मुंबई : ज्येष्ठ अभिनेते युसुफ हुसेन यांचं निधन झालं आहे. त्यांना कोरोनाची लागण झाली होती. ते 73 वर्षांचे होते. युसुफ हुसैन यांना लीलावती हॉस्पिटलमध्ये दाखल करण्यात आलं होतं. तिथे उपचारादरम्यान त्यांचे निधन झाले. हंसल मेहता यांनी स्वत: ट्विट करत याविषयी माहिती दिली आहे. हुसेन हे निर्माते आणि दिग्दर्शक हंसल मेहता यांचे सासरे होते.

युसूफ हुसेन यांचे जावई हंसल मेहता यांनी ट्विटर वर आपल्या सासऱ्यांना श्रद्धांजली अर्पण केली आहे. त्यांनी लिहिलं की, जेव्हा ते आर्थिक तंगीचा सामना करत होते. त्यांचं करिअर जवळपास संपलं होतं, त्यावेळी हुसेन यांनी खूप मदत केली. मेहता यांच्याकडे शाहिद बनवण्यासाठी पैसे नव्हते त्यावेळी यूसुफ हुसेन यांनी तात्काळ एक चेक साइन करुन मदत केली होती. त्यानंतरच सिनेमाचं काम पूर्ण झालं.

RIP Yusuf Husain. pic.twitter.com/laP0b1U732

— Hansal Mehta (@mehtahansal) October 29, 2021

युसुफ हुसेन यांनी दिल चाहता है, विवाह, धूम 2, क्रिश 3, ओम माय गॉड, शाहिद, रईस, रोड टू संगम अशा अनेक सिनेमांमध्ये चरित्र अभिनेते म्हणून काम केलं आहे. सोबतच त्यांनी अनेक लोकप्रिय मालिकांमध्ये देखील महत्वाच्या भूमिका केल्या आहेत.

The post दुःखद! ज्येष्ठ अभिनेते युसुफ हुसेन यांचे कोरोनाने निधन appeared first on थोडक्यात घडामोडी.

कोलकाता : पश्चिम बंगालच्या मुख्यमंत्री ममता बॅनर्जी यांचा छोटा भाऊ आशिम बॅनर्जी यांचे निधन झाले आहे. आशिम बॅनर्जी यांना एक महिन्यापूर्वी कोरोनाची लागण झाले होती. त्यांना कोलकाताच्या मेडिका सुपरस्पेशालिटी हॉस्पिटलमध्ये दाखल करण्यात आले होते, तेथे त्यांच्यावर उपचार सुरु होते. मात्र, उपचारांना यश आले नाही आणि आज सकाळी रुग्णालयात त्यांचे निधन झाले.

मेडिका हॉस्पिटलचे अध्यक्ष डॉ. आलोक रॉय यांनी या बातमीला दुजोरा दिला आहे. मिळालेल्या माहितीनुसार, आशिम बॅनर्जी यांच्यावर कोरोना प्रोटोकॉलचे पालन करून अंतिम संस्कार करण्यात येणार आहेत.

Heartfelt condolences to West Bengal @MamataOfficial on losing her younger brother Ashim Banerjee ?? pic.twitter.com/pKpEwDgHeO

— Rajan Tewari (@Rajan_Tewari) May 15, 2021

The post ममता बॅनर्जी यांचा भाऊ आशिम बॅनर्जी यांचे कोरोनाने निधन appeared first on थोडक्यात घडामोडी.

नवी दिल्ली : मुंबई इंडियन्सचा फिरकीपटू पियूष चावला याच्या वडिलांचे आज (10 मे) कोरोनामुळे निधन झाले. पियूष चावलाचे वडील प्रमोद कुमार चावला यांची कोविड चाचणी पॉझिटिव्ह आली होती. त्यामुळे त्यांच्यावर दिल्लीतील एका रुग्णालयात उपचार सुरू होते. मात्र, कोरोनामुळे गुंतागुंत निर्माण झाल्यामुळे त्यांना वाचवण्यात यश आले नाही आणि आज अखेर त्यांची प्राणज्योत मालवली.

पियूष चावलाने त्याच्या वडिलांचा एक फोटो पोस्ट करत त्यांच्या निधनाबद्दल सांगितले. तो म्हणाला कि, “त्यांच्याशिवाय आयुष्य आता तसेच राहणार नाही. आज माझा आधारस्तंभ गमावला.” त्याने पोस्टमध्ये लिहिले की सांगण्यास अतिशय वाईट वाटत आहे की माझे वडील प्रमोद कुमार चावला यांचं आज निधन झालं. त्यांना कोरोना झाला होता आणि त्यानंतर त्यांची परिस्थिती गंभीर झाली होती. त्यांच्या आत्म्यास शांती मिळावी.

 

View this post on Instagram

 

A post shared by Piyush Chawla (@piyushchawla_official_)

The post मुंबई इंडियन्सचा फिरकीपटू पियूष चावला याच्या वडिलांचे कोरोनाने निधन appeared first on थोडक्यात घडामोडी.

