नवी दिल्ली : भारत बायोटेकची कोरोना लस कोवॅक्सीनला जर्मनीने मान्यता दिली आहे. ही लस भारतात तयार झाली आहे. या मंजुरीची अनेक दिवसांपासून प्रतीक्षा होती. त्यानंतर आता जर्मनीला जाणाऱ्या सर्व लोकांना मोठा दिलासा मिळणार आहे. भारतीय प्रवाशांना 1 जूनपासून लसीकरण प्रमाणपत्र सादर करण्याची आवश्यकता राहणार नाही. कोवॅक्सीनला ही मान्यता प्रवासासाठी देण्यात आली आहे.

लोकांना मोठा दिलासा
ज्या लसीला कोणत्याही देशाने मान्यता दिलेली नाही, ती घेतलेल्या प्रवाशांना अनेक नियमांचे पालन करावे लागते. ज्यामध्ये कोविड लसीकरण प्रमाणपत्र, कोरोना चाचणी, क्वारंटाईन यासारख्या नियमांचा समावेश आहे. त्यामुळे नागरिकांना त्रासाला सामोरे जावे लागते. कोवॅक्सीन घेणार्‍या लोकांनाही जर्मनीमध्ये अशाच प्रकारच्या समस्यांचा सामना करावा लागत होता, परंतु आता मंजुरी मिळाल्यानंतर लोकांना मोठा दिलासा मिळाला आहे.

अमेरिकेत क्लिनिकल चाचण्यांवरील बंदी उठवली
याआधी, यूएस फूड अँड ड्रग अॅडमिनिस्ट्रेशन (FDA) ने भारत बायोटेकच्या कोविड-19 लसीच्या ‘कोव्हॅक्सीन’च्या तीन क्लिनिकल चाचण्यांपैकी फेज II वरील बंदी उठवली आहे. अमेरिका आणि कॅनडामध्ये या लसीसाठी भारत बायोटेकचे भागीदार ओकुजेन इंक यांनी जारी केलेल्या निवेदनात ही माहिती देण्यात आली आहे. निवेदनात म्हटले आहे की, “आम्ही कोवॅक्सीनसाठी आमची क्लिनिकल चाचणी पुढे चालू ठेवू शकतो, याचा आम्हाला खूप आनंद होत आहे. आम्हाला विश्वास आहे की अतिरिक्त, भिन्न प्रकारची लस पुरवण्याची गरज प्राधान्याने राहिली आहे.

एप्रिलमध्ये चाचणी थांबवण्याचा एफडीएचा निर्णय यूएस कंपनीच्या चाचण्यांमध्ये सहभागी असलेल्यांना लसीच्या डोसचा पुरवठा तात्पुरता थांबवण्याच्या स्वेच्छेने अंमलबजावणी करण्याच्या निर्णयावर आधारित होता. भारतातील लसीच्या उत्पादन युनिटवर जागतिक आरोग्य संघटनेच्या टिप्पण्यांनंतर हा निर्णय घेण्यात आला आहे.

The post मोठी बातमी! भारत बायोटेकच्या कोवॅक्सीनला जर्मनीची मान्यता, भारतीयांसाठी का आहे आवश्यक? जाणून घ्या… appeared first on थोडक्यात घडामोडी.

नवी दिल्ली : Covaxin कोरोना लसीसंबंधित मोठी बातमी आली आहे. आता 2 ते 18 वयापर्यंतच्या मुलांना कोवॅक्सिन या लसीने लसीकरण करता येणार आहे. DCGI कडून त्यासाठी मान्यता देण्यात आली आहे. भारत बायोटेक आणि ICMR ने मिळून कोवॅक्सिन लस बनवली आहे. कोवॅक्सिन ही भारतीय कोरोना लस आहे. क्लिनिकल चाचण्यांमध्ये कोवॅक्सिन लस कोरोना विषाणूविरूद्ध सुमारे 78 टक्के प्रभावी असल्याचे सिद्ध झालेले आहे.

मिळालेल्या माहितीनुसार, केंद्र सरकारकडून यासंदर्भात लवकरच गाईडलाईन्स जारी केल्या जातील. मुलांना प्रौढांप्रमाणे कोवॅक्सिनच्या दोन लस दिल्या जातील. आतापर्यंत करण्यात आलेल्या चाचण्यांमध्ये, या लसीमुळे मुलांना कोणतेही नुकसान झालेले नाही.

