चीन : मंगळवारी चीनच्या लिओनिंग प्रांतातील लिओयांग शहरात एका रेस्टॉरंटला लागलेल्या भीषण आगीत २२ जणांचा मृत्यू झाला तर तीन जण जखमी झाले आहेत. याबाबत सरकारी शिन्हुआ वृत्तसंस्थेने माहिती दिली आहे. दुपारी १२:२५ वाजता ही आग लागली, आणि या दुर्घटनेत तीन जण जखमी झाले आहेत. आगीचे कारण अद्याप स्पष्ट होऊ शकलेले नाही. स्थानिक अधिकाऱ्यांनी तपास सुरू केला आहे.

चीनचे अध्यक्ष शी जिनपिंग यांनी या घटनेवर दुःख व्यक्त करत, जखमींवर योग्य उपचार करण्याचे निर्देश दिले आहेत. तसेच, संबंधित संस्थांना आगीच्या कारणाचा शोध घेण्याचे आणि भविष्यात अशा प्रकारच्या घटनांना टाळण्यासाठी उपाययोजना करण्याचे आदेश दिले आहेत.

ही घटना लिओयांग शहरातील एक व्यस्त भागात घडली, ज्यामुळे स्थानिक नागरिकांमध्ये चिंता निर्माण झाली आहे. प्रशासनाने घटनास्थळी आपत्कालीन सेवांना त्वरित पाठवले असून, बचाव कार्य सुरू आहे.

The post चीनच्या लिओयांग शहरातील रेस्टॉरंटला भीषण आग, २२ जणांचा मृत्यू appeared first on थोडक्यात घडामोडी.

बीजिंग : चीनमधील नव-नवीन तंत्रज्ञानाची नेहमीच चर्चा होत असते. आतादेखील अशीच एक घटना समोर आली आहे, ज्यामुळे आश्चर्य व्यक्त करण्यात येत आहे. चीनमध्ये तंत्रज्ञानाचा वापर करून १० मजली इमारत फक्त २८ तास आणि ४५ मिनिटांत बांधण्यात आली आहे. ऐकून विश्वास बसत नाही, पण हे खरे आहे. चीनच्या अभियंत्यांनी हे शक्य करून दाखवलं आहे.

चीनच्या चांग्शा शहरात २८ तास आणि ४५ मिनिटांमध्ये १० मजली इमारत उभारून तयार करण्यात आली. इतक्या कमी वेळेत इमारत तयार करणाऱ्या विकासकांनी याचा पाच मिनिटांचा व्हिडिओ शेयर केला आहे. यामध्ये पूर्ण इमारत तयार करण्याची माहिती देण्यात आली आहे. त्यांनी सांगितले आहे की, हे तंत्रज्ञान अतिशय सुलभ असून कमी खर्चात दर्जेदार काम करण्यात येऊ शकते. त्यात भूकंप व वादळांचा प्रतिकार करण्याची क्षमता आहे आणि कार्बन स्टीलच्या इमारतीच्या तुलनेत त्याची किंमत कमी आहे. त्यांच्या म्हणण्यानुसार, या प्रणालीमध्ये ज्या स्टील स्लॅबचा वापर स्ट्रक्चरल घटक म्हणून केला जातो, तो पारंपारिक स्लॅबपेक्षा 10 पट हलका आणि 100 पट अधिक मजबूत आहे.

कंपनीने असा दावा केला आहे की या स्लॅबची ताकद व हलकेपणामुळे 200 मजल्यांच्या इमारती तसेच गगनचुंबी टॉवर्स याच मॉड्यूल्सचा वापर करून बांधले जाऊ शकतात.

The post VIDEO : चीनमध्ये १० मजली इमारत फक्त २८ तास आणि ४५ मिनिटांत बांधण्यात आली appeared first on थोडक्यात घडामोडी.

