पुणे : खडकवासला धरण प्रशासनाने मंगळवारी दुपारी मुठा नदीत सोडण्यात येणाऱ्या पाण्याच्या विसर्गात वाढ केली आहे. दुपारी ४:०० वाजेपूर्वी १९,३३४ क्युसेक इतका असलेला विसर्ग २४,८२७ क्युसेकपर्यंत वाढवण्यात आला असल्याची माहिती धरण अधिकाऱ्यांनी दिली.

पाटबंधारे विभागाने सांगितले की, गेल्या काही दिवसांपासून घाटमाथ्यावर आणि परिसरात झालेल्या मुसळधार पावसामुळे धरणात जलसाठा वेगाने वाढत आहे. यामुळे धरणातील जलपातळी नियंत्रित ठेवण्यासाठी विसर्ग वाढविणे आवश्यक झाले आहे. पावसाची तीव्रता आणि धरणात येणाऱ्या पाण्याच्या प्रवाहावरून विसर्गात पुढील काही तासांत आणखी बदल होऊ शकतात, असा इशारा विभागाने दिला आहे.

नदीकाठच्या नागरिकांनी व शेतकऱ्यांनी खबरदारी घेण्याचे, तसेच नदीपात्राजवळ जाणे टाळण्याचे आवाहन करण्यात आले आहे. अचानक पाण्याची पातळी वाढल्यास जनजीवन आणि शेतीला धोका निर्माण होऊ शकतो. पुण्यातील स्वारगेट येथील मुठा कालवे सिंचन उपविभागाचे उपविभागीय अभियंता मोहन भदाणे यांनी सांगितले की, “नागरिकांनी सतर्क राहावे, नदीपात्राजवळ वावरू नये, तसेच पुलांखाली किंवा धोकादायक ठिकाणी वाहन पार्क करू नयेत.”

सध्या धरणातून विसर्ग वाढल्यामुळे मुठा नदीच्या पात्रात पाण्याची पातळी झपाट्याने वाढत आहे. त्यामुळे पुणे शहरासह खडकवासला, सिंहगड रस्ता, वारजे, कोथरूड, तसेच नदीकाठच्या भागात राहणाऱ्या नागरिकांनी विशेष सतर्क राहणे गरजेचे असल्याचे पाटबंधारे विभागाकडून स्पष्ट करण्यात आले आहे.

यापूर्वी सकाळी धरणातून ११,८७८ क्युसेक इतका विसर्ग सुरू होता. दुपारपर्यंत तो १९,३३४ क्युसेकवर गेला आणि नंतर संध्याकाळी २४,८२७ क्युसेकपर्यंत वाढविण्यात आला आहे.

धरणक्षेत्रात आणि घाटमाथ्यावर पावसाचा जोर कायम राहिल्यास आणखी विसर्ग वाढू शकतो. त्यामुळे प्रशासनाने नागरिकांना वारंवार सूचना पाळण्याचे आणि सावध राहण्याचे आवाहन केले आहे.

The post खडकवासलातून पाण्याचा २४,८२७ क्युसेकने विसर्ग; नदीपात्रातील पाणीपातळीत वाढ appeared first on थोडक्यात घडामोडी.

पुणे : खडकवासला धरणातून मुठा नदीपात्रात होणारा पाण्याचा विसर्ग मंगळवारी दुपारी वाढवण्यात आला असल्याची माहिती पाटबंधारे विभागाने दिली आहे.

धरणातून ११,८७८ क्युसेक इतका विसर्ग सुरू होता. मात्र, दुपारी २ वाजेपासून हा विसर्ग वाढवून १५,४४२ क्युसेक इतका करण्यात आला आहे. पावसाळा आणि धरणातील पाण्याची आवक लक्षात घेऊन विसर्गाची मात्रा पुढे आणखी वाढवली किंवा कमी केली जाऊ शकते, असा इशारा अधिकाऱ्यांनी दिला आहे.

