उत्तर प्रदेश : उत्तर प्रदेशातील कानपूरमध्ये भाविकांनी भरलेली ट्रॅक्टर-ट्रॉली पलटी झाल्याने २२ जणांचा मृत्यू झाला असून मृतांमध्ये ११ महिला आणि ११ लहान मुलांचा समावेश आहे. हे सर्वजण उन्नाव येथून दर्शन घेऊन परतत होते. या घटनेत 28 जण जखमी झाले असून त्यांना रुग्णालयात दाखल करण्यात आले आहे. मृतांच्या नातेवाईकांना प्रत्येकी 2 लाख रुपयांची मदत जाहीर करण्यात आली आहे.

यात्रेकरूंना घेऊन जाणारी ट्रॅक्टर ट्रॉली उन्नाव येथून परतत होती. कानपूर जिल्ह्यातील घाटमपूर परिसरात तो पलटी झाल्याने अपघात झाला. जखमींना रुग्णालयात हलवण्यात आले आहे. उत्तर प्रदेशचे मुख्यमंत्री योगी आदित्यनाथ यांनी वरिष्ठ मंत्री राकेश सचान आणि अजित पाल यांना घटनास्थळी जाऊन मदतकार्याला गती देण्याच्या सूचना दिल्या आहेत. मुख्यमंत्रीही परिस्थितीवर लक्ष ठेवून आहेत.

पीएमएनआरएफकडून प्रत्येक मृत व्यक्तीच्या नातेवाईकांना 2 लाख रुपयांची एक्स-ग्रॅशिया दिली जाईल. जखमींना 50,000 रुपये दिले जातील, असे जाहीर करण्यात आले आहे.

An ex-gratia of Rs. 2 lakh from PMNRF would be paid to the next of kin of each of the deceased. The injured would be given Rs. 50,000: PM @narendramodi

— PMO India (@PMOIndia) October 1, 2022

The post ब्रेकिंग! कानपूरमध्ये ट्रॅक्टर-ट्रॉली पलटी होऊन भीषण अपघात, 11 लहान मुलांसह 22 भाविकांचा मृत्यू appeared first on थोडक्यात घडामोडी.

उत्तर प्रदेश : उत्तर प्रदेशमधील बांदा जिल्ह्यात आज यमुना नदीत मोठी दुर्घटना घडली. ३० हून अधिक लोक बोटीतून प्रवास करत होते, ती बोट नदीत बुडाली. सध्या या दुर्घटनेत 20 जण बुडाल्याची माहिती मिळत आहे. मुख्यमंत्री योगी आदित्यनाथ यांनी जिल्हा प्रशासनाला मदत आणि बचाव कार्याच्या सूचना दिल्या आहेत. ही बोट फतेहपूरला जात होती, लोकांना वाचवण्यासाठी मदतकार्य सुरू असल्याचे नायब तहसीलदारांनी सांगितले.

घटनेची माहिती मिळताच संबंधित पोलीस ठाण्याचे पोलीस घटनास्थळी पोहोचले आणि गोताखोरांच्या मदतीने बचावकार्य सुरू केले. अपघातानंतर घटनास्थळी एकच खळबळ उडाली. पोलीस अधीक्षक बांदा व इतर अधिकारी घटनास्थळी उपस्थित आहेत. मोठ्या प्रमाणात गोताखोर, बोटी आदींच्या मदतीने बचावकार्य सुरू आहे. लोकांना सुरक्षितपणे वाचवण्यासाठी सर्वतोपरी प्रयत्न केले जात आहेत.

Boat capsizes in Yamuna river in #Banda district. At least people missing, 2 dead bodies recovered. pic.twitter.com/vri6ZtZo9K

— Nikhil Choudhary (@NikhilCh_) August 11, 2022

मुख्यमंत्र्यांच्या जिल्हा प्रशासनाला मदत आणि बचाव कार्याच्या सूचना
मुख्यमंत्री योगी आदित्यनाथ यांनी बांदा येथील यमुना नदीत बोट दुर्घटनेप्रकरणी जिल्हा प्रशासनाला तातडीने घटनास्थळी पोहोचून बचाव आणि मदत कार्य करण्याचे निर्देश दिले आहेत. या दुर्घटनेत झालेल्या जीवितहानीबद्दल शोक व्यक्त करत त्यांनी शोकसंतप्त कुटुंबीयांना संवेदना व्यक्त केल्या. मुख्यमंत्र्यांनी जिल्हा दंडाधिकारी, डीआयजी, एनडीआरएफ आणि एसडीआरएफच्या पथकाला तातडीने घटनास्थळी जाण्याचे निर्देश दिले.

