मुंबई : नार्कोटिक्स कंट्रोल ब्युरोने आर्यन खानला हाय-प्रोफाइल मुंबई क्रूझ ड्रग्स प्रकरणात ‘क्लीन चिट’ दिली आहे. बॉलीवूडचा सुपरस्टार शाहरुख खानच्या मुलाला गेल्या वर्षी मुंबईच्या किनाऱ्यावर एका क्रूझवर छापा टाकल्यानंतर आणि ड्रग्ज सापडल्यानंतर अटक करण्यात आली होती. त्यानंतर आर्यनला जामीन देण्यात आला.

‘पुराव्याअभावी’ सहा जणांविरुद्ध तक्रार दाखल झालेली नाही, तर १४ जणांवर आरोपपत्र दाखल करण्यात आले आहे. एनसीबीने विशेष न्यायालयात आपले ‘अंतिम’ आरोपपत्र दाखल केले कारण आरोपपत्र दाखल करण्यासाठीची ६० दिवसांची मुदत 29 मे रोजी संपत आली होती. एनसीबीने दाखल केलेल्या आरोपपत्रात आर्यन खानच्या नावाचा समावेश नाही. आरोपपत्रात म्हटले आहे की आर्यनकडे कोणतेही ड्रग्स आढळले नाहीत.

बॉलीवूड सुपरस्टार शाहरुख खानचा मुलगा आर्यन खान याला ऑक्टोबरच्या सुरुवातीला मुंबई क्रूझ ड्रग्ज प्रकरणी अटक करण्यात आली होती. अनेक न्यायालयीन सुनावणी आणि 26 दिवसांच्या कोठडीनंतर, मुंबई उच्च न्यायालयाने त्याला 28 ऑक्टोबर रोजी जामीन मंजूर केला. शेवटी 30 ऑक्टोबर रोजी तो तुरुंगातून बाहेर आला होता.

एनसीबीच्या अधिकाऱ्यांनी कर्डिलिया ड्रग्ज प्रकरणी आरोपपत्र न्यायालयात आणले आहे. एनसीबी हे आरोपपत्र कोर्ट रजिस्ट्रीमध्ये सादर करणार आहे. या आरोपपत्राची रजिस्ट्रीद्वारे पडताळणी केली जाईल आणि त्यानंतर ते आरोपपत्र न्यायालयात न्यायाधीशांसमोर सादर केले जाईल.

या प्रकरणात एकूण 20 आरोपी होते, त्यापैकी 18 आरोपी जामिनावर बाहेर असून 2 आरोपी अजूनही तुरुंगात आहेत. अब्दुल शेख आणि चिनेदू इग्वे अशी कारागृहात असलेल्या दोन आरोपींची नावे आहेत. आरोपपत्राचे एकूण 10 खंड असून ते सध्या न्यायालयाच्या रजिस्ट्रीमध्ये आहे. 6000 पानांचे आरोपपत्र असल्याचे सूत्रांनी सांगितले.

The post ब्रेकिंग! आर्यन खानला क्रूझ ड्रग्ज प्रकरणात एनसीबी कडून क्लीन चिट appeared first on थोडक्यात घडामोडी.

मुंबई : आर्यन खान, अरबाज मर्चंट आणि मुनमुन धामेचा यांनी दाखल केलेल्या जामीन अर्जांवर मुंबई उच्च न्यायालयाच्या एकल न्यायाधीशांच्या खंडपीठाने पुढील सुनावणी गुरुवारी (२८ ऑक्टोबर) ठेवली आहे. उद्या दुपारी अडीचनंतर या प्रकरणाची सुनावणी होईल, असे न्यायमूर्ती सांबरे यांनी सांगितले. एनसीबीने 2 ऑक्टोबर रोजी मुंबईच्या आंतरराष्ट्रीय क्रूझ टर्मिनलवरून अटक केलेल्या आठ जणांमध्ये तिघांचा समावेश आहे.

NCB तर्फे हजर असलेले ASG अनिल सिंग यांनी न्यायालयाला सांगितले की, ते मुकुल रोहतगी, अमित देसाई आणि अली काशिफ खान देशमुख यांनी केलेल्या युक्तिवादांना गुरुवारी उत्तर देतील. तसेच “मी एका तासात माझा युक्तिवाद पूर्ण करण्याचा प्रयत्न करेन,” असे देखील एएसजी सिंग म्हणाले.

