नवी दिल्ली : मार्च 2020 मध्ये देशात आणि जगामध्ये कोरोना महामारीची सुरुवात झाल्यानंतर लाखो लोकांना आपला जीव गमवावा लागला आहे. भारतातही कोरोनामुळे मोठ्या प्रमाणात लोकांचा मृत्यू झाला आहे. कोरोनाच्या दुसऱ्या लाटेत मोठ्या प्रमाणात मुले अनाथ झाली आहेत. अशा परिस्थितीत केंद्र सरकारने कोरोनामुळे ज्या मुलांचे पालक गमावले आहेत त्यांच्यासाठी पीएम केअर फॉर चिल्ड्रन योजना सुरू केली आहे.

30 मे 2022 रोजी पंतप्रधान नरेंद्र मोदी यांनी व्हर्च्युअल पद्धतीने पीएम केअर फॉर चिल्ड्रन योजना सुरू केली. या योजनेची सुरुवात करून, पंतप्रधान नरेंद्र मोदी यांनी आज पीएम केअर्स फॉर चिल्ड्रन पासबुक आणि आयुष्मान भारत-प्रधानमंत्री जन आरोग्य योजना व्हर्च्युअल हेल्थ कार्ड देखील लॉन्च केले आहे. विशेष म्हणजे, कोरोनाच्या दुसऱ्या लाटेनंतर, सरकारने मोठ्या संख्येने अनाथ मुलांना आर्थिक मदत जाहीर केली होती आणि त्यांच्या शिक्षणासाठी आणि उज्ज्वल भविष्यासाठी या योजनेची सुरुवात केली होती. चला तर मग या योजनेद्वारे दिल्या जाणाऱ्या सुविधांबद्दल जाणून घेऊ…

पीएम केअर योजनेंतर्गत मुलांना मिळणारे लाभ :

1. कोरोना महामारीच्या काळात अनाथ झालेल्या मुलांना 18 वर्षे वयापर्यंत दरमहा 4,000 रुपये मानधन दिले जाणार आहे.
   मुलाचे वय 23 वर्षे पूर्ण झाल्यानंतर सरकारकडून 10 लाख रुपयांची आर्थिक मदत दिली जाईल.
2. मुलांना मोफत शिक्षणाचा लाभ मिळेल.
3. 11 ते 15 वर्षे वयापर्यंत मुलांना नवोदय विद्यालय किंवा कोणत्याही निवासी शाळेत प्रवेश दिला जाईल.
4. मुलांच्या उच्च शिक्षणासाठी कर्ज मदत दिली जाईल. कर्जावरील व्याज पीएम केअर फंडातून दिले जाईल.
5. शासकीय आयुष्मान भारत योजनेंतर्गत अशा बालकांना 18 वर्षे वयापर्यंत 5 लाख रुपयांचे आरोग्य कार्ड दिले जाणार आहे.
6. दुसरीकडे, जर एखाद्या मुलाचा प्रवेश खाजगी शाळेत झाला तर त्याची फी पीएम केअर्स फंडातून दिली जाईल.
7. मुलांच्या फी व्यतिरिक्त शालेय गणवेशाचा खर्च पीएम केअर फंडातून दिला जाईल.

कोरोना महामारीमध्ये ज्या मुलांनी आपले पालक गमावले आहेत त्यांच्या मदतीसाठी ही योजना सुरू करण्यात आली आहे. या योजनेद्वारे अशा मुलांच्या संगोपनापासून इतर खर्च सरकार उचलणार आहे.

The post पीएम केअर फॉर चिल्ड्रेन : कोरोना काळात अनाथ झालेल्या मुलांसाठी मोठी भेट, योजनेचे तपशील जाणून घ्या appeared first on थोडक्यात घडामोडी.

नवी दिल्ली : इंडियन मेडिकल असोसिएशनचे उपाध्यक्ष डॉ. नवज्योत दाहिया यांनी पंतप्रधान नरेंद्र मोदी हे कोरोनाचे ‘सुपर स्प्रेडर’ असल्याचं म्हटलं आहे. देशामध्ये कोरोनाची दुसरी लाट आली असताना राजकीय सभा घेणे तसेच कुंभमेळ्यासारख्या कार्यक्रमांच्या आयोजनासाठी सहमती दर्शवल्याने कोरोनाचा मोठ्याप्रमाणात प्रसार झाल्याने डॉ. नवज्योत यांनी मोदींना सुपर स्प्रेडर म्हटल्याचं, द ट्रेब्युने दिलेल्या वृत्तात म्हटलं आहे.

