दिलासादायक : देशात कोरोना रुग्णसंख्येत सातत्याने घट

देशात कोरोनाच्या नवीन प्रकरणांमध्ये सातत्याने घट होत आहे. तसेच कोरोनामधून बरे होणार्‍या रुग्णांची संख्याही सतत वाढत आहे. देशात गेल्या २४ तासात कोरोनाचे ५५,७२२ नवे रुग्ण आढळून आले आहेत तर देशात ५७९ कोरोना पॉझिटिव्ह रुग्णांचा मृत्यू झाला आहे. देशात आता ७ लाख ७२ हजार ५५ अॅक्टिव्ह रुग्ण आहेत.

केंद्रीय आरोग्य व कुटुंब कल्याण मंत्रालयाने दिलेल्या माहितीनुसार, देशात आतापर्यंत एकूण 75 लाख 50 हजार 273 रुग्णांची नोंद झाली आहे. यापैकी 66 लाख 63 हजार 608 लोक कोरोनाहून बरे झाले आहेत. सध्या कोरोनाची 7 लाख 72 हजार 55 सक्रिय प्रकरणे आहेत. तर कोरोनामुळे आतापर्यंत 1 लाख 14 हजार 610 लोक मरण पावले आहेत.

आरोग्य मंत्रालयाच्या म्हणण्यानुसार, गेल्या 24 तासांत देशातील 66,399 लोक कोरोनामधून बरे झाले आहेत. भारताची कोरोनातून बरे झालेल्यांची संख्या सध्या 88.26% आहे.