वॉशिंग्टन : अमेरिकेचे माजी राष्ट्राध्यक्ष डोनाल्ड ट्रम्प यांनी कोरोना विषाणूच्या संसर्गावरून पुन्हा एकदा चीनवर निशाणा साधला आहे. ते म्हणाले की कोरोनाच्या संसर्गामुळे जगात भारतासह बरेच देश उद्धवस्त झाले आहेत. तसेच कोरोना विषाणू चीनची निर्मिती असल्याचं म्हणत चीनने अमेरिकेला नुकसानभरपाई म्हणून १० ट्रिलियन अमेरिकन डॉलर देण्याची मागणी देखील ट्रम्प यांनी केली. तसेच झालेले नुकसान यापेक्षा खूप मोठे असल्याचे देखील ते म्हणाले.

फॉक्स न्यूजला दिलेल्या मुलाखतीत डोनाल्ड ट्रम्प म्हणाले की, मला वाटते की कोरोना विषाणू कुठून आला हे शोधणे फार महत्वाचे आहे. तसेच विषाणूची गळती होणे हा अपघात असला तरी अनेक देशांवर त्याचा वाईट परिणाम झाला आहे. याआधी असे कधीच घडले नव्हते. भारतातही कोरोनाचे थैमान सुरू आहे. आम्ही किती चांगले काम करत आहोत हे दाखवण्याची भारतीयांची सवय आहे. मात्र, सत्य परिस्थिती वेगळी आहे. भारत कोरोनामुळे उद्धवस्त झाला आहे. जगातील जवळपास सर्वच देश कोरोनामुळे अक्षरशः उद्धवस्त झाल्याचे ट्रम्प यांनी म्हटले.

ट्रम्प पुढे म्हणाले की वस्तुस्थिती ही आहे की अनेक देश उद्धवस्त  झाले आहेत. मला आशा आहे की चीनने हे जाणूनबुजून केलेले नसावे.” आपल्या देशाला देखील कोरोनाचा खूप मोठा फटका बसला. पण इतर देशांवर त्याचा खूप मोठा परिणाम झाला आहे. त्यामुळेच मला वाटते की कोरोना विषाणू कुठून आला हे शोधणे फार महत्वाचे आहे. आणि चीनने देखील नक्कीच मदत केली पाहिजे. सध्या चीन आणि अमेरिका या दोनच अर्थव्यवस्था वेगाने सुधारत आहे.”

The post आम्ही चांगले काम करतो हे दाखवण्याची भारतीयांची सवय, पण कोरोनामुळे भारत उद्धवस्त झालाय – डोनाल्ड ट्रम्प appeared first on थोडक्यात घडामोडी.

शांघाई : कोरोनाच्या उगमाबाबत सुरु असलेल्या चौकशीच्या पुढच्या टप्प्यात अमेरिकेची चौकशी करण्याची मागणी चिनी शास्त्रज्ञांनी केली आहे. चायनीज सेंटर फॉर डिसीज कंट्रोल अँड प्रिव्हेंशनचे मुख्य एपिडिमोलोजिस्ट झेंग गुआंग यांनी म्हटले आहे की आता अमेरिकेवर लक्ष केंद्रित करण्याची गरज आहे. डिसेंबर २०१९ च्या अखेरीस चीनमधील वुहानमध्ये कोरोनाबाधित आढळले होते. परंतु, एका अहवालानुसार, अमेरिकेत डिसेंबर २०१९ च्या सुरुवातीच्या दिवसांमध्येच कोरोनाचा संसर्ग फैलावत होता.

युएस नॅशनल इन्स्टिट्यूट फॉर हेल्थने या आठवड्यात प्रकाशित केलेल्या अहवालानुसार, कोरोनाच्या पहिल्या बाधिताची माहिती समोर येण्याच्या काही आठवड्यांपूर्वीच अमेरिकेतील पाच वेगवेगळ्या राज्यांमध्ये किमान सात जणांना कोरोनाची लागण झाली होती. चीनने याच अहवालाच्या आधारे आता अमेरिकेची चौकशी करण्याची मागणी केली आहे.

