लंडनच्या एका पार्कमध्ये घडलेल्या एका धक्कादायक घटनेत, 35 वर्षीय मोहम्मद इडोवने एका महिलेवर वारंवार बलात्कार केला, ज्यामुळे तिचा मृत्यू झाला. ही घटना पश्चिम लंडनच्या साउथॉल पार्कमध्ये घडली, जिथे 37 वर्षीय महिला नताली शॉटर रात्री बेंचवर बेशुद्ध पडलेली होती. या संधीचा फायदा घेत इडोएवने महिलेवर अत्याचार केल्याचे पोलिस तपासात समोर आले आहे.

ही घटना 17 जुलै 2021 ची आहे. दुसऱ्या दिवशी सकाळी नतालीचा मृतदेह उद्यानात सापडला होता. डीएनए चाचणीद्वारे इडोव्हची ओळख पटली. पोलिस चौकशीदरम्यान आरोपीने हे एकमेकांच्या संमतीने झाल्याचं सांगितले, जे न्यायालयाने फेटाळले.

सीसीटीव्ही फुटेजमुळे रहस्य उघड
सीसीटीव्ही फुटेजमध्ये स्पष्टपणे दिसून आले की इडोएव उद्यानाभोवती फिरत होता. त्याला बेंचवर नताली बेशुद्ध अवस्थेत आढळली आणि संधीचा फायदा घेत त्याने 15 मिनिटे तिच्यावर क्रूरपणे अत्याचार केले. फिर्यादीच्या म्हणण्यानुसार, नताली त्यावेळी “खोल बेशुद्ध” अवस्थेत होती.

नतालीची आई डॉ. कॅस शॉटर वीटमॅन, एनएचएस कार्डिओलॉजी तज्ञ, यांनी त्यांच्या मुलीच्या मृत्यूबद्दल तीव्र दुःख व्यक्त केले. महिलांवरील वाढते अत्याचार रोखण्यासाठी कठोर पावले उचलण्याची मागणी त्यांनी केली. त्या म्हणाल्या, “कोणत्याही आईला आपल्या मुलीवर असा क्रूरपणा होताना पाहायचा नाही. माझ्या मुलीचा एकच गुन्हा होता की ती काही वेळ घालवण्यासाठी एका पार्कमध्ये गेली होती. महिलांना सुरक्षित वाटत नाही हे समाजासाठी लज्जास्पद आहे.”

न्यायालयाचा निर्णय
फिर्यादीने न्यायालयाला सांगितले की, इडोएव्हने वारंवार केलेल्या बलात्कारामुळे नतालीचा हृदयविकाराच्या झटक्याने मृत्यू झाला. शुक्रवारी न्यायाधीश रिचर्ड मार्क्स यांनी मोहम्मद इडोएव्हला किमान 10 वर्षे आणि 8 महिने तुरुंगवासाची शिक्षा सुनावली.

बेशुद्ध आणि कमकुवत महिलेचा गैरफायदा घेणे हे अत्यंत क्रूर आणि अमानुष कृत्य आहे, असे न्यायाधीश म्हणाले. यांनी हे देखील नमूद केले की या घटनेत मृत्यूस कारणीभूत परिस्थिती स्वतःच अत्यंत दुर्मिळ होती, परंतु इडोएव्हच्या कृतीमुळे महिलेला गंभीर हानी होण्याचा धोका होता. फिर्यादी ॲलिसन मॉर्गन यांनी सांगितले की, सीसीटीव्ही फुटेजमध्ये हे सिद्ध झाले आहे की इडोएव्हने नतालीला जाणूनबुजून लक्ष्य केले. हा सुनियोजित गुन्हा होता. महिलांना आपली शिकार बनवण्याच्या उद्देशाने आरोपी उद्यानात फिरत होता.

The post बेशुद्ध महिलेवर तिचा मृत्यू होईपर्यंत बलात्कार, दोषीला जन्मठेपेची शिक्षा appeared first on थोडक्यात घडामोडी.

ब्रिटनमध्ये एक अतिशय हृदयद्रावक घटना घडली आहे. येथे एक आई तिच्या 20 महिन्यांच्या बाळाला घरामध्ये विसरून ६ दिवस पार्टी करायला निघून गेली. तिचा वाढदिवस मित्र-मैत्रिणींसह साजरा करण्यासाठी ती बाहेर गेली होती. यावेळी ती आपल्या मुलीला विसरली. सहा दिवसांनी जेव्हा ती घरी परतली तेव्हा त्या बाळाचा मृत्यू झालेला होता. या प्रकरणात महिलेला अटक करण्यात आली आहे.