इंडियन मेडिकल असोसिएशनचे उपाध्यक्ष डॉ. नवज्योत दाहिया म्हटले कि, कोरोना विषाणूसंदर्भातील नियम जास्तीत जास्त लोकांपर्यंत पोहचावे यासाठी आरोग्य सेवेतील लोकं काम करत असतानाच दुसरीकडे पंतप्रधानांनी मोठ्या प्रचार सभांना संबोधित करण्यासंदर्भातील निर्णय घेताना मागे पुढे पाहिले नाही. त्यांनी करोनासंदर्भातील सर्व नियम मोडले. तसेच देशामध्ये कोरोनाचा पहिला रुग्ण जानेवारी २०२० मध्ये आढळून आला त्यावेळीही मोदींनी या विषयाकडे गांभीर्याने पाहिलं नाही. त्यावेळी त्यांनी गुजरातमध्ये अमेरिकेचे राष्ट्राध्यक्षांसाठी लाखो लोकांना एकत्र करुन सभा घेतली, आता करोनाच्या दुसरी लाट अद्याप सर्वोच्च स्तरावर पोहचलेली नसतानाही देशातील आरोग्य सेवा डळमळत असल्याचं चित्र दिसत असतानाही पंतप्रधानांनी मागील वर्षभरामध्ये आरोग्यसेवा मजबूत करण्यासंदर्भात काही निर्णय घेतल्याचं दिसून आलं नाही, असंही डॉ. नवज्योत म्हणाले आहेत.

आंतरराष्ट्रीय प्रसारमाध्यमांनीही पंतप्रधान मोदींवर टीका केली असून सध्याची देशातील कोरना परिस्थिती ही मोदींच्या नियोजनशून्य कारभाराचा परिणाम असल्याचं अनेक मोठ्या वृत्तपत्रांनी म्हटलं आहे. ऑक्सिजनच्या कमतरतेमुळे अनेक ठिकाणी रुग्ण दगावत असल्याचं डॉ. नवज्योत म्हणाले आहेत.  अनेक रुग्णालयांमध्ये ऑक्सिजन प्लॅण्ट उभारण्यासंदर्भातील होकार केंद्राने न दिल्याने प्रकल्प रडखले आहेत. मोदी सरकारने या गोष्टींना फार महत्व दिलं नाही, अशी टीका नवज्योत यांनी केलीय.

देशातील अनेक शहरांमध्ये स्मशानभूमींबाहेर अंत्यविधीसाठी लागलेल्या रांगा या करोना परिस्थितीची दाहकता दर्शवणाऱ्या आहेत, असंही डॉ. नवज्योत म्हणाले आहेत. शेतकरी आंदोलनासंदर्भातही पंतप्रधान नरेंद्र मोदींनी योग्य ते निर्णय घेतले नाही. मोठ्या प्रमाणात आंदोलक शेतकऱ्यांना एकत्र येऊ दिलं. प्रश्न सोडवण्यापेक्षा आंदोलन होऊ दिलं आणि त्या माध्यमातून कोरोनाचा धोका वाढला, असं डॉ. नवज्योत म्हणाले. तसेच बाबा राम देव यांच्या पतांजलीच्या औषधांना समर्थन देण्याच्या मोदी सरकारच्या निर्णयावरही डॉ. नवज्योत यांनी टीका केली.

The post पंतप्रधान नरेंद्र मोदी हे कोरोनाचे ‘सुपर स्प्रेडर’ – डॉ. नवज्योत दाहिया appeared first on थोडक्यात घडामोडी.

