अंडरवर्ल्ड डॉन छोटा राजन कोरोनामुक्त, एम्समधून पुन्हा तिहार जेलमध्ये

अंडरवर्ल्ड डॉन छोटा राजनने कोरोनावर मात केली आहे. मंगळवारी त्याला एम्समधून सोडण्यात आले आणि पुन्हा तिहार तुरुंगात पाठविण्यात आले. छोटा राजन याला तिहारच्या जेल नंबर २ मध्ये कडक सुरक्षा बंदोबस्तात ठेवण्यात आले आहे. 22 एप्रिलपासून राजन तुरुंगात रूग्णालयात उपचार घेत होता. परंतु, त्याची प्रकृती बिघडल्यानंतर 25 एप्रिल रोजी त्याला एम्समध्ये हलविण्यात आले होते.

7 मे रोजी उपचारादरम्यान छोटा राजन उर्फ राजेंद्र सदाशिव निकाळजे याच्या मृत्यूची अफवा पसरली होती. त्यानंतर तात्काळ एम्सने त्याचा इन्कार केला आणि ती केवळ अफवा असल्याचं स्पष्ट केलं. अशाप्रकारे, मृत्यूच्या अफवेनंतर 4 दिवसांत छोटा राजनने कोरोनावर मात केली असून त्याला पुन्हा तिहार जेलमध्ये पाठविण्यात आले आहे.