भारत बायोटेकने सप्टेंबरमध्ये मुलांवर लसीच्या चाचण्या पूर्ण केल्या आणि डेटा सादर केला होता. मूल्यांकनानंतर DCGI ने कंपनीकडून अतिरिक्त डेटा मागितला होता. तो शनिवारी सादर करण्यात आला होता. कालही विषय तज्ज्ञ समितीची (Subject Expert Committee) यासंदर्भात बैठक झाली. त्यानंतर आजच्या बैठकीत 2 ते 18 वयोगटातील मुलांना ही लस देण्याची मान्यता देण्यात आल्याची माहिती मिळाली आहे.

The post मोठी बातमी! आता 2 ते 18 वयोगटातील मुलांना मिळणार लस, DGCI ने दिली कोवॅक्सिन लसीला मान्यता appeared first on थोडक्यात घडामोडी.

नवी दिल्ली : भारतीय औषधी कंपनी झायडस कॅडिलाची कोरोना लस Zycov-D ला DGCI ने शुक्रवारी आपत्कालीन वापरासाठी मंजुरी दिली आहे. ही जगातील पहिली डीएनए वर आधारित लस आहे. ही लस 12 वर्षे व त्यावरील मुले आणि प्रौढांना दिली जाऊ शकते.

झायडस कॅडिलाच्या मते, आतापर्यंत भारतातील 50 हून अधिक केंद्रांवर या लसीची सर्वात मोठी क्लिनिकल चाचणी घेण्यात आली आहे. देशात उपलब्ध असलेली ही चौथी लस असेल. आतापर्यंत सीरम इन्स्टिट्यूटची कोव्हीशिल्ड, भारत बायोटेकची कोवॅक्सीन आणि रशियाची स्पुटनिक-व्ही या लसी भारतात वापरल्या जात आहेत. सध्या भारतात दिल्या जाणाऱ्या तीनही लसी डबल डोसच्या आहेत. जॉन्सन अँड जॉन्सन आणि स्पुटनिक लाइट सारख्या सिंगल-डोस लस देखील आहेत, ज्या येत्या काही महिन्यांत भारतात येऊ शकतात, परंतु Zycov-D लस त्या सर्वांपेक्षा वेगळी आहे. या लसीचे तीन डोस लागू केले जातील.

Zydus receives EUA from DCGI for ZyCoV-D, the only needle-free COVID vaccine in the world. #Zydus #vaccine #zycovd #atmanirbharbharat #worldsfirstdnavaccine #dnavaccine #covid pic.twitter.com/UmYUpPymx0

— Zydus Cadila (@ZydusUniverse) August 20, 2021

फेज -1 आणि फेज -2 ट्रायल्स दरम्यान, ह्या लसीचे तीन डोस घेतल्यानंतर ही लस बराच काळ प्रतिकारशक्ती मजबूत ठेवते. तथापि, कॅडिला या लसीच्या दोन डोसची देखील चाचणी घेत आहे. यासंबंधीचे निकालही लवकरच येऊ शकतात.

After evaluation of interim Phase III clinical trial results in consultation with Subject Expert Committee, CDSCO has approved DNA COVID-19 vaccine (ZyCoV-D) of M/s Cadila Healthcare for restricted use in emergency situation in India for 12 years and above.

— CDSCO_INDIA_INFO (@CDSCO_INDIA_INF) August 20, 2021

The post मोठी बातमी! आता १२ वर्षावरील सर्वांना कोरोना लस देता येणार, ‘या’ लसीला मिळाली मंजुरी appeared first on थोडक्यात घडामोडी.

नवी दिल्ली : संपूर्ण जगात सध्या कोरोना लसीकरण सुरु आहे. त्यापार्श्वभूमीवर तज्ज्ञ लस घेण्यापूर्वी आणि लस घेतल्यानंतर अनेक गोष्टींची काळजी घेण्याचा सल्ला देतात. डेली मेलच्या अहवालानुसार, रशियामधील लोकांना लस घेतल्यानंतर किमान तीन दिवस लैंगिक संबंध न ठेवण्याचा सल्ला देण्यात आला आहे.

