मुंबई : कांदिवली पूर्वेतील ठाकूर व्हिलेजमधील सरोवा कॉम्प्लेक्स या उंच इमारतीत गुरुवारी सकाळी अचानक आग लागली. प्राथमिक माहितीनुसार, ही आग विद्युत स्पार्किंगमुळे लागल्याचे सांगितले जात आहे.

घटनेची माहिती मिळताच मुंबई अग्निशमन दल, समता नगर पोलिस तत्काळ घटनास्थळी दाखल झाले. त्यांनी आग आटोक्यात आणण्यासाठी तातडीने कारवाई सुरू केली. आग लागल्याने काही काळ परिसरात भीतीचं वातावरण निर्माण झालं होतं.

या दुर्घटनेत सुदैवाने कोणतीही जीवितहानी किंवा गंभीर दुखापत झाल्याचे वृत्त नाही. आग पूर्णतः विझल्यानंतर याचे नेमके कारण आणि संभाव्य नुकसान याची चौकशी करण्यात येणार आहे. घटनेचा तपास संबंधित यंत्रणांकडून सुरू आहे.

The post कांदिवलीतील सरोवा कॉम्प्लेक्स इमारतीत आग, अग्निशमन दल घटनास्थळी दाखल appeared first on थोडक्यात घडामोडी.

मुंबई : मुंबईतील पवई परिसरात असलेल्या साकी विहार रोडवर साई ऑटो ह्युंडाईच्या सर्व्हिस सेंटरला काही वेळापूर्वी भीषण आग लागली आहे. यामुळे आजूबाजूच्या परिसरात भीतीचे वातावरण निर्माण झाले आहे. घटनास्थळी अग्निशमन दलाच्या पाच गाड्या, पवई पोलीस ठाण्याचे अधिकारी आणि वाहतूक विभागाचे अधिकारी पोहचले आहेत.

शोरूम मधून स्फोटाचे आवाज येत असून शोरूम मध्ये कोट्यवधीच्या गाड्या असून त्या जळून खाक झाल्याचा अंदाज व्यक्त केला जात आहे. दरम्यान, आगीत अद्याप किती नुकसान झालं, याची अद्याप कोणतीही अधिकृत माहिती मिळालेली नाही. मुंबईच्या महापौर किशोरी पेडणेकर घटनास्थळी पोहोचत असून परिस्थितीचा आढावा घेणार आहेत.

The post मुंबईत पुन्हा अग्नितांडव! पवईत ह्युंडाईच्या सर्व्हिस सेंटरला भीषण आग appeared first on थोडक्यात घडामोडी.

मुंबई : मुंबईतील ओशिवरा येथील एका रहिवाशी इमारतीला भीषण आग लागली आहे. घटनेची माहिती मिळताच अग्निशमन दलाच्या ६ गाड्या घटनास्थळी दाखल झाल्या आहेत. इमारतीला लागलेली आग लेव्हल-२ ची असल्याची माहिती मिळाली आहे.

ओशिवरा परिसरात असलेल्या आशियाना या निवासी इमारतीत सकाळच्या सुमारास आग लागली आहे. ही आग कशी लागली, त्याबाबत अद्याप माहिती मिळालेली नाही. दरम्यान, अग्निशमन दलाचे जवान घटनास्थळी पोहोचले असून त्यांनी मदत व बचावकार्य सुरु केलं आहे. आपत्कालीन परिस्थितीत रुग्णवाहिका देखील तयार ठेवण्यात आलेल्या आहेत.

The post मुंबईत ओशिवरा परिसरात रहिवाशी इमारतीला भीषण आग, मदत व बचावकार्य सुरु appeared first on थोडक्यात घडामोडी.

विरार : नाशिकमध्ये ऑक्सिजन यंत्रणेतील बिघाडामुळे 24 कोरोनाबाधितांनी आपला जीव गमावला होता. ही घटना ताजी असतानाच आणखी एक धक्कादायक घटना मुंबईतील विरारमध्ये घडली आहे. विरार येथील विजय वल्लभ रुग्णालयातील अतिदक्षता विभागाला मध्यरात्रीनंतर आग लागली असून त्यामध्ये १३ रुग्णांचा मृत्यू झाला आहे. तर काही रुग्णांची प्रकृती गंभीर आहे.

मिळालेल्या माहितीनुसार, मध्यरात्री 3 ते 3.30 च्या दरम्यान विरार मधील विजय वल्लभ रुग्णालयातील अतिदक्षता विभागात आग लागली. हे कोविड रुग्णालय असून या रुग्णालयात एकूण ९० रुग्ण उपचार घेत होते. अतिदक्षता विभागातील एसी कॉम्प्रेसरला आग लागली. या आगीत एकूण 13 रुग्णांचा होरपळून मृत्यू झाला आहे. इतर रुग्णांना वसई-विरारमधील इतर रुग्णालयांमध्ये हलवण्यात आलं. आग लागल्याची माहिती मिळताच तत्काळ अग्निशमन विभागाला पाचारण करण्यात आलं. अग्निशमन दलाच्या 10 गाड्या घटनास्थळी दाखल झाल्या होत्या. अथक परिश्रमानंतर अग्निशमन दल आणि पोलिसांनी आगीवर नियंत्रण मिळवले.