स्वारगेट येथील मुठा कालवा सिंचन उपविभागाचे उपविभागीय अभियंता मोहन भदाणे यांनी यासंदर्भात सूचना जारी केल्या आहेत. नदीकाठच्या नागरिकांना सतर्क राहण्याचे तसेच विसर्ग पातळीत होणाऱ्या चढ-उतारांमुळे आवश्यक ती खबरदारी घेण्याचे आवाहन करण्यात आले आहे.

The post खडकवासला धरणातून पाण्याचा विसर्ग वाढवला; नागरिकांना सतर्कतेचे आवाहन appeared first on थोडक्यात घडामोडी.

पुणे : पाणलोट क्षेत्रात सतत सुरू असलेल्या मुसळधार पावसामुळे धरणातील जलसाठा झपाट्याने वाढत असून खडकवासला धरणातून मुठा नदी पात्रात पाण्याचा विसर्ग बुधवारी वाढविण्यात आला. सकाळी १० वाजता घेतलेल्या निर्णयानुसार सुरुवातीला ६,४५१ क्युसेक पाण्याचा विसर्ग सुरू करण्यात आला होता, जो नंतर ८,५२२ क्युसेकपर्यंत वाढविण्यात आला.

स्वारगेट येथील मुठा कालवा सिंचन उपविभागाचे उपविभागीय अभियंता मोहन भदाणे यांनी माहिती दिली की, हवामानातील बदल आणि पावसाची तीव्रता लक्षात घेऊन विसर्गाची मात्रा कमी अथवा अधिक केली जाऊ शकते. नागरिकांना, विशेषतः नदीकाठच्या रहिवाशांना, सतर्क राहण्याचे आणि नदीपात्राच्या जवळ जाणे टाळण्याचे आवाहन करण्यात आले आहे.

प्रशासनाकडून परिस्थितीवर सतत लक्ष ठेवले जात असून, आवश्यकतेनुसार पुढील सूचना व अद्ययावत माहिती प्रसिद्ध करण्यात येणार आहे.

The post खडकवासला धरणातून पाण्याचा विसर्ग वाढवला; नदीकाठच्या नागरिकांना सतर्कतेचा इशारा appeared first on थोडक्यात घडामोडी.

पुणे : खडकवासला धरण अधिकाऱ्यांनी आज सायंकाळी ६ वाजता मुठा नदीपात्रात ४,३४५ क्युसेक पाणी विसर्ग करण्याची घोषणा केली आहे. ही माहिती केंद्रीय नियंत्रण कक्षाच्या देखरेख अधिकारी श्वेता कुऱ्हाडे यांनी दिली. दुपारी सुरू झालेल्या २,००० क्युसेक विसर्गापेक्षा हा विसर्ग जास्त असून, पावसाच्या तीव्रतेनुसार पुढील तासांत त्यात आणखी वाढ होण्याची शक्यता आहे.

खबरदारीचे उपाय जारी
वाढत्या पाण्याच्या पातळीच्या पार्श्वभूमीवर महाराष्ट्र शासनाच्या जलसंपदा विभागाने पुणे शहर आणि परिसरासाठी ‘हाय अलर्ट’ जारी केला आहे. मुठा नदीच्या पात्राजवळील नागरिकांनी पुढील खबरदारीचे उपाय पाळावेत, असे आवाहन प्रशासनाकडून करण्यात आले आहे :

• सतत सतर्क राहावे आणि नदीकाठच्या भागांपासून दूर रहावे.
• सखल भागांतील पशुधन, वाहने व मौल्यवान वस्तू तातडीने सुरक्षित ठिकाणी हलवाव्यात.
• पुणे महानगरपालिका (PMC), आपत्ती व्यवस्थापन कक्ष आणि पोलिस विभागाच्या अधिकृत सूचनांचे पालन करावे.

