नवी दिल्ली : केंद्र सरकारने देशवासीयांना दिवाळीनिमित्त मोठी भेट दिली आहे. दिवाळीची भेट म्हणून सरकारने आजपासून (४ नोव्हेंबर) पेट्रोल आणि डिझेलवरील उत्पादन शुल्कात कपात केली आहे. एएनआयच्या वृत्तानुसार, सरकारने पेट्रोलवरील उत्पादन शुल्क 5 रुपयांनी आणि डिझेलवरील उत्पादन शुल्क 10 रुपयांनी कमी करण्याची घोषणा केली आहे.

Prices of Petrol and Diesel will come down accordingly

Reduction in excise duty on diesel will be double that of petrol & will come as a boost to the farmers during the upcoming Rabi season

States urged to reduce VAT on Petrol & Diesel to give relief to consumers
(2/2)

— Ministry of Finance (@FinMinIndia) November 3, 2021

सरकारच्या या निर्णयामुळे सर्वसामान्यांना दिलासा मिळणार आहे कारण देशभरात पेट्रोलच्या दराने शंभर रुपयांचा टप्पा ओलांडला आहे. पेट्रोल आणि डिझेलच्या वाढत्या किमतींमुळे सरकारवर सातत्याने टीका होत असून देशात महागाईही वाढत आहे.

प्रत्येक राज्यात उत्पादन शुल्क वेगवेगळे असल्याने पेट्रोल आणि डिझेलचे दरही वेगवेगळे राहतील. अनेक राज्यांतील पेट्रोलच्या किमतीत लक्षणीय घट होण्याची शक्यता आहे. उत्पादन शुल्कात कपात केल्यानंतर, सरकारने सांगितले की उपभोग वाढवण्यासाठी आणि गरीब आणि मध्यमवर्गाला मदत करण्यासाठी महागाई कमी ठेवणे अपेक्षित आहे. किंमतीतील कपातीमुळे उत्पादन, सेवा किंवा कृषी क्षेत्रातील आर्थिक क्रियाकलापांना चालना मिळण्याची अपेक्षा आहे.

एका निवेदनात, सरकारने ग्राहकांना दिलासा देण्यासाठी राज्यांना पेट्रोल आणि डिझेलवरील व्हॅट कमी करण्याचे आवाहन केले, त्यानंतर बिहार सरकारने व्हॅट कमी करण्याचा निर्णय घेतला आहे. अलिकडच्या काही महिन्यांत जागतिक कच्च्या तेलाच्या किमतीत मोठी वाढ झाली आहे, त्यामुळे भारतात पेट्रोल आणि डिझेलच्या किमती वाढल्या आहेत.

The post मोठी बातमी! केंद्राकडून पेट्रोल आणि डिझेलवरील उत्पादन शुल्कात कपात, पेट्रोल 5 रुपयांनी स्वस्त appeared first on थोडक्यात घडामोडी.

पेट्रोल आणि डिझेल लवकरच स्वस्त होणार आहेत. या दोन्हींवरील एक्साइज शुल्क कमी करण्याची योजना अर्थ मंत्रालय करत आहे. 15 मार्चपर्यंत कर कमी करण्याचा निर्णय घेतला जाऊ शकतो, अशी माहिती मिळत आहे.

मिळालेल्या माहितीनुसार, लवकरच याबाबत निर्णय घेतला जाईल. गेल्या 10 महिन्यांत कच्च्या तेलाची किंमत दुपटीने वाढली आहे. त्याचप्रमाणे देशातील पेट्रोल आणि डिझेलची किंमत सध्या सरासरी 92 आणि 86 रुपयांच्या वर आहे. काही शहरांमध्ये पेट्रोल 100 रुपयांच्या वर पोहोचले आहे. अशा परिस्थितीत सरकारकडून उत्पादन शुल्क कमी करण्याबद्दल निर्णय घेतला जाऊ शकतो.

