मुंबई : राज्याच्या विकासाला आधुनिक विज्ञान आणि तंत्रज्ञानाची जोड देऊन एकात्मिक आणि नियोजनबद्ध गती देण्यासाठी महाजिओटेक महामंडळ स्थापन करण्यास मंत्रिमंडळ बैठकीत मान्यता देण्यात आली. बैठकीच्या अध्यक्षस्थानी मुख्यमंत्री देवेंद्र फडणवीस होते. या महामंडळाची कंपनी कायद्यांतर्गत स्थापना करण्यात येणार असून यासाठी १०६ पदांच्या निर्मितीसही मान्यता देण्यात आली. महाराष्ट्र रिमोट सेन्सिंग ॲप्लीकेशन सेंटर अर्थात महाराष्ट्र सुदूर संवेदन उपयोजन केंद्राचे अस्तित्व कायम ठेवून हे महामंडळ स्थापन करण्यात येणार आहे.

राज्याने १९८८ मध्ये महाराष्ट्र रिमोट सेन्सिंग ॲप्लीकेशन सेंटरची स्थापना केली आहे. एमआरएसीने राबविलेल्या प्रकल्पांमध्ये भौगोलिक माहिती प्रणाली आधारित रस्ते माहिती प्रणाली, नगररचना प्रादेशिक योजना, जलयुक्त शिवार व पाणलोट विकास योजना, डोंगरी विकास योजना, ई- पंचनामा, महाॲग्री टेक, कांदळवन अभ्यास भूजल व्यवस्थापन, खनिज व खाणींचा अभ्यास आदींचा समावेश आहे. हीच यंत्रणा अधिक बळकट करण्यासाठी आणि एमआरएसीपुढे भविष्यात येणारी आव्हाने आणि तंत्रज्ञानात होणाऱ्या झपाट्याने बदलाचे आव्हान पेलण्यासाठी महाजिओटेक महांडळाची स्थापना करण्यात येणार आहे.

संस्थेच्या मुख्य कार्यालयाकरिता मुंबईतील जीएसटी भवन, वडाळा येथे सुमारे पाच हजार चौरस फूट जागा आरक्षित ठेवण्यात येणार असून ही जागा बांधून हस्तांतरित होईपर्यंत दक्षिण मुंबई परिसरात भाड्याने जागा घेण्यासही मान्यता देण्यात आली आहे. या महामंडळाच्या खर्चासाठी २५ कोटी रूपयांची तरतूद करण्यास मान्यता देण्यात आली.

The post ‘महाजिओटेक’ महामंडळाची स्थापना, राज्याच्या विकासाला मिळणार गती appeared first on थोडक्यात घडामोडी.

आपण आपल्या Facebook खात्यापासून Gmail आणि Gpay पर्यंत सर्व गोष्टींसाठी पासवर्ड वापरतो, कारण यामुळे आपला वैयक्तिक डेटा सुरक्षित राहतो. परंतु, यासाठी मजबूत पासवर्ड असणे खूप आवश्यक आहे. परंतु असे अनेक वापरकर्ते आहेत जे अनेक खात्यांसाठी एकच पासवर्ड वापरतात आणि हे पासवर्ड कमकुवत असतात. ते पासवर्ड सहज क्रॅक केले जाऊ शकतात. याबाबतचा अहवाल नॉर्डपासने सादर केला आहे. यामध्ये तुम्हाला त्या पासवर्डची माहिती मिळेल, जे भारतात सर्वाधिक वापरले जातात. चला तर जाणून घेऊया…

NordPass च्या अहवालानुसार, जगभरातील वापरकर्ते 123456, 123456789, 111111 आणि 12345 सारखे साधे पासवर्ड वापरतात. हे एका मिनिटात क्रॅक केले जाऊ शकतात. इतकेच नाही तर qwerty, password, dragon, asdfghjkl, asdfgh आणि money असे साधे पासवर्डही वापरले जातात.