नवी दिल्ली : पंतप्रधान नरेंद्र मोदी यांनी आज पुन्हा एकदा देशावासियांशी ‘मन की बात’ मधून संवाद साधला आणि देशवासियांना धीर देण्याचा प्रयत्न केला. देशभरात सुरू असलेल्या कोरोनाच्या संकटावर त्यांनी भाष्य केलं. कोरोनाच्या दुसऱ्या लाटेबद्दलची मतं त्याचबरोबर लोकांना पडणाऱ्या प्रश्नांची उत्तरं जाणून घेतली. ते म्हटले कि, कोरोना संयमाची परीक्षा घेत आहे. आपले अनेक सहकारी, नातेवाईक आपल्याला सोडून गेले आहेत. हा धैर्य आणि संयमाचा क्षण आहे असे मोदी म्हटले.

त्याचबरोबर पंतप्रधानांनी देशातील विविध भागात कार्यरत असलेल्या पहिल्या फळीतील कोविड योद्ध्यांशी चर्चा केली. यावेळी पंतप्रधानांनी महाराष्ट्र कोविड टास्क फोर्सचे सदस्य डॉ. शशांक जोशी यांच्याशी चर्चा केली. त्यांनी लोकांच्या मनातील काही शंका उपस्थित केल्या.

डॉ. शशांक जोशी यांच्याशी बोलताना पंतप्रधान म्हणाले, तुमच्या विचारातील स्पष्टता मला आवडली. आपण सध्या दिवसरात्र काम करत आहात. आपण लोकांना दुसऱ्या लाटेबद्दल सांगावं. कोरोनाची दुसरी लाट कशी वेगळी आहे आणि काय काळजी घ्यायला हवी? असा प्रश्न मोदींनी केला. त्याला उत्तर देताना शशांक जोशी म्हणाले, “दुसरी लाट खूप वेगानं आली आहे. पहिल्या लाटेपेक्षा यावेळी विषाणूच्या प्रसाराचा वेग जास्त आहे. चांगली बाब ही आहे की, रिकव्हरी रेट आहे आणि मृत्यूदर खूप कमी आहे. यावेळी कोरोनाचा संसर्ग तरुणांमध्ये आणि मुलांमध्येही दिसून येत आहे. लक्षणांमध्ये आणखी भर पडली आहे. लोक घाबरलेले आहेत. पण, घाबरण्याची गरज नाही. ८० टक्के लोकांना लक्षणेच नाहीत. म्युटेशनमुळे घाबरून जाण्याची गरज नाही.”

त्यानंतर पंतप्रधान मोदी यांनी दुसरा प्रश्न विचारला. ‘मला अनेक पत्र मिळाली आहेत. उपचारांविषयी लोकांच्या मनात अनेक शंका आहेत. काही औषधांची मागणीही खूप होतेय. त्यामुळे कोरोनाच्या उपचाराविषयीही आपण लोकांना माहिती द्यावी.’ त्यावर जोशी म्हणाले,”कोरोनाचा उपचार लोक खूप उशिराने सुरू करतात. आजार अंगावर काढतात. त्याचबरोबर मोबाईलवर येणाऱ्या माहितीवर लोक विश्वास ठेवतात. लोकांनी सरकारच्या सूचनांचं पालन केलं, तर कठिण परिस्थितीला तोंड देण्याची वेळ येत नाही. कोरोना रुग्णांवर उपचार करण्यासाठी तीन प्रकारे वर्गीकरण केलेलं आहे. हलका, मध्यम आणि तीव्र कोरोना … हलका स्वरूपातील लक्षणं असलेल्यांनी ताप आणि ऑक्सिजनची पातळी तपासण्याबरोबरच डॉक्टरांचा सल्ला घ्यावा. मध्यम व तीव्र कोरोना असलेल्यांनी डॉक्टरांचा सल्ला घेणं खूप गरजेचं आहे. स्वस्तातील औषधं उपलब्ध आहेत. मात्र, सध्या चाचण्यांमध्ये असलेल्या रेमडेसिवीरची चर्चा होत आहे. यामुळे एक गोष्ट होते की रुग्णाला रुग्णालयात दोन तीन दिवस कमी राहावं लागतं. तब्येत सुधारण्यास मदत होते. पण, सुरूवातीच्या दिवसांमध्ये हे औषध दिल्यानंतर रुग्णाची प्रकृती सुधरण्यास मदत होते. लोकांनी व्हॉट्सअपवरील माहितीवर विश्वासू ठेवू नये. लोकांवर चांगल्या पद्धतीने उपचार केले जात आहेत. महागड्या औषधांमागे लागण्यात काही अर्थ नाही. काही भ्रम लोकांमध्ये तयार झालेले आहेत,” असं शशांक म्हणाले. या माहितीबद्दल पंतप्रधान मोदी यांनी आभार मानले.