वर्फी कुडीची मुलगी असिया या छोट्या बाळाचा डिसेंबर 2019 मध्ये एका फ्लॅटमध्ये सहा दिवस अन्न आणि पाणी न मिळाल्यामुळे मृत्यू झाला. त्यादरम्यान, तिची आई तिचा 18 वा वाढदिवस साजरा करण्यासाठी लंडन, कॉव्हेंट्री आणि सोलिहुल अशा अनेक ठिकाणी पार्ट्या करत होती. जेव्हा ती 6 दिवसांनी आपल्या घरी परत आली, तेव्हा तिने 999 ला कॉल केला आणि त्यांना सांगितले की तिची मुलगी उठत नाहीये. त्यानंतर आसियाला रॉयल अलेक्झांड्रा या मुलांच्या रूग्णालयात नेण्यात आलं, तिथे तिला मृत घोषित करण्यात आलं.

मुलीच्या मृत्यूनंतर तिचे पोस्टमॉर्टम करण्यात आले, ज्यात मुलीची योग्य काळजी न घेतल्यामुळे तिचा मृत्यू झाल्याची खात्री पटली. 5 ते 11 डिसेंबरपर्यंत ही मुलगी घरात एकटी पडलेली होती. तिला अन्नपाणी मिळाले नाही, ज्यामुळे तिची प्रकृती खालावली आणि तिचा मृत्यू झाला.

सीसीटीव्ही फुटेजवरून असे दिसून आले की, 5 डिसेंबर रोजी संध्याकाळी 5.39 वाजता वर्फी कुडी इमारतीतून बाहेर पडली. 11 डिसेंबर पर्यंत ती परत आली नाही, पूर्ण सहा दिवसानंतर ती घरी परतली. पोलिसांनी ते सीसीटीव्ही फुटेज देखील कोर्टाला दिले आहेत, ज्यामध्ये वर्फी कुडी लंडन, कॉव्हेंट्री आणि सोलिहुलमध्ये पार्ट्या करताना दिसत आहे. वर्फी कुडी हिने तिचा गुन्हा मान्य केला आहे. सध्या ती कोठडीत असून मे महिन्यात तिला शिक्षा सुनावली जाण्याची शक्यता आहे.

The post दुःखद : बाळाला घरामध्ये विसरून आई गेली पार्टी करायला, 6 दिवसांनी घरी परतली तेव्हा… appeared first on थोडक्यात घडामोडी.

ब्रिटनमधून आलेल्या कोरोना विषाणूचा नवीन स्ट्रेन आता भारतात पसरत आहे. आतापर्यंत देशात अशी दोन डझनपेक्षा जास्त प्रकरणे नोंदवली गेली आहेत, ज्यात कोरोनाच्या नवीन स्ट्रेनची लक्षणे आहेत. उत्तर प्रदेशमध्ये आतापर्यंत अशी 10 प्रकरणे नोंदवली गेली आहेत, त्यानंतर प्रशासन सतर्क झाले आहे.

कोरोनाच्या या नवीन स्ट्रेनची लक्षणे असलेल्या दहा लोकांपैकी एक मेरठमधील, नोएडामधील तीन, गाझियाबादमधील दोन आणि बरेली येथे एक आहे. तर दोन दिल्लीतील रहिवासी असून यूपीला आले आहेत. मेरठमध्ये प्रथम, कोरोनाचा नवीन स्ट्रेन दोन वर्षांच्या मुलीमध्ये सापडला, जिचे कुटुंब युके हून परत आले होते. यानंतर यूपी सरकारने सर्व जिल्ह्यांना सतर्क केले होते.

आतापर्यंत मिळालेल्या माहितीनुसार, यूकेमधून युपीमध्ये परत आलेल्या एकूण लोकांपैकी जवळपास 565 जणांचे मोबाईल बंद असून त्यांचा पत्ता शोधण्याचे काम चालू आहे. यूकेमधून यूपीमध्ये परत आलेल्या 950 जणांना तपासण्यात आलं आहे, तर इतरांचा शोध घेतला जात आहे आणि त्यानंतर त्यांची तपासणी करण्यात येणार आहे.

