मुंबई : ज्येष्ठ अभिनेते आणि चित्रपट दिग्दर्शक मनोज कुमार यांचे निधन झाले. आज (३ एप्रिल २०२५) मुंबईतील कोकिलाबेन रुग्णालयात वयाच्या ८७ व्या वर्षी त्यांनी अखेरचा श्वास घेतला. त्यांच्या निधनामुळे चित्रपटसृष्टीत शोककळा पसरली असून, देशभरातून अनेकजण भावना व्यक्त करत आहेत.

मनोज कुमार यांच्या अंतिम संस्काराची तयारी सुरू असून, त्यांच्या कुटुंबियांनी त्यांच्या चाहत्यांना आणि मित्रपरिवाराला अंतिम दर्शनासाठी एकत्र येण्याचे आवाहन केले आहे. त्यांचे अंतिम संस्कार शनिवार, ५ एप्रिल २०२५ रोजी मुंबईत होणार आहेत. शुक्रवारी सकाळी त्यांच्या निधनाची बातमी आली, आणि त्यानंतर अनेक प्रमुख बॉलिवूड कलाकार, निर्माता, दिग्दर्शक, आणि राजकीय नेत्यांनी त्यांच्या निधनावर शोक व्यक्त केला. त्यांच्या निधनामुळे केवळ बॉलिवूडच नाही, तर भारतीय चित्रपटसृष्टीतील एक अत्यंत महत्त्वाचा अध्याय संपल्याची भावना व्यक्त केली जात आहे.

मनोज कुमार यांचा जन्म २४ जुलै १९३७ रोजी भारताच्या उत्तर प्रदेशातील आजमगढ जिल्ह्यात झाला. त्यांनी आपल्या करिअरची सुरूवात १९५७ मध्ये केली, आणि लवकरच बॉलिवूडमध्ये ओळख निर्माण केली. ‘भारत कुमार’ या उपनामाने ओळखले जाणारे मनोज कुमार आपल्या चित्रपटांमधून देशभक्ती, समाजाचे गंभीर प्रश्न आणि मानवी मूल्यांची गोडी जगाला लावणारे एक महत्त्वाचे व्यक्तिमत्त्व बनले. मनोज कुमार यांच्या अभिनयाची खासियत म्हणजे त्यांनी नेहमीच साध्या माणसाच्या वेदना, हिम्मत आणि देशभक्तीचे उत्तम चित्रण केले. त्यामुळेच त्यांना ‘भारत कुमार’ ही उपाधी प्राप्त झाली. त्यांच्या अभिनयाने, विशेषत: ‘उपकार’ आणि ‘भारत विजय’ सारख्या चित्रपटांमधून, भारतीय जनतेच्या मनामध्ये कायमचे स्थान निर्माण केले. मनोज कुमार यांच्या करिअरमध्ये ‘उपकार’ (१९६७), ‘पहचान’ (१९७१), ‘भारत विजय’ (१९७२), ‘क्रांती’ (१९८१) आणि ‘रोटी कपड़ा और मकान’ (१९७४) यांसारख्या चित्रपटांचा समावेश आहे, ज्यात त्यांनी समाजाची स्थिती आणि देशभक्तीचे महत्त्व मोठ्या प्रभावीपणे मांडले. त्यांच्या अभिनयाची, दिग्दर्शनाची आणि संकल्पनांची प्रेरणा आजही अनेक कलाकार घेतात.

त्यांनी चित्रपट दिग्दर्शनातही महत्त्वपूर्ण कामगिरी केली आहे. त्यांनी दिग्दर्शित केलेले ‘शहीद’ (१९६५) आणि ‘क्रांती’ (१९८१) यांसारखे चित्रपट नेहमीच चर्चेत राहिले. या चित्रपटांमध्ये त्यांनी देशाच्या स्वातंत्र्य संग्राम, भारतीय संस्कृती आणि समाजातील महत्त्वपूर्ण मुद्द्यांवर प्रगल्भ विचार मांडले.

The post ज्येष्ठ अभिनेते मनोज कुमार यांचे निधन, चित्रपटसृष्टीत शोककळा appeared first on थोडक्यात घडामोडी.