भारतात सर्वाधिक वापरण्यात येणारे पासवर्ड
भारताबद्दल सांगायचे झाले तर 12345, 123456, 123456789, 12345678, india123, 1234567890, 1234567, qwerty, abc123, iloveyou आणि xxx हे सर्वाधिक वापरलेले पासवर्ड आहेत. रिपोर्टमध्ये म्हटले आहे की, india123 वगळता हे सर्व पासवर्ड एका मिनिटात क्रॅक होऊ शकतात. india123 हॅक करण्यासाठी 17 मिनिटे लागली.

कमकुवत पासवर्ड वापरू नयेत
कमकुवत पासवर्ड वापरू नयेत यावर तज्ञ सहमत आहेत. कमकुवत पासवर्ड वापरल्याने तुमचा वैयक्तिक डेटा लीक होण्याचा आणि तुमचे बँक खाते रिकामे होण्याचा धोका असतो.

पासवर्ड बनवताना ‘या’ गोष्टी लक्षात ठेवणे आवश्यक

• पासवर्डमध्ये तुमचे नाव वापरू नका
• 10 ते 15 वर्ण (character) वापरा
• अल्फाबेट आणि संख्या एकत्र वापरा
• तुमच्या पासवर्डमध्ये विशेष वर्ण (special character) जोडा

The post भारतात ‘हे’ पासवर्ड सर्वाधिक वापरले जातात, पासवर्ड बनवताना लक्षात ठेवा महत्वाच्या गोष्टी appeared first on थोडक्यात घडामोडी.

शास्त्रज्ञांनी अलीकडेच उत्तर ध्रुवाच्या सर्वात जवळच्या भूभागाचा शोध लागला आहे. उडाक बेटाजवळ (Oodaaq Island) हे एक छोटे बेट आहे. आता या बेटाचे नाव जगाच्या सर्वात उत्तर ध्रुवाजवळील जमीन म्हणून नोंदवले गेले आहे. हे बेत उत्तरीय ग्रीनलँडच्या उत्तरेस स्थित आहे. हे दगड, चिखल आणि वाळू यांनी बनलेले आहे.

नव्याने सापडलेल्या या बेटाबद्दल काही खास गोष्टी..

ग्रीनलँडच्या उत्तर भागात स्थित उडाक बेटाजवळ असलेले हे छोटे बेट शास्त्रज्ञांनी अनपेक्षितपणे शोधले. ते त्या भागात हिमनद्यांचा आणि वाढत्या तापमानाचा अभ्यास करण्यासाठी गेले होते. ते एका बेटावर राहिले जेणेकरून त्यांना तेथील हवामानाचा अभ्यास करता येईल. पण जेव्हा त्यांनी नकाशा पाहिला तेव्हा त्यात या बेटाचा उल्लेख नव्हता. या बेटाबद्दल कोणालाही माहिती नव्हती.

या अभ्यासक संघाचे प्रमुख आणि कोपेनहेगन विद्यापीठातील भूशास्त्र आणि नैसर्गिक संसाधन व्यवस्थापन विभागातील वरिष्ठ सल्लागार मोर्टेन राश म्हणाले की, जेव्हा आम्ही या जमिनीचा तुकडा वेगवेगळ्या प्रकारे तपासला तेव्हा असे आढळून आले की हे काहीतरी नवीन सापडले आहे. पृथ्वीच्या उत्तर टोकावर हे एक नवीन बेट आहे. जेव्हा मी सोशल मीडियावर या ठिकाणाचे निर्देशांक पोस्ट केले, तेव्हा जगभरातील बेट शोधक असेही म्हटले जाते, त्यांना यावर विश्वास बसत नव्हता. मॉर्टन आणि त्यांच्या टीमचा विश्वासच बसत नव्हता की त्यांनी असे काहीतरी शोधले आहे. त्यांना वाटले कदाचित त्यांचा जीपीएस खराब झाला आहे. पण नंतर त्यांनी पुन्हा त्या स्थानावर जीपीएसला जोडलेले हेलिकॉप्टर उडवले, तरीही तेच समन्वय बाहेर आले. हेलिकॉप्टरसाठी त्यांनी डेन्मार्कच्या टेक्निकल युनिव्हर्सिटीच्या शास्त्रज्ञांची मदत घेतली.

