इडन गार्डन्स मैदानातील गॅलरी भागात कोविड सेंटरची उभारणी करण्याचे काम सुरु

कोलकाता शहरातली वाढती करोनाबाधित रुग्णसंख्या पाहता, ऐतिहासीक इडन गार्डन्स मैदानाचा वापर आता कोविड सेंटर म्हणून करण्यात येणार आहे. इडन गार्डन्स मैदानातील गॅलरी भागात कोविड सेंटरची उभारणी करण्यात येणार आहे. कोलकाता पोलिसांनी काही दिवसांपूर्वी बंगाल क्रिकेट असोसिएशनला याबद्दल परवानगी मागितली होती. बंगाल क्रिकेट असोसिएशनच्या परवानगी नंतर कोविड सेंटर उभारणीच्या कामाला सुरुवात झाली असून लवकरच हे सेंटर कार्यरत होईल.

रुग्णांसाठी बेड, पंखे यांची सोय करण्यात आलेली आहे. आम्ही मैदानाच्या E आणि F गॅलरी समोरील भागात सुविधा केली आहे. येत्या काही दिवसांमध्ये हे कोविड सेंटर रुग्णांसाठी वापरता येईल. याव्यतिरीक्त F Block समोर आमचं एक छोटंसं हॉस्पिटल आहे त्याचाही वापर करता येईल”, अशी माहिती बंगाल क्रिकेट असोसिएशनचे अध्यक्ष अविशेक दालमिया यांनी दिली.