हरियाणा : प्रेमप्रकरणाच्या संशयावरून तरुणाने आपल्याच विधवा आईचा चाकूने वार करून खून केल्याची खळबळजनक घटना घडली आहे. मुलाने आईची हत्या केल्यानंतर तिचा मृतदेह पलंगाखाली लपवून ठेवला आणि तिचा मोबाईल घेऊन पळ काढला. पोलिसांनी आरोपी मुलाला रोहतक येथून अटक केली आहे.

मिळालेल्या माहितीनुसार, आई बराच वेळ मोबाईलवर बोलत असल्याने आरोपीला वाटत होते की त्याच्या आईचे कोणाशी तरी अफेअर आहे. एसीपी क्राइम प्रीतपाल सांगवान यांनी सांगितले की, आरोपी मुलाने 6 ऑगस्ट रोजी रात्री जेवण केल्यानंतर संशयावरून आईवर चाकूने हल्ला केला आणि त्यानंतर तिचा गळा दाबून खून केला. खून केल्यानंतर आरोपीने मृतदेह खोलीतील पलंगाखाली लपवून ठेवला आणि खोलीला बाहेरून कुलूप लावून फरार झाला. 10 ऑगस्टच्या रात्री खोलीतून दुर्गंधी येऊ लागली, त्यावरून पोलिसांना माहिती देण्यात आली.

माहिती मिळताच पोलीस घटनास्थळी पोहोचले, मात्र खोलीला बाहेरून कुलूप होते. खोलीचा दरवाजा तोडला असता पलंगाखाली मृतदेह पडलेला दिसला. या प्रकरणी मृत महिलेच्या भावाच्या तक्रारीवरून सेक्टर-10 ए पोलिस ठाण्यात खुनाचा गुन्हा दाखल करण्यात आला आहे. पोलिसांनी काही तासांतच 21 वर्षीय मुलाला अटक केली. त्याच्या ताब्यातून गुन्ह्यात वापरलेला चाकू, खोलीच्या बाहेरील कुलूपाची चावी, घटनेच्या वेळी परिधान केलेले कपडे आणि मृत महिलेचा मोबाईल जप्त करण्यात आला आहे. आरोपीने चौकशीदरम्यान खुलासा केला की त्याची आई रात्री उशिरापर्यंत फोनवर बोलत असायची आणि त्यामुळे त्याला आईवर संशय होता. आरोपीला न्यायालयात हजर केले असता त्याची कारागृहात रवानगी करण्यात आल्याचे पोलिसांनी सांगितले.

The post प्रेमप्रकरणाच्या संशयावरून तरुणाने केली स्वतःच्या आईची हत्या appeared first on थोडक्यात घडामोडी.

नागपूर : विवाहित महिलेच्या अंगावर ‘आय लव्ह यू’ लिहिलेला किंवा तिच्याविषयी प्रेम व्यक्त करणारी एखादी कविता, शायरी लिहिलेला कागद फेकणे हा विनयभंगच असल्याची महत्त्वपूर्व टिपण्णी मुंबई उच्च न्यायालयाच्या नागपूर खंडपीठाने दिली आहे. अकोला जिल्ह्यातील एका विनयभंगाच्या प्रकरणावर निर्णय देताना न्यायालयाने हे मत व्यक्त केलं आहे.

२०११ साली अकोला येथील एका ५४ वर्षीय व्यक्तीवर एका ४५ वर्षीय महिलेचा विनयभंग करून तिला धमक्या देण्याचा आरोप करण्यात आला होता. पीडित महिला विवाहित असून तिला एक मुलगा आहे. आरोपीने या महिलेला एक चिठ्ठी देऊ केली. ती घेण्यास तिने नकार दिला. त्यामुळे आरोपीने ही चिठ्ठी तिच्या अंगावर फेकली आणि तो तिला ‘आय लव्ह यू’ असे म्हणाला. तसेच याबाबत कोणालाही सांगू नकोस अशी धमकी देखील त्याने महिलेला दिली होती. या प्रकरणी अकोल्यातील सिव्हिल लाईन्स पोलिसांनी आरोपीवर गुन्हा दाखल करून तपासाअंती आरोपपत्र दाखल केले.