हे नवीन बेट Oodaaq बेटाच्या 2560 फूट उत्तरेस आहे. हे बेट 98 फूट रुंद आणि 197 फूट लांब आहे. हे फुटबॉल मैदानापेक्षा लहान आहे. हे समुद्रतळापासून 10 ते 13 फूट उंचीवर आहे. हे पूर्णपणे समुद्राची माती, मोरेन, चिकणमाती, हिमनद्यांनी सोडलेले दगड यांनी बनलेले आहे.

Imagine stumbling upon an unknown island in the North Pole… https://t.co/mxlRywWoeK

— Live Science (@LiveScience) September 1, 2021

हे नवीन बेट ग्रीनलँड आणि डेन्मार्कच्या सागरी सीमेवर येते. मॉर्टन म्हणाले की हे वादळामुळे झाले असावे. कारण इथे अनेक गोष्टी साठल्या आहेत. समुद्राची माती त्यांना जोडत राहिली आणि ते एक बेट बनले. असेही होऊ शकते की हे बेट लवकरच नाहीसे होईल. कारण ते किती काळ दृश्यमान असेल हे कोणालाच माहीत नाही. यानंतर, ते बर्फात दाबले जाईल किंवा हवामानामुळे ते तुटून समुद्रात संपेल.

मॉर्टन म्हणतात की या छोट्या बेटाचे आयुष्य आणि वय याबद्दल काहीही सांगता येणार नाही. आम्हाला फक्त एक गोष्ट माहित आहे, आमच्या टीमने हे उडाक बेट असल्याचा विचार केला होता, पण हा त्याचा आणखी एक भाग आहे. उडाक बेट उत्तर ध्रुवापासून 705 किमी अंतरावर आहे. म्हणजेच नवीन बेट उत्तर ध्रुवाच्या थोडे आणखी जवळ आले. उडाक हे ग्रीनलँडचे अत्यंत उत्तरेकडील शेवटचे टोक मानले जाते.

उडाक बेट देखील 1978 मध्ये डेन्मार्कच्या शास्त्रज्ञांनी शोधले होते. तेव्हापासून, उत्तर ध्रुवावर जाणाऱ्या शास्त्रज्ञांसाठी हे ठिकाण एक लहान थांबा आहे. हे संपूर्ण बेट हिमनगाच्या वितळण्यामुळे वाहून आलेल्या लहान-लहान दगडांनी बनलेले आहे. साधारणपणे, पृथ्वीवरील उत्तरेकडील टोकावरील जमीन, म्हणजेच उडाक किंवा त्यावरील कोणतीही जमीन फार काळ टिकू शकत नाही. त्यांना समुद्री वादळे, जोरदार लाटा किंवा वारा यांनी बनवले-बिघडवले जाते. नव्याने सापडलेल्या बेटाचे नाव ग्रीनलँडिक भाषेत क्वेकर्टाक अवन्नर्लेक (Qeqertaq Avannarleq)असे ठेवण्याची शिफारस करण्यात आली आहे. मॉर्टेन यांच्या म्हणण्यानुसार, याचा अर्थ उत्तरेत स्थित सर्वात दूरचे बेट आहे. म्हणजेच, यानंतर जमिनीचा तुकडा दिसणार नाही. फक्त महासागर आणि आर्क्टिकमध्ये पांढराशुभ्र उत्तर ध्रुव दिसेल.

ग्रीनलँडच्या सर्वोच्च बर्फाळ शिखरावर पहिल्यांदाच पडला पाऊस, शास्त्रज्ञांनी व्यक्त केली ‘ही’ भीती

The post उत्तर ध्रुवाजवळ सापडले नवीन बेट, उत्तर ध्रुवाच्या सर्वात जवळचा भूभाग appeared first on थोडक्यात घडामोडी.

