बीड : बीड जिल्ह्यात शुक्रवारी भीषण अपघात घडला, जेथे धुळे-सोलापूर राष्ट्रीय महामार्गावर एका डिझेल टँकरला स्फोट होऊन मोठी आग लागली. ही आग इतकी प्रचंड होती की संपूर्ण परिसर धुराने आणि ज्वाळांनी व्यापला होता.

बीड जिल्ह्यातील मांजरसुंबा येथील सीमेवर असलेल्या पाली घाटातील कोलवाडी फाट्यावर हा स्फोट झाला. टँकर उलटल्यानंतर, टँकर घसरला आणि मोठ्या प्रमाणात डिझेल रस्त्यावर सांडले. त्यानंतर मागून येणारी वाहने उलटलेल्या टँकरवर आदळली, ज्यामुळे मोठा स्फोट झाला आणि आग लागली.आग आजूबाजूच्या गवताळ प्रदेशातही पसरली, ज्यामुळे परिस्थिती आणखी गंभीर झाली. टँकर चालक आणि क्लीनर कुठे आहेत याबद्दल कोणतीही माहिती उपलब्ध नाही.

कोलवाडी गावाजवळ डिझेल टँकरला आग लागली. स्फोट इतका शक्तिशाली होता की आजूबाजूचा परिसर धुराने आणि ज्वाळांनी वेढला गेला होता. अग्निशमन दलाचे पथक आणि स्थानिक अधिकारी घटनास्थळी दाखल झाले. मोठ्या प्रमाणात लागलेली आग आटोक्यात आणण्यासाठी अतिरिक्त साधनसंपत्तीची आवश्यकता असल्याने गेवराई येथील अग्निशमन दलाच्या गाड्यांची मागणी करण्यात आली होती.

महामार्गाच्या दोन्ही बाजूला मोठी वाहतूक कोंडी झाली होती, दुचाकी आणि चारचाकी वाहनांच्या रांगा लागल्या होत्या. महामार्ग पोलिसांनी तातडीने घटनास्थळी पोहोचून पुढील धोका टाळण्यासाठी दोन्ही दिशांनी होणारी वाहतूक थांबवली.

The post बीड : धुळे-सोलापूर महामार्गावर डिझेल टँकरचा भीषण स्फोट appeared first on थोडक्यात घडामोडी.

मुंबई : शुक्रवारी रात्री मरीन ड्राइव्ह परिसरात दोन कारमध्ये झालेल्या भीषण अपघाताने परिसरात एकच खळबळ उडाली. हा अपघात रात्री सुमारे ८ वाजताच्या सुमारास झाला. टक्कर इतकी जोरदार होती की दोन्ही वाहनांनी पेट घेतला आणि काही वेळातच परिसरात धुराचे लोट पसरले.

दरम्यान, अचानक झालेल्या या घटनेमुळे स्थानिकांमध्ये घबराट निर्माण झाली. तथापि, सुदैवाने या अपघातात कोणतीही जीवितहानी झाली नसून कुणी गंभीर जखमी झाल्याची माहिती देखील समोर आलेली नाही.

घटनेची माहिती मिळताच अग्निशमन दल आणि पोलिसांचे पथक तात्काळ घटनास्थळी दाखल झाले आणि त्यांनी आग आटोक्यात आणली. या घटनेचा पुढील तपास मरीन ड्राइव्ह पोलिस करत आहेत.

The post मरीन ड्राइव्हवर दोन कारची जोरदार धडक, भीषण अपघातानंतर दोन्ही वाहनांनी घेतला पेट appeared first on थोडक्यात घडामोडी.

पुणे : पुण्यातील धायरी येथील डीएसके चौकात एका इलेक्ट्रिक स्कूटरला अचानक आग लागली. घटनेची माहिती मिळताच अग्निशमन दलाच्या टीमने तत्काळ घटनास्थळी पोहोचत आग आटोक्यात आणली. या दुर्घटनेत कोणतीही जीवितहानी झालेली नाही, पण परिसरातील नागरिकांमध्ये इलेक्ट्रिक वाहनांच्या सुरक्षिततेबाबत चिंता निर्माण झाली आहे.

प्रत्यक्षदर्शींनी सांगितले की, अग्निशमन दलाच्या आगमनापूर्वी परिसरात दाट धूर दिसत होता, ज्यामुळे भीतीचे वातावरण निर्माण झाले होते. सध्या या आगीचे कारण काय आहे याचा तपास संबंधित अधिकारी करत आहेत.

स्थानिक प्रशासनाने रहिवाशांना आणि इलेक्ट्रिक वाहनधारकांना योग्य चार्जिंग पद्धतींचे पालन करण्याचे तसेच वाहनांची नियमित देखभाल करण्याचे आवाहन केले आहे, जेणेकरून अशा दुर्घटना टाळता येतील आणि सुरक्षितता सुनिश्चित करता येईल.

