उत्तर प्रदेश पुन्हा हादरलं, १९ वर्षांच्या तरुणीवर सामूहिक बलात्कार

उत्तर प्रदेश : महोबा येथील १९ वर्षांच्या तरुणीवर सामूहिक बलात्काराची घटना समोर आली आहे. नवरात्रीच्या कार्यक्रमात दुर्गा पूजेनंतर ही तरुणी आपल्या घरी जात होती. यानंतर तीन तरुणांनी रस्त्यावरून तिचं अपहरण केलं आणि निर्जन जागी नेऊन तिच्यावरसामूहिक बलात्कार केला.

पानवाडी भागात बलात्काराची घटना समोर आली आहे. आरोपी तरुणीला आपल्या घरामागील एका निर्मनुष्य ठिकाणी नेलं आणि तिच्यावर अत्याचार केला. पीडित तरुणीला वैद्यकीय तपासणी पाठवण्यात आलं आहे. पोलिसांनी तातडीने कारवाई केली असून तिन्ही आरोपींना अटक करण्यात आली आहे, अशी माहिती पोलीस अधीक्षक अरुण कुमार श्रीवास्तव यांनी दिली. याप्रकरणी पोलिस तपास करत आहेत.