The post यमुना नदीत बोट बुडून मोठी दुर्घटना, 20 जण बुडाल्याची भीती appeared first on थोडक्यात घडामोडी.

उत्तर प्रदेश : उत्तर प्रदेशातील बरेली येथील फतेहगंज थाना परिसरात मंगळवारी एका रुग्णवाहिकेची ट्रकला धडक बसून झालेल्या अपघातात सात जणांचा मृत्यू झाला. मृतांपैकी सहा जण आरोग्य तपासणीनंतर दिल्लीहून परतले होते.

राममूर्ती रुग्णालयातील रुग्णवाहिका दिल्लीहून बरेलीकडे येत होती आणि राष्ट्रीय महामार्गावरील सांखा पुलाजवळ हा अपघात झाला. फतेहगंज पश्चिम परिसरात ही घटना घडली. मिळालेल्या माहितीनुसार, रुग्णवाहिका चालकाचे वाहनावरील नियंत्रण सुटले, ज्यामुळे रुग्णवाहिका दुभाजकाला धडकली आणि नंतर रस्त्याच्या दुसऱ्या बाजूला जाऊन ट्रकला धडकली. या प्रकरणाचा तपास सुरू आहे. उत्तर प्रदेशचे मुख्यमंत्री योगी आदित्यनाथ यांनी या घटनेबद्दल शोक व्यक्त केला आहे.

The post रुग्णवाहिका ट्रकला धडकून भीषण अपघात, सात जणांचा मृत्यू appeared first on थोडक्यात घडामोडी.

उत्तर प्रदेश : नाटकाची रिहर्सल करताना गळफास लागून एका १० वर्षीय मुलाचा दुर्दैवी मृत्यू झाला. 15 ऑगस्ट रोजी भगतसिंग यांच्यावरील नाटक सादर करण्यासाठी तालीम करताना या चिमुकल्याला गळफास लागला. उत्तर प्रदेशातील बदायू जिल्ह्यातील सिव्हिल लाईन्स परिसरातील एका गावात ही दुःखद घटना घडली आहे. ही घटना उघडकीस आल्यानंतर गावात शोककळा पसरली आहे. पोलिसांच्या कारवाईविनाच कुटुंबाने या मुलावर अंत्यसंस्कार केले.

मिळालेल्या माहितीनुसार, कुंवरगाव परिसरात राहणारे भुरे सिंह यांचा 10 वर्षांचा मुलगा शिवम गुरुवारी घरात एकटाच होता, शिवमची आई आरती आणि वडील शेतात कामासाठी गेले होते. यावेळी परिसरातील इतर मुले त्याच्या घरी आली. त्यानंतर त्यांनी सरदार भगतसिंग या नाटकाची तयारी सुरू केली. ही मुले 15 ऑगस्टच्या दिवशी नाटक सादर करण्यासाठी सरदार भगतसिंग यांच्यावरील नाटकाचा सराव करत होती. शिवम सरदार भगतसिंगची भूमिका साकारत होता. या दरम्यान, शिवम स्टूलवरून घसरला आणि फास लागल्याने त्याला आपला जीव गमवावा लागला. त्याला फास लागल्यानंतर बाकीच्या मुलांनी आजूबाजूच्या लोकांना मदतीसाठी बोलावले. घटनास्थळी पोहचलेल्या लोकांनी त्याला खाली उतरवले. यानंतर त्यांनी शेतावर काम करणाऱ्या त्याच्या आई -वडिलांना बोलावले.