दुर्घटनेत मृत्युमुखी पडलेल्या रुग्णांची नावे :
उमा सुरेश कनगुटकर – स्त्री
निलेश भोईर – पुरुष
पुखराज वल्लभदास वैष्णव – पुरुष
रजनी आर कडू – स्त्री
नरेंद्र शंकर शिंदे – पुरुष
कुमार किशोर दोषी – पुरुष
जनार्धन मोरेश्वर म्हात्रे – पुरुष
रमेश टी उपायन – पुरुष
प्रवीण शिवलाल गौडा – पुरुष
अमेय राजेश राऊत – पुरुष
शमा अरुण म्हात्रे – स्त्री
सुवर्णा एस पितळे – स्त्री
सुप्रिया देशमुख – स्त्री

सध्या ही आग पूर्णपणे विझवण्यात आली असून कुलिंग ऑपरेशन सुरु आहे. तसेच या रुग्णालयातील सर्व रुग्णांना वसई-विरार- नालासोपारा परिसरातील विविध रुग्णालयात हलवण्यात येत आहे.

आरोग्यमंत्री राजेश टोपे या घटनेवर बोलताना म्हणाले की, प्राथमिक स्तरावर पाहता ही दुर्घटना असल्याचं समजतंय. अचानकपणे एसीचा स्फोट झाल्याने केवळ दोन ते तीन मिनीटात सर्वत्र धुर पसरला. त्यामुळे रुग्णांना वाचवायला वेळ कमी मिळाला. दरवाज्याच्या जवळील चार रुग्णांना वाचवण्यात यश आलं आहे. या घटनेवर शासनस्तरावर योग्य ती मदत केली जाईल. सध्या कोरोनाची परिस्थिती असल्याने दवाखान्यांना हातही लावता येत नाहीत. पण फायर ऑडिट, ऑक्सिजन ऑडिटचे आदेश सर्व रुग्णालयांना देण्यात आले आहेत.

पंतप्रधान नरेंद्र मोदी यांनी विरार रुग्णालयात लागलेल्या आगीत मृत्यूमुखी पडलेल्यांच्या नातेवाईकांना पीएमएनआरएफकडून प्रत्येकी दोन लाख रुपये आणि गंभीर जखमींना 50,000 रुपये देण्याची घोषणा केली.

PM @narendramodi has approved an ex-gratia of Rs. 2 lakh each from PMNRF for the next of kin of those who have lost their lives due to the hospital fire in Virar, Maharashtra. Rs. 50,000 would be given to those seriously injured.

— PMO India (@PMOIndia) April 23, 2021

The post विरारमधील कोविड रुग्णालयाच्या अतिदक्षता विभागाला भीषण आग, १३ रुग्णांचा मृत्यू, पंतप्रधानांची मदतीची घोषणा appeared first on थोडक्यात घडामोडी.

मुंबई : वर्सोवा परिसरातील यारी रोडजवळ भीषण आग लागली आहे. सिलिंडरचा स्फोट झाल्यामुळे येथील सिलेंडरच्या गोदामालाच आग लागली आहे. मिळालेल्या माहितीनुसार, लागलेली आग ही लेव्हल 2 ची असून यामध्ये आतापर्यंत 4 जण जखमी झाल्याची माहिती मिळत आहे. अग्निशमन दलाच्या 15 गाड्या घटनास्थळी पोहोचल्या असून आग विझवण्याचे काम युद्धपातळीवर सुरु आहे.

सिलेंडरच्या गोदामालाच आग लागल्यानं परिसरात भितीचे वातावरण पसरले आहे. गोदामातून मोठ्या प्रमाणात सिलेंडरच्या स्फोटाच्या आवाजानं परिसर हादरला आहे. सध्या अग्निशमन दलाचे १५ बंब घटनास्थळी दाखल झाले असून आग आटोक्यात आणण्याचे शर्थीचे प्रयत्न सुरु आहेत. या आगीत संपूर्ण गोदाम जळून खाक झाले आहे.

सर्व जखमींना ताबडतोब कूपर रुग्णालयात दाखल करण्यात आलं आहे. मिळालेल्या माहितीनुसार, राकेश कडू (30) आणि लक्ष्मण कुमावत (24) मनजित खान (२०) आणि मुकेश कुमावत (30) अशी जखमींची नावे आहेत.

The post वर्सोवा परिसरात सिलेंडरच्या गोदामाला भीषण आग, ४ जण जखमी appeared first on थोडक्यात घडामोडी.