Tune in to #MannKiBaat April 2021. https://t.co/ti5rqBhiWH

— Narendra Modi (@narendramodi) April 25, 2021

पंतप्रधान नरेंद्र मोदी यांच्या मन की बात काही महत्वाचे मुद्दे :

1. अफवांवर विश्वास ठेवू नका
   केंद्र सरकारकडून सर्व राज्यसरकारांना विनामूल्य लस पुरवण्यात आली आहे, जिचा लाभ 45 वर्षांवरील सर्व लोक घेऊ शकतात. आता 1 मे पासून देशात 18 वर्षांवरील प्रत्येकाला लस उपलब्ध होणार आहे, असं ते म्हणाले. केंद्र सरकार सर्व राज्यांना मोफत कोरोना लसी पाठवत आहे. कोणत्याही नागरिकानं कोरोना लसीबाबतच्या अफवांवर विश्वास ठेवू नये, असं आवाहनही त्यांनी केलं.
2. मनोधैर्य उंचावलं होतं
   कोरोनाच्या पहिल्या लाटेवर यशस्वीपणानं मात केल्यानंतर देशातील जनतेचे मनोधैर्य उंचावलेले होते. मात्र, दुसऱ्या लाटेने देशाला धक्का दिला. आपल्याला दुसऱ्या लाटेवर विजय मिळवायचा आहे. कोरोना संदर्भात तज्ञ, औषध उद्योग आणि ऑक्सिजन निर्मिती यावर बैठका घेत आहे, असं त्यांनी स्पष्ट केलं.
3. कॉर्पोरेट क्षेत्राला आवाहन
   देशातील कॉर्पोरेट क्षेत्रानं कोरोना लसीकरणाच्या मोहिमेत सहभागी व्हावं आणि त्यांच्या कर्मचाऱ्यांना लसीकरण करुन घ्यावं, असं आवाहन करतानाच केंद्र सरकार भविष्यामध्येही कोरोना लसीकरणाचा मोफत कार्यक्रम सुरु ठेवेल. राज्यांनी मोफत लसीकरणाचा कार्यक्रम जनतेपर्यंत पोहोचवावा, असं आवाहनही त्यांनी केलं.
4. रुग्णवाहिका चालकांचं मोठं योगदान
   यावेळी त्यांनी रुग्णवाहिका चालकांचंही कौतुक केलं. कोरोना विषाणू संसर्गाच्या विरोधातील लढ्यामध्ये रुग्णवाहिका चालकांचं मोठं योगदान आहे. माझ्या मनात त्यांच्याविषयी धन्यवादाची भावना आहे, असं ते म्हणाले.
5. थेट तज्ज्ञांशी संवाद
   नागरिकांमध्ये कोणत्या प्रकारे कोरोनाची भीती निर्माण होऊ नये म्हणून मोदींनी थेट तज्ज्ञांना मन की बातमध्ये पाचारण केलं. तसेच त्यांना देशावासियांशी संवाद साधायला लावला. मुंबईतील लिलावती रुग्णालयाती प्रसिद्ध डॉक्टर शशांक जोशी, श्रीनगरचे डॉ. नाविद यांना जनतेशी संवाद साधायला संधी दिली. तसेच रुग्णवाहिका चालवणारे, कोरोना आजारातून बऱ्या झालेल्या गृहिणींचाही देशवासियांशी संवाद साधून दिला.

The post पंतप्रधानांचा देशवासियांना धीर देण्याचा प्रयत्न, महाराष्ट्र कोविड टास्क फोर्सचे डॉ. शशांक जोशी यांच्याशी चर्चा… appeared first on थोडक्यात घडामोडी.

