Gang rape of a minor girl
नवी दिल्ली : राजधानी दिल्लीतील शाहबाद डेअरी परिसरात एका अल्पवयीन मुलीवर सामूहिक बलात्कार झाल्याची घटना समोर आली आहे. ही घटना मंगळवारी रात्रीची असून चार आरोपींनी 16 वर्षीय मुलीसोबत गैरप्रकार केला आहे. पीडित मुलगी इयत्ता नववीची विद्यार्थिनी आहे. याप्रकरणी शाहबाद पोलिसांनी तीन आरोपींना अटक केली आहे. तर एक आरोपी अद्याप फरार असून, त्याचा शोध सुरू आहे.
मिळालेल्या माहितीनुसार, शाहबाद डेअरी पोलीस स्टेशन परिसरात 16 वर्षीय अल्पवयीन मुलगी तिच्या मित्रासोबत गेली होती. त्यानंतर दोघेही एका उद्यानाजवळ बोलत बसले. बोलता बोलता बराच वेळ गेला आणि अंधार झाला. त्यानंतर दोघेही उद्यानातून बाहेर पडून घराच्या दिशेने जात होते, यादरम्यान चार युवक तेथे पोहोचले. त्यांनी तरुणीच्या मित्राला मारहाण करून नंतर तिचा पाठलाग केला. त्यानंतर आरोपींनी तरुणीवर सामूहिक बलात्कार करून घटनास्थळावरून पळ काढला.
पॉक्सो कायद्यान्वये गुन्हा दाखल
पोलिसांनी सामुहिक बलात्कार आणि पॉक्सो कायद्यांतर्गत गुन्हा दाखल करून संपूर्ण प्रकरणाचा तपास सुरू केला. पीडितेच्या जबानीवरून आरोपींची ओळख पटली. या प्रकरणी कारवाई करत पोलिसांनी तीन आरोपींना अटक केली असून त्यापैकी बॉबी आणि राहुल अशी दोघांची ओळख पटली आहे. तर तिसरा आरोपी अल्पवयीन असल्याचे सांगण्यात येत आहे. चौथ्या आरोपीला शोधण्यासाठी पोलीस छापेमारी करत आहेत.
पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…
बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…
नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…
पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…