The post पुणे : धायरीतील डीएसके चौकात इलेक्ट्रिक स्कूटरला आग appeared first on थोडक्यात घडामोडी.

पुणे : सावित्रीबाई फुले पुणे विद्यापीठातील मुलांच्या वसतिगृहात १ एप्रिलच्या रात्री आग लागली. यात कोणतीही जीवितहानी किंवा दुखापत झाली नाही. विद्यापीठाच्या कार्यकारी कुलसचिव डॉ. ज्योती भाकरे यांनी सांगितले की, मुलांच्या वसतिगृह क्रमांक ८ मध्ये शॉर्ट सर्किटमुळे आग लागली. विद्यापीठाच्या कर्मचाऱ्यांनी अग्निशमन उपकरणांच्या मदतीने काही वेळातच आग विझवली.

गेल्या महिन्यात विद्यापीठ परिसराजवळील जंगलात आग लागली होती जी अग्निशमन दलाने विझवली होती. विद्यार्थ्यांनी या घटनांबाबत चिंता व्यक्त करत विद्यापीठ प्रशासनाला या आगीच्या घटना गांभीर्याने घेण्याची आणि त्वरित सुरक्षा उपाययोजना राबविण्याची विनंती केली आहे.

The post सावित्रीबाई फुले पुणे विद्यापीठातील मुलांच्या वसतिगृहात आग, विद्यार्थ्यांनी व्यक्त केली चिंता appeared first on थोडक्यात घडामोडी.

पुणे : मंगळवारी, २५ मार्च २०२५ रोजी सकाळी ९:२३ वाजता पुणे शहरातील लोणकर चौकाच्या केशव नगर परिसरातील तीन दुकानांमध्ये आग लागली. या आगीमुळे परिसरात गोंधळ उडाला, मात्र अग्निशमन दलाच्या तत्काळ आणि प्रभावी प्रतिसादामुळे आग अधिक पसरली नाही आणि मोठा अनर्थ टळला.

घटनास्थळी त्वरित पोहोचलेल्या हडपसर अग्निशमन केंद्र आणि बीटी कवडे रोड अग्निशमन केंद्राच्या कर्मचाऱ्यांनी आग आटोक्यात आणण्यासाठी त्वरित कार्यवाही केली. अग्निशमन दलाच्या कर्मचाऱ्यांनी आग शमवण्यासाठी अतिशय जलद आणि प्रभावी काम होते. हडपसर अग्निशमन केंद्राचे चालक किरण शिंदे, जवान गणेश पावले, बाबासाहेब चव्हाण, चंद्रकांत नवले, अविनाश ढाकणे आणि अमोल शिरसाट यांच्यासह बीटी कवडे रोड अग्निशमन केंद्राचे चालक शुभम दुमे, तांडेल संदीप रणदिवे, हर्षल पवार आणि प्रणय कवडे यांच्या अग्निशमन दलाने आग अधिक पसरू न देता ती लवकर शमवली, ज्यामुळे इतर दुकानांमध्ये आग पसरली नाही.

अग्निशमन विभागाच्या अधिकाऱ्यांनी दिलेल्या माहितीनुसार, या आगीत जीवितहानी झाली नाही. तथापि, दुकानातील सामान पूर्णपणे जळून खाक झाले आहे, ज्यामुळे दुकानदारांना मोठे आर्थिक नुकसान झाले आहे. आगीचे कारण अद्याप स्पष्ट झालेले नाही, आणि याबाबत तपास सुरू आहे.

आगीच्या नेमक्या कारणाचा शोध घेण्यासाठी तपास सुरू आहे. स्थानिक पोलीस आणि अग्निशमन विभागाने घटनास्थळाची पाहणी केली असून, पुढील तपास सुरू आहे.

The post पुणे : केशव नगर परिसरातील तीन दुकानांमध्ये आग, सुदैवाने जीवितहानी टळली appeared first on थोडक्यात घडामोडी.

ठाणे : भिवंडी शहरातील अवचित पाडा परिसरात असलेल्या भंगार गोदामांना मध्यरात्रीच्या सुमारास भीषण आग लागली. या आगीत एकूण 15 भंगार गोदामे जळून खाक झाली आहेत. या भंगार गोदामात कापड, चिंध्या, पुठ्ठे, प्लस्टिक, तागे, पीओपी आणि इतर भंगार साहित्य मोठ्या प्रमाणात ठेवण्यात आले होते. या आगीचे नेमके कारण समजले नाही. सुदैवाने या आगीत कोणत्याही प्रकारची जीवितहानी झालेली नाही.

