मुंबई : पुणे शहरातील कात्रज कोंढवा रस्त्याच्या कामासाठी राज्य शासनाने 140 कोटी रुपये उपलब्ध करुन दिल्यानंतर देखील वर्षभरात सदर काम झाले नाही, हिवाळी अधिवेशनापूर्वी हे काम पूर्ण करावे आणि कामाच्या विलंबास दोषी असणाऱ्या व्यक्तींवर कारवाई करावी, असे निर्देश सभापती प्रा. राम शिंदे यांनी दिले. विधानपरिषदेचे सदस्य योगेश टिळेकर यांनी अर्थसंकल्पीय अधिवेशनात 7 मार्च, 2025 रोजी “विशेष उल्लेखाद्वारे” हा प्रश्न उपस्थित केला होता. यासंदर्भात बैठक घेण्यात आली, त्यावेळी हे निर्देश देण्यात आले.

या बैठकीस विधानपरिषदेचे सदस्य योगेश टिळेकर, विधानमंडळाचे सचिव (3) डॉ.विलास आठवले, पुणे महापालिका आयुक्त नवल किशोर राम (दूरदृष्य प्रणालीद्वारे), अतिरिक्त महापालिका आयुक्त ओमप्रकाश दिवटे, उप सचिव नगरविकास श्रीमती प्रियंका छापवाले उपस्थित होते.

सन 2018 मध्ये कात्रज कोंढवा रस्त्याच्या रुंदीकरणाचे काम मंजूर झाले आहे, मागील सात वर्षात हे काम पूर्ण झालेले नाही. यामुळे भूसंपादनाच्या खर्चात वाढ झाली आहे. शासनाकडे मागणी केलेल्या निधीपैकी 140 कोटी रुपये एक वर्षापूर्वी प्राप्त झाले आहेत परंतु भूसंपादनाची प्रक्रिया पूर्ण करण्यात आलेली नाही. निधी मिळून सुद्धा विनियोग न होणे ही बाब गंभीर असून दोषींवर कारवाई प्रस्तावित करावी आणि हे काम हिवाळी अधिवेशनापूर्वी पूर्ण करुन अहवाल सादर करावा, असे निर्देश सभापती प्रा. राम शिंदे यांनी दिले.

The post पुणे : कात्रज कोंढवा रस्त्याचे काम हिवाळी अधिवेशनापूर्वी पूर्ण करण्याचे निर्देश appeared first on थोडक्यात घडामोडी.

पुणे : उद्या पुण्यातील बहुतांश ठिकाणी पाणीपुरवठा बंद राहणार आहे. उद्या (२1 जुलै) तातडीची देखभाल दुरुस्तीची कामे करण्यात येणार आहेत, त्यामुळे पूर्ण दिवसाचा पाणीपुरवठा बंद राहणार आहे. तसेच दुसऱ्या दिवशी शुक्रवारी (२२ जुलै) सकाळी उशिरा आणि कमी दाबाने पाणीपुरवठा होण्याची शक्यता महापालिकेच्या पाणीपुरवठा विभागाकडून व्यक्त करण्यात आली आहे.

शहरातील पाणीपुरवठा बंद असणारा भाग वडगाव जलकेंद्र परिसर 

• हिंगणे
• आनंदनगर
• वडगाव
• धायरी
• आंबेगाव पठार
• दत्तनगर
• धनकवडी
• कात्रज
• भारती विद्यापीठ परिसर
• कोंढवा बुद्रुक इत्यादी.

पाणीपुरवठा बंद सूचना#PMC #nowatersupply #Pune pic.twitter.com/i0918wfWNO

— PMC Care (@PMCPune) July 18, 2022

The post पुणे शहरातील विविध भागांचा पाणीपुरवठा गुरुवारी राहणार बंद appeared first on थोडक्यात घडामोडी.

पुणे : पुणे शहरातील पोलीस ठाणे हद्दीत वेगवेगळया ठिकाणी जसे शासकिय कार्यालये, निम शासकिय कार्यालये, खाजगी संस्था, खाजगी कार्यालये, कंपन्या इत्यादी ठिकाणच्या नोकरदार महिलांच्या तक्रारी तसेच, त्यांनी मदत मागितल्यास त्यास त्वरित व विनाविलंब प्रतिसाद देण्यासाठी बडी कॉपची नेमणूक करण्यात आलेली आहे.