प्रख्यात सितारवादक प्रतीक चौधरी यांचे कोरोनामुळे निधन झाले आहे. गेल्या आठवड्यातच त्यांचे वडील आणि संगीतकार पंडित देवब्रत चौधरी यांचे कोरोना संसर्गाने निधन झाले होते. 49 वर्षीय प्रतीक चौधरी यांच्यावर दिल्लीतील गुरु तेग बहादूर रुग्णालयात उपचार सुरु होते. परंतु, गुरुवारी त्यांनी अखेरचा श्वास घेतला.

संगीत इतिहासकार पावन झा यांनी ट्विटरद्वारे ही बातमी शेयर केली. ते म्हणाले कि, “प्रतीक चौधरी यांचे निधन झाले आहे. तो प्रख्यात संगीतकार आणि प्रतिभावान कलाकार देबू चौधरी यांचा मुलगा होता. तो आयसीयूमध्ये जीवन-मृत्यूशी संघर्ष करत होता. आता तो त्याच्या वडिलांकडे निघून गेला आहे. त्याच्या दिवंगत आत्म्याला शांती लाभो.”

ते पुढे म्हणाले, “त्याची तब्येत सुधारत होती. देबूजी सोबतच त्याला जीटीबी रुग्णालयात दाखल केलं होतं. सोमवारी जेव्हा त्याला रुग्णालयातून सोडण्यात आलं तेव्हा मी त्याच्याशी शेवटचं बोललो होतो. परंतु वडिलांच्या निधनाच्या बातमीने तो पूर्णपणे तुटला होता. हे खूप वाईट आहे.”

He was doing improvements with his health,as he was also admitted to GTB with Debu ji and was to be discharged from Hospital on Monday, when I last spoke him, but was totally distressed & broken with the death of his father. So so sad! Prateek, sorry, we tried everything ???

— Pavan Jha (@p1j) May 7, 2021

प्रसिद्ध सितार वादक देवब्रत चौधरी हे देबू चौधरी म्हणून लोकप्रिय होते. गेल्या आठवड्यात शनिवारी त्यांचे निधन झाले. प्रतीक चौधरी हे संगीताच्या सेनिया घराण्यातून होते. ते दिल्ली विद्यापीठात संगीत, संगीत आणि ललित कला विद्याशाखा विभागातील प्राध्यापक होते. प्रतीक यांच्या पश्चात पत्नी रुना आणि मुले रायना व अधिराज आहेत.

The post प्रसिद्ध सितारवादक देबू चौधरी यांच्यानंतर त्यांचा मुलगा प्रतीक चौधरी यांचे कोरोनाने निधन appeared first on थोडक्यात घडामोडी.

ज्येष्ठ पत्रकार शेष नारायण सिंह यांचं आज (७ मे) कोरोनामुळे निधन झालं. शेष नारायण सिंह यांच्यावर ग्रेटर नोएडामधील जीआयएमएस रुग्णालयात उपचार सुरू होते. कालच त्यांना प्लाझ्मा थेरपी देखील देण्यात आली होती, परंतु त्याचा काही परिणाम झाला नाही. आज सकाळी त्यांचं निधन झालं.

शेष नारायण सिंह हे मूळचे उत्तर प्रदेशमधील सुलतानपूरचे होते. गेली अनेक वर्षे ते हिंदी पत्रकारितेत योगदान देत होते. शेष नारायण सिंह यांचं निधन हिंदी पत्रकारितेसाठी मोठं नुकसान आहे. त्यांच्या निधनानंतर मीडिया जगतात शोककळा पसरली असून अनेक ज्येष्ठ पत्रकार आणि राजकारणी त्यांना श्रद्धांजली अर्पण करीत आहेत.

पंतप्रधान नरेंद्र मोदी यांनीही शेष नारायण सिंह यांच्या निधनाबद्दल दुःख व्यक्त केलं. ते म्हणाले कि, “ज्येष्ठ पत्रकार शेष नारायणसिंह जी यांचे निधन अत्यंत दुःखद आहे. पत्रकारितेच्या जगात त्यांच्या महत्त्वपूर्ण योगदानाबद्दल त्यांची ओळख होती. या दुःखाच्या क्षणी मी त्यांच्या कुटुंबियांसोबत आहे. ओम शांती!

वरिष्ठ पत्रकार शेष नारायण सिंह जी का निधन अत्यंत दुखद है। पत्रकारिता जगत में अपने महत्वपूर्ण योगदान के लिए वे हमेशा जाने जाएंगे। दुख की इस घड़ी में उनके परिजनों के लिए मेरी संवेदनाएं। ओम शांति!

— Narendra Modi (@narendramodi) May 7, 2021

The post ज्येष्ठ पत्रकार शेष नारायण सिंह यांचं कोरोनाने निधन, पंतप्रधानांनी केलं दुःख व्यक्त appeared first on थोडक्यात घडामोडी.