The post ब्रेकिंग! आर्यन खानला जामीन नाहीच, सुनावणी उद्यापर्यंत तहकूब appeared first on थोडक्यात घडामोडी.

मुंबई : मुंबई क्रूज ड्रग्स प्रकरणात एनसीबीच्या तपासाची व्याप्ती वाढत आहे. बॉलीवूड स्टार शाहरुख खानचा मुलगा आर्यन खान या प्रकरणात तुरुंगात आहे आणि आता अभिनेत्री अनन्या पांडेही ड्रग्ज प्रकरणात एनसीबीच्या रडारवर आली आहे. शुक्रवारी याप्रकरणी अनन्या पांडेची दुसऱ्यांदा चौकशी करण्यात आली, मात्र काल ती नियोजित वेळेऐवजी तीन तास उशिराने एनसीबी कार्यालयात पोहोचल्यामुळे अनन्याला फटकारण्यात आले.

मुंबई एनसीबीने अभिनेत्री अनन्या पांडेला दुसऱ्या दिवशी 11 वाजता चौकशीसाठी उपस्थित राहण्यास सांगितले होते, परंतु अनन्या 11 ऐवजी 2 वाजल्यानंतर एनसीबी कार्यालयात पोहोचली. एनसीबीचे झोनल डायरेक्टर समीर वानखेडे यांनी अनन्याला उशिरा आल्याबद्दल फटकारले. ते म्हणाले कि, ‘तुम्हाला 11 वाजता बोलावण्यात आलं होतं आणि तुम्ही आता येत आहात. येथे अधिकारी तुमची वाट पाहत मोकळे बसलेले नाहीत. हे तुमचे प्रॉडक्शन हाऊस नाही, हे केंद्रीय एजन्सीचे कार्यालय आहे, तुम्हाला बोलावलेल्या वेळी येत जा.

एनसीबीने शुक्रवारी अनन्या पांडेची 4 तास चौकशी केली. गुरुवारी देखील एनसीबीने या प्रकरणात अनन्याची 2 तास चौकशी केली होती. आता अनन्या पांडेला सोमवारी एनसीबीने पुन्हा चौकशीसाठी बोलावले आहे. दोन्ही दिवशी अनन्यासोबत तिचे वडील चंकी पांडे होते.

अनन्या पांडेशी संबंधित तीन चॅट सर्वात महत्वाचे आहेत. 2018 ते 2019 या काळात हे चॅट गांज्याबद्दल झाले आहेत. अनन्याचे दोन्ही फोन एनसीबीने जप्त केले आहेत. जेव्हा अनन्याला प्रश्न विचारण्यात आले, तेव्हा ती खूप गोंधळलेली दिसत होती. तिने नीट आठवत नाही असे सांगून अनेक प्रश्न टाळले. एका चॅटमध्ये आर्यन खान आणि अनन्या पांडे यांच्यात गांजाबद्दल बोलणे झाले. आर्यन विचारत होता काही जुगाड होऊ शकेल का? अनन्याने उत्तर दिले – मी व्यवस्था करीन. एनसीबीने हे चॅट अनन्याला दाखवले आणि प्रश्न विचारला, ज्यावर अनन्याने उत्तर दिले की मी फक्त विनोद करत बोलत होते.

The post …म्हणून समीर वानखेडे यांनी अनन्या पांडेला फटकारले appeared first on थोडक्यात घडामोडी.

मुंबई : ड्रग्ज प्रकरणात अडकलेल्या आर्यन खानच्या केसचा परिणाम आता त्याचे वडील शाहरुख खानच्या व्यवसायावर होऊ लागला आहे. लर्निंग App BYJU’S ने शाहरुख खानच्या सर्व जाहिराती बंद केल्या आहेत. एवढेच नाही तर शाहरुखच्या प्री-बुकिंग जाहिरातीचे प्रकाशनही थांबवले आहे.

शाहरुखच्या स्पॉन्सरशिप डील्सच्या व्यवहारांमध्ये BYJU’S हा सर्वात मोठा ब्रँड आहे. शाहरुखला या ब्रँडकडून वर्षाला 3 ते 4 कोटी रुपये मिळतात. शाहरुख 2017 पासून कंपनीचा ब्रँड अॅम्बेसेडर आहे. याशिवाय, त्याच्याकडे ICICI बँक, रिलायन्स जिओ, LG, दुबई टुरिझम, ह्युंदाई अशा सुमारे 40 कंपन्यांची एंडोर्समेंट आहे.