झेंग गुआंग यांनी ‘ग्लोबल टाइम्स’ला सांगितले की, कोरोना विषाणूच्या उत्पतीबाबत सुरू असलेल्या चौकशीचा रोख आता अमेरिकेकडे नेण्याची आवश्यकता आहे. अमेरिकेतील जैविक प्रयोगशाळांशी निगडीत असलेल्या सर्व बाबींची चौकशी करण्याची आवश्यकता आहे. तसेच जैव-शस्त्रांसंबंधित विषयांची छाननी केली जावी.

मागील वर्षी कोरोनाच्या संसर्गाचा जगभरात फैलाव झाल्यानंतर तत्कालीन अमेरिकेचे राष्ट्राध्यक्ष डोनाल्ड ट्रम्प यांनी चीनवर निशाणा साधत त्यांच्याविरोधात मोहीम सुरू केली होती. कोरोनाच्या विषाणूची उत्पत्ती चीनमध्येच झाली असल्याचा दावा सातत्याने अमेरिकेकडून करण्यात येत आहे. याआधी एका संशोधनात SARS-CoV-2 चा विषाणू सप्टेंबर महिन्यात युरोपमध्ये फैलावला असल्याचा दावा करण्यात आला होता. मात्र, तेव्हादेखील तज्ज्ञांनी असं मत मांडलं होतं की याचा अर्थ असा होत नाही की विषाणूचा उगम चीनमध्ये झाला नाही, कारण चीनच्या जंगलात सार्ससारखे अनेक कोरोना विषाणू आढळतात.

The post कोरोनाच्या उगमाबाबत अमेरिकेची चौकशी करण्याची गरज, चीनने केली मागणी appeared first on थोडक्यात घडामोडी.

बीजिंग : चीनमध्ये 3 ते 17 वर्षे वयोगटातील मुलांसाठी सिनोव्हॅक बायोटेकच्या कोरोना लसीच्या आपत्कालीन वापराला मान्यता मिळाली आहे. तीन वर्षांच्या मुलांसाठी लस मंजूर करणारा चीन हा जगातील पहिला देश ठरला आहे. आतापर्यंत चीनमध्ये कोरोना लस फक्त 18 वर्षांवरील लोकांना दिली जात होती. अमेरिका, ब्रिटन, युरोप आणि इतर काही देशांमध्ये 12 ते 16 वर्षे वयोगटातील किशोरवयीन मुलांना कोरोना लस देण्यास सुरुवात झाली आहे.

चीनची सरकारी कंपनी सिनोफर्म यांनीही किशोरवयीन मुलांसाठी लसीसाठी परवानगी मागितली आहे. सिनोफर्म लसीसाठी सिनोव्हॅकसारखेच तंत्रज्ञान वापरत आहे. कॅनसिनो बायोलॉजिक्स ही आणखी एक कंपनी 6 ते 17 वर्षे वयोगटातील मुलांसाठी लस तयार करत आहे. त्याचे तंत्रज्ञान सिनोव्हॅकपेक्षा वेगळे आहे. त्यांच्या लसीच्या दुसर्‍या टप्प्याची चाचणी घेण्यात येत आहे.

सिनोव्हॅकने दुसर्‍या टप्प्यातील चाचण्यादेखील पूर्ण केल्या आहेत. चाचणी दरम्यान, सहभागींना लसीचे दोन नियमित डोस दिले गेले. यानंतर तिसरा बूस्टर डोस देण्यात आला. यादरम्यान, पूर्वीपेक्षा अँटीबॉडीजची पातळी 10 आणि 15 दिवसांनी 20 पट वाढल्याची दिसली. तथापि, कंपनीला अद्याप अँटीबॉडी कालावधीचा दीर्घकालीन आढावा घेणे आवश्यक आहे.

सिनोव्हॅक बायोटेकचे मुख्य कार्यकारी अधिकारी यिन वेइदोंग यांनी सांगितले की चाचणीच्या पहिल्या आणि दुसर्‍या टप्प्यात हजारो जणांनी सहभाग घेतला होता. प्रौढांप्रमाणे मुलांसाठी ही लस पूर्णपणे सुरक्षित आणि प्रभावी असल्याचे आढळले. त्यामुळे तीन ते 17 वयोगटातील मुलांसाठी समान लस, समान डोस आणि समान प्रक्रिया वापरली जाऊ शकते.

