देहरादून : उत्तराखंडमधील उधम सिंह नगरमधून मानवतेला काळिमा फासणारी घटना समोर आली आहे. जिल्ह्यातील किच्छा येथे चुलत भावानेच आपल्या तीन वर्षांच्या बहिणीवर बलात्कार करून तिची हत्या केली. पोलिसांनी आरोपीविरुद्ध गुन्हा दाखल केला आहे. गुरुवारी दुपारी तीन वर्षांची चिमुकली घराच्या अंगणात खेळत होती. तिचे वडील खासगी शाळेच्या बसचे चालक असून आईही मजूर आहे.
मिळालेल्या माहितीनुसार, गुरुवारी तिचे वडील आणि आई काही कामानिमित्त घराबाहेर गेले होते. मुलगी इतर मुलांसोबत खेळत होती. यादरम्यान मुलीचा चुलत भाऊ दुचाकीवरून तेथे आला आणि मुलीला घेऊन गेला. आई-वडील परत आल्यावर मुलगी बेपत्ता असल्याचे पाहून त्यांनी तिचा शोध सुरू केला. त्यानंतर तिच्यासोबत खेळणाऱ्या मुलांनी दुचाकीस्वार आलेल्या तरुणाची माहिती दिली. लोक त्या तरुणाचा शोध घेऊ लागले. मात्र आरोपी तरुण याबाबत अनभिज्ञ होता.
त्यानंतर चिमुकलीच्या वडिलांनी संशयित आरोपी आणि त्याच्या पालकांविरुद्ध पोलिसांत तक्रार दिली. पोलिसांनी आरोपी आणि त्याच्या आईला अटक केली. कठोरपणे चौकशी केली असता आरोपीने सांगितले की, त्याने मुलीवर बलात्कार केला आणि नंतर तिची हत्या केली. हत्येनंतर त्याने त्याच्या पालकांना संपूर्ण घटनेची माहिती दिली, त्यानंतर आरोपीच्या पालकांनी आरोपीला पळून जाण्याचा सल्ला दिला. पोलिसांनी आरोपी आणि त्याच्या आई-वडिलांविरुद्ध गुन्हा दाखल केला आहे.
पुणे : स्वातंत्र्यदिनाच्या निमित्ताने पुणे महानगरपालिकेच्या वतीने आयोजित विशेष सत्कार समारंभात व्यसनमुक्ती अभ्यासक व सामाजिक…
बारामती : पुणे जिल्ह्यातील बारामती शहरात तरुणीचा अकस्मात आणि संशयास्पद मृत्यू झाल्याप्रकरणी तिच्या आईने दिलेल्या…
नाशिक : शनिवारी (दि. ८) झालेल्या महासभेत स्मार्टसिटी कंपनी आणि ‘एमएनजीएल’मुळे शहरातील रस्त्यांची झालेली दुरवस्था…
पुणे : पारी टॉवर्स सहकारी गृहरचना संस्था मर्यादित, नऱ्हेच्या संचालक मंडळाच्या पंचवार्षिक निवडणुकीत ‘उघडलेले पुस्तक’…
हिंगोली : हिंगोली जिल्ह्यात घडलेल्या एका गंभीर घटनेने सार्वजनिक आरोग्य व्यवस्थेवरील विश्वास पुन्हा एकदा डळमळीत…
बुलढाणा : केंद्र सरकारच्या फुड स्ट्रीट योजने अंतर्गत विदर्भातील शेगांव आणि मराठवाडा विभागातील शिर्डी येथे…