आर्यन खान सध्या आर्थर रोड तुरुंगात
एनसीबीच्या माहितीनुसार, आर्यन खानने एनसीबी अधिकाऱ्यांसमोर कबूल केले आहे की तो चरसचं सेवन करतो. त्याचा मित्र अरबाज मर्चंट त्याच्या शूजमध्ये 6 ग्रॅम चरस लपवले होते, जे त्याने स्वतःच अधिकाऱ्यांना सांगितले. आर्यन खानसह अन्य आरोपींना 14 दिवसांची न्यायालयीन कोठडी सुनावण्यात आली आहे. आर्यन खान सध्या आर्थर रोड तुरुंगात आहे.

The post शाहरुख खानला मोठा झटका, BYJU’S ने थांबवल्या शाहरुखच्या सर्व जाहिराती appeared first on थोडक्यात घडामोडी.

मुंबई : चित्रपट निर्माता इम्तियाज खत्रीच्या मुंबईच्या बांद्रा येथील घरावर आणि कार्यालयावर क्रूझ ड्रग्स प्रकरणाच्या संदर्भात नार्कोटिक्स कंट्रोल ब्युरोने (एनसीबी) छापे टाकले. याच प्रकरणात बॉलिवूड अभिनेता शाहरुख खानचा मुलगा आर्यनसोबत आणखी ७ जणांना अटक करण्यात आली होती. प्रोड्युसर इम्तियाज खत्रीच्या घरी छापा टाकत त्याला ताब्यात घेण्यात आलं आहे. या प्रकरणात अटक झालेल्यांची संख्या आता 18 झाली आहे.

इम्तियाज खत्री यांचे नाव अचिव कुमारच्या चौकशीदरम्यान समोर आले. त्यानंतर इम्तियाज खत्री या प्रोड्युसरला ताब्यात घेतलं आहे. त्याच्याकडे काही प्रमाणात ड्रग्स आढळून आले आहेत. क्रूझ पार्टीत इम्तियाज खत्रीने ड्रग्स पुरवल्याची माहिती आहे. खत्री अचिव कुमारशी व्हॉट्सऍप चॅट करत असल्याचंही आढळून आलं आहे. अचिव कुमारला या आठवड्याच्या सुरुवातीला उपनगरी पवई येथून अटक करण्यात आली होती, त्याच्या ताब्यातून थोड्या प्रमाणात “हायड्रोपोनिक वीड उर्फ मल्टी-स्ट्रेन कॅनॅबिस” जप्त करण्यात आले होते.

इम्तियाज खत्री हा पेश्याने एक बिल्डर आहे. INK इंफ्रास्ट्रक्चर नावाची त्याची एक कंपनी आहे. तसेच मुंबईमध्ये त्याची एक क्रिकेट टीमसुद्धा आहे. त्याची वीवीआईपी यूनिवर्सल एंटरनेटमेंट नावाचीसुद्धा कंपनी आहे. तो बॉलिवूड चित्रपटांमध्ये पैशांची गुंतवणूक करतो.

The post चित्रपट निर्माता इम्तियाज खत्रीच्या घरावर एनसीबीचा छापा, आढळले ड्रग्स appeared first on थोडक्यात घडामोडी.

मुंबई : शाहरुख खानचा मुलगा आर्यन खानचा जामीन अर्ज आज मुंबईतील किल्ला कोर्टच्या दंडाधिकाऱ्यांनी फेटाळला आहे. त्यामुळे आर्यन खानचा अडचणीत आणखी वाढ झाली आहे. आर्यन खान, अरबाज मर्चंट आणि मुनमुन धामेचा यांचे जामीन अर्ज न्यायालयाने फेटाळले आहेत. याचा अर्थ आर्यन खानला सध्या तुरुंगात राहावे लागेल.

