घरगुती गॅस सिलेंडर पुन्हा महागला, सर्वसामान्यांच्या खिशाला कात्री

नवी दिल्ली : आज घरगुती एलपीजी सिलेंडर पुन्हा एकदा महाग झाले आहेत. विनाअनुदानित 14.2 किलो एलपीजी सिलिंडरच्या किंमतीत 15 रुपयांची वाढ करण्यात आली आहे. राजधानी दिल्ली आणि मुंबई येथे विनाअनुदानित घरगुती एलपीजी सिलेंडरची किंमत 884.50 रुपयांवरून आता 899.50 रुपये झाली आहे.

या महिन्याच्या पहिल्या दिवशी व्यावसायिक सिलिंडरमध्ये वाढ करण्यात आली आहे. महिन्याच्या पहिल्या दिवशी म्हणजे 1 ऑक्टोबर रोजी दिल्लीत 19 किलोच्या व्यावसायिक सिलेंडरची किंमत 1693 रुपयांवरून 1736.50 रुपये झाली.