दिल्ली : पंतप्रधान नरेंद्र मोदी यांनी विधानसभा निवडणुकी अगोदर ट्विट करून बिहार वासियांना आवाहन केले कि, बिहार विधानसभा निवडणुकीत आज दुसर्‍या टप्प्यात मतदान होणार आहे. माझे सर्व मतदारांना आवाहन आहे की त्यांनी मोठ्या संख्येने मतदान करुन लोकशाहीचा हा उत्सव यशस्वी करावा. या दरम्यान, खालील सामाजिक अंतरासह मास्क घाला: पंतप्रधान नरेंद्र मोदी.

बिहार विधानसभा चुनावों में आज दूसरे चरण के लिए वोट डाले जाएंगे। सभी मतदाताओं से मेरी अपील है कि वे भारी संख्या में मतदान कर लोकतंत्र के इस उत्सव को सफल बनाएं। इस दौरान सोशल डिस्टेंसिंग का पालन करने के साथ ही मास्क जरूर पहनें।

— Narendra Modi (@narendramodi) November 3, 2020

The post पंतप्रधान नरेंद्र मोदी यांचे विधानसभा निवडणुकी अगोदर बिहार वासियांना आवाहन… appeared first on थोडक्यात घडामोडी.

अहमदाबाद : गुजरातचे माजी मुख्यमंत्री आणि पंतप्रधान नरेंद्र मोदी यांचे निकटवर्तीय केशुभाई पटेल यांचं गुरुवारी हृदयविकारानं निधन झालं. ते ९२ वर्षांचे होते.

केशुभाई पटेल यांनी दोन वेळा गुजरातचं मुख्यमंत्रीपद भुषवलं. पंतप्रधान नरेंद्र मोदी यांच्याबरोबर त्यांचे अनेक वर्षांपासून घनिष्ठ संबंध होते. केशुभाई यांचा जनसंघाच्या संस्थापक सदस्यांमध्येही समावेश होतो. दोन वेळा मुख्यमंत्री पदावर विराजमान होण्याची संधी त्यांना मिळाली. मात्र राजकारणामुळे तख्तपालट होऊन दोन्ही वेळेला आपला कार्यकाळ त्यांना पूर्ण करता आला नाही.

१९७७ साली केशुभाई पटल राजकोटमधून लोकसभेचे खासदार बनले होते. त्यानंतर मात्र त्यांनी राजीनामा दिला आणि बाबूभाई पटेल यांच्या जनता मोर्चा सरकारमध्ये १९७८ ते १९८० पर्यंत कृषीमंत्री म्हणून जबाबदारी सांभाळली.

२००१ साली त्यांच्याऐवजी नरेंद्र मोदी यांनी मुख्यमंत्रीपदाची शपथ घेतली. नरेंद्र मोदी केशुभाई यांना आपला राजकीय गुरू मानत होते. व्हिडीओ ट्विट करत पंतप्रधान मोदी म्हणाले कि, आदरणीय केशुभाई पटेल यांचे निधन झाल्याने मी दु: खी आहे.

हम सभी के प्रिय, श्रद्धेय केशुभाई पटेल जी के निधन से मैं दुखी हूं, स्तब्ध हूं। https://t.co/kWCDdWmyOR

— Narendra Modi (@narendramodi) October 29, 2020

The post गुजरातचे माजी मुख्यमंत्री केशुभाई पटेल यांचं निधन, पंतप्रधान मोदी यांनी व्यक्त केलं दुःख appeared first on थोडक्यात घडामोडी.

दिल्ली : जेव्हा भारत कोणाशी मैत्रीचा हात पुढे करतो तेव्हा तो तिसऱ्या देशाविरोधात नसतो, असे प्रतिपादन पंतप्रधान नरेंद्र मोदी यांनी संयुक्त राष्ट्रांच्या आमसभेत केले. भारतानं कायमचं विश्वकल्याणाला प्राधान्य दिलं असल्याचंही त्यांनी यावेळी जगाला सांगितंल.