लस घेतल्यानंतर कोणत्याही प्रकारचे शारीरिक श्रम करू नये, असा सल्ला यापूर्वी तज्ज्ञांकडून देण्यात आला होता. यामध्ये लैंगिक संबंध देखील समाविष्ट आहेत. यापूर्वी येथील लोकांना लस घेतल्यानंतर अल्कोहोल आणि सिगारेटपासून दूर राहण्यास सांगितले गेले होते. पत्रकार परिषदेत सेरॅटोव्ह क्षेत्राचे उप आरोग्यमंत्री डॉ. डेनिस ग्राफर म्हणाले कि, “प्रत्येकाला माहित आहे की सेक्स करण्यासाठी खूप ऊर्जा लागते. त्यामुळेच आम्ही लोकांना लस मिळाल्यानंतर लैंगिक संबंधांपासून दूर राहण्याचा सल्ला देत आहोत.

तथापि, डॉ. ग्राफर यांच्या वक्तव्यावर स्थानिक माध्यमांकडून टीका होत आहे. तेथील वरिष्ठ वैद्यकीय अधिकारी ओलेग कोस्टिन यांनी सांगितले की ते डॉ. ग्राफर यांच्या विधानाशी सहमत नाहीत. कोस्टिन म्हणाले की लस घेतल्यानंतर सेक्स पूर्णपणे थांबवण्याऐवजी योग्य ती काळजी घेऊन आपण सेक्स करू शकता.

दरम्यान, भारतात लसीकरणानंतर अशी कोणतीही अधिकृत मार्गदर्शक तत्त्वे जारी केलेली नाहीत. तथापि, युनिसेफकडून लस घेतल्यानंतर काही खास गोष्टींची काळजी घेण्याचा सल्ला देण्यात आला आहे. युनिसेफ कडून देखील सांगण्यात आले आहे की लसीकरणानंतर २-३ दिवस कोणत्याही प्रकारच्या त्रासदायक शारीरिक हालचाली टाळल्या पाहिजेत, कारण यावेळी शरीर लसीच्या दुष्परिणामांपासून बरे होत असते. युनिसेफने लसीकरणानंतर काही दिवस अल्कोहोल आणि तंबाखूचे सेवन न करण्याचा सल्ला दिला आहे. तज्ञ म्हणतात की अल्कोहोल आणि सिगारेट लसीचे दुष्परिणाम आणखी वाढवू शकतात. या व्यतिरिक्त, अल्कोहोलचा प्रतिकारशक्तीवर वाईट परिणाम होतो, ज्यामुळे लस शरीरावर कमी प्रभावी ठरते.

लस घेण्यापूर्वी आणि नंतर हायड्रेटेड राहणे खूप महत्वाचे आहे. म्हणूनच, ही लस घेतल्यानंतर तुम्ही भरपूर पाणी प्यावे. लस घेतल्यानंतर हातात वेदना, ताप, थंडी वाजणे यासारखी लक्षणे दिसतात जी दोन दिवसांत स्वतःच बरी होतात. लसीचे दोन्ही डोस घेतल्यानंतर काही आठवड्यांनंतरच शरीरात रोग प्रतिकारशक्ती निर्माण होते. म्हणून या वेळी बेफिकीर राहू नका.

कोणतीही लस 100% प्रभावी नसते, त्यामुळे लस मिळाल्यानंतरही आपल्याला वारंवार आपले हात धुवावे लागतील, मास्क लावावा लागेल आणि सामाजिक अंतराचे अनुसरण करावे लागेल.

The post कोरोना लस घेतल्यानंतर किमान तीन दिवस लैंगिक संबंध न ठेवण्याचा तज्ज्ञांचा सल्ला appeared first on थोडक्यात घडामोडी.

ठाणे : एका २८ वर्षीय महिलेला एकाच वेळी कोरोना लसीचे तीन डोस दिल्याचा प्रकार समोर आला आहे. ठाणे महापालिकेच्या घोडबंदर रोड परिसरातील आनंदनगर आरोग्य केंद्रामध्ये २५ जून रोजी हा धक्कादायक प्रकार घडला आहे. या महिलेची प्रकृती स्थिर असली, तरी तिला वैद्यकीय अधिकाऱ्यांच्या देखरेखेखाली ठेवण्यात आले आहे. महापौरांनी या प्रकरणात कोणी दोषी आढळल्यास कारवाई करण्याचे आश्वासन दिले आहे.