पुणे : ज्येष्ठ अभिनेते विक्रम गोखले यांचे वयाच्या 77 व्या वर्षी निधन झाले. गेल्या १७ दिवसांपासून ते पुण्यातील दिनानाथ मंगेशकर रुग्णालयात दाखल होते. त्यांच्यावर उपचार सुरू होते, मात्र आज २६ नोव्हेंबर रोजी त्यांनी अखेरचा श्वास घेतला. ज्येष्ठ अभिनेते विक्रम गोखले यांचं प्रदीर्घ आजारानं पुण्यात निधन झालं.

आज संध्याकाळी वैकुंठ स्मशानभूमीत त्यांच्यावर अंत्यसंस्कार केले जातील. त्यांनी ‘तुझेच मी गीत गात आहे’ या स्टार प्रवाहवरील मालिकेत अखेरचे काम केले. तर नुकताच प्रदर्शित झालेला ‘गोदावरी’ हा त्यांचा अखेरचा सिनेमा ठरला.

अभिनेते विक्रम गोखले यांनी रंगभूमी, टीव्ही आणि सिनेमा ही तीनही माध्यमं गाजवले आहेत. रंगभूमीवर तर त्यांनी एक मोठा काळ गाजवला. ‘बॅरिस्टर’ नाटकाने विक्रम यांना प्रसिद्धीच्या शिखरावर नेलं. जवळपास ८ वर्ष त्यांनी हे नाटक केलं. परखड व्यक्तिमत्त्वासाठी गोखले विशेष ओळखले जायचे.

नाकारले पुरस्कार

विक्रम गोखले यांचा कोणत्याही पुरस्कारांवर विश्वास नव्हता. त्यांनी शासकीय पुरस्कारांनाही नकार दिला. एका मुलाखतीत त्यांनी आपलं मत मांडताना सांगितलं होतं की, ‘पुरस्कार सोहळे हे फक्त फॅशन झाली असून पैसे खिशात घेऊन पुरस्कार घेणारे मी पाहिले आहेत. अशा मांदियाळीत मला बसण्यात स्वारस्य नाही. कोणत्याही पुरस्काराने एखादा नट चांगला आहे की नाही हे सिद्ध होत नाही. त्याचं कामच बोलतं.’

सिनेसृष्टीशी संबंधित कुटुंबात जन्म
विक्रम गोखले यांचा जन्म चित्रपट कुटुंबात झाला. कुटुंबात अभिनयाची सुरुवात त्यांच्या आजीपासून झाली. विक्रम गोखले यांच्या आजी दुर्गाबाई कामत या भारतीय पडद्यावरच्या पहिल्या महिला अभिनेत्री होत्या. त्यांची आजी कमलाबाई गोखले यांनी भारतीय चित्रपटसृष्टीतील पहिली महिला बालकलाकार म्हणून काम केले होते आणि त्यांचे वडील चंद्रकांत गोखले हे देखील मराठी चित्रपटसृष्टीतील ज्येष्ठ अभिनेते होते. कुटुंबाचा मार्ग अवलंबत विक्रम देखील सिनेसृष्टीत आले. मात्र, त्यांचे नाव नेहमीच रंगभूमीशी जोडले गेले. त्यांचा पहिला चित्रपट ‘परवाना’ 1970 साली प्रदर्शित झाला होता. यानंतर ते अनेक चित्रपट आणि टीव्ही मालिकांमध्ये दिसले.

या चित्रपटांमध्ये काम केले
विकम गोखले यांनी अनेक मराठी आणि बॉलिवूड चित्रपटांमध्ये काम केले होते. 1990 मध्ये अमिताभ बच्चन यांच्या अग्निपथ आणि संजय लीला भन्साळी यांच्या हम दिल दे चुके सनम (1999) मध्ये ऐश्वर्या राय बच्चनच्या वडिलांच्या भूमिकेत ते दिसले होते. याशिवाय त्यांनी ‘भूल भुलैया’, ‘दिल से’, ‘दे दना दान’, ‘हिचकी’, ‘निकम्मा’ आणि ‘मिशन मंगल’ यांसारख्या बॉलीवूड हिट चित्रपटांमध्येही काम केले आहे.

टीव्हीवरही महत्त्वाच्या भूमिका केल्या
टीव्ही करिअरवर नजर टाकली तर त्यांनी ‘उडान’, ‘इंद्रधनुष’, ‘क्षितिज ये नहीं’, ‘संजीवनी’, ‘जीवन साथी’, ‘सिंहासन’, ‘मेरा नाम करेगी रोशन’, शिव महापुराण आणि अवरोध: मध्ये काम केले.

