3 महिन्यांपूर्वी नोकरीवर घेण्यात आले होते आणि दरमहा 9 हजार रुपये दिले जात होते.

सोमवारी निखिल आणि त्याची पत्नी जसमीत खरेदी करण्यासाठी बाजारात गेले होते. त्यांनी आपल्या 13 महिन्यांच्या मुलीला झोपवलं आणि घरी केअरटेकर कडे सोडलं होतं. सुमारे एक तासानंतर जेव्हा ते परत आले तेव्हा त्यांचं बाळ जोरजोरात रडत होतं. त्यामुळे घाबरून त्यांनी तातडीने बाळाला जवळच्या हॉस्पिटलमध्ये नेले. तिथे बाळाची तपासणी केल्यानंतर डॉक्टरांनी बाळाची तब्येत खूप खराब असल्याचे सांगून बाळाला त्वरित आर्टिमिस हॉस्पिटलमध्ये घेऊन जाण्यास सांगितले. जेव्हा या जोडप्याने बाळाला आर्टिमिस रुग्णालयात नेले तेव्हा डॉक्टरांनी उपचार सुरू केले. डॉक्टरांनी सांगितले की मुलीच्या चार बरगड्यांची हाडे मोडली आहेत. तसेच, बाळाच्या किडनी, यकृत आणि इतर अवयवांना दुखापत झाली आहे. बाळ सध्या व्हेंटिलेटरवर आहे.

याप्रकरणी बुधवारी या केअरटेकर मुलीविरुद्ध खुनाचा प्रयत्न आणि प्राणघातक हल्ला केल्याच्या आरोपाखाली एफआयआर दाखल करण्यात आली आहे. या प्रकरणी बाळाच्या वडिलांविरूद्ध देखील अल्पवयीन मुलीला कामासाठी ठेवल्याचा गुन्हा दाखल करण्यात आला आहे. या अल्पवयीन केअरटेकरने बाल कल्याण समितीला सांगितले की ते बाळ रडत होतं, शांत होत नव्हतं म्हणून तिने बाळाला रागाच्या भरात आपटलं होतं. दरम्यान, तक्रारीनंतर पोलिसांनी अल्पवयीन मुलीला ताब्यात घेतलं. त्यासोबतच तिचे समुपदेशनही केले जात आहे.

The post केअरटेकरने बाळाला इतकं जोरात आपटलं की… बाळ सध्या व्हेंटिलेटरवर appeared first on थोडक्यात घडामोडी.