गोदामांना आग लागल्याची माहिती मिळताच अग्निशमन दलाच्या तीन गाड्या घटनास्थळी दाखल झाल्या होत्या. या भंगार गोदामांच्या आजूबाजूला रहिवासी घरे आणि यंत्रमाग कारखाने आहेत, त्यामुळे परिसरात भीतीचे वातावरण निर्माण झाले होते. परिसरात धुराचे लोट निर्माण झाल्यामुळे आजूबाजूच्या नागरिकांना त्रास सहन करावा लागला. अग्निशमन दलाच्या जवानांनी तब्बल चार तास युद्धपातळीवर प्रयत्न करून ही आग आटोक्यात आणली आणि आगीवर नियंत्रण मिळवले. परंतु, या आगीत 15 भंगार गोदामे जळून खाक झाली.

The post भिवंडीत भंगार गोदामांना भीषण आग, 15 गोदामं जळून खाक appeared first on थोडक्यात घडामोडी.

ठाणे: राज्य कोरोनाच्या संकटाशी झुंजत असतानाच दुसरीकडे रुग्णालयांमध्ये होत असलेल्या दुर्घटनांचे प्रमाणही वाढले आहे. नागपूर, मुंबई, नाशिक येथील रुग्णालयात झालेल्या दुर्घटनांच्या आठवणी विस्मृतीत जात नाही. मुंब्रा कौसा येथील प्राइम क्रिटीकेअर या हॉस्पिटलला लागलेल्या आगीत चार जणांचा मृत्यू झाला आहे.  या रुग्णालयात एकूण 26 रुग्ण होते. यामध्ये 6 रुग्णांवर आयसीयूमध्ये उपचार सुरु होते.

मिळालेल्या माहिती नुसार, मुंब्रा येथे जुन्या मुंबई-पुणे रोडवरील शिमला पार्क परिसरात असलेल्या हसन टॉवरमध्ये पहिल्या मजल्यावर प्राईम क्रिटीकेअर हॉस्पिटल आहे. या रुग्णालयात बुधवारी पहाटे आगीचा भडका उडाला. पहाटे ३ वाजून ४० मिनिटाच्या सुमारास ही घटना घडली. यावेळी रुग्णालयात २० रुग्ण उपचार घेत होते. यात आयसीयू वार्डात ६ रुग्ण, तर इतर वार्डात १४ रुग्ण होते. आग लागल्याची माहिती मिळताच मुंब्रा पोलीस, रुग्णावाहिका, अग्निशमन दलाच्या चार गाड्या घटनास्थळी दाखल झाल्या होत्या. आयसीयूमधील रुग्णांना तातडीने बिलाल रुग्णालयात हलविण्यात आलं. तर इतर रुग्णांना सुटी देण्यात आली. या घटनेत चार रुग्णांना आपला जीव गमावावा लागला आहे. रुग्णांना दुसऱ्या रुग्णालयात घेऊन जात चार रुग्णांचा मृत्यू झाल्याची माहिती ठाणे महापालिका प्रशासनाने दिली आहे.

मंत्री जितेंद्र आव्हाड यांनी बोलताना सांगितलं की, काही वेळापूर्वी ठाण्याती मुंब्रा येथील प्राईम क्रिटिकेअर रुग्णालयाला मध्यरात्री भीषण आग लागली. याचं कारण अद्याप कळालेलं नाही. आतापर्यंत या आगीत काही रुग्णांचा मृत्यू झाल्याची माहिती मिळत आहे. यासंदर्भात अधिकृत माहिती पोलीस थोड्या वेळात जाहीर करतील. या रुग्णालयातील रुग्णांना इतर रुग्णालयांमध्ये हलवण्यात आलं आहे. आयसीयूमध्ये 6 रुग्णांवर उपचार सुरु होते. त्यापैकी काही रुग्ण गंभीर असून त्यांच्यावर उपचार सुरु होते.

आग नेमकी कशी लागली हे अद्याप समजू शकलेले नाही. शॉर्टसर्किटमुळं ही आग लागली असावी, असा प्राथमिक अंदाज आहे, अशी माहिती गृहनिर्माण मंत्री जितेंद्र आव्हाड यांनी ट्विटरच्या माध्यमातून दिली आहे.

मुंब्रा येथील prime hospital ला रात्री 3 वाजता आग लागली आगी चे कारण समजू शकले नसले तरी शॉर्ट सर्किट मुळे लागल्याचा संशय आहे. 3 जणांचा मृत्यू झाल्याचा प्राथमिक अंदाज आहे. मदत कार्य चालू असून आग आटोक्यात आली आहे

— Dr.Jitendra Awhad (@Awhadspeaks) April 28, 2021

The post पुन्हा अग्रितांडव! ठाण्यातील प्राईम क्रिटीकेअर हॉस्पिटला आग; चार रुग्णांचा मृत्यू appeared first on थोडक्यात घडामोडी.

