देश

दुःखद : कोरोनाशी आत्मविश्वासाने लढणाऱ्या ‘त्या’ महिलेचा मृत्यू

कोरोनाच्या दुसऱ्या लाटेने देशात अक्षरशः थैमान घातले असून भयावह परिस्थिती निर्माण झाली आहे. रुग्णालयांमध्ये ऑक्सिजन आणि बेड्स उपलब्ध नसल्याने अनेक रुग्णांना प्राण गमवावे लागत आहेत. अशा परिस्थितीत काही दिवसांपूर्वी सोशल मीडियावर ‘लव यू जिंदगी’ या गाण्यासोबत एका मुलीचा व्हिडिओ व्हायरल झाला होता. लोकांमध्ये थोड्याफार प्रमाणात सकारात्मता निर्माण व्हावी म्हणून ‘कधीही आशा गमावू नका’ असे सांगत डॉ. मोनिका यांनी तो व्हिडीओ बनवला होता. मात्र, त्या महिलेचा आता मृत्यू झाला आहे. त्या महिलेवर उपचार करणाऱ्या डॉ. मोनिका यांनी याची माहिती दिली आहे.

डॉ. मोनिका लांगेह यांनी रुग्णालयातील एका ३० वर्षीय महिलेचा व्हिडीओ ट्विटरवर शेअर केला होता. व्हिडिओमधील महिला कोरोना पॉझिटिव्ह असताना देखील उत्साही दिसत होती. गुरुवारी रात्री डॉ. मोनिका यांनी त्या महिलेचा मृत्यू झाल्याची माहिती ट्विटरवर दिली. त्या म्हणाल्या कि, “मी खूप दुःखी आहे, आपण खूप शूर मुलीला गमावले. ओम शांति. तिच्या कुटुंबासाठी आणि मुलांसाठी प्रार्थना करा.” यानंतर अनेकांनी दुःख व्यक्त केलं आहे.

डॉ. मोनिका यांनी ८ मे रोजी एक व्हिडिओ ट्विट केला होता. त्यामध्ये व्हिडिओमध्ये दिसणाऱ्या तरुण मुलीला आयसीयू बेड मिळाला नव्हता यामुळे ती कोव्हिड आपत्कालीन कक्षात गेल्या १० दिवसांपासून दाखल होती. या महिलेने गाणी ऐकता येतील का असे डॉ. मोनिका यांना विचारले होते. डॉक्टरने डियर जिंदगी चित्रपटातील ‘लव यू जिंदगी’ हे गाणं लावलं. डॉक्टर मोनिका यांनी व्हिडीओ बनवत तिच्यात दृढ इच्छाशक्ती आहे असे लिहिले होते. हा व्हिडिओ शेअर करत डॉ. मोनिका यांनी ‘धडा: कधीही आशा गमावू नका’ असे लिहिले होते.

तिला NIV सपोर्टवर ठेवण्यात आलं होतं. याव्यतिरिक्त तिच्यावर रेमडेसिवीर आणि प्लाझा थेरपीद्वारे उपचार करण्यात येत होते. त्यानंतर तिला आयसीयू बेड मिळाला होता. पण, दुर्दैवाने या महिलेचा मृ्त्यू झाला आहे. या महिलेचे नाव श्रुती असून तिला ५ वर्षांचं मुलदेखील असल्याची माहिती मिळाली आहे.

Share this :
थोडक्यात घडामोडी टीम

कमीत कमी शब्दांमध्ये बातम्या देणारे, आजच्या घडीला थोडक्यात घडामोडी हे मराठीतलं सर्वात वेगानं वाढणारं न्यूजपोर्टल - थोडक्यात घडामोडी

Recent Posts

बीड हादरलं! 50 वर्षीय नराधमाचा चिमुकलीवर दोन वेळा लैंगिक अत्याचार, पॉक्सो कायद्यांतर्गत गुन्हा दाखल

बीड : बीड जिल्ह्यात एक अत्यंत धक्कादायक आणि संतापजनक घटना समोर आली आहे. परळी तालुक्यातील…

3 आठवडे ago

अवकाळीचे संकट! पुढील 4 दिवस वादळी पावसाचा इशारा; शेतकऱ्यांची चिंता वाढली…

मुंबई : देशातील हवामानात पुन्हा एकदा मोठे चढउतार पाहायला मिळत आहेत. हवामान विभागाने दिलेल्या ताज्या…

3 आठवडे ago

नाशिकमध्ये खळबळ! २४ दिवसांपासून बेपत्ता असलेल्या परिचारिकेचा मृतदेह विहिरीत सापडला, प्रकरणात धक्कादायक खुलासा

नाशिक : नाशिक जिल्ह्यातील निफाड परिसरात बेपत्ता झालेल्या एका परिचारिकेचा मृतदेह २४ दिवसांनी विहिरीत सापडल्याने…

3 आठवडे ago

मुख्यमंत्री देवेंद्र फडणवीस यांनी मेघे कुटुंबियांचे केले सांत्वन

नागपूर : ज्येष्ठ नेते व माजी मंत्री दत्ताभाऊ मेघे यांच्या निधनाचे वृत्त समजताच विदर्भात शोककळा…

3 आठवडे ago

पुण्यात सॉफ्टवेअर इंजिनिअर महिलेला ४२.६४ लाखांचा गंडा, मॅट्रिमोनियल फ्रॉडचा धक्कादायक प्रकार

पुणे : वाकड परिसरात २८ वर्षीय सॉफ्टवेअर इंजिनिअर महिलेची लग्नाच्या आमिषाने तब्बल ४२.६४ लाख रुपयांची…

1 महिना ago

विलेपार्ले हादरले! बहिणीला पतीच्या मारहाणीतून वाचवण्यासाठी मध्ये पडलेल्या तरुणाची निर्घृण हत्या

मुंबई : २४ वर्षीय सागर गुप्ता या तरुणाचा मृत्यू झाला असून, त्याच्या हत्येप्रकरणी त्याच्या बहिणीचा…

1 महिना ago