The post यूकेमधून परत आलेल्या 565 जणांचे मोबाईल बंद, उत्तर प्रदेशमध्ये हाय अलर्ट appeared first on थोडक्यात घडामोडी.

ब्रिटनमध्ये मंगळवारपासून फायजर-बायोएनटेकने विकसित केलेली लस देण्यात येत आहे. दरम्यान कोरोना लसीकरणात दोघांची प्रकृती बिघडल्याने चिंता व्यक्त केली जात आहे. लसीचे साइड इफेक्ट झालेल्या दोन्ही व्यक्ती आरोग्य कर्मचारी आहेत. ब्रिटनच्या नॅशनल हेल्थ सर्व्हिसने सांगितले की, या लसीमुळे झालेले दुष्परिणाम एलर्जीमुळे झाले आहेत.

यानंतर ब्रिटनच्या आरोग्य विभागाने निर्देश दिले कि, ज्या नागरिकांना, लस, औषध अथवा इतर प्रकारची एलर्जी असेल त्यांनी   फायजरची लस घेऊ नये. लसीकरण सुरू असलेल्या रुग्णालयांमध्ये ही सूचना देण्यात आली आहे. त्यामुळे एलर्जी असलेल्या नागरिकांना आता लस देण्यात येणार नाही. लस टोचल्यामुळे दोन आरोग्य कर्मचाऱ्यांची प्रकृती बिघडली होती. आता मात्र, त्यांच्या प्रकृतीत सुधारणा होत असून काळजी करण्याची आवश्यकता नसल्याची माहिती देण्यात आली आहे. या दोन्ही आरोग्य कर्मचाऱ्यांना Anaphylactoid Reactions झाली होती.

The post ब्रिटनमध्ये कोरोना लसीकरणात दोघांची प्रकृती बिघडली, आरोग्य विभागाने दिले ‘हे’ निर्देश appeared first on थोडक्यात घडामोडी.

कोरोनावरची लस कधी उपलब्ध होणार याची सामान्यांना उत्सुकता लागली आहे. आता प्रतीक्षा संपली असून लवकरच कोरोनाची लस सर्वसामान्यांना उपलब्ध होण्याची शक्यता आहे. ब्रिटनने Pfizer-BioNTech लसीच्या पुढच्या आठवड्यापासून वापराला मंजुरी दिली आहे.

जगभरात कोरोनाच्या रुग्णसंख्येनं 6.4 कोटींचा टप्पा ओलांडला आहे. ब्रिटनमध्ये आतापर्यंत कोरोनामुळे 16 लाखांपेक्षा जास्त लोक प्रभावित झाले आहेत तर 59 हजार लोकांचा यामुळे मृत्यू झाला आहे. कोरोनावर लस शोधण्याचं काम युध्दपातळीवर केलं जात आहे. अनेक लसी या अंतिम टप्प्यात असून त्या मंजुरीच्या प्रतिक्षेत आहेत. त्यामुळे ब्रिटनने Pfizer-BioNTech लसीच्या वापराला मंजुरी देऊन त्यात बाजी मारली आहे. ही लस आता पुढच्या आठवड्यापासून सर्वसामान्यांना मिळणार आहे.

ब्रिटनमध्ये मंजुरी मिळालेली लस ही 95 टक्के प्रभावी असल्याचं सांगितलं जातं आहे. या लसीचा वापर सर्वप्रथम उच्च प्राथमिकता असलेल्या लोकांवर आणि रुग्णांवर केला जाणार असल्याचं ब्रिटनच्या प्रशासनानं स्पष्ट केलं आहे. ब्रिटनने आपल्या 2 कोटी लोकसंख्येसाठी प्रत्येकी दोन डोस असे 4 कोटी डोसची ऑर्डर केली आहे. यातील 1 कोटी डोस येत्या काहीच दिवसात येणार आहेत आणि बाकीचे डोस त्यानंतर येतील अशी माहिती ब्रिटनच्या प्रशासनानं दिली आहे. Pfizer-BioNTech या लसीची साठवणूक -70C या तापमानात करावी लागणार आहे.

The post कोरोनावरची लस आली, ब्रिटनमध्ये पुढच्या आठवड्यापासून सर्वसामान्यांना होणार उपलब्ध appeared first on थोडक्यात घडामोडी.