The post चीनने 3 ते 17 वर्षे वयोगटातील मुलांसाठी कोरोना लसीला दिली मान्यता appeared first on थोडक्यात घडामोडी.

बीजिंग : चीनच्या सत्ताधारी कम्युनिस्ट पक्षाने मुलांना जन्म देण्यावरची मर्यादा उठविली आहे. याअगोदर चीनमध्ये जास्तीत जास्त दोन मुलांना जन्म देण्याची परवानगी होती, परंतु आता जास्तीत जास्त मुलांची संख्या तीन करण्यात आली आहे. ही माहिती येथील स्थानिक माध्यमांनी दिली आहे. चीनमध्ये सोमवारी घोषणा करण्यात आली की आता देशातील प्रत्येक जोडप्याला दोन नव्हे तर तीन मुलांना जन्म देता येईल. अध्यक्ष शी चिनफिंग यांच्या अध्यक्षतेखाली झालेल्या कम्युनिस्ट पक्षाच्या बैठकीत या धोरण बदलास मान्यता देण्यात आली आहे.

चीनच्या जनगणनेच्या ताज्या आकडेवारीवरून असे दिसून आले आहे की गेल्या दशकात चीनच्या कामगार प्रवर्गातील लोकसंख्या कमी झाली आहे, तर 65 वर्षांपेक्षा जास्त लोकांची संख्या वाढली आहे. याचा परिणाम देशाच्या अर्थव्यवस्था व समाजावर झाला आहे. 1980 पासून जन्ममर्यादा लागू आहे, जी देशातील सत्ताधारी पक्षाने लोकसंख्या वाढ रोखण्यासाठी निश्चित केली आहे. परंतु आता चीनमध्ये कार्यक्षम गट कमी होणे ही एक चिंतेची बाब बनली आहे.

2015 मध्ये चीनने आपले दशकांपूर्वीचे जुने एक मूल जन्माला घालण्याचे धोरण रद्द केले आणि दोन मुलांचे धोरण लागू केले होते. परंतु, मुलांच्या संगोपनावर जास्त खर्च होत असल्यामुळे लोकांनी ते स्वीकारले नाही. यामुळे लोकसंख्या कमी झाली. या महिन्याच्या सुरूवातीस, चीनच्या एका दशकातल्या जनगणनेत असे दिसून आले आहे की १९५० च्या दशकानंतर मागील दशकात लोकसंख्या सर्वात कमी दराने वाढली आहे.

चीन सरकारने नुकत्याच जाहीर केलेल्या जनगणनेच्या सातव्या राष्ट्रीय आकडेवारीनुसार, चीनची लोकसंख्या 1.41178 अब्ज झाली आहे, ही संख्या २०१० च्या आकडेवारीपेक्षा ५.8 टक्के किंवा ७.२ कोटी जास्त आहे.

The post चीनसमोर वेगळीच चिंता..! आता तीन मुलांना जन्म देण्याची परवानगी appeared first on थोडक्यात घडामोडी.

बीजिंग : चीनमध्ये खराब हवामानामुळे १०० किलोमीटर क्रॉस-कंट्री पर्वतीय मॅरेथॉनमध्ये सहभागी झालेल्या २१ जणांचा मृत्यू झाला आहे. चीनच्या एका वृत्तसंस्थेने दिलेल्या माहितीनुसार, गांसु प्रांतात एक पर्यटन स्थळ असलेल्या यल्लो रिव्हर स्टोन फॉरेस्टमध्ये सहभागी झालेल्या धावपटूंना अनेक अडचणींचा सामना करावा लागला. या मॅरेथॉनमध्ये एकूण १७२ जण सहभागी झाले होते. सकाळपर्यंत मृतांची संख्या २१ झाली होती.