मुंबई : मुंबईतील मानखुर्द येथे भीषण आग लागली आहे. ही आग इतकी भीषण आहे की, धुराचे लोट १० ते १५ फुट उंच जाताना दूरुन पहायला मिळत आहेत.

मिळालेल्या प्राथमिक माहितीनुसार, मानखुर्द मंडाला येथे तेलाच्या गोदामाला ही आग लागली आहे. तेलाच्या गोदामाला आग लागल्याने झपाट्याने आग आजुबाजूला पसरली आणि आगीने रौद्र रूप धारण केलं. ज्या ठिकाणी ही आग लागली आहे त्या परिसरात लाकडाच्या वखारी आणि भंगाराची गोदाम सुद्धा आहेत. तसेच जवळच रहिवासी परिसर आहे.

आगीची माहिती मिळताच घटनास्थळी अग्निशमन दलाच्या १५ गाड्या दाखल झाल्या आहेत. अग्निशमन दलाच्या जवानांकडून आगीवर नियंत्रण मिळवण्याचे प्रयत्न सुरू आहेत.

मुंबईतील मानखुर्द येथे भीषण आग लागली. अग्निशमन दलाच्या १५ गाड्या दाखल…#mumbaifire #firebreakout #MumbaiFireupdates #Mumbai #मुंबई #mankhurd, #mumbaifirebirgade #मानखुर्द #अग्निशमनदल pic.twitter.com/ZZtldsQcXZ

— थोडक्यात घडामोडी : MARATHI NEWS – मराठी बातम्या (@thodkyaatnews) February 5, 2021

सविस्तर वृत्त लवकरच…

The post ब्रेकिंग : मुंबईतील मानखुर्द येथे भीषण आग appeared first on थोडक्यात घडामोडी.

मुंबई : पवईतील हिरापन्ना मॉलसमोरील म्हाडा कॉलनीतील एनटीपीसी इमारतीच्या सहाव्या माळ्यावर एका घरात आज (30 नोव्हेंबर) संध्याकाळी साडेसहा वाजेच्या सुमारास भीषण आग लागली. आगीची माहिती मिळताच अग्निशमन दलाच्या चार गाड्या घटनास्थळी दाखल झाल्या आहेत. आगीमागील कारण अद्याप अस्पष्ट आहे. अग्निशमन दलाचे जवान युद्धपातळीवर आग विझवण्याचे काम करत आहेत.

सध्या या इमारतीतील सर्व रहिवाश्यांना बाहेर काढण्यात आलं आहे. आगीत आतापर्यंत कोणत्याही प्रकारची जीवितहानी झाली नसल्याची माहिती अग्निशमन दलाकडून देण्यात आली आहे. आग वाढली तर अग्निशमन दलाच्या दहा ते बारा गाड्या घटनास्थळी दाखल होतील. आगीचे दृश्य सोशल मीडियावर व्हायरल झाले आहेत. या व्हिडीओमधून आगीची भीषणता स्पष्टपणे दिसत आहे.

The post पवईत म्हाडा कॉलनीतील इमारतीला भीषण आग; अग्निशमन दलाच्या गाड्या घटनास्थळी दाखल appeared first on थोडक्यात घडामोडी.

मुंबई : मुंबई सेंट्रल येथील सिटी मॉलला आग लागल्याची माहिती मिळातच अग्निशमन दलाचे जवान घटनास्थळी दाखल झाले असून आगीवर नियंत्रण मिळवण्याचे काम सुरू आहे. घटनास्थळी दाखल झालेल्या अग्निशमन दलाच्या जवानांनी मॉलमधील सर्व नागरिकांना सुरक्षित बाहेर काढले आहे. त्यासोबतच आगीवर नियंत्रण मिळवण्याचे प्रयत्न सुरू केले.

रात्री नऊ वाजण्याच्या सुमारास सिटी सेंट्रल मॉलमध्ये शॉर्ट सर्किटमुळे अचानक आग लागली असावी असा प्राथमिक अंदाज वर्तवण्यात येत आहे. ज्यावेळी ही आग लागली त्यावेळी मॉलमध्ये अनेक नागरिक उपस्थित होते. मॉलमध्ये लागलेल्या आगीमुळे धुराचे लोट बाहेर मॉलमधून बाहेर येताना दिसत होते. मॉलमधील एका व्यक्तीने घटनेचा व्हिडिओ शूट केला आहे या व्हिडिओत दिसत आहे की, मॉलमध्ये मोठ्या संख्येने नागरिक आहेत आणि संपूर्ण मॉलमध्ये धुराचे लोट आहेत.

The post मुंबईत सिटी मॉलमध्ये आग, अग्निशमन दलाचे आगीवर नियंत्रण मिळवण्याचे प्रयत्न सुरू appeared first on थोडक्यात घडामोडी.