याप्रकरणी प्रथम श्रेणी न्यायदंडाधिकारी न्यायालयाने आरोपीला २ वर्षे सश्रम कारावास आणि १० हजार रुपये दंडाची शिक्षा सुनावली होती. आरोपीने या निर्णयाला उच्च न्यायालयात आव्हान दिले होते. उच्च न्यायालयानेसुद्धा आरोपीला दोषी ठरविले. ‘एखाद्या महिलेची अब्रू हा तिचा सगळ्या मोठा दागिना आहे. त्यामुळे तिचा विनयभंग झाला की नाही हे ठरविण्यासाठी एखादे सरसकट समीकरण लागू करता येणार नाही. अशात एखाद्या ४५ वर्षीय विवाहितेच्या अंगावर प्रेम व्यक्त करणारी कविता लिहिलेली चिठ्ठी फेकणे हा विनयभंगच आहे,’ असे न्यायालयाने स्पष्ट केले आहे.

न्यायालयाने सांगितले की आरोपीवरील विनयभंगाचा आरोप सिद्ध होतो. मात्र, प्रथम श्रेणी न्यायदंडाधिकाऱ्यांनी आरोपीला २ वर्षे कारावासाची शिक्षा सुनावली आहे. दहा वर्ष जुन्या या प्रकरणात आरोपीने ४५ दिवसांचा कारावास भोगला असून तेवढा पुरेसा आहे. मात्र, आरोपीची दंडाची रक्कम वाढवून ती ५० हजार इतकी करण्याचे आदेश यावेळी न्यायालयाने दिले.

मोठी बातमी : लैंगिक छळ प्रकरणात कोर्टाने ‘असे’ सल्ले देऊ नयेत, सुप्रीम कोर्टाने जारी केल्या ‘या’ गाईडलाईन्स

कार्यालयात काम सोडून केस विंचरत बसणे हे गंभीर गैरवर्तन – मुंबई उच्च न्यायालय

The post विवाहित महिलेच्या अंगावर प्रेमपत्र फेकणे हा गुन्हाच; मुंबई उच्च न्यायालयाचा महत्त्वपूर्व निर्णय appeared first on थोडक्यात घडामोडी.

अहमदनगर : यशस्विनी महिला ब्रिगेडच्या अध्यक्षा रेखा जरे हत्याप्रकरणातील मुख्य सूत्रधार बाळ बोठेविरोधात दोषारोप पत्र दाखल करण्यात आलं आहे. बाळ बोठेसह सात आरोपींविरोधात साडे चारशे पानांचं दोषारोपपत्र दाखल करण्यात आलं आहे. मात्र, या दोषारोप पत्रात एक वेगळाच अँगल समोर आला आहे. त्यानुसार, रेखा जरे आणि बाळ बोठे यांचे प्रेमसंबंध होते. त्यातून ही हत्या करण्यात आली आहे.

बाळ बोठे आणि रेखा जरे यांचे खूप दिवस प्रेमप्रकरण सुरु होते. मात्र, नंतर त्यांच्यात वाद सुरु झाले होते. वादांचे रूपांतर नंतर भांडणात आणि धमक्यांमध्ये झाले. त्यामुळे हे प्रकरण समोर येऊन बदनामी होऊ नये, म्हणून बाळ बोठे याने रेखा जरे यांच्या हत्येची सुपारी दिली, असं पोलिसांनी दोषारोप पत्रात म्हटलं आहे. या प्रकरणाचे तपास अधिकारी डीवायएसपी अजित पाटील यांनी ही माहिती दिली आहे.

रेखा जरे हत्या प्रकरणातील सूत्रधार बाळ बोठेविरोधात आणखी एक गुन्हा दाखल होणार, कारागृहात केले असे काही…

दोषारोप पत्र दाखल करण्यात आलं असून त्यात बाळ बोठेविरोधात कट रचून खून करणे आणि त्याचे साथीदार महेश तनपुरे, अकुला चंद्रप्पा, राजशेखर चाकली, पी व्यंकट सुब्बाचारी, शेख इस्माईल अली आणि अब्दुल अरिफ यांच्यावर बाळ बोठेला फरार होण्यास मदत करणं या कलमांतर्गत गुन्हे नोंदवण्यात आलेले आहेत.

The post रेखा जरे हत्याप्रकरणात वेगळाच अँगल आला समोर, बदनामी टाळण्यासाठी हत्या, दोषारोपपत्र दाखल appeared first on थोडक्यात घडामोडी.