मॅरेथॉनमध्ये सहभागी झालेले अन्य १५१ जण सुरक्षित आहेत. त्यातील आठ जणांना किरकोळ जखमा झाल्या असून त्यांच्यावर रुग्णालयात उपचार करण्यात आले. शनिवारी दुपारी एक वाजता मॅरेथॉन मार्गावरील उंच भागातील २० ते ३१ किमी अंतराच्या परिसरातील हवामान खराब झाले. या भागात जोरदार वारे वाहत होते आणि त्यातच हिमवृ्ष्टी देखील झाली. त्यामुळे वातावरणातील तापमान अचानकपणे कमी झाले. त्याच्यामुळे अनेक स्पर्धकांना त्रास झाला. दरम्यान, काही स्पर्धक बेपत्ता झाल्याचे समजल्यानंतर स्पर्धा थांबवण्यात आली होती.

A marathon in Baiyin,northwest China’s Gansu Province,hit by extreme weather on May 22. 21 participants were killed, including Paralympic champion Huang Guanjun and Jiangnan 100-mile champion Liang Jing.151 participants were rescued and recovered,8 of whom suffered minor injuries pic.twitter.com/hc4xYLNXzm

— Boxun News (@NewsBoxun) May 23, 2021

The post बापरे! खराब हवामानामुळे मॅरेथॉनमध्ये सहभागी झालेल्या २१ स्पर्धकांचा मृत्यू appeared first on थोडक्यात घडामोडी.

बीजिंग : चीनच्या लष्करी वैज्ञानिकांनी कोरोना विषाणूंचा वापर जैविक अस्त्र म्हणून करण्याचा विचार २०१५ मध्येच केला होता. कोविड १९ विषाणूचा प्रसार होण्याच्या पाच वर्षे अगोदरच त्यांनी याबाबत चर्चा केली होती. तिसरे जागतिक महायुद्ध हे जैविक अस्त्रांचे असेल, असे भाकित देखील त्यावेळी चिनी वैज्ञानिकांनी केले होते अशी माहिती अमेरिकेच्या परराष्ट्र खात्याला प्राप्त झालेल्या कागदपत्रात दिली आहे. विशेष म्हणजे, सायबर तज्ज्ञांनी या कागदपत्रांची शहानिशा केली असून ती कागदपत्रे खरी असल्याचं समोर आलं आहे.

‘दी ऑस्ट्रेलियन’ या वृत्तपत्राने प्रथम प्रसारित केलेल्या कागदपत्राच्या आधारे ब्रिटनमधील ‘दी सन’ या वृत्तपत्राने ही माहिती दिली. अमेरिकी परराष्ट्र खात्याने ही कागदपत्रे मिळवली असून त्यात चीनच्या पीपल्स लिबरेशन आर्मीच्या कमांडर्सनी कोरोना विषाणूंचा वापर जैविक युद्धासाठी करता येईल असे म्हटले होते. अमेरिकी अधिकाऱ्यांनी मिळवलेली सदर कागदपत्रे २०१५ च्या दरम्यान चीनच्या लष्करी वैज्ञानिकांनी तयार केली होती. कोविड १९ विषाणू कुठून आला हे शोधून काढण्याचे काम अमेरिकेने हाती घेतले आहे. त्यांना मिळालेल्या माहितीनुसार चिनी वैज्ञानिकांनी सार्स कोरोना विषाणूंचे उदाहरण हे जनुकीय किंवा जैविक अस्त्र म्हणून त्यावेळी दिले होते. कोरोना विषाणूंमुळे माणसाला साध्या सर्दीपासून गंभीर श्वसन रोगापर्यंत अनेक व्याधी होतात. त्यात सार्सचाही समावेश आहे. पीपल्स लिबरेशन आर्मीच्या कागदपत्रातील संदर्भानुसार, जैविक अस्त्रांचा हल्ला केल्यास शत्रूची वैद्यकीय यंत्रणा कोलमडून पडेल असे सांगण्यात आले होते.