घरी राहणाऱ्या गृहिणी अथवा अन्य छोटे-मोठे काम करणाऱ्या महिला यांच्या काही तक्रारी प्राप्त झाल्यास व त्यांनी कठिण प्रसंगी मदत मागितल्यास त्यांनासुध्दा बडी कॉप प्रतिसाद देतील. नोकरदार महिलांसाठी कामाच्या ठिकाणी सुरक्षिततेचा दर्जा उंचावणे, नोकरदार महिलांना सुरक्षित वातावरण प्रदान करणे, तसेच नोकरदार महिलांना २४ तास पोलीस मदत आणि प्रतिसाद सुनिश्चित करुन, गैरवर्तन करणाऱ्या व्यक्तीविरुद्ध तक्रार दाखल करण्यासाठी प्रोत्साहीत करणे, हे यातून साध्य होणार आहे.

सर्व परिमंडळमधील पोलीस स्टेशन हद्दीत नोकरपेशा महिला असल्याने, बडी कॉपसाठी नोडल अधिकारी व अंमलदार यांची नेमणूक करण्यात आली आहे. पोलीस ठाण्यांमध्ये आवश्यकतेप्रमाणे 5 ते 15 कर्मचाऱ्यांची बडीकॉप म्हणुन निवड करण्यात आली आहे. बडी कॉपसाठी नेमणूक केलेले पोलीस अंमलदार यांनी वेगवेगळया क्षेत्रातील नोकरदार महिलांचे व्हॉटस्अप ग्रुप तयार करावेत. एका ग्रुपमध्ये एक बडी कॉप, चौकी अधिकारी, वरिष्ठ पोलीस निरिक्षक व 100 ते 150 नोकरदार महिला राहतील. ग्रुपमधील संबंधित महिला अडचणीच्या वेळी बडी कॉप यांना व्हॉटस्अप किंवा फोनद्वारे संपर्क साधतील. कोव्हीड-१९ या संसर्गजन्य प्रादुर्भावाच्या काळात 2 वर्षे बडी कॉप प्रणालीचे कामकाज बंद होते. आता बडी कॉपचे कामकाज सुरळीत चालू झाले असून, बडी कॉपचा नवीन व्हॉटस्अप ग्रुप तयार करण्यात आला आहे.

नोकरदार महिलांच्या सुरक्षेस सर्वतोपरी प्राधान्य देण्यात येणार आहे. अशा महिलांसोबत गैरवर्तवणूक करणाऱ्या व्यक्तीविरुद्ध त्वरित तक्रार दाखल करण्यात येईल. पोलीस यंत्रणा त्यांच्या मदतीसाठी 24 तास सेवेत आहे. यासंदर्भात कोणताही निष्काळजीपणा होणार नाही, तसेच इतर पुरुषांकडून दिल्या जाणाऱ्या निंदाजनक वागणूकीकडे दुर्लक्ष होणार नाही, याची दक्षता वरिष्ठ पोलीस अधिकारी हे घेतील. वरिष्ठ पोलीस निरिक्षक हे बडी कॉप उपक्रमाची अंमलबजावणी करण्यासाठी विशेष प्रयत्नशील राहतील. संबंधित कंपन्यांशी समन्वय साधून सदर उपक्रमाबाबत नोकरपेशा महिलांच्या सुरक्षिततेच्या दृष्टीने महत्व पटवून देऊन अधिकाधिक महिलांना उपक्रमात सामील करुन घेण्यात येईल.

महिलांची होणारी छेडछाड, त्यांच्यासोबत रस्त्यावर, गर्दीच्या ठिकाणी, निर्जन स्थळी, निर्जन रस्त्यावर होणारे अत्याचार आणि गैरप्रकार यांना आळा घालण्यासाठी दामिनी पथक, बीट मार्शल यांची नेमणूक करण्यात आली आहे. महिला सुरक्षेच्या अनुषंगाने पोलीस ठाणे पातळीवर, पोलीस आयुक्तालयाचे ठिकाणी कार्यशाळेचे आयोजन करुन, सुरक्षिततेबाबत महिलांना सजग करण्यात येईल. महिला सुरक्षासंदर्भात पोलीस ठाणेतील महिला सुरक्षा समिती, समुपदेशन केंद्रे, दामिनी पथक, महिला सहाय्य कक्ष इत्यादींचा सक्रिय सहभाग वाढविण्याच्या अनुषंगाने आवश्यक त्या उपाययोजना करण्यात आल्या आहेत.

सदर योजना पोलीस महासंचालक, महाराष्ट्र राज्य, मुंबई यांची असुन, ती पुणे शहराचे पोलीस आयुक्त अमिताभ गुप्ता, पोलीस सह आयुक्त डॉ. रविंद्र शिसवे, अपर पोलीस आयुक्त रामनाथ पोकळे, पुणे शहराचे गुन्हे शाखेचे पोलीस उप आयुक्त श्रीनिवास घाडगे, गजानन टोम्पे, सहाय्यक पोलीस आयुक्त, गुन्हे-१ व नारायण शिरगावकर, सहाय्यक पोलीस आयुक्त, गुन्हे-2 यांचे मार्गदर्शनाखाली विशेष बाल सुरक्षा पथकाचे प्रभारी पोलीस निरीक्षक राजेंद्र कदम व सहा. पोलीस निरीक्षक अर्चना कटके व स्टाफ हे पाहणार आहेत.