मोदी म्हणाले, “भारतानं जर कोणाला मैत्रीचा हात दिला तर त्याचा अर्थ तो कधीच तिसऱ्या देशाच्या विरोधात आहे असा होत नाही. भारत जेव्हा विकासाचं सहकार्य कायम ठेवतो त्यावेळी त्याच्यामागे कोणत्यातरी सहकारी देशाला बळजबरी करण्याचा विचार नसतो. आम्ही आमच्या विकासाच्या प्रवासात मिळालेला अनुभव शेअर करायलाही मागेपुढे पाहत नाही भारतानं कायम विश्वकल्याणाला प्राधान्य दिलं आहे. भारत एक असा देश आहे ज्याने आपले ५० शूर जवान जगातील विविध शांतता मोहिमेवर पाठवले आहेत. भारताने कायम संपूर्ण मानव जातीच्या हिताचा विचार केला आहे. भारतानं आपला स्वार्थ पाहिला नाही, भारताची धोरणं कायम याने प्रेरित राहिली आहेत. महामारीच्या या कठीण काळातही भारताची फार्मा इंडस्ट्रीने १५० पेक्षा अधिक देशांना गरजेची औषध पाठवली आहेत”, असंही मोदी यावेळी म्हणाले.

The post जेव्हा भारत कोणाशी मैत्रीचा हात पुढे करतो तेव्हा तो तिसऱ्या देशाविरोधात नसतो – पंतप्रधान appeared first on थोडक्यात घडामोडी.

काँग्रेसचे खासदार राहुल गांधी यांनी मागील काही दिवसांपासून मोदी सरकारच्या धोरणांवर जोरदार हल्ला चढवला आहे. त्यांनी मोदी सरकारच्या नोटबंदी, जीएसटी आणि लॉकडाऊन अशा अनेक निर्णयांना लक्ष्य केलं आहे. यावेळी त्यांनी सरकारी कार्यालयातील नव्या नोकर भरतीवरील स्थगितीवर भाष्य केलं आहे.

राहुल गांधी म्हणाले, “मोदी सरकारचा विचार ‘कमीत कमी शासन आणि सर्वाधिक खासगीकरण’ असा आहे. कोव्हिड फक्त निमित्त आहे. मोदी सरकारला सरकारी कार्यालयांना कायमस्वरुपी कर्मचाऱ्यांपासून मुक्त करायचं आहे. त्यांना युवकांचं भविष्य खराब करुन आपल्या मित्रांनाच पुढे न्यायचं आहे.

राहुल गांधी यांनी ट्विट करत म्हटलं कि, देशातील 12 कोटी रोजगार गेले आहेत. 5 ट्रिलियन डॉलर अर्थव्यवस्था कुठेच दिसत नाही. सामान्य नागरिकांचं उत्पन्न गायब आहे, देशाचा विकास आणि सुरक्षा देखील गायब आहे, प्रश्न विचारले तर उत्तरं गायब आहेत.

? 12 करोड़ रोज़गार गायब
? 5 ट्रिलियन डॉलर अर्थव्यवस्था गायब
? आम नागरिक की आमदनी गायब
? देश की खुशहाली और सुरक्षा गायब
? सवाल पूछो तो जवाब गायब।#विकास_गायब_है

— Rahul Gandhi (@RahulGandhi) September 4, 2020

The post ‘कमीत कमी शासन आणि सर्वाधिक खासगीकरण’ हा मोदी सरकारचा विचार- राहुल गांधी appeared first on थोडक्यात घडामोडी.

शुक्रवारी पंतप्रधान नरेंद्र मोदी यांनी सरदार वल्लभभाई पटेल पोलीस अकादमी येथे भारतीय पोलीस दलाच्या प्रशिक्षणार्थ्यांसमवेत दीक्षांत परेड सोहळ्याप्रसंगी व्हिडीओ कॉन्फरन्सच्या माध्यमातून संवाद साधला. त्यावेळी त्यांनी अधिकाऱ्यांना आपले कर्तव्य करताना कोणत्याही गैरकृत्यात सामील होवू नका, असा सल्ला दिला.

नवीन ड्यूटी जॉईन केलेले काही अधिकारी ‘सिंघम’ सारख्या चित्रपटांपासून प्रभावित होतात आणि दिखावाच जास्त करतात. लोकांनी आपल्याला घाबरलं पाहिजे आणि समाजकंटकांनी आपलं नाव ऐकताच थरथर कापलं पाहिजे ही गोष्ट त्यांच्या डोक्यात फिट होते. आणि त्यामुळेच जी काही मुख्य कर्तव्य करायची असतात त्याकडे दुर्लक्ष होते, असं पंतप्रधान मोदी म्हणाले.