प्रशासकीय यंत्रणा सज्ज
वाढत्या विसर्गाच्या पार्श्वभूमीवर प्रशासनाने महत्त्वाच्या यंत्रणांना आवश्यक खबरदारी घेण्याचे निर्देश दिले आहेत. यामध्ये पुढील विभागांचा समावेश आहे :

• जिल्हा आपत्ती व्यवस्थापन कक्ष, पुणे
• PMC आपत्ती नियंत्रण कक्ष
• पोलीस आयुक्त कार्यालय
• पीएमआरडीए नियंत्रण कक्ष
• MSEB मुख्यालय

सर्व यंत्रणांना जनतेच्या सुरक्षिततेसाठी सज्ज राहण्याचे आदेश देण्यात आले आहेत.

आणखी विसर्ग वाढण्याची शक्यता
पावसाचा जोर असाच कायम राहिल्यास खडकवासला धरणातून विसर्ग अधिक वाढवला जाऊ शकतो, असा इशारा अधिकाऱ्यांनी दिला आहे. नागरिकांनी पूरप्रवण भागात अनावश्यक प्रवास टाळावा, तसेच प्रशासनाला सहकार्य करावे, असे आवाहन करण्यात आले आहे.

The post खडकवासला धरणातून आता ४,३४५ क्युसेक्सने विसर्ग; पुण्यात हाय अलर्ट जारी appeared first on थोडक्यात घडामोडी.

मुंबई : खडकवासला धरण परिसरात होत असलेला पाऊस आणि खडकवासला धरणामध्ये येत असलेल्या पाण्याचा प्रमाण पाहता खडकवासला धरणातून आज १९ जून रोजी दुपारी एक वाजता २ हजार क्युसेक्सने विसर्ग सोडण्यात आला आहे. पावसाचे प्रमाण पाहता या विसर्गात टप्प्याटप्प्याने वाढ होण्याची शक्यता नाकारता येत नाही. त्यामुळे पुणे महानगरपालिका परिसरातील नागरिकांना सतर्कतेचा इशारा देण्यात आला आहे, असे राज्य आपत्कालीन कार्य केंद्राकडून कळविण्यात आले आहे.

The post खडकवासला धरणातून २ हजार क्युसेक्सने विसर्ग appeared first on थोडक्यात घडामोडी.

पुणे : रात्रभर झालेल्या मुसळधार पावसामुळे पुण्यात भीषण परिस्थिती आहे. गेल्या २४ तासांत ३७० मिलीमीटर पाऊस झाल्यानं पुण्यातील स्थिती गंभीर आहे. शेकडो घरांमध्ये पाणी शिरलं आहे. खडकवासला धरणातून ४० हजार क्युसेक वेगानं पाण्याचा विसर्ग सुरु आहे. या पार्श्वभूमीवर मुख्यमंत्री एकनाथ शिंदे आणि उपमुख्यमंत्री अजित पवार परिस्थितीवर लक्ष ठेवून आहेत.

नागरिकांनी आपल्या सुरक्षेचा काळजी घ्यावी. घाबरुन जाऊ नये, असं आवाहन मुख्यमंत्री एकनाथ शिंदेंनी केलं आहे. ‘पुणे जिल्हाधिकारी, पुण्याचे महापालिका आयुक्त, पिंपरी चिंचवडचे महापालिका आयुक्त, लष्कराचे कर्नल यांच्याशी मी संपर्क साधलेला आहे. प्रशासनाकडून परिस्थितीचा आढावा घेतलेला आहे. त्यांना सतर्क राहण्याचे आदेश दिले आहेत. मदत आणि बचाव कार्य वेगानं सुरु आहे,’ अशी माहिती मुख्यमंत्री शिंदे यांनी दिली.

पुण्यातील काही भागांमध्ये पाणी साचल्यानं रहिवासी अडकले आहेत. त्यांच्या सुटकेसाठी एनडीआरएफ, पालिकेचे प्रयत्न सुरु आहेत. वेळ पडलीच तर आम्ही रहिवाशांना एअरलिफ्ट करु. यासाठी संबंधित यंत्रणेशी संपर्क साधण्यात आलेला आहे. प्रशासनातील सर्व अधिकाऱ्यांना फिल्डवर उतरण्याचे आदेश देण्यात आलेले आहेत. रहिवाशांना सुरक्षित स्थळी नेण्याच्या सूचना केलेल्या आहेत, असं मुख्यमंत्र्यांनी सांगितलं.