बिहार : अररिया जिल्ह्यातील पलासीच्या कबाया गावात एकाच कुटुंबातील 6 मुलांचा भाजून मृत्यू झाला. ही सर्व मुलं अडीच ते 5 वर्षांची होती. ते सर्वजण एका खोलीत मक्याचे कणीस भाजत होते. मात्र, तिथे जवळच गुरांसाठी सुका चारा ठेवलेला होता. त्यात ठिणगी पडून अचानक आग लागल्यामुळे ही मुले तिथे अडकून पडली आणि त्यांचा दुर्दैवी मृत्यू झाला.

आग लागल्यानंतर इतर मुलांनी आरडाओरड केली, त्यानंतर मुलांना वाचवण्यासाठी आसपासचे लोक धावले. गर्दीतील काही तरुणांनी आग विझविण्याचा प्रयत्न केला, परंतु मुलांपर्यंत पोहोचण्याआधीच निष्पाप मुलांचा मृत्यू झाला. घटनेची माहिती मिळताच स्थानिक पोलिसही घटनास्थळी दाखल झाले आणि तातडीने अग्निशमन विभागालाही कळविण्यात आले. पोलिसांनी मुलांचे मृतदेह काढून जवळच्या रुग्णालयात शवविच्छेदनासाठी पाठविले. आगीच्या घटनेमुळे आणि आगीत 6 निरपराध मुलांनी जीव गमावल्यामुळे कबैय्या गावात शोककळा पसरली आहे.

The post मक्याचे कणीस भाजताना लागली आग, एकाच कुटुंबातील 6 मुलांचा भाजून मृत्यू appeared first on थोडक्यात घडामोडी.

पुणे : पीएमपी बसने धडक दिल्याने झालेल्या अपघातात पुणे कॅन्टोन्मेंट अग्निशमन दलाचे अधीक्षक प्रकाश हसबे यांचा मृत्यू झाला आहे. येरवड्यातून विमानतळाकडे जाणाऱ्या रस्त्यावर हा अपघात घडला. कॅम्प परिसरातील फॅशन स्ट्रीट येथील बाजारपेठेला लागलेली आग नियंत्रणात आल्यानंतर ते घरी निघाले असताना हा अपघात झाला.

फॅशन स्ट्रीट मार्केटला आग लागल्यानंतर प्रकाश हसबे तात्काळ घटनास्थळी दाखल झाले होते. त्यानंतर आग नियंत्रणात आल्यावर त्यांनी आढावा घेतला आणि पहाटे साडेचारच्या सुमारास ते घरी निघाले. त्यांनी निघताना दोन तासात परत येतो असं कर्मचाऱ्यांना सांगितलं होतं. मात्र, पुणे-नगर महामार्गावर येरवड्यातून विमानतळाकडे जाणाऱ्या रस्त्यावर पीएमपी बसने त्यांना उडवले. या अपघातात त्यांचा जागीच मृत्यू झाला. पीसीबीचे मुख्य कार्यकारी अधिकारी अमित कुमार यांनी पुष्टी केली की आगीच्या घटनेनंतर ड्युटीवरून परतत असताना हसबे यांचा अपघातात मृत्यू झाला.

The post अग्निशमन दलाच्या अधीक्षकांचा अपघाती मृत्यू, फॅशन स्ट्रीट येथील आग विझल्यानंतर निघाले होते घरी appeared first on थोडक्यात घडामोडी.

सातारा : साताऱ्यात एसटी बस डेपोमध्ये सहा शिवशाही बस आगीच्या भक्ष्यस्थानी पडल्या. एका तरुणाने पार्क असलेल्या बसला आग लावली. ही आग पसरली आणि शेजारी उभ्या असलेल्या इतर पाच बसने देखील पेट घेतला. अग्निशमन दलाचे जवान आगीवर नियंत्रण मिळवण्याचे प्रयत्न करत आहेत.

दरम्यान बसला आग लावणाऱ्या तरुणाला पोलिसांनी ताब्यात घेतलं असून त्याची चौकशी सुरु आहे. परंतु त्याने आग का लावली याचं कारण अद्याप स्पष्ट झालेलं नाही. आगीत सहा गाड्या जळून खाक झाल्या आहेत. अग्निशमन दलाकडून आगीवर नियंत्रण मिळवण्याचे प्रयत्न सुरु आहे. पोलीस दलही घटनास्थाळी पोहोचलं आहे. शिवशाही बस जळून खाक झाल्याने मोठं नुकसान झालं आहे.

The post साताऱ्यात बस डेपोमध्ये सहा शिवशाही बसला भीषण आग appeared first on थोडक्यात घडामोडी.