अभिनेत्री श्रीप्रदा यांचे कोरोनाने निधन झाले आहे. त्यांना कोरोनाची लागण झाली होती. त्यांच्यावर उपचार सुरु होते. परंतु, कोविडसंबंधित गुंतागुंत वाढल्याने त्यांची प्रकृती गंभीर झाली होती. अखेर त्यांचे निधन झाले. सिने अँड टीव्ही आर्टिस्ट असोसिएशनचे (CINTAA) सरचिटणीस अमित बहल यांनी श्रीप्रदा यांच्या मृत्यूची पुष्टी केली आहे.

अभिनेत्री श्रीप्रदा यांनी अभिनेता गोविंदा, धर्मेंद्र, विनोद खन्ना आणि रवी किशन यासारख्या ख्यातनाम कलाकारांसोबत काम करणे होते. त्यांनी बॉलिवूड आणि भोजपुरी या दोन्ही इंडस्ट्रीमध्ये यश संपादन केले होते. 80 आणि 90 च्या दशकात आपल्या अभिनयाने प्रेक्षकांच्या मनावर राज्य करणार्‍या श्रीप्रदाने ‘आग के शोले’, ‘खून की प्यासी’, ‘बेवफा सनम’, ‘वक्त की रफ्तार’, ‘बंटवारा’ अशा अनेक बॉलिवूड चित्रपटांमध्ये काम केले आहे. त्यांनी इंडस्ट्रीमध्ये पदार्पण ‘पुराना पुरुष’ सारख्या चित्रपटातून केले आणि पुढे जाऊन ‘धरम संकट’ सारख्या चित्रपटात काम केले. श्रीप्रदाने करिअरमध्ये सुमारे 70 चित्रपटांत काम केले.

अमित बहल म्हणाले कि, “श्रीप्रदाने दक्षिण आणि हिंदी चित्रपटातही अविश्वसनीय काम केले आहे. आपण एक अत्यंत ज्येष्ठ अभिनेत्री गमावली, हे फार दुर्दैवी आहे. तिच्या आत्म्यास शांती लाभो, अशी प्रार्थना करतो. आम्ही प्रार्थना करतो की कोरोनाच्या दुसऱ्या लाटेने आणखी मौल्यवान आयुष्य हिसकावू नये.”

नेटिझन्सने ट्विटरवर शोकसंदेश दिले आहेत. आग के शोले, बटवारा, शैताणी इलाका, उमर 55 की दिल बचपन का, भाग्यवान, आजमाईश, बेवफा सनम आणि टीव्ही मालिका झी हॉरर शो आणि अपराजिता, हे श्रीप्रदा यांचे काही उल्लेखनीय कामं आहेत.

Actress #Sripradha from the 80s and 90s passed away today following covid related complications.

Films like Aag Ke Sholay, Batwara, Shaitani Ilaka,Umar 55 Ki Dil Bachpan Ka, Bhagyawan, Aazmayish, Bewafa Sanam & TV series Zee Horror Show & Aparajita are some of her notable works. pic.twitter.com/spsmd9jHBP

— CinemaRare (@CinemaRareIN) May 5, 2021

The post ‘अपराजिता’ फेम अभिनेत्री श्रीप्रदा यांचे कोरोनाने निधन appeared first on थोडक्यात घडामोडी.

लेखक आणि अभिनेते वीरा साथीदार यांचे सोमवारी मध्यरात्री कोरोनाने निधन झाले. आठ दिवसांपूर्वी त्यांना कोरोनाची लागण झाली होती. गेल्या पाच दिवसांपासून त्यांच्यावर रुग्णालयात उपचार सुरु होते. राष्ट्रीय चित्रपट पुरस्कार विजेत्या ‘कोर्ट’ सिनेमातील त्यांची भूमिका गाजली होती. भारताकडून ऑस्करसाठीही या सिनेमाला नामांकित करण्यात आले होते.

वर्धा जिल्ह्यातील जोगीनगर येथे गरिब कुटुंबात वीरा लहानाचे मोठे झाले. वीरा यांचे वडील नागपुर येथील रेल्वे स्थानकावर हमालीचे काम करायचे तर आई बांधकाम मजूर म्हणून राबायची. डॉ. बाबासाहेब आंबेडकर यांच्या विचारांचा वीरा साथीदार यांच्यावर पगडा होता. आंबेडकर चळवळीतील अनेक गाणीही त्यांनी गायली आहेत. ‘विद्रोही’ नावाच्या मासिकाचे संपादन केले.

‘रिपब्लिकन पँथर’ संघटनेच्या माध्यमातून ते वंचितांसाठी काम करत होते. त्यांची व्याख्यानं विशेष गाजली होती. पत्रकार म्हणून काम करताना त्यांनी शोषित-पीडितांना न्याय देण्यासाठी मोठा संघर्ष केला होता. त्यांनी पत्रकार म्हणूनही अनेक वर्ष काम केलं. तसेच ते गीतकारही होते.

The post लेखक आणि अभिनेते वीरा साथीदार यांचं कोरोनाने निधन appeared first on थोडक्यात घडामोडी.