पंतप्रधान मोदी म्हणाले की, प्रशिक्षणार्थ्यांनी गणवेशाची शक्ती दाखवण्याऐवजी त्याचा अभिमान बाळगला पाहिजे. तुमच्या खाकी गणवेशाविषयीचा आदर कधीही गमावू नका. विशेषतः या कोविड-19 दरम्यान पोलिसांनी केलेल्या चांगल्या कामांमुळे खाकी वर्दीचा मानवी चेहरा सार्वजनिक आठवणीत कोरला गेला आहे.

The post ‘सिंघम’ सारखा दिखावा करू नका, कर्तव्य पार पाडा- पंतप्रधान मोदी appeared first on थोडक्यात घडामोडी.

देशातील 6 लाख आशा सेविकांनी संप पुकारला आहे. सन्मानजनक आणि वेळेवर वेतन मिळावं, त्याचबरोबर वेतन निश्चित करण्यात यावं यासह इतर मागण्यांसाठी आशा सेविकांनी संप पुकारला आहे. या मुद्यावरून काँग्रेसचे नेते राहुल गांधी यांनी मोदी सरकारला सुनावलं आहे.

कोरोनाचा संक्रमणाचा प्रसार रोखण्यासाठी सरकारकडून अधिकाधिक चाचण्या करण्याचं काम सुरू आहे. यासाठी आशा सेविकांची मदत घेतली जात आहे. मात्र आता आशा सेविकांनी संप पुकारला आहे. आशा सेविकांच्या संपावरून काँग्रेसचे नेते राहुल गांधी यांनी मोदी सरकारवर निशाणा साधला आहे.

देशातील प्रत्येक घरापर्यंत आशा सेविका आरोग्य सुरक्षा पोहोचवतात. खऱ्या अर्थानं त्या आरोग्ययोद्धा आहेत, पण आज स्वतःच्या हक्कासाठी संप करण्यासाठी मजबूर झाल्या आहेत. सरकार मुकं तर होतंच, कदाचित आता दृष्टिहीन आणि बहिरंही झालंय, अशा शब्दात राहुल गांधी यांनी मोदी सरकारला लक्ष्य केलंय.

The post आशा सेविकांच्या संपावरून राहुल गांधी यांनी मोदी सरकारवर साधला निशाणा appeared first on थोडक्यात घडामोडी.

आपल्या देशातले शास्त्रज्ञ करोनावर लस शोधण्यासाठी रात्रंदिवस कार्यरत आहेत असं मोदींनी म्हटलं आहे.पंतप्रधान नरेंद्र मोदी यांनी आज व्हिडीओ कॉन्फरन्सिंगद्वारे देशातल्या मुंबई, दिल्ली आणि कोलकाता येथील हायटेक लॅबचे उद्घाटन केले. त्यानंतर ते बोलत होते.

सुरुवातीला आपल्या देशात करोनाच्या चाचण्या करण्यासाठी एकच लॅब होती. आता संपूर्ण देशात १३०० लॅब्स आहेत. तर देशभरात पाच लाख टेस्ट रोज होत आहेत. अशी माहिती पंतप्रधान नरेंद्र मोदी यांनी दिली.

करोनाच नाही तर इतर प्राणघातक आजारांवरही लस उपयोगी ठरेल असंही पंतप्रधान नरेंद्र मोदी यांनी म्हटलं आहे. करोना विरोधात लढण्याचा संकल्प घेऊन सगळा देश काम करतो आहे. सध्या रोज देशभरात ५ लाख चाचण्या होत आहेत. त्या चाचण्या १० लाखांपर्यंत घेऊन जाण्याचं उद्दीष्ट आहे असंही मोदींनी म्हटलं आहे.

The post देशातले शास्त्रज्ञ करोनाविरोधी लस शोधण्यासाठी वेगाने काम करत आहेत-पंतप्रधान मोदी appeared first on थोडक्यात घडामोडी.