आजकाल फास्ट चार्जिंग आणि सुपर फास्ट चार्जिंग असलेले स्मार्टफोन सामान्य झाले आहेत. USB Type C सह येणारे हे नवीन चार्जर पूर्वीपेक्षा 10 पट फास्ट चार्जिंगला सपोर्ट करतात. या फास्ट चार्जरच्या मदतीने, फोन 20 ते 30 मिनिटांत शून्य ते 100% पर्यंत चार्ज होतो. तथापि, अनेक वेळा प्रश्न उद्भवतात की फास्ट चार्जिंग तंत्रज्ञान फोनच्या बॅटरीसाठी धोकादायक तर नाही ना? याचा अर्थ, फास्ट चार्जिंगमुळे बॅटरी लवकर खराब होते का? तसेच, फास्ट चार्जिंगमुळे फोनमध्ये स्फोट होतो का? चला तर या सर्व प्रश्नांची उत्तरे जाणून घेऊया..

फास्ट चार्जिंग हानिकारक आहे का?
प्रत्यक्षात फोनच्या बॅटरीमध्ये ठराविक चक्रे असतात. जर तुमची बॅटरी 500 ते 600 बॅटरी सायकलसह असेल, तर फोनची बॅटरी शून्य ते 100%पर्यंत 500 ते 600 वेळा चार्ज केली जाऊ शकते. त्यानंतरच फोनची बॅटरी खराब होते. जर तुम्ही फोनला शून्यावरून 50 टक्के चार्ज केले, तर पुढच्या वेळी तुम्ही शून्यावरून 50 टक्के चार्ज केल्यास, एक चक्र पूर्ण होईल. त्यामुळे फास्ट चार्जिंगमुळे बॅटरी लवकर खराब होते असे अजिबात नाही.

फास्ट चार्जिंगमुळे फोनमध्ये स्फोट होतो का?
फोन फास्ट होण्याची अनेक कारणे असू शकतात. फास्ट चार्जिंग तंत्रज्ञान असलेले स्मार्टफोन अनेक प्रोटेक्शनसह येतात. तसेच, फास्ट चार्जिंगला सपोर्ट करण्यासाठी फोनला ड्युअल सेल सपोर्ट देण्यात आलेला असतो, त्यामुळे चार्जिंग दरम्यान फोनची बॅटरी गरम होत नाही. फास्ट चार्जिंगसाठी वेगळ्या प्रकारचे सर्किट असते. अशा परिस्थितीत फास्ट चार्जिंगमुळे फोनमध्ये स्फोट झाल्याची माहिती खोटी आहे.

फोनमध्ये स्फोट का होतात?
अहवालानुसार, बहुतेक वेळा स्फोटाचे कारण मॅन्युफॅक्चरिंग डिफॉल्ट असते. फोनच्या निर्मितीदरम्यान अनेक वेळा लिथियम-आयन बॅटरी हवेच्या संपर्कात येते. यामुळे देखील फोनमध्ये स्फोट होण्याची शक्यता असते. अशा परिस्थितीत स्मार्टफोन कंपन्यांकडून फोन परत मागवला जातो आणि बॅटरी मोफत बदलली जाते.

फोनवर कधीही जास्त दबाव आणू नका. अनेकदा लोक मागच्या खिशात फोन ठेवतात, ज्यामुळे बसल्यावर फोनवर अतिरिक्त दबाव येतो, जो फोनच्या बॅटरीसाठी हानिकारक असतो. अशा स्थितीत फोनची बॅटरी खराब होण्याची शक्यता असते. लिथियम हा एक धोकादायक पदार्थ आहे, ज्यामध्ये हवेच्या संपर्कात आल्यावर स्फोट होऊ शकतो.

ओव्हर चार्जिंग :
फोनला जास्त चार्ज न करण्याचा सल्ला नेहमी दिला जातो. जर तुम्ही फोन रात्रभर चार्जिंगला लावून झोपी गेलात, तर फोनमध्ये स्फोट होण्याची शक्यता असते. तथापि, ओव्हरहीटिंग टाळण्यासाठी फोन अनेक सुरक्षा वैशिष्ट्यांसह आणि प्रोटेक्शनसह येतो. परंतु कधीकधी अशा परिस्थितीत फोनचा ब्लास्ट होण्याची शक्यता असते.