The post ज्येष्ठ अभिनेते विक्रम गोखले काळाच्या पडद्याआड, प्रदीर्घ आजारानं पुण्यात निधन appeared first on थोडक्यात घडामोडी.

मनोरंजन विश्वातून एक दुःखद बातमी समोर येत आहे. अभिनेत्री सुधा चंद्रन यांचे वडील आणि ज्येष्ठ अभिनेते केडी चंद्रन यांचे हृदयविकाराच्या झटक्याने निधन झाले आहे. सुधा चंद्रन यांनी वडिलांच्या मृत्यूची पुष्टी केली. आज (१६ मे) सकाळी हृदयविकाराच्या झटक्याने वयाच्या 86 व्या वर्षी केडी चंद्रन यांनी अखेरचा श्वास घेतला. रुग्णालयात उपचार सुरू असतानाच त्यांचा मृत्यू झाला.

काही दिवसांपासून केडी चंद्रन यांची प्रकृती ठीक नव्हती. 12 मे रोजी त्यांना जुहूच्या क्रिटी केअर रुग्णालयात दाखल करण्यात आलं होतं. त्यांना डिमेंशिया म्हणजेच स्मृतिभ्रंश देखील झाला होता. आज त्यांचे हृदयविकाराच्या झटक्याने निधन झाले.

के.डी. चंद्रन यांच्या चित्रपट कारकीर्दीबद्दल बोलायचे झाले तर त्यांनी बर्‍याच चित्रपटांमध्ये अभिनय केलेला आहे. कोई मिल गया, चायना गेट, कॉल, हम हैं राही प्यार के, तेरे मेरे सपने, जुनून, हर दिल जो प्यार करेगा, शरारत, मैं माधुरी दीक्षित बनना चाहती हूं, अशा चित्रपटांमध्ये त्यांनी अभिनय केला. थोड्याच चित्रपटांमध्ये काम करून देखील केडी यांनी लोकांच्या हृदयात एक वेगळी ओळख निर्माण केली होती. चित्रपटांशिवाय ते अनेक टीव्ही मालिकांमध्येही दिसले आहेत.

The post दुःखद : सुधा चंद्रन यांचे वडील आणि ज्येष्ठ अभिनेते केडी चंद्रन यांचे निधन appeared first on थोडक्यात घडामोडी.

मराठी सिनेसृष्टीतील ज्येष्ठ अभिनेते रवी पटवर्धन यांचे निधन झाले आहे. रवी पटवर्धन यांचे वयाच्या 84 व्या वर्षी निधन झाले. त्यांच्या निधनामुळे सिनेसृष्टीत हळहळ व्यक्त केली जात आहे.

रवी पटवर्धन यांचा जन्म o6 सप्टेंबर 1937 रोजी झाला. रवी पटवर्धनांनी दीडशेहून अधिक नाटकांत आणि २०० हून अधिक चित्रपटांत भूमिका केल्या आहेत. रवी पटवर्धन यांनी 1974 मध्ये आरण्यक हे नाटक केले. वयाच्या 82 व्या वर्षीही त्यांची याच नाटकात धृतराष्ट्राची भूमिका साकारली. रवी पटवर्धन मुंबईच्या रिझव्‍‌र्ह बॅंकेत नोकरी करत होते. ते ठाणे येथे राहतात. नोकरीच्या कालावधीत बॅंकेतील त्यांचे सर्व सहकारी यांच्या सहकार्यामुळे ते नोकरी सांभाळून नाटक करू शकले.

वयाच्या 80 व्या वर्षी त्यांनी भगवद्गीतेचे 700 श्लोक पाठ केले. त्यानंतर ते शृंगेरी मठाच्या परीक्षेला बसले. यावेळी शंकराचार्यांनी घेतलेल्या त्या परीक्षेत रवी पटवर्धन पहिले आले होते. रवी पटवर्धन यांनी आईची सेवा करता यावी यासाठी लग्न केले नाही.

The post ज्येष्ठ अभिनेते रवी पटवर्धन यांचं निधन appeared first on थोडक्यात घडामोडी.