कालची रात्र आर्यनसह इतर आरोपींनी तुरुंगाऐवजी एनसीबी कार्यालयात काढली. आज त्यांना जे जे रुग्णालयात तपासणी करून आर्थर रोड कारागृहात पाठवण्यात आले, तर मुनमुन आणि नुपूर यांना भायखळा महिला कारागृहात पाठवण्यात आले आहे. आर्यनसह इतर आरोपींना ३- ४ दिवस क्वारंटाईन सेलमध्ये ठेवण्यात येईल. दरम्यान, निकालाची प्रत मिळाल्यानंतर तातडीने सत्र न्यायालयात जाणार असल्याचं आर्यनच्या वकिलांनी सांगितलं आहे.

आर्यन खानची याचिका मुंबईच्या किल्ला कोर्टाने फेटाळली आहे. न्यायालयाने म्हटले की, त्यांना या प्रकरणाची सुनावणी घेण्याचा आणि जामिनावर कारवाई करण्याचा अधिकार नाही. हा अर्ज सत्र न्यायालयात करायला हवा होता. युक्तिवादादरम्यान, मानेशिंदे यांनी आर्यन खानला जामीन मिळावा अशी कोर्टाकडे मागणी केली. त्यासाठी त्यांनी कोर्टाला एकूण 22 निकालांचा हवाला दिला. तसेच आर्यन खानकडे ड्रग्ज सापडलं नाही, असेदेखील ते म्हणाले. आरोपींना जामीन देण्याबाबत जे अधिकार हायकोर्ट आणि सेशन कोर्टला आहेत. तेच अधिकार महानगरीय कोर्टालाही आहेत. आर्यनकडे काहीही सापडलेलं नाही, एक ग्रॅमदेखील ड्रग्ज सापडलेले नाही. म्हणून जामीन मिळावा. आर्यन खानकडे चॅटशी निगडित मटेरियल सापडलं आहे. तो जामिनास पात्र आहे.

ते पुढे म्हणाले की आरोपी जामिनावर असूनसुद्धा चौकशीला सहयोग करू सकतो. जेव्हा बोलावलं जाईल तेव्हा चौकशीसाठी यायला तयार आहे, असा युक्तिवाद मानेशिंदे यांनी केला. तर NDPS Act नुसार दाखल केलेले सर्व गुन्हे हे अजामीनपात्र आहेत, असा दावा एनसीबीतर्फे वकील एएसजी सिंग यांनी केला. हा युक्तिवाद तब्बल अडीच तास चालला. यावेळी दोन्ही बाजूच्या वकिलांमध्ये चांगलीच खडाजंगी झाल्याचे पाहायला मिळाले.

The post आर्यन खानचा जामीन अर्ज न्यायालयाने फेटाळला, आर्थर रोड कारागृहात पाठवण्यात आले appeared first on थोडक्यात घडामोडी.

मुंबई : शाहरुख खानचा मुलगा आर्यन खानला मुंबईच्या क्रूजमधील ड्रग्स प्रकरणात अटक करण्यात आली. आर्यन खान, त्याचा मित्र अरबाझ मर्चंट आणि अन्य आरोपी मुनमुन धमेचा यांना एनसीबीने पकडले होते. रविवारी संध्याकाळी न्यायालयाने या तीन आरोपींना एका दिवसाच्या एनसीबीच्या  कोठडीत पाठविले.

शाहरुख खानचा मुलगा आर्यन खानची सतत चौकशी सुरु आहे. ड्रग प्रकरणात अनेक मोठ्या गोष्टी बाहेर येत आहेत. नवीन माहितीनुसार, NCB च्या तपासात असे निदर्शनास आले आहे की आर्यन सुमारे 4 वर्षांपासून ड्रग्सचा वापर करत आहे. बॉलीवूड सुपरस्टार शाहरुख खानने वरिष्ठ वकील सतीश मानशिंदे यांना आर्यनचे वकील म्हणून निवडले आहे. सतीश मानशिंदे अनेक बॉलीवूड सेलेब्सचे वकील आहेत.

मिळालेल्या माहितीनुसार, एनसीबीच्या सुरू असलेल्या चौकशीत आर्यन खान सतत रडत आहे. शाहरुख खान आणि आर्यन यांचे फोनवर बोलणे झाले आहे. एनसीबीने कायदेशीर प्रक्रियेनुसार त्यांच्या लँडलाइन फोनवरून आर्यनला 2 मिनिटे आपले वडिल शाहरुख खानशी बोलू दिले.

The post आर्यन सुमारे 4 वर्षांपासून करतोय ड्रग्सचा वापर, चौकशीदरम्यान सतत रडतोय आर्यन खान appeared first on थोडक्यात घडामोडी.