शिवमच्या कुटुंबीयांनी पोलिसांच्या कारवाईशिवाय त्याच्यावर अंत्यसंस्कार केले. बदायूचे वरिष्ठ पोलीस अधीक्षक संकल्प शर्मा यांच्या निदर्शनास ही बाब आली. त्यांनी सांगितले की, कुंवर गावच्या पोलीस स्टेशन प्रमुखांच्या नेतृत्वाखाली एक पोलीस पथक घटनास्थळी पाठवण्यात आले होते. कुटुंबातील सदस्यांनी मुलाचा मृत्यू झाल्याचे सांगितले. पण मृत्यू कसा झाला याबद्दल त्यांनी माहिती दिली नाही. आजूबाजूच्या लोकांचे म्हणणे आहे की भगतसिंग यांच्यावरील नाटकाची तयारी करत असताना शिवम स्टूलवरून घसरला आणि फाशी लागून त्याचा मृत्यू झाला. पोलिसांचे पथक तपास करत आहे. तपासानंतर जे काही तथ्य बाहेर येईल त्याआधारे पुढील कारवाई केली जाईल.

The post भगतसिंग नाटकाची रिहर्सल करताना चिमुकला स्टूलवरून घसरला, गळफास लागून दुर्दैवी मृत्यू appeared first on थोडक्यात घडामोडी.

उत्तर प्रदेश : बरेली जिल्ह्यात एक धक्कादायक प्रकरण समोर आले आहे. एका व्यक्तीला मास्क न लावता बँकेत जाणे खूप महागात पडले. या व्यक्तीचा मास्कवरून बँकेच्या सुरक्षा रक्षकाशी वाद झाला. त्यानंतर रागाच्या भरात सुरक्षा कर्मचार्‍याने त्या व्यक्तीच्या पायाला गोळी मारली. या घटनेमुळे बँकेत खळबळ उडाली. पीडित व्यक्ती रेल्वे कर्मचारी आहे.

मिळालेल्या माहितीनुसार, सुभाषनगर पोलिस स्टेशन परिसरातील रहिवासी असलेला रेल्वे कर्मचारी राजेश हा मास्क न लावता काही कामासाठी बँक ऑफ बडोदाच्या एका शाखेत आला होता. बँक सुरक्षारक्षक केशव प्रसाद यांनी त्यांना मास्कशिवाय पाहिल्यावर आत जाऊ दिले नाही आणि मास्क न लावल्याबद्दल आक्षेप घेतला. यावरून दोघांमध्ये वाद झाला. यावेळी गार्डच्या बंदुकीतून गोळीबार झाला. ही गोळी थेट रेल्वे कर्मचारी राजेशच्या पायाला लागली. गोळीबार होताच बँकेत खळबळ उडाली. यानंतर जखमी राजेशला तातडीने रुग्णालयात दाखल करण्यात आले, तिथे त्याच्यावर उपचार सुरू आहेत.

घटनेची माहिती मिळताच पोलिस अधिकारी घटनास्थळी पोहोचले आणि बँकेच्या कर्मचार्‍यांकडून घटनेची माहिती घेतली. या दरम्यान पोलिसांनी सुरक्षा कर्मचारी केशव प्रसाद यांना अटक केली आणि त्यांची परवानाधारक बंदूकही जप्त केली. परंतु, सुरक्षा कर्मचारी केशवने जाणूनबुजून गोळीबार केला नसल्याचे सांगितले आहे.

धक्कादायक! सिझेरियन ऑपरेशनदरम्यान डॉक्टरांकडून झाली मोठी चूक, महिलेचा मृत्यू

पीडित राजेश यांच्या कुटुंबीयांनी आरोप केला आहे की, मास्क न लावल्याबद्दल बँकेच्या गार्डने राजेशला गोळी मारली. आरोपी हा बँकेचा खासगी सुरक्षारक्षक आहे. त्याच्याकडे परवानाधारक बंदूक आहे. तिच्यातून त्याने गोळीबार केला. पोलीस या प्रकरणाचा तपास करत आहेत. घटनास्थळी उपस्थित सर्व लोकांचे जबाबही नोंदविण्यात येत आहेत.

The post धक्कादायक! मास्क न लावता बँकेत गेला ग्राहक, बँकेच्या सुरक्षा रक्षकाने घातली गोळी appeared first on थोडक्यात घडामोडी.