जिथे जिथे गरज आहे तिथे तिथे मदत पोहोचेल. त्या संदर्भात जिल्हाधिकाऱ्यांना आदेश देण्यात आलेले आहेत. लोकांनी काळजी करु नये. प्रशासन तुमच्या मदतीला आहे, असं आवाहन मुख्यमंत्र्यांनी केलं. ‘अजित पवार स्वत: कंट्रोल रुममध्ये आहेत. त्यांनी पुण्यातीस परिस्थितीचा आढावा घेतलेला आहे. ते अधिकाऱ्यांना सूचना करत आहेत. गरजूंना सगळी मदत देण्यात येईल. त्यांच्यासाठी जेवणाची व्यवस्था केली जाईल,’ अशी माहिती शिंदेंनी दिली आहे.

The post घाबरुन जाऊ नका, वेळ पडलीच तर रहिवाशांना एअरलिफ्ट करा!, मुख्यमंत्र्यांचे प्रशासनाला आदेश; appeared first on थोडक्यात घडामोडी.

पुणे : खडकवासला प्रकल्प क्षेत्रात पुरेसा पाऊस झाल्याने आणि प्रकल्पात समाधानकारक पाणीसाठा झाल्याने पुणे शहरासाठी प्रत्येक आठवड्यात करण्यात येणारी पाणी कपात आजपासून रद्द करण्याचे निर्देश पालकमंत्री चंद्रकांत पाटील यांनी दिले आहेत.

खडकवासला प्रकल्पातील पाणीसाठा २१.६२ टीएमसी असून गतवर्षी याच कालावधीत हा साठा २१.४२ टीएमसी होता. वर्षभरात पिण्याचे पाणी व शेतीसाठी साधारण ३० टीएमसी पाण्याची आवश्यकता असते अशी माहिती यावेळी देण्यात आली. शेतीसाठी लागणारे पाणीही देण्यात यावे आणि धरणाच्या पाण्यावर अवलंबून असलेले तलावही भरण्यात यावेत. येत्या काळात पावसाचे प्रमाण लक्षात घेऊन पुढील आढावा घेण्यात यावा असे निर्देशही पाटील यांनी दिले.

यासंबंधाने शासकीय विश्रामगृह येथे आयोजित आढावा बैठकीस महानगरपालिका आयुक्त विक्रम कुमार, जिल्हाधिकारी डॉ. राजेश देशमुख, जलसंपदा विभागाचे अधीक्षक अभियंता प्रसन्न जोशी, कार्यकारी अभियंता श्वेता कुऱ्हाडे, महानगरपालिकेच्या पाणी पुरवठा विभागाचे मुख्य अभियंता अनिरुद्ध पावसकर आदी उपस्थित होते.

The post पुणे शहराची पाणी कपात आजपासून रद्द करण्याचे पालकमंत्री चंद्रकांत पाटील यांचे निर्देश appeared first on थोडक्यात घडामोडी.

पुणे : संततधार पावसामुळे खडकवासला धरण जवळजवळ पूर्ण क्षमतेने भरले आहे. दरम्यान, खडकवासला धरण परिसरात मंगळवारच्या तुलनेत कमी पाऊस झाल्याने खडकवासला धरणाच्या सांडव्यातून सुरू असलेला विसर्ग कमी करून सकाळी ११ वाजता ५५६४ क्युसेक करण्यात आला आहे. पावसाच्या प्रमाणानुसार व येव्यानूसार विसर्ग पुन्हा कमी किंवा जास्त करण्याची शक्यता आहे. नदीकाठच्या नागरिकांनी दक्षता घ्यावी, असे आवाहन जिल्हा प्रशासनाने केले आहे.