अमेरिकी हवाई दलाचे कर्नल मायकेल जे. ऐनकॉफ यांनी दिलेल्या माहितीनुसार, त्या कागदपत्रात जैविक अस्त्रांच्या मदतीने तिसऱ्या जागतिक महायुद्धाची शक्यता चीनच्या लष्करी अधिकाऱ्यांनी २०१५ मध्ये वर्तवली होती. लष्कराने असे म्हटले होते की, २००३ मध्ये करोनाचा विषाणू सार्सच्या रूपाने चीनमध्ये आला होता. त्याची मानवनिर्मित आवृत्ती तयार केली तर ते चांगले जैविक अस्त्र ठरू शकेल व ते दहशतवाद्यांनाही मागे टाकील असा उल्लेख त्यात आहे. चीनच्या आरोग्य क्षेत्रातील अनेक बडय़ा व्यक्तींची नावे या कागदपत्रांच्या लेखकात असून या कागदपत्रांवर आधारित ‘व्हॉट रिअली हॅपन्ड इन वुहान’ हे पुस्तक बाजारात येणार आहे. या कागदपत्रांवर एकूण १८ लेखकांची नावे असून त्यातील काही वैज्ञानिक शस्त्रास्त्र तज्ज्ञ आहेत. चीनने सुरुवातीला २०१९ मध्ये वुहान शहरात पहिला करोना रुग्ण सापडल्याचे जाहीर केले. नंतर जागतिक आरोग्य संघटनेने ती महासाथ जाहीर केली.

ऑस्ट्रेलियाचे खासदार टॉम टय़ुगेंडाट व ऑस्ट्रेलियाचे राजकीय नेते जेम्स पॅटर्सन यांनी म्हटले आहे की, या कागदपत्रातला मजकूर काळजी करायला लावणारा असून कोविड १९ बाबत चीनची भूमिका पारदर्शक नसल्याचे स्पष्ट करणारा आहे. चीनला सुरुवातीपासूनच जैविक अस्त्रात स्वारस्य आहे व ते धोकादायक ठरले आहे. या कागदपत्रांनी चीनच्या आसुरी महत्त्वाकांक्षा उघड झाल्या असून पक्षाच्या वरिष्ठ नेत्यांना जैविक अस्त्रांबाबत सल्ले देण्यात आले. ती जैविक अस्त्रे कशी तयार करता येतील याचीही माहिती दिली होती.

ही चीनची बदनामी असल्याचा चीनचा प्रत्यारोप

चीनच्या ग्लोबल टाइम्स या वृत्तपत्राने ही बातमी चीनची बदनामी करण्यासाठी दिल्याचा आरोप केला आहे. जैविक दहशतवादाचा अभ्यास करण्याच्या हेतूने लिहिलेल्या क्रमिक पुस्तकासारखा हा तपशील असून त्याचा अर्थ चीनने कृत्रिम कोरोना विषाणू तयार केला असा लावण्यात आला आहे. यात चीनची बदनामी करण्याचा हेतू असल्याचे इस्ट चायना नार्मल युनिव्हर्सिटीचे संचालक व प्राध्यापक शेन हाँग यांनी म्हटले आहे. ऑस्ट्रेलियातील चीनविरोधी शक्ती आम्हाला बदनाम करण्यासाठी पत्रकारितेतील नीतिमूल्यांचे उल्लंघन करून कागदपत्रांचा चुकीचा अर्थ लावत आहेत, असं ते म्हटले.

The post धक्कादायक खुलासा : चीनकडून 2015 मध्येच ‘कोरोना विषाणू’ शस्त्र म्हणून वापरण्याचा विचार, अमेरिकेला मिळाले पुरावे appeared first on थोडक्यात घडामोडी.

बीजिंग : चीनने पूर्व लडाखमधील गलवान खोऱ्यात झालेल्या हिंसक संघर्षाला आठ महिने उलटून गेल्यानंतर त्यांच्या ठार झालेल्या सैनिकांची नावे जाहीर केली. भारतासोबत झालेल्या संघर्षात चार लष्करी अधिकारी आणि जवान ठार झाले होते. तर, एकजण गंभीर जखमी झाला होता. त्यांनी त्यांच्या मृत्यू झालेल्या जवानांची माहिती का लपवली होती, यावर आता चीनच्या परराष्ट्र मंत्रालयाने स्पष्टीकरण देखील दिले आहे.