The post आनंदाची बातमी! पुणे शहरामध्ये महिलांच्या सुरक्षेसाठी बडीकॉप योजना सुरु, जाणून घ्या… appeared first on थोडक्यात घडामोडी.

पुणे : पुणे शहरामध्ये घरफोडी करणा-या आंतरराज्य टोळीस मार्केटयार्ड पोलीसांनी अटक केली आहे. मार्केटयार्ड पोलीस स्टेशनमध्ये विविध कलम लावण्यात आलेले अनोळखी आरोपी सोनीया अपार्टमेंट, चाफळकर कॉलनी, मार्केटयार्ड, पुणे येथे घरफोडी करण्याचा प्रयत्न करीत असताना तेथे मार्केटयार्ड पोलीस स्टेशनच्या पोलीसांनी आरोपींना पकडण्याचा प्रयत्न केला. त्यावेळी यातील आरोपीतांनी सोसायटीचे वॉचमन आणि पोलिसांच्या अंगावर त्यांच्या बॅगमधील दगड-विटा फेकुन मारल्या, तसेच पोलीसांच्या अंगावर शस्त्रानिशी धावुन जावुन कोयता फेकुन मारुन अंधाराच्या दिशेन पळुन गेले याबाबत आरोपींवर गुन्हा दाखल आहे.

पोलिसांनी दिलेल्या माहितीनुसार, गुन्हा घडल्यानंतर संबंधित आरोपी हे जनता वसाहत, पर्वती पुणे येथे गेल्याचे दिसुन आले. या परिसरामध्ये मार्केटयार्ड पोलीस स्टेशन तपास पथकाचे अधिकारी व अंमलदार यांनी दिवसरात्र पाळत ठेवुन होते, यावेळी यातील आरोपी नवलसिंग अजम अलावा (वय 40, रा.नरवाली, तहसील कुकशी, जि.धार, मध्यप्रदेश), भाया भांगु
देवका (वय 32, रा.तरसिंगा, तहसील कुकशी, मध्यप्रदेश) आणि विनोद रमेश सिसोदिया (वय 19, रा. तरसिंगा, मध्यप्रदेश) हे जनता वसाहत येथील कॅनॉलवर आल्याचे दिसुन आले. त्यानंतर त्यांचा अत्यंत धाडसाने पाठलाग करुन त्यांना अटक करण्यात आली आहे.

पोलिसांनी त्यांच्याकडून घरफोडी करण्यासाठी वापरण्यात आलेली हत्यारे जसे, लोखंडी कटर, स्क्रु ड्रायव्हर, लोखंडी पाना, टॉमी व ३० हजार रुपये किमतीचे सोन्या-चांदीचे दागीने जप्त केले आहेत. तसेच या आरोपींनी सिंहगड रोड परिसरात देखील भा.द.वि. कलम 454,457,380 अन्वये गुन्हे केल्याचे निष्पन्न झाले आहे.

ही उल्लेखनीय कामगिरी पोलीस आयुक्त पुणे शहर अमिताभ गुप्ता, पोलीस सह-आयुक्त डॉ.रविंद्र शिसवे, अप्पर पोलीस आयुक्त नामदेव चव्हाण, पुणे शहर यांच्या सुचनेनुसार पोलीस उप-आयुक्त नम्रता पाटील, परिमंडळ 05, पुणे शहर, सहा. पोलीस आयुक्त राजेंद्र गंलाडे, वानवडी विभाग, पुणे शहर, वरिष्ठ पोलीस निरीक्षक अनघा देशपांडे, मार्केटयार्ड पोलीस ठाणे, पोलीस निरीक्षक (गुन्हे) सविता ढमढेरे यांच्या मार्गदर्शनाखाली तपास पथकातील सहा. पोलीस निरीक्षक मदन कांबळे, पोलीस अंमलदार हिरवाळे, किरण जाधव, महेश जाधव, आशिष यादव, स्वप्नील कदम, संदीप सुर्यवंशी, लोणकर, गायकवाड, शेख, घुले यांच्या
पथकाने केली आहे.

The post पुण्यात घरफोडी करणा-या आंतरराज्य टोळीस मार्केटयार्ड पोलीसांकडून अटक appeared first on थोडक्यात घडामोडी.