मिळालेल्या माहितीनुसार, ठाण्यातील घोडबंदर रोडवरील आनंदनगर आरोग्य केंद्रामध्ये रूपाली साळी लसीची पहिली मात्रा घेण्यासाठी गेल्या होत्या. पहिली लसमात्रा घेतल्यानंतर त्यांना काही मिनिटांच्या अंतराने आणखी दोन वेळा लस टोचण्यात आली. लसीकरण केंद्रातून बाहेर आल्यानंतर त्यांनी ही बाब त्यांच्या पतीला सांगितली. परंतु, प्रकृती बरी असल्याने त्यांनी कोणाला काही सांगितले नाही. मात्र, दुसऱ्या दिवशी त्यांनी ही घटना स्थानिक नगरसेविका कविता पाटील यांच्या निदर्शनास आणून दिली. या घटनेची माहिती मिळताच आरोग्य यंत्रणांनी या महिलेच्या प्रकृतीची तपासणी केली. या महिलेचा पती महापालिकेचा कर्मचारी आहे. त्यांनी यासंदर्भात कोणत्याही प्रकारची तक्रार नसल्याचे सांगितले आहे. परंतु, या प्रकरणाची दखल घेत महापौर नरेश म्हस्के यांनी चौकशी समिती नेमण्याचे निर्देश प्रशासनाला दिले आहेत.

सोमवारी भाजपचे गटनेते मनोहर डुंबरे यांनी यासंदर्भात आयुक्त डॉ. विपिन शर्मा यांची भेट घेऊन त्यांना दोषींवर कारवाई करण्याची विनंती केली. निष्काळजीमुळे हा प्रकार घडला असून, याला प्रशासन जबाबदार असल्याचा आरोप करण्यात आला आहे. दरम्यान, महापालिकेच्या आरोग्य विभागाकडून तीनदा लसीकरण झाले नसल्याचा दावा करण्यात आला आहे. परंतु, यासंदर्भात आणखी सखोल चौकशी करण्यात येणार असल्याचे आरोग्य विभागाकडून स्पष्ट करण्यात आले आहे.

The post महिलेला एकाच वेळी दिले कोरोना लसीचे तीन डोस appeared first on थोडक्यात घडामोडी.

पुणे : अमेरिकेतील बायोटेक कंपनी नोव्हावॅक्स आणि पुण्यातील सीरम इन्स्टिट्यूट यांच्या भागिदारीतून तयार करण्यात येणाऱ्या कोवोवॅक्स या कोरोना लसीचे उत्पादन सुरुवात करण्यात आले आहे. याबाबत सीरम इन्स्टिट्यूट ऑफ इंडियाने माहिती दिली आहे. सीरम इन्स्टिट्यूटने ट्विट करत म्हटले कि, “हा एक नवा माईलस्टोन आहे. या आठवड्यात आम्ही पुण्यातील आमच्या कंपनीत कोवोवॅक्सची पहिली बॅच सुरू केली आहे.”

ही लस कोरोनाच्या ब्रिटन आणि दक्षिण आफ्रिका व्हेरिएन्ट विरोधात 89 टक्के कार्यक्षम असल्याचा दावा कंपनीने केला आहे. ही कोरोना प्रतिबंधक लस सप्टेंबर 2021 पर्यंत बाजारात येण्याची शक्यता आहे, अशी माहिती सीरम इन्स्टिट्यूटचे अध्यक्ष आदर पुनावाला यांनी याआधीच दिली होती.

A new milestone has been reached; this week we began our first batch of Covovax (a COVID-19 vaccine developed by @Novavax) at our facility, here in Pune. pic.twitter.com/FqoVTUa1nO

— SerumInstituteIndia (@SerumInstIndia) June 25, 2021

The post मोठी बातमी : कोवोवॅक्स कोरोना लसीचे उत्पादन सुरु, सीरम इन्स्टिट्यूटने दिली माहिती appeared first on थोडक्यात घडामोडी.

अमेरिका : अमेरिकेची कोरोना लस उत्पादक कंपनी फायझरने 12 वर्षापेक्षा कमी वयाच्या मुलांवर लसीची चाचणी सुरू केली आहे. पहिल्या टप्प्यात काही निरोगी मुलांना कोरोना लस दिली जाईल. चाचणीसाठी फायझरने जगातील चार देशांतील 4,500 हून अधिक मुलांना निवडले आहे. या चार प्रमुख देशांमध्ये अमेरिका, फिनलँड, पोलंड आणि स्पेनचा समावेश आहे.