चीनच्या परराष्ट्र मंत्रालयाच्या प्रवक्त्या हुआ चुनयिंग यांनी शुक्रवारी याबाबत सांगितले की, गलवान खोऱ्यात झालेल्या हिंसाचारानंतर चीनने तणाव कमी करण्यासाठी संयम बाळगला होता. दोन्ही देशातील सैन्यामध्ये संबंध खराब होऊ नये यासाठी चीनने ठार झालेल्या आपल्या सैनिकांची नावे जाहीर केली नव्हती. चिनी लष्कराने जारी केलेला अहवाल अनेक वेळा वाचला. हा अहवाल वाचल्यानंतर मनाला वेदना झाल्या. यांपैकी चिनी जवान चेन होंगजून हा काही दिवसांमध्ये वडील होणार होता तर, शिआओ सियून हा लवकरच विवाह बंधनात अडकणार होता. मात्र, त्यांचा गलवान खोऱ्यात मृ्त्यू झाला. चीनच्या संप्रभुतेच्या रक्षणासाठी या दोघांनी प्राण दिले, असं त्यांनी सांगितलं.

वृत्तानुसार, ‘सेंट्रल मिलिटरी कमिशन ऑफ चायना’ने (CMC) काराकोरम रांगेत तैनात असलेल्या आणि जून २०२० मध्ये गलवान खोऱ्यात भारताविरुद्ध झालेल्या संघर्षात प्राण गमावलेल्या आपल्या पाच सैन्य अधिकारी-जवानांना श्रद्धांजली वाहिली.

The post चीनने त्यांच्या मृत्यू झालेल्या जवानांची माहिती का लपवली, चीनच्या परराष्ट्र मंत्रालयाने सांगितलं कारण.. appeared first on थोडक्यात घडामोडी.

जागतिक आरोग्य संघटनेला (WHO) कोरोना संसर्गाच्या सुरुवातीच्या प्रकरणांची माहिती देण्यास चीनने नकार दिला आहे. वृत्तानुसार, डब्ल्यूएचओची तपासणी टीम आणि चिनी अधिकारी यांच्यात या आकडेवारीवरून खूप वादविवाद झाला. चिनी अधिकारी कोरोना रुग्णांविषयी सविस्तर माहिती देत ​​नव्हते, असा दावा अमेरिकेकडून करण्यात येत आहे.

डब्ल्यूएचओ अधिकाऱ्यांनी म्हटले आहे की जर प्रारंभिक आणि व्यक्तिगत डेटा सापडला असता तर चीनमध्ये कोरोना विषाणूचा प्रसार केव्हा आणि कसा झाला आहे हे ठरविण्यात त्यांना मदत मिळाली असती.

WHO चे महासंचालक टेड्रोस घेब्रेयेसस यांनी शुक्रवारी पत्रकार परिषदेत सांगितले की कोरोना विषाणूचे मूळ शोधण्यासाठी आतापर्यंत केलेल्या शोधामध्ये जे काही उघड झाले आहे ते सर्वांसमोर आहे. अमेरिकेने चीनमध्ये गेलेल्या WHO च्या तपासणी टीमने गोळा केलेला सर्व डेटा बघायचा आहे, असे अमेरिकेने म्हटल्यावर त्यांनी हे सांगितले आहे.

वुहानच्या प्रयोगशाळेत कोरोना विषाणूचा प्रादुर्भाव झाल्याबद्दल डब्ल्यूएचओने चीनला क्लीन चिट दिली आहे. तर अमेरिकेचे माजी अध्यक्ष डोनाल्ड ट्रम्प सुरुवातीपासूनच म्हणत आले आहेत की कोरोना विषाणूचा प्रसार चीनच्या प्रयोगशाळेतूनच झाला आहे.

The post WHO ला कोरोना संसर्गाच्या सुरुवातीच्या प्रकरणांची माहिती देण्यास चीनने दिला नकार appeared first on थोडक्यात घडामोडी.