पुणे : राज्याचा सर्वांगीण विकास होत असताना वाढते नागरिकरण विचारात घेत पुणे शहराचा सर्वांगीण विकास करण्यासाठी राज्य शासन कटिबद्ध असल्याचे प्रतिपादन उपमुख्यमंत्री अजित पवार यांनी आज केले. भामा आसखेड प्रकल्पामुळे पुणे शहरातील पाण्याची अडचण दूर होणार असल्याचेही त्यांनी सांगितले. पुणे महानगरपालिका सभागृहात भामा-आसखेड पाणीपुरवठा योजनेचे ऑनलाईन पद्धतीने लोकार्पण करण्यात आले. यावेळी विरोधी पक्षनेते देवेंद्र फडणवीस देखील उपस्थित होते.

उपमुख्यमंत्री अजित पवार म्हणाले, पुणे शहरातील महत्त्वाच्या प्रश्नांची सोडवणूक करण्याच्या दृष्टीने राज्य शासन कायम प्रयत्नशील आहे. भामा- आसखेड प्रकल्पामुळे पुणे शहरातील पूर्व भागातील पाण्याची अडचण दूर होणार आहे. नदी सुधार प्रकल्प, जायका प्रकल्प महत्त्वाचे असून ज्या शहरात पिण्याचे पाणी व्यवस्थित मिळते ती शहरे झपाट्याने वाढतात, त्यामुळे पाणी व्यवस्थेसोबतच शहरातील महत्त्वाचे प्रश्न सोडविण्यासाठी राज्य शासन सर्वतोपरी सहकार्य करेल.

विरोधी पक्षनेते देवेंद्र फडणवीस म्हणाले, सर्वांनी एकत्रित येऊन लोककल्याणाची कामे करायची असतात. आज या पाणीपुरवठा योजनेच्या माध्यमातून पुणेकरांचा एक मोठा प्रश्न मार्गी लागतो आहे. सांडपाण्यावर प्रक्रिया यावर मोठा भर देण्यात आला. तो याहीपुढे कायम ठेवला पाहिजे. त्यातून सिंचनाच्या पाण्यावर ताण येणार नाही. पुण्यातील प्रदूषण कमी करायचे असेल तर वाहतुकीच्या विविध साधनांकडे अगत्यपूर्वक लक्ष द्यावे लागणार असल्याचे त्यांनी सांगितले.

चंद्रकांत पाटील म्हणाले, भामा-आसखेड ही पुणे शहरासाठी अत्यंत महत्त्वाकांक्षी योजना आहे. शहराच्या वाढत्या लोकसंख्येची पिण्याच्या पाण्याची गरज या योजनेमुळे पूर्ण होण्यास मदत होणार आहे.

The post पुणे शहरातील पाण्याची अडचण दूर होणार, भामा-आसखेड पाणीपुरवठा योजनेचे लोकार्पण appeared first on थोडक्यात घडामोडी.

पुणे शहर आणि जिल्ह्याला पावसाने चांगलंच झोडपून काढलं आहे. जोरदार पावसामुळे अनेक सोसायट्यांमध्ये तर पुणे शहरातील चंदननगर पोलीस स्टेशनमध्ये पाणी शिरलं होतं. आणखी दोन दिवस असाच मुसळधार पाऊस पडण्याची शक्यता पुणे वेधशाळेकडून व्यक्त करण्यात आली आहे. यामुळे नागरिकांना सतर्क राहण्याचे आवाहन देखील करण्यात आलं आहे.

पुणे शहर आणि जिल्ह्यात मागील चार दिवसांपासून पाऊस सुरू आहे. पण बुधवारी दुपारपासून पावसाचा जोर वाढल्याने पेठांमध्ये सर्व भागांत पाणी साचले होते. ५० हून अधिक सोसायट्यांमध्ये पाणी शिरले होते. हे पाणी काढण्यासाठी नागरिकांची एकच धावपळ सुरू होती. मदतीसाठी अग्निशामक विभागाच्या कार्यालयमध्ये सतत फोन सुरु होते. पावसात अनेक नागरिकांच्या गाड्या देखील वाहून गेल्याच्या घटना घडल्या आहेत. तर त्याच दरम्यान शहरातील चंदननगर पोलीस स्टेशनमध्ये गुडघाभर पाणी शिरल्याची घटना घडली. यामुळे पोलिसांना टेबलवर बसून काम करावं लागलं.

पुणे शहराला पाणी पुरवठा करणार्‍या खडकवासला धरण क्षेत्रात जोरदार पाऊस सुरू असून धरण क्षेत्रातून नदी पत्रात ३४२० क्युसेक पाण्याचा विसर्ग सात वाजता सोडण्यात आला. तसेच परिस्थितीनुसार पाण्याचा विसर्ग केला जाणार असल्याचे देखील प्रशासनाकडून सांगण्यात आले आहे.

The post पुणे शहर आणि जिल्ह्याला पावसाने झोडपलं, आणखी दोन दिवस मुसळधार पावसाची शक्यता appeared first on थोडक्यात घडामोडी.