फायझरने याबाबत माहिती देताना सांगितले की, “चाचणीच्या पहिल्या टप्प्यात १२ वर्षाखालील मुलांना लस दिली जाईल. जर सर्व काही ठीक झाले तर ही चाचणी पुढे सुरु राहील. कंपनीने पुढे म्हटले की लसीकरणाच्या चाचणीसाठी या आठवड्यात 5 ते 11 वर्षे वयोगटातील मुलांना निवडण्याचे काम सुरू केले जाईल. या मुलांना १० मायक्रोग्रामचे दोन डोस दिले जातील. हा डोस प्रौढ आणि वृद्धांना देण्यात येणाऱ्या डोसच्या एक तृतीयांश आहे. यानंतर काही आठवड्यात 6 महिन्यांपेक्षा जास्त वयाच्या मुलांवर लसीची चाचणी सुरू केली जाईल. त्यांना तीन मायक्रोग्राम लस दिली जाईल.

Today begins the Phase 2/3 part of our continuous study of the Pfizer – @BioNTech #COVID19 vaccine in healthy children. This is the next step allowing us to gather data to understand the safety and immunogenicity of the vaccine in this group aged 5–11 years.

— Pfizer Inc. (@pfizer) June 8, 2021

वृत्तानुसार, फायझरशिवाय मॉडर्ना देखील 12 ते 17 वर्षे वयोगटातील मुलांवर लसीची चाचणी घेत आहे. त्याचे निकालही लवकरच बाहेर येऊ शकतात. तसेच, जॉन्सन आणि जॉन्सनकडून अभ्यास केले जात आहेत. गेल्या महिन्यात, अ‍ॅस्ट्रॅजेनेकाने 6 ते 17 वर्षे वयोगटातील मुलांवर यूकेमध्ये अभ्यास सुरू केला. या सर्व कंपन्यांना लवकरच सकारात्मक निकाल मिळण्याची आशा आहे.

चीनने 3 ते 17 वर्षे वयोगटातील मुलांसाठी कोरोना लसीला दिली मान्यता

The post मोठी बातमी : फायझरने 12 वर्षाखालील मुलांवर सुरू केल्या कोरोना लसीच्या ट्रायल appeared first on थोडक्यात घडामोडी.

नवी दिल्ली : केंद्राने आज खासगी रुग्णालयांसाठी कोविड लसीचे जास्तीत जास्त दर निश्चित केले आहेत. त्याअंतर्गत कोविशील्डची किंमत ७८० रुपये, कोवॅक्सीनची किंमत 1410 रुपये आणि रशियन लस स्पुटनिक व्ही लसीची किंमत 1145 रुपये इतकी आहे.

निर्धारित दरासाठी दररोज किंमतींवर नियंत्रण ठेवले जाईल आणि परीक्षण केले जाईल. अधिक शुल्क आकारल्यास कोणत्याही खासगी लसीकरण केंद्रावर कठोर कारवाई केली जाईल. तसेच 150 रुपयांपेक्षा जास्त सर्व्हिस चार्ज न आकारण्याचा सूचना दिल्या आहेत. राज्य सरकारांनी त्यांचे निरीक्षण करायचे आहे.

The post ब्रेकिंग : केंद्र सरकारने खासगी रुग्णालयांसाठी कोरोना लसीचे कमाल दर केले निश्चित appeared first on थोडक्यात घडामोडी.

बीजिंग : चीनमध्ये 3 ते 17 वर्षे वयोगटातील मुलांसाठी सिनोव्हॅक बायोटेकच्या कोरोना लसीच्या आपत्कालीन वापराला मान्यता मिळाली आहे. तीन वर्षांच्या मुलांसाठी लस मंजूर करणारा चीन हा जगातील पहिला देश ठरला आहे. आतापर्यंत चीनमध्ये कोरोना लस फक्त 18 वर्षांवरील लोकांना दिली जात होती. अमेरिका, ब्रिटन, युरोप आणि इतर काही देशांमध्ये 12 ते 16 वर्षे वयोगटातील किशोरवयीन मुलांना कोरोना लस देण्यास सुरुवात झाली आहे.