बुधवारी सकाळी ६ वाजल्यापासून या धरणातून मुठा नदीत १०,२४६ क्युसेक वेगाने पाण्याचा विसर्ग सुरू होता. त्यानंतर धरणाच्या सांडव्यातून सुरू असलेला विसर्ग कमी करून सकाळी ११ वाजता ५५६४ क्युसेक करण्यात आला आहे.

सध्या चारही धरणांमधील पाणीसाठा १२.२३ अब्ज घनफूट (टीएमसी) म्हणजेच ४१.९६ टक्क्यांवर पोहोचला आहे. चारही धरणांच्या पाणलोट क्षेत्रात मंगळवारी रात्रीपासून बुधवारी सकाळपर्यंत जोरदार पाऊस झाला. मंगळवारी रात्री ते बुधवारी सकाळपर्यंत टेमघर धरण क्षेत्रात 160 मिमी, वरसगाव धरण क्षेत्रात 88 मिमी, पानशेत धरण परिसरात 93 मिमी आणि खडकवासला धरण परिसरात 38 मिमी पावसाची नोंद झाली आहे. खडकवासला धरण साखळी प्रकल्पात सध्या १२.२३ टीएमसी पाणीसाठा झाला आहे. मंगळवारी रात्री चारही धरणांमध्ये 11.57 टीएमसी पाणीसाठा होता. मंगळवारी रात्रीच्या तुलनेत बुधवारी सकाळी पाणीपुरवठ्यात 0.66 टीएमसीने वाढ झाल्याची माहिती जलसंपदा विभागाने दिली आहे.

दरम्यान, खडकवासला धरण परिसरात मंगळवारच्या तुलनेत कमी पाऊस झाल्याने या धरणातून मुठा नदीत 13 हजार 142 क्युसेकने विसर्ग करणाऱ्या विसर्गाचा वेग बुधवारी सकाळी 2896 क्युसेकने कमी झाल्याची माहिती जलसंपदा विभागाने दिली आहे. त्यानंतर 11 वाजल्यापासून हा विसर्ग आणखी कमी करण्यात आला आहे.

The post खडकवासला धरणातून विसर्ग कमी करून केला 5564 क्युसेक, पावसाच्या प्रमाणानुसार पुढील निर्णय… appeared first on थोडक्यात घडामोडी.

पुणे : खडकवासला धरणाच्या मुक्त पाणलोट क्षेत्रात सुरू असलेल्या मुसळधार पावसामुळे आज रात्री 11.30 च्या सुमारास खडकवासला धरणाच्या स्पिलवेमधून पाणी सोडण्यात येणार असल्याची माहिती मिळाली आहे. प्रारंभिक विसर्ग 1000 क्युसेक असेल. धरणातील आवक पाहता विसर्ग वाढविण्यात येणार आहे. सर्व संबंधित अधिकाऱ्यांना तयार राहण्यास सांगण्यात आलेले आहे.

“खडकवासला धरणाच्या पाणलोट क्षेत्रात पाऊस सुरू असल्याने आज रात्री ११.३० वाजता १ हजार क्यूसेक्स विसर्ग मुठा नदीपात्रात करण्यात येणार आहे. नदीकाठच्या नागरिकांनी सतर्कता बाळगावी,” असे आवाहन जिल्हा प्रशासनातर्फे करण्यात आले आहे.

#खडकवासला धरणाच्या पाणलोट क्षेत्रात पाऊस सुरू असल्याने आज रात्री ११.३० वाजता १ हजार क्यूसेक्स विसर्ग #मुठा नदीपात्रात करण्यात येणार आहे. नदीकाठच्या नागरिकांनी सतर्कता बाळगावी, असे आवाहन जिल्हा प्रशासनातर्फे करण्यात आले आहे.@MahaDGIPR @PMCPune

— DISTRICT INFORMATION OFFICE, PUNE (@Info_Pune) July 11, 2022

The post ब्रेकिंग! पुण्यातील खडकवासला धरणातून मुठा नदीपात्रात पाणी सोडणार, नागरिकांना सतर्कतेचा इशारा appeared first on थोडक्यात घडामोडी.