पंजाब नॅशनल बँकेच्या मुख्य कार्यालयात भीषण आग

कोलकाता : कोलकाता शहरातील स्ट्रँड रोड वरील पंजाब नॅशनल बँकेच्या मुख्य कार्यालयात असलेल्या हेरिटेज बहुमजली इमारतीला भीषण आग लागली. अग्निशमन दलाच्या जवानांनी मदत व बचावकार्य केले असून सुदैवाने यात कोणतीही जीवितहानी झालेली नाही.

बँकेची कॅन्टीन असलेल्या तिसऱ्या मजल्यावर सकाळी आठच्या सुमारास पहिल्यांदा आग लागल्याचं निदर्शनास आलं.
त्यानंतर तात्काळ अग्निशमन दलाला माहिती देण्यात आली. घटनेची माहिती मिळताच अग्निशामक दलाच्या 10 गाड्या घटनास्थळी दाखल झाल्या. शहराच्या मध्यवर्ती भागात असलेल्या या इमारतीत लागलेली आग अग्निशमन दलाने नियंत्रणात आणली असून या घटनेत कोणतीही जीवितहानी झालेली नाही.