केंद्र सरकार पेट्रोल आणि डिझेलवर उत्पादन शुल्क आकारते, तर राज्य सरकार व्हॅट आकारतात. दोन ते तीन दिवसांपासून सरकारी अधिकारी आणि कॉर्पोरेट यांनी कर कमी करण्याची मागणी केली आहे. सोमवारी सरकारचे मुख्य आर्थिक सल्लागार केव्ही सुब्रमण्यम म्हणाले की पेट्रोलियम उत्पादन जीएसटीमध्ये आणायला हवे. भारतात पेट्रोल आणि डिझेलच्या दरांवर दुप्पट कर लावला जातो. गेल्या 12 महिन्यांत केंद्र सरकारने दोन वेळा उत्पादन शुल्क वाढविले आहे. कच्च्या तेलाच्या घसरत्या किंमतींचा फायदा लोकांना करून देण्याऐवजी सरकार स्वतःचा महसूल वाढविण्यावर लक्ष देत आहे.

कर कमी करण्यासाठी अर्थ मंत्रालय काही राज्यांशी चर्चा देखील करीत आहे. तथापि, पंजाब, बंगाल आणि आसामसह अनेक राज्यांनी अलीकडेच पेट्रोलियम उत्पादनांवरील कर कमी केला आहे. या राज्यांत विधानसभा निवडणुका येत आहेत. निवडणुकांमध्ये पेट्रोलियम पदार्थांच्या जास्त किंमती त्यांच्या विरोधात जाऊ शकतात, असं केंद्र सरकारला वाटत आहे. अर्थमंत्री निर्मला सीतारमण यांनी नुकतेच म्हटले कि, कर कमी करण्याबाबत आम्ही राज्यांशी चर्चा करत आहोत.

The post मोठी बातमी : पेट्रोल-डिझेल लवकरच होणार स्वस्त, सर्वसामान्यांना मिळणार दिलासा appeared first on थोडक्यात घडामोडी.

नवी दिल्ली : पेट्रोल, डिझेलचे दर आज पुन्हा विक्रमी पातळीवर पोहोचले. तेल विपणन कंपन्यांनी केलेल्या वाढीनंतर पेट्रोलच्या किंमती आज प्रतिलिटर 29 ते 30 पैसे तर डिझेलच्या किंमती 25 ते 27 पैशांनी वाढल्या आहेत.

इंडियन ऑईल कॉर्पोरेशनच्या म्हणण्यानुसार दिल्लीत पेट्रोलची किंमत प्रतिलिटर. 87.60 रुपये होती तर डिझेल 77.73 रुपये प्रतिलिटरपर्यंत पोचले आहे. दरम्यान, मुंबईत पेट्रोल आणि डिझेलचे दर अनुक्रमे 94.12 प्रति लिटर आणि 84.33 प्रति लीटरपर्यंत वाढले आहेत. कोलकातामध्ये पेट्रोल 88.92 रुपये प्रति लीटर आणि डिझेल 81.31 रुपये प्रति लीटर आणि चेन्नईत पेट्रोल 89.96 रुपये आणि डिझेल 82.90 रुपये झाले.

उत्पादन शुल्क, डीलर कमिशन व इतर वस्तू जोडल्यानंतर पेट्रोल आणि डिझेलचे दर वाढतात. दररोज सकाळी सहा वाजता पेट्रोल आणि डिझेलचे दर बदलतात. यानंतर नवीन दर लागू आहेत.

The post पेट्रोल, डिझेलच्या किंमतीत पुन्हा वाढ, दर पोहोचले विक्रमी पातळीवर.. जाणून घ्या नवे दर appeared first on थोडक्यात घडामोडी.

नवी दिल्ली : देशात पेट्रोल-डिझेलचे दर दिवसागणिक वाढत आहेत. गुरुवार आणि शुक्रवार सलग दोन दिवस तेलाच्या किंमती वाढल्या आहेत. तेलाव्यतिरिक्त एलपीजी सिलेंडरच्या किंमतीही वाढल्या आहेत. सरकारने सिलेंडरच्या किंमतीत 25 रुपयांची वाढ केली आहे. पेट्रोल, डिझेल आणि गॅसच्या वाढत्या किंमतींवरून कॉंग्रेस नेते राहुल गांधी यांनी ट्वीट करत सरकारवर निशाणा साधला आहे.

राहुल गांधी म्हणाले की, मोदी सरकारने देश आणि घर दोन्हींचे बजेट बिघडवले आहे.

मोदी सरकार ने बजट बिगाड़ दिया-
देश और घर, दोनों का! pic.twitter.com/6GPrNwFuPm

— Rahul Gandhi (@RahulGandhi) February 6, 2021

The post मोदी सरकारने देश आणि घर दोन्हींचे बजेट बिघडवले – राहुल गांधी appeared first on थोडक्यात घडामोडी.