मुंबई : मुंबई येथून गोव्याला जात असलेल्या क्रूझवर शनिवारी रात्री उशिरा एनसीबीच्या पथकाने छापा टाकला होता. एनसीबीने क्रूझवर केलेल्या कारवाईत ड्रग्ज जप्त करण्यात आले होते. या क्रूझवरून शाहरुख खानचा मुलगा आर्यनसह आठ जणांना ताब्यात घेण्यात आले होते.

एनसीबीने या सर्वांची कसून चौकशी केली, त्यानंतर काही वेळापूर्वीच अटकेची कारवाई करण्यात आली आहे. एनसीबीने शाहरुखचा मुलगा आर्यन खान, त्याचा मित्र अरबाज मर्चंट आणि मूनमून धामेचा या तीन जणांना अटक केली आहे. एनडीपीएस अ‍ॅक्टच्या सेक्शन २७ अंतर्गत ही कारवाई करण्यात आली आहे. या सर्वांची आता वैद्यकीय चाचणीही करण्यात येणार असून त्यासाठी त्यांना जे. जे. रुग्णालयात नेण्यात आले आहे.

The post ड्रग्ज पार्टी प्रकरण : शाहरुखचा मुलगा आर्यनसह तीन जणांना अटक appeared first on थोडक्यात घडामोडी.

मुंबई : मुंबईच्या अंमली पदार्थ नियंत्रण विभागाने (NCB) मुंबईहून गोव्याला निघालेल्या मोठ्या क्रूझवर कारवाई करत ड्रग पार्टी करणाऱ्यांना अटक केली आहे. एनसीबीची ही कारवाई अतिशय गुप्तपणे सुमारे ७ तास सरू होती अशी माहिती आहे. या प्रकरणी आतापर्यंत एकूण १३ जणांना ताब्यात घेतल्याचे वृत्त आहे. दरम्यान यावेळी क्रूझवर बॉलिवूड सुपरस्टार शाहरुख खानचा मुलगा आर्यन खानदेखील उपस्थित होता.

एनसीबी अधिकाऱ्यांनी आर्यन खानचा मोबाइल फोन जप्त केला असून त्यामधील चॅट्स आणि टेक्स्ट मेसेजेची तपासणी केली जात आहे. याशिवाय ताब्यात घेतलेल्या इतरांचेही मोबाइल तपासले जात आहेत. आर्यन खानने एनसीबी अधिकाऱ्यांना सांगितले की त्याला क्रूझवरील पार्टीमध्ये पाहुणा म्हणून बोलावण्यात आलं होतं.

मुंबई-गोवा क्रूझमध्ये रेव्ह पार्टी होणार असल्याची माहिती एनसीबीला मिळाली होती. त्यानंतर एनसीबीचे विभागीय संचालक समीर वानखेडे यांच्या नेतृत्वात एनसीबीचे एक पथक या क्रूझवर पोहोचले होते. ही क्रूझ समुद्राच्या मध्यमागी पोहोचल्यानंतर क्रूझवर ड्रग पार्टी सुरू झाली. त्यानंतर एनसीबीच्या पथकाने कारवाई सुरू केली. एनसीबी अधिकाऱ्यांकडून छापा टाकण्यात आला. यात मोठ्या प्रमाणात ड्रग्ज हाती लागले असल्याची माहिती आहे.

एनसीबी सूत्रांनी सांगितलं की, आर्यन खानने चौकशी दरम्यान सांगितलं की, त्याला व्हिआयपी गेस्ट म्हणून तिथं बोलवलं होतं. त्याच्याकडून क्रुझवर येण्यासाठी कुठलीही फी घेतली नव्हती. त्यानं म्हटलं आहे की, माझ्या नावाचा वापर करुन बाकीच्यांना बोलावलं गेलं. या प्रकरणी ताब्यात घेतलेल्या लोकांची आज चौकशी होणार आहे. अद्याप कुणाला अटक केलेली नसून चौकशीसाठी ताब्यात घेतल्याची माहिती समीर वानखेडे यांनी दिली आहे.

The post मुंबई- गोवा क्रूझवर एनसीबीची कारवाई, शाहरूख खानचा मुलगा आर्यन खान NCBच्या ताब्यात appeared first on थोडक्यात घडामोडी.