Video : स्वतंत्रता सेनानी एक्सप्रेसला भीषण आग, मधुबनी रेल्वे स्थानकावरील घटना

बिहार : बिहारमधील मधुबनी रेल्वे स्थानकावर एका ट्रेनला अचानक आग लागल्याची मोठी घटना समोर आली आहे. मिळालेल्या माहितीनुसार, सकाळी दिल्लीहून येणाऱ्या स्वतंत्र सेनानी एक्सप्रेस गाडीला अचानक आग लागली. काही वेळातच ट्रेनने पेट घेतला. या घटनेत कोणतीही जीवितहानी झाली नाही

ट्रेनला लागलेली आग किती भीषण होती, हे फोटो पाहून समजू शकते. सुदैवाने ट्रेन पूर्णपणे रिकामी होती. ही ट्रेन रात्रीच दिल्लीहून मधुबनीला पोहोचली होती आणि स्टेशनवर उभी असताना तिला आग लागल्याचे सांगण्यात येत आहे. स्थानकावर उपस्थित नागरिक आणि कर्मचाऱ्यांनी तात्काळ आग विझवण्यासाठी प्रयत्न सुरू केले. दरम्यान, अग्निशमन दलाचे पथकही घटनास्थळी पोहोचले आणि आग विझवण्याचे काम सुरू केले. दरम्यान, आग कशी लागली हे अद्याप स्पष्ट झालेले नाही. मिळालेल्या माहितीनुसार, मधुबनी रेल्वे स्थानकावर रेल्वेच्या (स्वतंत्र सेनानी सुपरफास्ट एक्स्प्रेस) रिकाम्या डब्यांना लागलेली आग सकाळी ९.५० वाजता आटोक्यात आली.