चीनची सरकारी कंपनी सिनोफर्म यांनीही किशोरवयीन मुलांसाठी लसीसाठी परवानगी मागितली आहे. सिनोफर्म लसीसाठी सिनोव्हॅकसारखेच तंत्रज्ञान वापरत आहे. कॅनसिनो बायोलॉजिक्स ही आणखी एक कंपनी 6 ते 17 वर्षे वयोगटातील मुलांसाठी लस तयार करत आहे. त्याचे तंत्रज्ञान सिनोव्हॅकपेक्षा वेगळे आहे. त्यांच्या लसीच्या दुसर्‍या टप्प्याची चाचणी घेण्यात येत आहे.

सिनोव्हॅकने दुसर्‍या टप्प्यातील चाचण्यादेखील पूर्ण केल्या आहेत. चाचणी दरम्यान, सहभागींना लसीचे दोन नियमित डोस दिले गेले. यानंतर तिसरा बूस्टर डोस देण्यात आला. यादरम्यान, पूर्वीपेक्षा अँटीबॉडीजची पातळी 10 आणि 15 दिवसांनी 20 पट वाढल्याची दिसली. तथापि, कंपनीला अद्याप अँटीबॉडी कालावधीचा दीर्घकालीन आढावा घेणे आवश्यक आहे.

सिनोव्हॅक बायोटेकचे मुख्य कार्यकारी अधिकारी यिन वेइदोंग यांनी सांगितले की चाचणीच्या पहिल्या आणि दुसर्‍या टप्प्यात हजारो जणांनी सहभाग घेतला होता. प्रौढांप्रमाणे मुलांसाठी ही लस पूर्णपणे सुरक्षित आणि प्रभावी असल्याचे आढळले. त्यामुळे तीन ते 17 वयोगटातील मुलांसाठी समान लस, समान डोस आणि समान प्रक्रिया वापरली जाऊ शकते.

The post चीनने 3 ते 17 वर्षे वयोगटातील मुलांसाठी कोरोना लसीला दिली मान्यता appeared first on थोडक्यात घडामोडी.

पश्चिम बंगाल : पश्चिम बंगाल सरकार आता राज्यात कोरोना लस प्रमाणपत्र देताना पंतप्रधान मोदींच्या ऐवजी ममता बॅनर्जी यांचा फोटो लावणार आहे. काही दिवसांपूर्वी छत्तीसगड सरकारने कोरोना लस घेणाऱ्यांना दिलेल्या प्रमाणपत्रात पंतप्रधानांऐवजी राज्याचे मुख्यमंत्री भूपेश बघेल यांचा फोटो वापरल्याने गदारोळ झाला होता.

राज्य सरकारने खरेदी केलली लस टोचल्यानंतर प्रत्येक प्रमाणपत्रावर यापुढे मुख्यमंत्री ममता बॅनर्जी यांचा फोटो येणार असल्याचे सांगितले जात आहे. याअगोदर कोविड प्रतिबंधक लस दिल्यानंतर देण्यात येणाऱ्या प्रमाणपत्रावर पंतप्रधान नरेंद्र मोदी यांचा फोटो होता. मात्र, आता 18 ते 45 वर्ष वयोगटातील नागरिकांच्या प्रमाणपत्रावर मुख्यमंत्री ममता बॅनर्जी यांचा फोटो दिसणार आहे. कोलकाता येथील क्वेस्ट मॉल येथे राज्य सरकारने ड्राइव्ह-ई लसीकरण सुरू केले आहे. राज्य सरकारचे मंत्री फिरहाद हकीम म्हणाले, की आम्ही राज्यात दररोज 3 लाख लोकांचे लसीकरण करीत असून हे प्रमाण अधिक वाढवणार आहोत.

पश्चिम बंगालच्या मुख्यमंत्री ममता बॅनर्जी यांनी बुधवारी सांगितले की, डिसेंबर 2021 पूर्वी देशातील सर्व नागरिकांचे लसीकरण करणार असल्याचं केंद्राचं वक्तव्य खोटं आहे. ते फक्त निराधार गोष्टी बोलत आहेत. केंद्र सरकार राज्यांना लस पुरवठा करत नाही. केंद्राने राज्यांसाठी लस विकत घ्यावी आणि सर्वांना ती विनामूल्य द्यावी.

The post बंगालमध्ये लस प्रमाणपत्रावर लावणार मुख्यमंत्री ममता बॅनर्जी यांचा फोटो appeared first on थोडक्यात घडामोडी.