महत्वाचे..! मोबाईलचा वापर करताना ‘या’ चूका कटाक्षाने टाळा… नुकसान टाळा

The post फास्ट चार्जिंग हानिकारक आहे का? यामुळे फोनमध्ये स्फोट होतो का? जाणून घ्या सर्व प्रश्नांची उत्तरे… appeared first on थोडक्यात घडामोडी.

नवी दिल्ली : 1 जून 2021 पासून तंत्रज्ञानाच्या जगात दोन मोठे बदल होणार आहेत, ज्यामुळे युजर्सना जबरदस्त धक्का बसू शकतो. युजर्सना आता Google फोटो या विनामूल्य सेवेसाठी आता पैसे द्यावे लागणार आहेत. तसेच, यूट्यूबवर कमाई करणार्‍यांना देखील आता कर द्यावा लागेल. अशा परिस्थितीत सोशल मीडिया प्लॅटफॉर्म युजर्सना यूट्यूब आणि गुगल फोटोच्या या बदलांविषयी सविस्तर माहिती असायला हवी, जेणेकरून त्यांचा या वापराबाबत कोणताही गोंधळ होणार नाही.

Google photo स्टोरेजवर आकारले जाणार शुल्क :

गूगल फोटोची विनामूल्य क्लाउड स्टोरेजची सुविधा 1 जून 2021 पासून बंद होणार आहे. कंपनी त्याऐवजी सशुल्क सदस्यता मॉडेल (paid subscription model) आणणार आहे. कंपनीच्या वतीने यास गुगल वन (Google One) असे नाव देण्यात आले आहे. सध्या, Google फोटो अमर्यादित विनामूल्य स्टोरेज सुविधेसह उपलब्ध आहे. तथापि, 1 जून 2021 पासून, ग्राहकांना Google कडून केवळ 15GB विनामूल्य क्लाऊड स्टोरेज सुविधा उपलब्ध असेल. आपण 15GB पेक्षा जास्त फोटो आणि कागदपत्रे ऑनलाइन संचयित केल्यास आपल्याला दरमहा 1.99 डॉलर (146 रुपये) द्यावे लागतील. ज्याचे वार्षिक वर्गणी शुल्क $ 19.99 (सुमारे 1464 रुपये) आहे.

यूट्यूब व्हिडिओवर कर :

यूट्यूबवर (youtube) व्हिडिओ अपलोड करुन पैसे कमावणे, ही एक सामान्य गोष्ट झाली आहे. परंतु येत्या जूनपासून आपल्याला युट्यूबच्या कमाईवर कर भरावा लागू शकतो. तथापि, युट्यूब अमेरिकेच्या युट्युबरकडून कर आकारणार नाही. परंतु भारतासह जगातील उर्वरित युट्युबरकडून कमाईवर कर घेणार आहे. तथापि, आपल्याला फक्त अमेरिकन दर्शकांकडून मिळालेल्या व्ह्यूसाठीच कर भरावा लागेल. यूट्यूबचे हे नवीन कर धोरण जून 2021 पासून सुरू होईल. हा कर भारतीय युट्यूब कंटेंट क्रिएटर साठीही लागू होईल. त्यांना युट्यूबच्या कमाईवर दरमहा 24% कर भरावा लागेल. YouTube सामग्री निर्मात्यांना नवीन नियमांतर्गत 31 मेपूर्वी त्यांची कमाई जाहीर करावी लागेल. अशा परिस्थितीत, यूट्यूब सामग्री निर्मात्यांकडून Google कडून 15% कर आकारला जाईल. त्याचबरोबर 31 मे पर्यंत मिळकत जाहीर न केल्यास कंपनी वापरकर्त्याकडून 24 टक्के कर आकारणार आहे.

The post महत्वाची बातमी : 1 जूनपासून बदलणार नियम , Google आणि youtube च्या ‘या’ सेवांसाठी द्यावे लागणार पैसे appeared first on थोडक्यात घडामोडी.